ENTRY | FISCAL NEWS | AL-TAX | LIBRARY | LEGISLATION | CONTACT

altax.gif

FISCAL NEWS



Lajme Fiskale  

(P╦RMBLEDHJE E LAJMEVE DHE OPINIONEVE N╦ MEDIAN E SHKRUAR 2011-2014)






VITI 2014

SHTATOR

18.09.2014...Shqipëria është e para në Ballkan për sa i përket nivelit të depozitave në raport me PBB-në, me 71% të PBB-së, ku raportin më të ulët e ka Mali i Zi, me 45.82%. Por Shqipëria renditet nga fundi lidhur me përdorimin e këtyre parave për kreditimin...(Burimi: gazeta-shqip.com)

18.09.2014...Që nga fundi i vitit 2013, interesi ka zbritur me gjsymë pikë përqindje, ndërsa krahasuar me të njëjtën periudhë të vitit 2013 me 2.8 pikë përqindje. Në vlera akoma më të ulëta kanë rënë interesat e depozitave në euro. Depozitat 12 mujore në euro paguheshin mesatarisht 0.88% në muajin Qershor, nga 1.64% në Dhjetor të vitit të kaluar dhe 2.27% në Qershor 2013. Ulja e interesave është transmetim i politikës monetare ekspansioniste të ndjekur nga Banka Qendrore Europiane dhe Banka e Shqipërisë...(Burimi: scan-tv.com)

17.09.2014...Ministria e Financave ka publikuar tabelën paraprake të të ardhurave për periudhën janar-gusht 2014. Sipas të dhënave paraprake, ritmet e rritjes së të ardhurave janë përshpejtuar sërish në gusht, duke bërë që për periudhën janar-gusht 2014 të hyjnë në buxhet 236.3 miliardë lekë, apo 12.3% më shumë se e njëjta periudhë e vitit të kaluar...(Burimi: monitor.al)

17.09.2014...Niveli i kredive të këqija ka kapur nivelin më të lartë qysh nga viti 2001, me gjithë rezultatin pozitiv në të ardhurat e bankave. Sipas statistikave të publikuara dje nga Shoqata Shqiptare e Bankave, kredia me probleme në fund të muajit korrik arriti në 24.9% të totalit të huas së dhënë. Ndërsa në muajin qershor 2014, kredia e keqe ishte 24.1% e totalit...(Burimi: gzeta-shqip.com)

17.09.2014...Shpenzimet buxhetore për tetëmujorin vijuan tendencën rritëse të nisur në korrik, si rrjedhojë e dy faktorëve kryesorë, shtimit të kostos për subvencionimin e skemës së pensioneve dhe shlyerjes së detyrimeve të prapambetura, një zë i ri, që është futur për herë të parë në buxhetin këtij viti. Megjithatë, rritja e këtyre dy zërave është neutralizuar disi nga tkurrja e fortë e shpenzimeve kapitale, ndërkohë që kthimi i detyrimeve të prapambetura ka ndalur ritmin në gusht, një prirje kjo që ishte paralajmëruar nga financat, në pritje të auditivit të procesit të deritanishëhm...(Burimi: monitor.al)

16.09.2014...OPINION. Dritan SHANO. Po rriten taksat? S'keni pare asgje akoma...viti 2015 duket se do te jete nje vit shume me i veshtire per qytetaret dhe bizneset shqiptare. Deri tani eshte e sigurt qe ne shqiperine socialiste te vitit 2015 do paguhen akoma she me shume taksa. S'kemi pare gje akoma...(Burimi: panorama.com.al)

16.09.2014...Fitimi i sistemit bankar për shtatë muajt e vitit arriti në afro 5.7 miliardë lekë. Sipas të dhënave nga Shoqata Shqiptare e Bankave, fitimi u rrit me më shumë se dy miliardë lekë në muajin Korrik krahasuar me të dhënat e fundit të Qershorit...(Burimi: scan-tv.com)

15.09.2014...Administrata Tatimore e Kosovës (ATK) për tetë muajt e parë të këtij viti ka arritur të grumbullojë të hyra në vlerë prej 201.2 milionë eurosh, shumë e njëjtë me atë të vitit të kaluar. Valentina Bytyqi-Sefa, zyrtare për Komunikim me Publikun në ATK, ka deklaruar se të hyrat e realizuara gjatë periudhës janar-gusht 2014 kapin shumën prej 201.2 milionë eurosh. Kjo shumë është e përafërt me të hyrat e periudhës së njëjtë të vitit të kaluar. Administrata Tatimore e Kosovës i konsideron si trend pozitiv këto të hyra, pavarësisht situatës aktuale ekonomike...(Burimi:te;egrafi.com)

14.09.2014...Vetëm disa muaj më parë, udhëheqësit e Eurozonës besuan se, meqë kaluan stuhinë, më në fund po stabilizoheshin. Nxitur nga premtimi i Mario Draghi-t, presidenti i Bankës Qendrore Evropiane, për të bërë gjithçka që do të jetë e nevojshme në mbështetje të monedhës, kontinentit iu rikthye besimi. Gjasat janë se rritja është kthyer, edhe pse me një ritëm të ngadaltë...(Burimi: standard.al)

13.09.2014...Dy kompanitë e para në listën e 100 më të mëdhave nga qarkullimi vjetor gjatë vitit 2013 janë në fushën e naftës, Bankers Petroleum, e cila është aktive në zbulim e nxjerrje të naftës dhe Kastrati, e dyta, në tregtimin me shumicë e pakicë të produkteve të hidrokarbureve...(Burimi: monitor.al)

12.09.2014...Si ka qenë fati i kompanive më të mëdha shqiptare gjatë vitit të kaluar? Janë pak ato që janë fuqizuar, ndërkohë që subjekte shumë të fuqishme janë larguar nga skena, me vendim të politikës, apo si pasojë e falimentit të detyruar nga gabimet e bëra. Nga një analizë të revistës Monitor, lidhur me deklarimet e xhirove të VIP-ave për vitin fiskal 2013, shkëputëm dy detaje, që përbëjnë dy shembuj të bizneseve të mëdha që janë larguar nga tregu VIP dhe një tjetër që tregon se ku është përqendruar vëmendja e qeverisë, si sektor i privilegjuar i ekonomisë...(Burimi: standard.al)

12.09.2014...Sipas tabelave të publikuara nga INSTAT, në fund të 6 mujorit të parë 2014, numri i të punësuarve në sektorin privat jo bujqësor (gjeneruesi kryesor i punësimit në vend) ishte 314,130, duke u rritur neto (hyrjet e reja minus daljet në pension) me vetëm 2462 persona në raport me dhjetorin 2013...(Burimi: monitor.al)

11.09.2014...OPINION. Gjergj EREBARA. Ballkani sheh me shpresë nga paratë e kinezëve. Kryeministri Shqiptar Edi Rama raportohet se ka kërkuar para kineze për ndërtimin e autostradës Rruga e Arbërit, ndërkohë që Mali i Zi shpreson te paratë kineze për ndërtimin e një autostrade për ta lidhur me Serbinë ndërsa Rumania shpreson që Kina do ta ndihmojë në ndërtimin e një termocentrali të ri bërthamor, projekt kyç për zhvillimin e këtij vendi në dekadat e ardhshme...(Burimi: balkanweb.com)

10.09.2014...Fondi Monetar Ndërkombëtar deklaron se ekonomia shqiptare po ringrihet dhe se sinjalet pozitive, të shfaqura në fillim të vitit janë konsoliduar, duke pasqyruar rikthimin e besimit në ekonomi. Ashtu siç e prisnim, këtë herë shohim më shumë sinjale pozitive sesa herën e fundit që ishim këtu, tre muaj më parë. ..(Burimi: mapo.al)

09.09.2014...Qeveria shqiptare ka miratuar garancinë qeveritare, të lëshuar në favor të bankës tregtare Raiffeisen Bank Albania, në kuadër të kushteve të kontratës të kredisë që do të nënshkruhet ndërmjet kësaj banke dhe KESH, sh.a.-së, për shumën ekuivalente në lekë të shumës 35 000 000 euro...(Burimi: standard.al)

08.09.2014...Inflacioni me bazë vjetore, ka arritur në muajin gusht nivelin më të lartë që nga shkurti i këtij viti, duke rezultuar në kufirin e poshtëm të objektivit minimal të Bankës së Shqipërisë prej 2-4%. Që nga muaji mars, norma vjetore e ndryshimit të çmimeve kishte qëndruar nën 2%...(Burimi: gazetadita.al)

06.09.2014...INTERVISTA. Anjeza KELMENDI. Koordinatore banke. Kreditimi i agrobiznesit ka pësuar rritje në vitet e fundit. Rritja e sensibilizimit dhe e nevojës për të rritur biznesin e tyre, ka bërë të mundur që fermerët tu drejtohen bankave të nivelit të dytë për mbështetje...(Burimi: shekulli.com.al)

05.09.2014...Administrata Tatimore e Kosovës (ATK) dhe Ministria e Financave (MF), nuk po munden të gjejnë një gjuhë të përbashkët për fiskalizimin në vend. Dallimi është se ATK po kërkon rimbursimin e shpenzimeve për pajisje fiskale kurse ministria e Financave nuk kanë përpiluar ende një politikë të tillë. Madje për të përpiluar këtë kërkesë ATK-në, e kishin shtyrë ankesat e shumta të tatimpaguesve...(Burimi: telegrafi.com)

05.09.2014...Importet e naftës dhe benzinës kanë shënuar një rritje të qëndrueshme gjatë gjashtë muajve të parë të këtij viti, në raport me të njëjtën periudhë të 2013-s.Sipas statistikave tëpublikuara nga Ministria e Financave, për periudhën janar-qershor 2014 kanë hyrë në territorin shqiptar rreth 897 mijë ton karburant, 4.4% më shumë se një vit më parë...(Burimi: monitor.al)

04.09.2014...Rritet numri i kompanive të Evropës Qendrore, që për të tretin vit radhazi kanë raportuar rënie të të ardhurave të tyre, duke reflektuar ngadalësimin ekonomik të rajonit. Ndërkohë që rezultatet e kompanive në tremujorin e parë të vitit 2014, tregojnë nëse për një numër të madh të tyre, stanjacioni është transformuar në rënie konkrete...(Burimi: gazeta-shqip.com)

03.09.2014...Ndonëse të ardhurat në total për 7-mujorin u rritën me rreth 11% me bazë vjetore për periudhën janar-korrik 2014, duke qenë 1.5% më larta se plani, performanca e tatimeve e doganave rezulton në rënie, sipas të dhënave më të detajuara, të publikuara nga Ministria e Financave. Në total, të ardhurat nga tatimet e doganat ishin 1.5 miliardë lekë apo 1.1% më pak se plani, kryesisht e mbledhjes më pak se parashikimi të tatimfitimit, akcizës dhe taksës nacionale (që ishin përkatësisht 6.8, 16.6% dhe 10.2% më pak se plani)...(Burimi: standard.al)

02.09.2014...INTERVISTA. Greta GREMI. Kontabel i Miratuar. Rreth 45 për qind e ekonomisë në vend është informale. Ndryshimet që vijnë çdo ditë nga komisionet e ligjeve, duket se do të eliminojnë gangrenën që shkakton informaliteti...(Burimi: shekulli.com.al)

02.09.2014...Janë botuar në Fletoren Zyrtare ndryshimet në ligjin për sigurimet shoqërore, të cilat rregullojnë pensionet suplementare dhe fusin për herë të parë konceptin e pensionit social...(Burimi: monitor.al)

02.09.2014...Për gjashtë muaj në Kosovë janë importuar mbi 592 mijë kilogramë kafe. E gjithë kjo sasi e importuar nuk ka paguar akcizë, pasi Qeveria e Kosovës, përkatësisht Ministria e Financave në vitin 2010 kishte vendosur ta heqë akcizën për produktin që hyn te lista e mallrave të luksit, duke e kategorizuar me produkt të domosdoshëm. Sipas burimeve të gazetës, përfitues më të mëdhenj të këtij biznesi del të jenë dy kompani vendore, Devolli Corporation dhe Arena. Të dyja këto kompani janë në listën e doganës si importuesit më të mëdhenj të kafesë...(Burimi: kosova-sot.info)

02.09.2014...Autoriteti i Konkurrencës, pasi ka shqyrtuar kërkesën e ndërmarrjes Rapiscan Systems ICN për revokimin e Vendimit të Komisionit të Konkurrencës nr. 319, datë 13.06.2014 Për disa rekomandime në lidhje me kontratën e koncesionit për financimin, ngritjen dhe operimin e shërbimit të skanimit të kontenierëve e automjeteve të tjera në Republikën e Shqipërisë dhe tarifës së shërbimit të skanimit, ka vendosur ta rrëzojë këtë kërkesë, pasi e ka gjetur të pabazuar në ligj...(Burimi: monitor.al)

02.09.2014...Ekonomia e Zvicrës në tremujorin e dytë të këtij viti, në krahasim me tremujorin e parë ka stagnuar, gjegjësisht nuk është shënuar ngritje dhe as rënie e saj. Siç bën të ditur Seco (Sekretariati Shtetëror për Ekonomi) brutoprodukti vendor gjatë kësaj periudhe praktikisht nuk ka pësuar kurrfarë ndryshimi. Por, nëse ky tremujor krahasohet me tremujorin e dytë të vitit të kaluar, atëherë konstatohet një rritje e vogël prej 0.6 për qind...(Burimi: kosova-sot.info)

01.09.2014...Huaja për ekonominë duket se po shfaq sinjale të qëndrueshme gjallërimi. Statistikat e publikuara sot nga Banka e Shqipërisë tregojnë se në korrik, kredia për biznese e individë u rrit për të tretin muaj radhazi, periudha më e gjatë gjeruese, që nga fillimi i vitit 2012. Totali i huasë për ekonominë në korrik 2014 arriti në 550.6 miliardë lekë, duke u rritur me 0.4% në raport me muajin e mëparshëm...(Burimi: monitor.al)

01.09.2014...Me gjithë faktin se ka vite që ka filluar procesi i fiskalizimit për bizneset e Kosovës, deri më tani as gjysma e tyre nuk janë pajisur me mjetet elektronike fiskale. Nga mbi 130 mijë biznese sa janë të regjistruara në Ministrinë e Tregtisë dhe Industrisë, deri tash Administrata Tatimore e Kosovës ka fiskalizuar 20.175, me gjithsejtë 25.970 pajisje të instaluara në këto biznese...(Buurimi: monitor.al)

GUSHT

31.08.2014...OPINION. Naim BALLUKU. Pensionet e emigrantëve: Për të mos qenë të humbur...Duke qenë në kushtet e një shteti, ku numri i emigrantëve është shumë i madh (Itali dhe Greqi) dhe ende nuk ka një marrëveshje bilaterale për njohjen respektive të vjetërsisë kontributive në të dy vendet, emigrantët shqiptarë ndihen të diskriminuar, pasi pjesa më e madhe e tyre privohen nga përfitimi i pensioneve, duke mbetur pa mjete jetese, kur plotësojnë moshën për pension...(Burimi: monitor.al)

31.08.2014...Sipas raportit të Bankës Qendrore, gjatë gjashtëmujorit të parë të vitit, bankat në vend kanë arritur që të fitojnë 26.9 milionë euro, nga 15.2 milionë euro sa ishin në periudhën e njëjtë të vitit paraprak. Në rritjen e profitit kontributin kryesor e kishte rënia e theksuar e shpenzimeve krahas rënies së lehtë të të hyrave. Gjithsej shpenzimet deri në qershor 2014 u karakterizuan me rënie prej 12.6 për qind...(Burimi: telegrafi.com)

30.08.2014...OPINION. Artan HOXHA. Dobesite e muajit te shtate fiskal.Njesoj si ne muajt pararendes, edhe korriku tregon se, nese nuk ndryshon tendenca e derisotshme e ekonomise dhe nese nuk rritet performanca fiskale e administrates se rilindur, rezultati deri ne fund te vitit do te jete nje deficit ne te ardhurat tatimore qendrore (pa ato te qeverisjes vendore) ne intervalin 10-20 miliarde leke me pak se parashikimi prej afro 324 miliarde lekesh per keta zera...(Burimi: panorama.com.al)

30.08.2014...Banka Popullore e Maqedonise ka njoftuar se investimet e huaja ne gjashte mujorin e pare te vitit kane arritur ne 132.5 milion euro, apo 14 milion euro me shume se ne te njejten periudhe te vitit te kaluar...(Burimi: zhurnal.mk)

29.08.2014...Eksportet i sollën arkës së shtetit 23 miliardë lekë vetëm për muajin korrik. Ky është rezultati që Instituti i Statistikave ka bërë publike gjatë ditës së djeshme. Tregtia e jashtme për muajin korrik të këtij viti shënon një ulje në masën e 5.7 për qind më pak krahasuar me muajin korrik të vitit të kaluar...(Burimi: shekulli.com.al)

28.08.2014...INTERVISTA. Jens REINKE/ Shef i Misionit FMN, Tirane...Përfaqësuesi i ri i Përhershëm i FMN-së në Tiranë, Jens Reinke, në një dalje të tij të parë për mediat në Shqipëri ka folur për Monitor.al lidhur me vizitën që misioni i FMN-së po zhvillon aktualisht në Tiranë, buxhetin e vitit të ardhshëm, ndërkohë që ka folur zyrtarisht lidhur me qëndrimin që mban FMN-ja për skandalin e vjedhjes së 713 milionë lekëve në Bankën e Shqipërisë dhe propozimeve për ndryshime në ligjin e Bankës së Shqipërisë...(Burimi: monitor.al)

28.08.2014...OPINION. Flir MOSHO. Misioni i FMN-së dhe ekonomia shqiptare. Duke i uruar, si qeverisë, ashtu dhe ekipit të FMN-së një punë të lehtë, do të dëshiroja më shumë të dëgjoja këshilla të tjera përveç rritjes së taksave për ekonominë tonë. Megjithëse situata në të cilën gjendet ekonomia jonë nuk është krejtësisht rezultat i politikave ekonomike, mendoj që një vëmendje më e madhe duhet drejtuar ndaj zhvillimit ekonomik, por këtu nuk dua të them si ajo e qeverisë së Francës...(Burimi: balkanweb.com)

27.08.2014...Shefja e Fondit Monetar Ndërkombëtar, Christine Lagarde thotë se është vënë nën hetim për neglizhencë në një çështje mashtrimi në Francë, por ndaj saj nuk është ngritur akuzë. Sipas BBC, ajo është pyetur disa herë për rolin e saj në një pagesë prej 400 milionë euro si kompensim për biznesmenin Bernard Tapie në vitin 2008. Lagarde, 58 vjeç, ishte ministre e Financave nën qeverisjen e Nicolas Sarkozy, në kohën kur biznesmeni mori kompensimin...(Burimi: gazetadita.al)

26.08.2014...INSTAT ka njoftuar për rritjen e varësisë së vendit tonë nga importi i energjisë elektrike. Në raportin e Bilancit të Energjisë për 6-mujorin e parë të vitit 2014, INSTAT ka llogaritur vlerat e importit, i cili kap shifrat e 44.4% të energjisë elektrike në dispozicion...(Burimi: shekulli.com.al)

24.08.2014...Totali i depozitave në sistemin bankar arriti në gati 956 miliardë lekë në fund të muajit shtator, duke u rritur me 0.8%, apo rreth 7 miliardë lekë në raport me një muaj më parë. E gjithë kjo rritje ka ardhur pothuajse tërësisht nga shtimi i kursimeve në valutë, të cilat janë zgjeruar me gati 1.6% në raport me një muaj më parë...(Burimi: standard.al)

23.08.2014...Shqipëria renditet e fundit në listën e 100 vendeve të botës, përsa u përket rezervave të arit. Në raportin e fundit të World Gold Council për muajin gusht 2014, thuhet se Shqipëria posedon 1.6 tonë flori, duke u renditur kështu pas Haitit, me rezerva prej 1.8 tonë. Shifrat konfirmohen edhe nga Fondi Monetar Nderkombetar...(Burimi: shekulli.com.al)

22.08.2014...Skema e pensioneve sa vjen e po bëhet më e paqëndrueshme, duke e thelluar deficitin. Shpenzimet për mbulimin e pagesave të pensioneve u rritën me 9.5% me bazë vjetore për shtatë mujorin. Ato ishin rreth 78 miliardë lekë në fund të korrikut, duke zënë 33% të totalit të shpenzimeve buxhetore, nga 30.5% që ishte kjo peshë në korrik 2013...(Burimi: standard.al)

21.08.2014...Deri në fund të korrikut, financat kanë shlyer 25.7 miliardë lekë detyrime të prapambetura nga të cilat 12.75 miliardë lekë rimbursim TVSH-je, 8.4 miliardë lekë detyrime infrastrukture dhe 4.7 miliardë lekë detyrime të tjera. Shpenzimet buxhetore për shtatë mujorin shënuan rritje për herë të parë gjatë këtij viti, si rrjedhojë e dy faktorëve kryesore, shtimit të subvencioneve për subvencionimin e skemës së pensioneve dhe shlyerjes së detyrimeve të prapambetura, një zë i ri, që është futur për herë të parë në buxhetin këtij viti. Megjithatë, rritja e këtyre dy zërave është neutralizuar disi nga tkurrja e fortë e shpenzimeve kapitale...(Burimi: monitor.al)

20.08.2014...Sistemi bankar ka vijuar rritjen edhe në kushtet e ngadalësimit të kreditimit. Sipas të dhënave nga Banka e Shqipërisë, për vitin 2013 totali i aktiveve të sistemit bankar u rrit 3.9 për qind me bazë vjetore, ndërsa në fund të Qershorit 2014 rritja e aktiveve rezultoi 4.1 për qind...(Burimi: telegrafi.com)

20.08.2014...Më saktësisht për 10 vite mërgimtarët kanë dërguar në Kosovë 5 miliardë e 347 milionë e 800 mijë. Ndërkohë në tremujorin e parë të këtij viti janë dërguar 130.8 milionë në Kosovë nga mërgata, krahasuar me tremujorin e parë të 2013-ës, kur kishim 127.8 milionë, ka një rritje për 3 milionë, thuhet në një raport të Bankës Qendrore të Kosovës...(Burimi: zeri.info)

20.08.2014...Ekspertët e ekonomisë i akuzojnë rëndë tri agjencitë më të mëdha të vlerësimit: Standard & Poors, Moodys dhe Fitch. Kur Manfred Gärtner, profesor për ekonominë në Universitetin e St. Gallenit në Zvicër flet për Standard & Poor s (S & P), ai nuk thotë asnjë fjalë të mirë për këtë agjenci vlerësimi...(Burimi: standard.al)

19.08.2014...Vetëm Credins, NBG dhe Veneto kanë qenë aktive në kreditimin e ekonomisë në gjysmën e parë të këtij viti. Bankat e tjera vijojnë ti investojnë paratë e depozituesve të tyre në letra me vlerë të qeverisë, apo i vendosin në institucione financiare jashtë vendit...(Burimi: monitor.al)

19.08.2014...Qeveria zhvilloi sot ankandin e parë të obligacioneve në euro në tregun e brendshëm financiar, me synimin për të siguruar një borxh në vlerën e 40 milionë eurove. Testi me obligacionet 2 vjeçare mund të konsiderohet i suksesshëm, po të kemi parasysh shumën e lartë të siguruar dhe interesin relativisht të ulët, prej 3.5%...(Burimi: scan-tv.com)

19.08.2014...Autoritetet kompetente në Kosovë përmes veprimeve dhe mekanizmave të ndryshëm vazhdimisht kanë tentuar të luftojnë ekonominë joligjore në vend, por realiteti duket krejt ndryshe. Përfaqësues të komunitetit të biznesit dhe ekspertë për çështje ekonomike theksojnë se kjo dukuri po ndikon në shkallën e zhvillimit ekonomik, tek investitorët e jashtëm dhe të brendshëm, si dhe po sjell mungesën e parasë se gatshme në treg...(Burimi: telegrafi.com)

18.08.2014...Sipas një raporti të publikuar së fundi nga Banka Qendrore e Kosovës (BQK) në gjashtëmujorin e parë të këtij viti bankat kanë arritur kulminacionin e të hyrave, derisa të gjithë parametrat makroenomik të vendit janë duke u përmbysur. Të hyrat Bruto të bankave, pa i llogaritur këtu shpenzimet, në gjashtëmujor arrijnë shifrën rekorde prej 121.6 milionë eurosh, prej të cilave 97.1 milionë euro vinë nga kamatat në kredi. Përderisa, fitimi i pastër i bankave, në gjysmën e parë të këtij viti ka arritur në 26.9 milionë euro, shumë më shumë se në vitet paraprake...(Burimi: zeri.info)

17.08.2014...Greqia vijon tiu rezistojë thirrjeve nga Fondi Monetar Ndërkombëtar për të patur një agjenci private të mbledhjes së miliona eurove të kontributeve të sigurimeve shoqërore të papaguara...(Burimi: scan-tv.com)

17.08.2014...Siç duket bankat komerciale që operojnë në Kosovë nuk qëndrojnë keq në aspektin financiare, pasi nuk kanë shumë nevojë për depozita. Kjo vërehet te dallimi rreth 10 për qind që ekziston në mes kamatave të kredisë dhe kursimeve. Sipas raportit të fundit, për muajin qershor të Bankës Qendrore të Republikës së Kosovës, për të marrë kredi në banka klienti duhet të paguajë kamatën për kredi mbi 11 për qind, por nëse qytetarët vendosin që mjetet e tyre ti bartin në llogaritë e kursimeve, atëherë normat e interesit për depozita arrijnë vetëm 0. 6 për qind, për ekonomitë familjare 0.5 për qind, kurse për ndërmarrjet vetëm 0.3 për qind...(Burimi: kosova-sot.info)

16.08.2014... Bashkimi Europian merr parasysh kerkesen potenciale nga shqiptaret te etur per te investuar ne biznesin e tyre bujqesor. Bashke me investimet e BE-se qe shkojne deri me tash ne 27.7 milion euro ka edhe 12.2 milion euro shtese te planifikuara per te kontribuar nepermjet programit IPA 2013...(Burimi: zhurnal.mk)

15.08.2014...Prestigjiozia britanike "The Economist" shkruan se një projekt i madh evropian është drejt shkatërrimit dhe nuk e ka fjalën për Eurozonën, por për marrëveshjen Schengen ndërmjet 26 vendeve evropiane, për eleminimin e kontrollit të kufijve ndërshtetërorë...(Burimi: shekulli.com.al)

15.08.2014...Ne gjithsej 1145 kadastra komunale ne Maqedoni apo 60.07% te totalit ka perfunduar procesi i dixhitalizimit te planeve analoge te kadastres, ndersa ne 21.2 % prej tyre jane ne faze perfudnimtare te harmonizimit te bazes se te dhenave nga kadastra elektronike dhe per nje kohe te shkurter do te jene pjese e saj...(Burimi: zhurnal.mk)

14.08.2014...Agjencia ndërkombëtare e vlerësimit financiar Moodys konfirmoi vlerësimin B1 për obligacionet e qeverisë shqiptare me parashikim të qëndrueshëm. Moodys citon si arsye kryesore disa faktorë pozitivë, që kanë kompensuar dobësitë e ekonomisë, të cilat mund të kishin shkaktuar një vlerësim në rënie...(Burimi: scan-tv.com)

14.08.2014...Agjencia e Vlerësimit të Kreditit, Moodys ka konfirmuar vlerësimin B1 për obligacionet e qeverisë shqiptare, ndërsa parashikimi i kësaj agjencie ka mbetur në parametra të qëndrueshëm...(Burimi: monitor.al)

13.08.2014...CEZ Shpërndarje, që ndryshoi emrin në Operatori i Shpërndarjes së Energjisë Elektrike (OSHEE), nuk e ka ndryshuar zakonin e rritjes së importeve të energjisë. Këto importe që sa vijnë dhe shtrenjtohen i duhen kompanisë për mbulimin e humbjeve. Këtë verë, OSHEE ka rritur importet, duke shënuar kulmin në muajin gusht. Mbi 10 milionë euro është sasia e blerë me tenderë nga OSHEE për periudhën 1 gusht deri më 31 gusht 2014...(Burimi: gazeta-shqip.com)

13.08.2014...Ndonëse konsumi i brendshëm vlerësohet në rritje në gjysmën e parë të 2014-s, sipas Bankës së Shqipërisë, konsumi i familjeve shqiptare vlerësohet të ketë qenë më i orientuar tek mallrat e konsumit të përditshëm dhe tek mallrat afatgjatë sesa tek shërbimet, bazuar në informacionin e marrë nga tregues të tërthortë dhe llogaritë kombëtare...(Burimi: monitor.al)

12.08.2014...Banka e Shqipërisë ka analizuar sjellja e bankave ndaj kreditimit në vend dhe në rajon, nisur nga fakti që në praninë e lartë të bankave të huaja në vend, politikat dhe strategjitë e ndjekura në një pjesë të rëndësishme të tyre janë diktuar nga bankat mëma. Zhvillime të ngjashme janë vënë re edhe në një pjesë të madhe të vendeve të rajonit, ku prania e grupeve bankare të huaja të njëjtë ose jo me ato në vendin tonë është njëlloj e rëndësishme për kreditimin e ekonomisë. Sipas BSH-së, deri në vitin 2008 kredia në të gjitha vendet e rajonit është rritur me ritme të shpejta, ndërkohë që me fillimin e krizës vërehet ngadalësim i dukshëm i saj...(Burimi: monitor.al)

11.08.2014...Maqedonia eshte ne fund te Europes sipas pragut te nevojshem per zbatim te TVSH. Ne maqedoni behesh tatimpagues i TVSH me te ardhura mbi 16.000 Euro, ne Bosnje 25.000 Euro, ne kroaci 32.000 Euro...(Burimi: zhurnal.mk)

11.08.2014...Gjithnjë e më pak biznese të reja po hapen në Kosovë. Sipas Agjencisë së Statistikave të Kosovës në këtë kohë gjithsej janë regjistruar 2399 ndërmarrje, ndërsa në tremujorin paraprak kanë qenë 2912 sosh. Të dhënat e publikuara të ASK-së në muajin korrik tregojnë se ka rënie prej 4.2 për qind të bizneseve të reja, krahasuar edhe me tremujorin e njëjtë të vitit paraprak...(Burimi: telegrafi.com)

11.08.2014...Ndonëse të punësuarit në sektorin privat jo bujqësor janë gati dyfishi i atyre që punojnë në shtet, ata kanë paguar rreth 13% më pak tatim mbi të ardhura në vitin 2013, sipas statistikave të publikuara nga Ministria e Financave. Në fund të vitit 2013, sipas INSTAT, ishin të punësuar në sektorin privat jo bujqësor 311,668, me një rritje prej 12% në raport me fundin e 2012-s...(Burimi: monitor.al)

10.08.2014...Open Data Albania ka kryer edhe një hulumtim në lidhje me Borxhin e Jashtëm në Republikën e Kosovës, duke e parë këtë si një nga indikatorët e rëndësishëm pjesë e Borxhit Publik. Në harkun kohor 2007-2013 Borxhi i Jashtëm Bruto në Kosovë ka ardhur duke u rritur. Nga 521 milionë euro që ishte në vitin 2007, rezulton të ketë arritur një vlerë prej 1.6 miliard euro shtatë vite më vonë...(Burimi: telegrafi.com)

10.08.2014...Pesë vitet e fundit tregojnë rënie të remitancave nga 952 milionë euro në vitin 2007 në gjysmën e tyre në vitet 2012-13. Gjatë harkut kohor prej dhjetë vitesh, remitancat shënojnë rritjen më të madhe në vitin 2006, 15.8% krahasuar me vitin 2005. Familjet përfituese kanë ulur shumë konsumin (60.8%), kursimet në masën (32%) dhe investimet (7.2%)...(Burimi: gazeta-shqip.com)

10.08.2014...Vetëm dy nga nëntë bankat komerciale sa funksionojnë në Kosovë, kanë kapital vendor ndërsa shtatë të tjerat janë filiale të bankave ndërkombëtare. Kjo, sipas një hulumtim të Open Data Albania (ODA), tregon se sistemi bankar në Kosovë, edhe 15 vjet pas luftës, nuk ka arrit të konsolidohet. Vetëm Banka Ekonomike e Kosovës ka 100 për qind kapitalin vendës, ndërsa Banka për Biznesit ka 43 për qind, të tjerat janë degë bankash të huaja. Këtë vlerësim e ka dhënë ODA, në një hulumtim lidhur me numrin e subjekteve financiare, që janë licencuar nga Banka Qendrore e Kosovës në vitet 2010-2013...(Burimi: zeri.info)

09.08.2014...Banka Botërore (BB) mbështet qeverinë për marrëveshjen e arritur me CEZ-in dhe me këtë rast i jep një hua 150 milionë dollarë për energjetikën. Në një deklaratë për shtyp, BB njoftoi dje se, përfunduan me sukses negociatat për një program prej 150 milionë dollarësh për Rimëkëmbjen e Sektorit Energjetik...(Burimi: gazeta-shqip.com)

08.08.2014...Inflacioni regjistroi rritje në Korrik në 1,8%, pas tre muajve në nivele të ulëta. Sipas të dhënave nga Instituti i Statistikave, rritja e inflacionit është përcaktuar kryesisht nga grupet Mallra dhe shërbime të ndryshme me 8,5%, pasuar nga Pije alkoolike dhe duhan me 6,9%, Ushqime dhe pije joalkoolike me 2,6% dhe Hotele, kafene dhe restorante me 2,5%. Duket se nisja e sezonit turistik në vend, ndonëse jo në shifrat e pritshme gjatë muajit Korrik, ka dhënë ndikimet e para në rritjen e çmimeve për grupet e mësipërme...(Burimi: scan-tv.com)

08.08.2014...Vijon rënia e çmimit të banesave, ndërsa rriten vlerat e qirasë. Indeksi i çmimit të banesave, sipas INSTAT-it, regjistroi një rënie vjetore prej 3.4% në terma realë gjatë tremujorit të dytë të vitit 2014. Rënia e IÇB-së gjatë këtij tremujori, pason rënien me 1.8% në tremujorin e parë dhe me 4.7% gjatë vitit të kaluar. Nga ana tjetër, zhvillimet më të fundit në indeksin e qirasë (IQB) tregojnë për vijim të normave rritëse të tij. Në tremujorin e dytë, i rregulluar për normën e inflacionit, ndryshimi i IQB është 5.1%...(Burimi: gazeta-shqip.com)

07.08.2014...Muaji korrik shënoi rezultate rekord në mbledhjen e të ardhurave në 23 vite, si dhe me vlerën më të lartë të TVSH-së së rimbursuar. Performanca e lartë e Administratës Tatimore paraqitet me mbledhjen në total të mbi 16 miliardë lekëve, e cila në raport me planifikimin e mbledhjes së të ardhurave është rreth 10.8% më e lartë ose rreth 1.56 miliardë lekë më shumë. Krahasuar me të njëjtën periudhë të vitit 2013, ku totali i të ardhurave të mbledhura ishte 14.4 miliardë lekë, kjo shifër tregon një rritje prej më shumë se 11% ose rreth 1.6 miliardë lekë. TVSH-ja e rimbursuar gjatë muajit Korrik në vlerën prej rreth 1.5 miliardë lekë, është vlera me e lartë historike e rimbursimit të saj...(Burimi: monitor.al)

06.08.2014...Niveli i kredive të këqija nuk ulet. Në raport me fundin e vitit 2013, huat e pakthyera në afat nga bankat janë rritur. Nga 23.22% që ishte në dhjetor 2013, në fund të gjashtëmujorit të parë të vitit 2014, kredia me probleme është 24.06% e totalit. Gjatë muajit maj 2014, kreditë e humbura ishin 11.98%, kreditë e dyshimta 3.49%, kreditë nënstandarde 8.61% dhe kreditë në ndjekje 8.46%...(Burimi: gazeta-shqip.com)

06.08.2014...Sipas buletinit zyrtar të Bankës Qendrore, gjatë këtij viti inflacioni pritet të luhatet brenda intervalit 0.93.6% (me një probabilitet ndodhjeje 90%). Sipas BSH-së, norma e inflacionit në gjashtëmujorin e parë ka rezultuar e ulët dhe nën objektiv. Inflacioni mesatar rezultoi 1.6% në tremujorin e dytë të vitit 2014, duke shënuar rënie krahasuar me vlerën e regjistruar një tremujor më parë. Ndërsa inflacioni vjetor zbriti në nivelin 1.5% në muajin qershor...(Burimi: gazeta-shqip.com)

06.08.2014...Ka filluar testimi i sistemit të individualizuar të sigurimit të detyrueshëm Bonus Malus dhe më 22 gusht 2014 do të bëhet funksional për tregun. Lajmi bëhet i ditur nga Autoriteti i Konkurrencës (AK), i cili sapo ka mbyllur procedurën e hetimit mbi tregun e sigurimeve. Sipas AK-së, sistemi Bonus Malus do të liberalizojë tarifat, por edhe do të nxisë konkurrencën në pagesën e dëmit. Kjo do të thotë se pagesa e dëmit do të bëhet nga kompania siguruese sipas riskut të blerë...(Burimi: gazeta-shqip.com)

06.08.2014...Rekord në mbledhje taksash, por paratë e mbledhura shkuan për borxhet. Kjo është ajo që duket nga shifrat e Buletinit Fiskal të Ministrisë së Financave për 6-mujorin e parë të vitit 2014...(Burimi: gazeta-shqip.com)

05.08.2014...Kosova do të blejë energji elektrike nga vendet e rajonit edhe për më së paku 6 vjetët e ardhshme, për shkak se ndërtimi i termocentralit Kosova e Re nuk mund të fillojë brenda dy viteve, ndërsa ndërtimi i një termocentrali më së paku zgjat pesë vjet. Kështu shprehen ekspertët e çështjeve të energjetikës në Prishtinë pas shtyrjes së afatit për dorëzimin e ofertave nga investitorët që bëri Komiteti drejtues i projektit Termocentrali Kosova e re...(Burimi: standard.al)

05.08.2014...Bujqësia shqiptare, me produktet e saj BIO, po tërheq gjithnjë e më tepër investitorë të huaj. Një grup ekspertësh nga Izraeli po vizitojnë fermat bujqësore BIO në disa rrethe të vendit dhe po studiojnë kapacitetet e bujqësisë shqiptare. Sipas statistikave zyrtare nga Ministria e Bujqësisë, janë rreth 274.413 hektarë tokë, të certifikuara, ku kultivohen 440 ha prodhime bujqësore, nga të cilat 273.972 janë bimë e egra medicinale/aromatike. Ndërsa numri i operatorëve organikë kap shifrën e 137 fermave, prej të cilëve 126.25 janë kultivues/përpunues, 14 janë grumbullues dhe 17 janë eksportues të prodhimeve BIO...(Burimi: shekulli.com.al)

04.08.2014...OPINION. Arben MALAJ. Krixzat bankare dhe Unioni Bankar i BE-së. Per shkak te disa bankave nga vende anetare te BE-se ne sistemin bankar te vendit tone mund te perfitojme nga efektet pozitive te Unionin Bankar qysh tani. Natyrisht, qe duhet te njohim per cdo banke standardet me te mira te mbikqyrjes bankare...(Burimi: panorama.com.al)

03.08.2014...Mos konstituimi i Kuvendit dhe krijimi i Qeverisë së re të Kosovës, do të ketë efekte negative në proceset ekonomike në vend, vlerësojnë ekspertë të çështjeve ekonomike në Prishtinë. Rritja ekonomike e parashikuar nga Qeveria e Kosovës sipas tyre, nuk do të mund të arrihet dhe se do të ketë ngadalësim të zhvillimit ekonomik...(Burimi: zeri.info)

02.08.2014...OPINION. Rexhep MEIDANI. Çdo teprim në taksim është vrastar për ekonominë...teprimi i taksimit te me te pasurve ja ben jeten me te veshtire edhe me te varferve. Ne fakt nuk jane individet dhe te ardhurat e tyre thelbi i problemit, por te ardhurat e mbledhura nga administrata ne nivele tejet te ulta...(Burimi: panorama.com.al)

02.08.2014...OPINION. Eduart GJOKUTAJ. Rritja ekonomike në Shqipëri: Faktorët ndikues dje, sot dhe nesër...Ky vit duhet të shërbejë si një parathënie për fillimin e projektit të zhvillimit ekonomik të qëndrueshëm afatgjatë (politika ekonomike) të nesërm të Shqipërisë bazuar mbi modelin që kalon nëpër katër pikat, si një teoremë që e zbatojnë gjithë shtetet që kërkojnë zhvillimin nëpërmjet modelit...(Burimi: monitor.al)

01.08.2014...Shqiptarët mbajnë 6.8 miliardë euro në banka, si depozita. Madje depozitat në sektorin bankar janë rritur në qershor 2014, duke kanë shënuar ecurinë më pozitive që nga shtatori 2013. Sipas statistikave mujore të publikuara dje nga Banka e Shqipërisë, totali i depozitave në fund të muajit qershor arriti në 955 miliardë lekë, me një rritje prej rreth 6 miliardë lekësh, apo 0.6%, në raport me majin 2014. Përmirësimi ka ardhur si nga shtimi i kursimeve në lekë, por më shumë nga ato në valutë...(Burimi: standard.al)

01.08.2014...Tatimi mbi Vlerën e Shtuar është burimi më i rëndësishëm i të ardhurave në buxhetin e shtetit. Nga TVSH gjatë vitit 2013 janë mbledhur gjithsej për 12-mujorin 111.9 miliardë lekë ose -3.9 përqind më pak se një vit më parë. Për tremujorin e fundit të vitit 2013, nga TVSH janë mbledhur 32.8 miliardë lekë, 2.4 miliardë më shumë se e njëjta periudhë e një viti më parë ose 8 për qind më shumë, sipas burimeve nga Ministria e Financave...(Burimi: monitor.al)

KORRIK

31.07.2014...Miratimi Kodit Doganor. Nga 1 janari i vitit të ardhshëm, të gjitha bizneset që zhvillojnë eksporte apo importe do ti kryejnë procedurat në bazë të një Kodi të Ri Doganor. Kodi nuk arriti të miratohej në seancën e javës së kaluar në Kuvend, për shkak të mosarritjes së shumicës së cilësuar, por ai pritet të kalojë sot dhe pjesa e dytë e vitit do të shërbejë si fazë përgatitore për fillimin e zbatimit të tij vitin e ardhshëm...(Burimi: monitor.al)

30.07.2014...Sot, në datën 30 korrik 2014, Këshilli Mbikëqyrës i Bankës së Shqipërisë mori në shqyrtim dhe miratoi Deklaratën e Politikës Monetare të Bankës së Shqipërisë për gjashtëmujorin e parë të vitit 2014. Pasi u njoh me zhvillimet më të fundit ekonomike e monetare në vend, si dhe në vijim të diskutimeve mbi ecurinë e pritur të tyre në të ardhmen, Këshilli Mbikëqyrës i Bankës së Shqipërisë vendosi të mbajë të pandryshuar normën bazë të interesit, në nivelin 2.50%...(Burimi: monitor.al)

30.07.2014...Fondi Monetar Ndërkombëtar publikoi shumën e borxhit publik të Maqedonisë. Ai është 44,8% e Prodhimit Bruto Vendor ose 3 miliardë e 584 milionë euro. Në këtë borxh nuk hyn borxhi i ri i Qeverisë prej gjysmë miliardë euro përmes euroobligacionit. Nëse shtohen edhe këto para, atëherë borxhi publik i shtetit, në të cilin përveç borxhit të Qeverisë, hyjnë edhe borxhet e Bankës Popullore, Bankës Maqedonase për Zhvillim dhe Rindërtim, komunat dhe ndërmarrjet jofinanciare, atëherë borxhi rritet në 51% të Prodhimit Bruto Vendor, që e çon në mbi 4 miliardë euro borxhin e përgjithshëm...(Burimi: zhurnal.mk)

30.07.2014...Standardet e kredidhënies u lehtësuan gjatë tremujorit të dytë të vitit 2014, si për bizneset ashtu edhe për individët, raporton Banka e Shqipërisë. Sipas rezultateve të vrojtimit të aktivitetit kreditues, bankat shprehen se i kanë lehtësuar standardet e kredisë dhënë korporatave të mëdha, bizneseve të vogla dhe të mesme, për financimin e kapitalit qarkullues dhe për investime...(Burimi: gazeta-shqip.com)

29.07.2014...Banka Popullore e Maqedonisë njoftoi sot se gjatë muajit qershor janë bllokuar 206.687 llogari bankare të personave fizikë dhe juridikë.E dhëna bëhet e ditur nga Banka Popullore e Maqedonisë. Nga numri i përgjithshëm i llogarive të bllokuara, 65.782 u takojnë personave juridikë, kurse 140.905 personave fizikë. Krahasuar me muajin maj, numri i llogarive të bllokuara është për 23.808 sish më i lartë...(Burimi: zhurnal.mk)

29.07.2014...Kosova, si edhe shtetet tjera të rajonit, është në një proces të fiskalizimit të bizneseve që ushtrojnë veprimtari afariste dhe punojnë me para të gatshme. Ky proces, i cili te ne ka filluar në vitin 2010, fillimisht duke bërë fiskalizimin në baza vullnetare, ka vazhduar më tej ti obligojë të gjitha bizneset që punojnë me para të gatshme që të pajisen me arka fiskale. Por, ky proces gjatë zbatimit ka hasur në shumë sfida. Pikë së pari, ndryshe nga vendet e rajonit ku qeveria ka bërë subvencionime në mënyra të ndryshme ndaj bizneseve, për të lehtësuar barrën financiare ndaj tyre, në Kosovë një gjë e tillë nuk është bërë. Prandaj, që nga fillimi kemi parë një lloj rezistence nga bizneset, të cilat e kanë përdorur këtë argument për të kundërshtuar fiskalizimin...(Burimi: telegrafi.com)

28.07.2014...OPINION. Sherif BUNDO. Deformimi i tregut dhe abuzimi me lirinë ekonomike. avantazhet ekonomike te nje vendi jane energjia qe e ve ne levizje rritjen ekonomike. Ana.iza e kujdesshme e transformimeve dhe rritjes ekonomike perben nje proces shume te rendesishem...(Burimi: panorama.com.al)

28.07.2014...Fondi Monetar Ndërkombëtare, në raportin e fundit të tij për Shqipërinë tërheq vëmendjen që të bëhet kujdes në moskrijimin e detyrimeve të reja të prapambetura ndaj biznesit. Sipas një vëzhgimi që FMN ka bërë për muajin mars ka treguar se janë krijuar 360 milionë lekë (rreth 0.03 % të PBB-së) detyrime të reja gjatë kësaj periudhe. Megjithatë, sipas FMN-së kjo reflekton gjerësisht vonesa nga një pjesë e këtyre institucioneve për të regjistruar bonot në Thesar në kohë të mjaftueshme për të marrë pagesën...(Burimi: monitor.al)

28.07.2014...Norma e papunësisë në Kroaci ka zbritur nën 17.9 për qind gjatë muajit korrik. Zyra e Punësimit në vend bëri të ditur se kjo është hera e parë në dy vjet, që të papunët zbresin nën nivelin 300 mijë. Kroacia është vendi i tretë anëtar i Bashkimit Europian me papunësinë më të lartë, pas Greqisë dhe Spanjës...(Burimi: telegrafi.com)

27.07.2014...Dogana e Kosovës, në 6 mujorin e parë të këtij viti ka ngritje të të hyrave për 6% krahasuar me periudhën e njëjtë të vitit të kaluar. Drejtori i Doganës, Lulzim Rafuna, thotë se janë afër realizimit të projeksioneve të parapara me ligjin për buxhet. Rafuna ka thënë se përkundër rënies se importimit të mallrave prej 5 përqind, të hyrat shënuan rritje si rezultat i reformës, dhe funksionimit të dy pikave doganore, asaj në Bërnjakë dhe Jarinje...(Burimi: zeri.info)

27.07.2014...65 mijë e 500 lekë do të jetë pensioni social por njëkohësisht edhe baza nga do të fillojë përllogaritja e pensioneve të atyre që mbushin moshën pas datës 1 janar 2015. Është pikërisht formula e re pensioneve që ka dominuar debatet mes deputetëve socialistë dhe ministrit të Mirëqenies Sociale, Erion Veliaj, disa ditë më parë në Komisionin për Ekonominë...(Burimi: gazeta-shqip.com)

26.07.2014...Në Kosovë, përfaqësues të bizneseve thonë se gjatë tremujorit të dytë të këtij viti mjedisi i të bërit biznes është përkeqësuar në krahasim me periudhën e njëjtë të vitit të kaluar, ndërsa shqetësim mbetet edhe rënia e pritshmërive që bizneset të rrisin punësimet...(Burimi: telegrafi.com)

26.07.2014...Rriten të ardhurat nga primet e shkruara bruto të sigurimit për periudhën janar-qershor 2014, ndërkohë që numri i kontratave shënon ulje. Ky rezultat reflekton rritjen e çmimeve të sigurimit dhe uljen e pagesave të dëmeve. Sipas të dhënave të Autoritetit të Mbikëqyrjes Financiare (AMF), të ardhurat e kompanive të sigurimit arritën rreth 5,316 milionë lekë, ose 34.61% më shumë se në periudhën janar-qershor 2013...(Burimi: gazeta-shqip.com)

26.07.2014...Autoritetet vendore thonë se janë duke i vazhduar reformat në ambientin e të bërit biznes. Prandaj edhe rangimi i Kosovës në raportin e Bankës Botërore Të të Bërit Biznes 2015, pritet të jetë më i mirë, thonë zyrtarë të Ministrisë së Tregtisë dhe Industrisë. Ndërkaq, njohësit e çështjeve ekonomike thonë se përmirësimet janë të natyrës administrative e jo përmirësime reale dhe cilësore që i ndjejnë bizneset...(Burimi: kosova-sot.info)

26.07.2014...Borxhi publik i Kosovës ka kaluar mbi 507 milionë euro. Për pesë vitet e fundit është rritur për rreth 260 milionë euro. Kjo është rreth 9.2 për qind të Bruto Produktit Vendor (GDP). Bazuar në Ligjin për Borxhin Publik, vendi mund të hyjë në borxhe deri në 40 për qind të GDP-së, apo shprehur në shifra, ka hapësirë për të marrë edhe mbi 1.5 miliard euro të tjera borxh...(Burimi: zeri.info)

25.07.2014...Për 35 për qind është rritur shuma e mjeteve të grumbulluara nga pagesa e taksave rrugore prej datës 11 të këtij muaji, kur u bë ndryshimi në çmim me kthim të shumës prej para hyrjes në fuqi të masave antikrizë, tregojnë të dhënat e Ndërmarrjes publike për rrugë shtetërore. "Nëse mjetet janë rritur për 35 për qind, ndërsa kthimi i çmimeve prej para vitit 2008 ishte diku prej 27 deri 32 për qind, kemi rritje të komunikacionit sa dallimi, prej 5,9 për qind...(Burimi: zhurnal.mk)

25.07.2014...Kuvendi i Shqipërisë ka miratuar në seancën e fundit projektligjin Për tatimin mbi vlerën e shtuar në Republikën e Shqipërisë, i cili vjen si një ofertë për biznesin dhe investitorët për të treguar se rregullat e taksimit në Shqipëri po ndryshojnë në kahun e duhur, sipas direktivave të njohura në Bashkimin Evropian. Ligji i ri synon që të ofrojë një mjedis të përshtatshëm dhe tërheqës, qëndrueshmëri ligjore dhe fiskale, siguri si për biznesin vendas edhe për investitorët e huaj, me rregulla të mirë përcaktuara...(Burimi: monitor.al)

24.07.2014...Kompania e shpërndarjes së energjisë, ende në pronësi të grupit çek CEZ, por që nga 1 janari 2013 në administrim shtetëror ka ndryshuar emrin dhe nuk do të quhet më CEZ Shpërndarje, duke lënë përfundimisht pas historinë e një privatizimi të dështuar. Sipas aplikimit në QKR, Enti Rregullator i Energjisë ka vendosur në 17 korrik miratimin e ndryshimit të emrit tregtar të shoqërisë CEZ Shpërndarje sh.a., në shoqërinë: Operatori i Shpërndarjes së Energjisë Elektrike sh.a., me akronimin OSHEE sh.a...(Burimi: standard.al)

23.07.2014...Ministria e Financave prezantoi sot arritjet në 300 ditë qeverisje dhe sfidat e të ardhmes së këtij institucioni. Do vijojmë luftën kundër korrupsionit dhe evazioni. Është një luftë që kërkon bashkërendim të të gjithë institucioneve. Detyrimi ynë është për përdorimin me efikasitet i parasë publike. Por ka ende vend për përmirësim si në funksionet e kontrollit, ashtu edhe në stabilitetin fiskal, si dhe në transparencë dhe llogaridhënie", tha ministri Cani...(Burimi: shekulli.com.al)

23.07.2014..."Banco Espritio Santo - Hija e falimentimit në Portugali", "Skandal i ri bankar në Bullgari" - vetëm dy kryetituj nga java e kaluar. Kudo ku në Europë një bankë ndodhet në gjendje të vështirë, kërcënon të vijë sërish kriza. Në rastin e bankës bullgare Corp-Bank qeveria bëri të ditur se për shpëtimin e bankës do të futet në borxh rreth 1 miliardë euro në tregjet financiare...(Burimi: zhurnal.mk)

23.07.2014...Me ndryshimet e fundit në kushtet për projektin "Bli shtëpi - bli banesë", ai bëhet ekstra atraktiv për qytetarët dhe pres që dukshëm të rritet kërkesa e këtyre kredive që janë shumë më të mira se komercialet, deklaroi sot kryeministri Nikolla Gruevski. Për kushtet e reja të volitshme për "Bli shtëpi - bli banesë" Kuvendi para një jave miratoi ndryshime ligjore, me të cilat bëhet ulja plotësuese e shkallës së interesit...(Burimi: zhurnal.mk)

22.07.2014...Interesa të larta për kreditë në lekë dhe standarde të shtrënguara për huan bankare. Muaji maj 2014 është pika më e ulët e 5 muajve të parë të vitit për kredidhënien, sipas Buletinit Statistikor të Bankës së Shqipërisë, i publikuar këto ditë. Kredia për ekonominë arriti 545.481.5 (milionë) lekë, më e larta për 5 muajt e parë të vitit, por më e ulët se dhjetori i vitit 2013, kur kredia totale ishte 547,927.6 (milionë) lekë...(Burimi: gazeta-shqip.com)

21.07.2014...Studiuesi francez i ekonomisë Thomas Piketty arriti pas shqyrtimit të një sasie të madhe të dhënash historike në përfundimin se në një ekonomi që rritet ngadalë pasuritë ekzistuese rriten më shpejt se pagat. Hendeku mes të pasurve dhe klasës së mesme thellohet dhe fajin e ka kapitalizmi...(Burimi: standard.al)

20.07.2014...OPINION. Klodian MUÇO. EFEKTET E KRIZËS FINANCIARE DHE DALJA PREJ SAJ. dalja nga kriza do të arrihet vetëm me rritjen dhe orientimin e investimeve nga ana e shtetit në ata sektor të ekonomisë që gjenerojnë punësim e më vonë duke ju lutur konsumatorëve të konsumojnë, konsumojnë dhe vetëm të konsumojnë...(Burimi: gazeta-shqip.com)

20.07.2014...Amnisti për firmat e çregjistruara nga QKR dhe tre muaj afat i ri për zbatimin prej tyre të kërkesave të ligjit për shoqëritë tregtare. Tani, një firmë private, sipas projektligjit të qeverisë, mund ta hapësh edhe me 100 lekë. Drafti që ndryshon ligjin aktual Për shoqëritë tregtare, sjell lehtësime në mënyrën e regjistrimit në QKR dhe përfarimin me rregullat e BE-së...(Burimi: zhurnal.mk)

19.07.2014...Në Shtetet e Bashkuara të Amerikës, këto kohë, ka një debat politik shumë të ndezur, midis presidentit Obama dhe shumicës republikane në Kongres. Ky debat ka në thelb të tij propozimin për rritjen e pagës minimale federale. Tani për tani, kreu i Shtëpisë së Bardhë, në një lëvizje surprizë, ka firmosur një dekret që e çon pagën minimale për nëpunësit federalë, në 10.1 dollarë për orë, si dhe pritet që kjo të zgjerohet në masë në të gjithë punonjësit. Në kuadrin e demokratëve është parashikuar indeksimi i inflacionit...(Burimi: scan-tv.com)

18.07.2014...Pushteti ka vendosur të marrë borxh me euro obligacion prej 500 milion euro. Ekonomistët paralajmërojnë që të ndalojnë shpenzimet joproduktive. Deficiti buxhetorë është në situatë dramatike dhe bash ajo është arsyeja kryesore për të cilin shkak pushteti aktual ka vendosur të lëshojë euro obligacion me vlerë prej 500 milion euro, thotë ish ministri i financave Xhevdet Hajredini. Vlera nuk është aspak e vogël, ndërsa shqetëson ajo që gjeneratat e ardhshme po futen në borxh për nevoja të pakuptueshme...(Burimi: zhurnal.mk)

18.07.2014...Fondi Monetar Ndërkombëtar (FMN) publikoi raportin mbi rishikimin e parë të marrëveshjes së zgjeruar me Shqipërinë dhe kërkesën për modifikimin e kritereve të performancës. Sipas raportit, deri në fund të marsit të gjitha kriteret e performancës dhe objektivat strukturore ishin përmbushur, me përjashtim të objektivit strukturor për kontraktimin e auditorëve të jashtëm...(Burimi: shekulli.com.al)

17.07.2014...Sipas statistikave për gjashtëmujorin e parë të këtij viti, rezulton se buxheti i shtetit ka realizuar një fond mbi 50 për qind më të ulët në shpenzime kapitale, krahasuar me të njëjtën periudhë të një viti më parë. Kjo dukuri mendohet nga ekspertët e financave publike se është prirja më negative e zhvillimit të këtij sektori të shtetit shqiptar, e cila, së bashku me rritjen e shpejtë të huamarrjes së jashtme, kryesisht nga Fondi Monetar Ndërkombëtar dhe Banka Botërore, ka ngjallur rreziqet për një kolaps ekonomik të vendit...(Burimi: standard.al)

17.07.2014...Deficiti buxhetor u ul me 54% në raport me gjashtëmujorin e parë 2013, raporton Ministria e Financave përmes statistikave me treguesit fiskalë sipas buxhetit të konsoliduar janar-qershor 2014. Kjo erdhi nga rritja e të ardhurave me 11.7% dhe ulja e shpenzimeve me 3.7%...(Burimi: gazeta-shqip.com)

16.07.2014...Qëllimi i formimit të zonës financiare ndërkombëtare, që propozohet me ndryshimet kushtetuese, është rritje e punësimit në Republikën e Maqedonisë. Tërësisht do të rifigurohet rregullativa nga ekonomitë më të mira të cilat janë më tërheqëse për investitorët. Këtë e theksoi kryeministri Nikolla Gruevski, pas lëshimit në përdorim të stacionit të ri transformues autonom dhe largpërçuesit Shkup-Kumanovë në trafostacioni Shkuo 5 të SHA MEPSO...(Burimi: zhurnal.mk)

15.07.2014...Eksportet kanë shënuar një ecuri pozitive në muajt e parë të vitit, sipas të dhënave të publikuar nga INSTAT, duke u zgjeruar me rreth 10% me bazë vjetore për katërmujorin. Të dhënat e INSTAT detajojnë se cilat janë grupet që po ecin më mirë dhe po i japin një dorë të gjithë eksporteve shqiptare. Të parat renditen veshjet e këmbëve, me një rritje prej 3.5 miliardë lekësh në vlerë dhe 31.5% në përqindje...(Burimi: monitor.al)

14.07.2014...Lufta ndaj evazionit dhe informalitetit nga administrata fiskale duket se ka dhënë rezultatet e para. Nga të dhënat zyrtare të Drejtorisë së Përgjithshme të Tatimeve, rezulton se të ardhurat nga kontributetet e sigurimeve shoqërore për pjesën e parë të vitit, janë rritur me 2.56 miliardë lekë ose 9.49% më shumë krahasuar me të njëjtën periudhë të vitit të kaluar. Po të analizojmë këtë fakt rezulton se kemi një rritje të numrit të të punësuarve të futur në këtë skemë, çka do të thotë se tashmë nuk punojnë në të zezë...(Burimi: scan-tv.com)

14.07.2014...Sasia e parasë jashtë bankave ka ardhur në rënie të vazhdueshme në muajt e parë të këtij viti. Sipas të dhënave nga Banka e Shqipërisë, në fund të muajit Prill, paraja jashtë bankave tregtare kishte vlerën e 193.4 miliardë lekvëe, në rënie me 2.7% që nga fillimi i vitit...(Burimi: scan-tv.com)

14.07.2014...Numri i të punësuarve në Kosovë zakonisht rritet gjatë sezonit të verës, por jo në mënyrë të kënaqshme. Sektori i bujqësisë, ndërtimtarisë, restorantet, hotelet, ambientet turistike, janë fushat ku nevojiten fuqi punëtore më e madhe gjatë kësaj kohe, thonë përfaqësues të punëtorëve. Por, përfaqësues të kompanive që në këtë sezon kanë nevojë për punëtorë sezonalë, pohojnë se vazhdimisht kanë probleme pasi punonjësit e rinj nuk janë të profilizuar në sektorë të caktuar...(Burimi: telegrafi.com)

14.07.2014...OPINION. Emin BARÇI. Bankat fajtore për interesat...ekonomia shqiptare po jeton nje moment paradoksi te jashtezakonshem. Kostoja e parase ka rene ne nivele historike. Po ashtu dhe perdorimi i saj. Ne po humbim nje moment te arte per te financuar me kosto te uleta rritjen ekonomike nepermjet nxitjes se konsumit, investimeve publike e private te konsumit, te punesimit e per rrjedhoje rritjes se mireqenies...(Burimi: panorama.com.al)

13.07.2014...Qendra Shqiptare për Kërkime Ekonomike, publikoi një raport sipas të cilit 30-40% e të punësuarve në Shqipëri, nuk paguajnë asnjë taksë ndaj shtetit, duke sjellë reduktimin e kontributeve shoqërore si dhe zhvillimin e një konkurrence të pandershme mes bizneseve. Milva Ikonomi, eksperte në ekonomi, deklaroi se nga viti 2007 deri në 2012, bizneset nuk kanë ulur pagat edhe pse nuk kanë rritur investimet, çka ka ndihmuar në kapërcimin e krizës më lehtë...(Burimi: shekulli.com.al)

13.07.2014...Shqipëria dhe Kosova kanë nivelin më të ulët të jetesës në të gjithë rajonin, shumë larg standardeve evropiane drejt të cilave synojnë. Kjo vërtetohet edhe nga një sërë studimesh të cilat flasin për një pagë minimale tepër të ulët, më të voglën në rajon dhe një nivel të lartë të informalitetit në tregun e punësimit...(Burimi: standard.al)

12.07.2014...Rreth 300 milionë dollarë janë kaluar nga qeveria për detyrimet e prapambetura, njofton Ministria e Financave, e cila jep statistikat deri më 30 Qershor 2014. Sipas sektorëve, këto para ndahen për investimet publike, ku janë alokuar 93 milionë dollarë, shpenzimet korente për mallra e shërbime dhe kategori të tjera, ku janë alokuar rreth 63 milionë dollarë, rimbursime të TVSH-së, ku janë alokuar rreth 99 milionë dollarë dhe sektori energjetik ku janë alokuar rreth 45 milionë dollarë...(Burimi: scan-tv.com)

11.07.2014...Ndryshimet në projektligjin e TVSH, janë prezantuar sot nga ministri i Financave, z.Shkëlqim Cani në Komisionin Parlamentar për Ekonominë dhe Financat. Ligji ishte i vitit 1995, pra administrata tatimore dhe biznesi operonin me një kuadër ligjor të hartuar para 20 viteve, në kushtet kur tregu dhe ekonomia kishin evoluar, ndërsa interpretimi dhe zbatimi në praktikë po krijonte gjithnjë e më shumë terren për abuzime dhe klimë.frenuese për investitorët...(Burimi: monitor.al)

10.07.2014...INTERVISTA. Nadem ILAHI. Shefi i misionit të FMN-së për Shqipërinë, Nadeem Ilahi, i tha Zërit të Amerikës se sektori i energjisë ka disa probleme themelore që kërkojnë zgjidhje dhe se vendi duhet të shfrytëzojë rezervat e mëdha hidro-energjitike. Zyrtari i Fondit Monetar Ndërkombëtar theksoi gjithashtu rëndësinë e përmirësimit të sistemit të kompensimit të taksave. Në intervistën me gazetaren e VOA-s Rudina Dervishi, shefi i misionit të FMN-së për Shqipërinë tha se vëren shenja të një rritjeje të besimit në ekonominë shqiptare...(Burimi: monitor.al)

10.07.2014...Drejtoria e Hetimit Tatimor ushtroi kontroll në subjektet private në zonën e plazhit Durrës, lidhur me regjistrimin e këtyre subjekteve në organin tatimor, deklarimin e punonjësve, instalimin dhe përdorimin e pajisjeve fiskale, dokumentimin e mallrave si dhe afishimin e çmimeve. Nga ky kontroll, vetëm në harkun kohor prej 7 ditësh, u arrit të konstatohen shkelje të rënda. Nga ana e Tatimeve u penalizuan 404 subjekte si dhe u arrit të licencohen 159 subjekte në QKR. Veç kësaj, u konfiskuan 20.000 shishe birrë pa faturat përkatëse, 3.600 shishe me pije të akcizës (uiski, verë) si dhe asete te luajtshme, të cilat në tërësi kapin një vlerë rreth 10.500.000 lekë...(Burimi: standard.al)

09.07.2014...Duke filluar nga data 1 gusht, rreth 606 mijë qytetarë do të përfitojnë pension më të lartë. Vendimi u mor në mbledhjen e sotme të qeverisë, e cila vendosi të rrisë me 2%, që në vitin e saj të parë, pensionet e plota, të pjesshme, pensionet e reduktuara, pensionet e parakohshme të pleqërisë, pensionet e invaliditetit dhe familjare, pensionet për vjetërsi shërbimi, si në qytet ashtu edhe në fshat...(Burimi: monitor.al)

09.07.2014...Bordi i Drejtorëve Ekzekutivë të Bankës Botërore miratoi sot një financim prej 7.3 milionë Euro nga IBRD për Projektin e Shërbimeve Mjedisore në Shqipëri, nga i cili do të përfitojnë fermerë, shoqata të pyjeve, grupe dhe individë në 310 komuna rurale dhe në 2980 fshatra të vendit. Kostoja totale e projektit është 16.8 milionë Euro dhe bashkë-financohet nga një Fond Besimi prej 7.3 milionë Euro nga Qeveria Suedeze dhe një Fond Besimi prej 2.2 milionë Euro nga Global Environmental Facility (GEF)...(Burimi: monitor.al)

09.05.2014...Banka e Shqipërisë (BSH) e mbush tregun me para. Sasia totale e likuiditetit të injektuar në tremujorin e parë është mesatarisht 21.22 miliardë lekë, kundrejt 16.05 miliardë lekëve të injektuara në tremujorin e katërt të vitit të kaluar. Ndërkaq, sasia e injektuar është rreth 25% më e lartë se 1 vit më parë, kur kjo vlerë ishte rreth 17 mld lekë...(Burimi: gazeta-shqip.com)

08.07.2014...Krahasuar me një vit më parë, ekonomia po ecën me ritme më të mira, por kundrejt fundit të 2013-s, ritmet janë ngadalësuar. Konkluzioni del nga tabela me të dhënat e INSTAT-it për Vlerën e Shtuar Bruto (VSHB) për tremujorin e parë 2014. Sipas INSTAT-it, krahasuar me tremujorin e fundit të vitit 2013, rritja vlerësohet vetëm 0.16%. Sipas treguesit të Vlerës së Shtuar Bruto, ekonomia në tremujorin e parë të vitit 2014 vlerësohet të ketë pasur një rritje prej 1.65%, ndaj të njëjtit tremujor të vitit pararendës...(Burimi: gazeta-shqip.com)

07.07.2014...OPINION. Tritan SHEHU. Taksat okulte per shendetesine...edhe keto dy taksa te fundit qe kerkojne te rendojne mbi qytetaret flasin per kete tendence, per konfuzion, ideologjizim dhe mungese transparenceqe mbreteron ne ata kolege politikeberes...(Burimi: panorama.com.al)

07.07.2014...Pas 15 vitesh, tregtia e jashtme pritet të rregullohet nga një kod i ri doganor. Por, ndërsa bazohet në normat europiane të tregtisë së jashtme, ka shumë kundërshti nga shoqatat e biznesit e ekonomistët. Pas një lufte me qeverinë, bizneset fason arritën të bëjnë dallimin këtë pranverë, duke siguruar një paketë me lehtësi fiskale e mbështetje. Kjo paketë rrezikon të bëhet e pavlefshme, me kodin e ri doganor që pritet të aplikohet në janarin e ardhshëm...(Burimi: monitor.al)

07.07.2014...Ndryshimet e fundit mbi taksat, përveçse ligjërojnë miratimin e një pakete të nxituar fiskale rreth gjashtë muaj më parë, po sjellin një amulli në sistem. Sipas ekonomistëve e sipërmarrësve, ndryshimet e vazhdueshme të taksave rrezikojnë të rrisin më tej informalitetin, ndërsa bizneset mund të jenë objekt i më shumë penalizimeve...(Burimi: monitor.al)

06.06.2014...Ministria e Bujqësisë, një nga institucionet më të financuara nga buxheti i shtetit, BE dhe Banka Botërore, nuk arrin të realizojë projektet, edhe pse janë të siguruara paratë. Këto e pohon indirekt ministria në një dokument me titull Monitorimi i realizimit të buxhetit të 3-mujorit të parë të vitit 2014, dërguar Ministrisë së Financave...(Burimi: gazeta-shqip.com)

06.07.2014...Në Kosovë llogaritet se një familje mesatarisht gjatë një viti shpenzon më shumë se 1 mijë e 200 euro për shfrytëzimin e energjisë elektrike. Me tarifën e re, sipas vendimit të Zyrës së Rregullatorit të Energjisë, faturat e energjisë elektrike do të jenë për 5 për qind më të larta dhe çdo familje do të paguaj 60 euro më shumë për një vit, ose afër 5 euro më shumë në muaj...(Burimi: telegrafi.com)

06.07.2014...Pavarësisht mungesës së klimës për investime në Kosovë, prapë shumë qytetarë po gjejnë mundësi për të hapur biznese të reja. Madje, sipas Agjencisë për Regjistrimin e Bizneseve, që funksionon në kuadër të Ministrisë se Tregtisë dhe Industrisë, vetëm në gjashtëmujorin e parë të këtij viti janë hapur mbi 5 mijë biznese të reja...(Burimi: kosova-sot.info)

05.07.2014...OPINION. Bardh SEJDARASI. Ligjet që miratohen sot dhe amendohen nesër...Qeveria ka bërë gati për miratim dy nga ligjet më të rëndësishme të sipërmarrjes, dy kode unikalë të funksionimit të marrëdhënies shtet-biznes, siç janë ligji i ri i TVSH-së dhe Kodi i Ri Doganor, që hyjnë në fuqi në datën 1 Janar 2015. Paralel me to, në 1 Tetor 2014 implementohet skema e re e funksionimit të administratës tatimore dhe sjella e re e biznesit me këtë autoritet publik. Sa i njohim këto? Sa e dimë këtë informacion? Edhe deputetët dinë fare pak...(Burimi: revistajava.al)

05.07.2014...Panariti deklaron lehtësimin e TVSH-së për bizneset që eksportojnë mbi 50% të prodhimit të tyre. Këtyre bizneseve do tu njihet e drejta e blerjeve të përjashtuara nga TVSH-ja në masën e barabartë me eksportin e një viti më parë. Këtë deklaroi ministri i Bujqësisë, Edmond Panariti, gjatë prezantimit të paketës së sistemit fiskal dhe doganor përpara bizneseve...(Burimi: gazeta-shqip.com)

04.06.2014...OPINION. Bardh SEJDARASI. DISA RRESHTA PËR PAGËN MINIMALE. Ka ardhur koha që Ministria e Mirëqenies Sociale dhe Rinisë të kërkojë atë që sot është bërë domosdoshmëri në Komisionin Europian: Krijimin e një komisioni të pavarur me përfaqësues të biznesit, akademikë dhe përfaqësues të sindikatave, që të analizojë efektet e pagës minimale dhe të pagave të ulëta në nivel kombëtar dhe sektorial. Një institucion i tillë do të kishte përparësi për të qenë në gjendje të ndërmjetësonte në mes të përfaqësuesve të interesave të ndryshme dhe të kontribuonte në arritjen e një konsensusi...(Burimi: gazeta-shqip.com)

04.07.2014...Paga minimale në Shqipëri, sipas Organizatës Botërore në Gjenevë, është më e ulëta në Europë, madje më e ulët se në Bullgari apo Rumani Qendrës shqiptare për Kërkime Ekonomike konsideron se 29 për qind e punësuarve në Shqipëri funksionojnë në mënyrë informale, ndërsa pagat minimale janë më të voglat në gjithë Ballkanin. Edhe pse nuk tregohet se sa është paga më e ulët, kjo qendër thotë se pagat janë më të ulët se sa të Bullgarisë e Rumanisë...(Burimi: zeri.info)

04.07.2014...Në muajin qershor 2014, të ardhurat tatimore arritën rreth 3.1 miliardë lekë ose 50.6% më shumë krahasuar me të njëjtën periudhë të vitit të kaluar, dhe rritje me 323.6 milionë lekë ose 3.6% më shumë krahasuar me planin e këtij viti. Ndërkaq, gjatë këtij muaji, tatimorët mblodhën në total rreth 14.14 miliardë lekë. Krahasuar me të njëjtën periudhë të vitit të kaluar, kjo shifër është 3.67 miliardë lekë më shumë ose një rritje prej 35.73%. Kontributet e Sigurimeve Shoqërore janë rritur me 13.2% ose 539.7 milionë lekë më shumë krahasuar me të njëjtën periudhë të vitit të kaluar...(Burimi: gazeta-shqip.com)

03.07.2014...Studimi më i fundit i Qendrës shqiptare për Kërkime Ekonomike ka treguar se 29% e punësimit të përgjithshëm është informale dhe Shqipëria ka ende pagat minimale më të ultat në Europë...(Burimi: shekulli.com.al)

02.07.2014...Tregtia me pakicë rezultoi me rritje në tremujorin e parë të këtij viti. Sipas Institutit të Statistikave, indeksi i volumit të shitjeve në Tregtinë me Pakicë është rritur 5.7% krahasuar me të njëjtën periudhë të vitit të kaluar. Por, po të përjashtojmë shitjet e hidrokarbureve, çmimi i të cilave u rrit si pasojë e rritjes së taksës nga ana e qeverisë, indeksi i tregtisë me pakicë njohu një rritje vjetore me 4.5%, çka përfaqëson shkallën më modeste të rritjes për pesë tremujorët e fundit...(Burimi: standard.al)

01.07.2014...Ministria e Financave ka hartuar projektligjin Për disa ndryshime dhe shtesa në ligjin nr.9975, datë 28.7.2008, Për taksat kombëtare, të ndryshuar, i cili propozohet në mbështetje të neneve 78, 83, pika 1, dhe 155, të Kushtetutës. Sipas relacionit që shoqëron projektligjin, mMe propozimet e paraqitura, në projektligj është reflektuar nevoja e ndryshimeve me qëllim që ti hapet rrugë ligjore implementimit të sistemit të ri informatik të Drejtorisë së Përgjithshme të Tatimeve, në përshtatje me praktikat më të mira të njohura gjerësisht...(Burimi: monitor.al)

QERSHOR

30.06.2014...Bordi Ekzekutiv i Fondit Monetar Ndërkombëtar (FMN) njofton se miratoi sot rishikimin e parë të performancës ekonomike të Shqipërisë në bazë të një programi të mbështetur nga një marrëveshje e Mekanizimit Lehtësues të Fondit (EFF). Përfundimi i rishikimit u mundëson autoriteteve të tërheqin një shumë shtesë prej SDR 23.55 million (rreth 26.7 million), duke e çuar shumën totale që është bërë e disponueshme për Shqipërinë në SDR 47.1 million (rreth 53.3 million). Vendimi u mor pa një takim formal...(Burimi: monitor.al)

30.06.2014...Elena Panaritis, ish-ekonomiste e Bankës Botërore dhe ish-deputete e parlamentit grek ishte sot në Tiranë për një trajnim të stafit të kompanisë Eurosig. Në prezantimin e saj, mbështetur veçanërisht në eksperiencën e gjatë në Bankën Botërore, zonja Panaritis tha se pengesa kryesore për rritjen e qëndrueshme ekonomike dhe zhvillimin e klasës së mesme të vendeve në zhvillim është mungesa e sigurisë. Sipas saj, forcimi i institucioneve, por edhe rritja e rolit të industrisë siguruese në shoqëri, është çelësi i ndryshimit...(Burimi: scan-tv.com)

30.06.2014...Fillon kontrolli i transferimit të fitimeve jashtë nga kompanitë e huaja në Shqipëri. Ministri i Financave, Shkëlqim Cani, ka firmosur udhëzimin Për transferimin e çmimit. Deri tani, procedura e transferimit të çmimit ka rezultuar e pazbatueshme nga organet tatimore, por bëhet i mundur me ndryshimin në ligjin për tatimin mbi të ardhurat. Transferimi i çmimit është tërësia e transaksioneve që realizojnë personat e lidhur e që kryhet përgjithësisht nga shoqëritë shumëkombëshe me vendndodhje të veprimtarive të biznesit të tyre në shtete të ndryshme, në formën e një filiali, dege, apo selie të përhershme...(Burimi: gazeta-shqip.com)

29.06.2014...Investimet e huaja direkt në Kosovë kanë shënuar rritje vitin e kaluar. Sipas të dhënave zyrtare të Bankës Qendrore të Republikës se Kosovës, vlera e investimeve të huaja në dhjetor të vitit 2013 ka arritur në 258.9 milionë euro, që paraqet rritje vjetore prej 13.2 për qind në krahasim me vitin 2012, kur këto investime ishin 230 milionë euro. Kjo rritje e investimeve është gjeneruar kryesisht nga fitimi i ri-investuar i kompanive që operojnë në Kosovë, i cili ka shënuar rritje prej 56.9 për qind, duke arritur vlerën prej 71.6 milionë eurosh...(Burimi: telegrafi.com)

28.06.2014...OPINION. Ervin KOCI. Administrata fiskale dhe rrënimi 8-vjeçar. Të dhënat fiskale tregojnë se objektivi i qeverise për rritjen e perfomancës së administratës fiskale, shoqëruar me politika ekonomike dhe fiskale që nxisin konsumin dhe prodhimin, është në udhë të mbarë. Nga opozita (nga lideri i saj, ish-ministrat, deputetët, mediat dhe analistët që e mbështesin në çdo aksion politik) është deklaruar, që ekonomia, pas muajit shtator, po përkeqësohet; që perfomanca e administratës fiskale është shumë më e dobët se ajo e kohës së tyre dhe që zbatimi i politikave...(Burimi: shekulli.com.al)

28.06.2014...Muajin që kaloi, fondi më i madh në botë i obligacioneve, Pimco, ka publikuar raportin e vet Secular Outlook, në të cilin ka paraqitur gjendjen e veçantë ku ndodhen tregjet e përparuar dhe ata në zhvillim. Madhësia e likuiditeteve që janë futur në sistemin financiar nga viti 2007 e deri sot, në vend që të luftonte një flluskë, ka krijuar të tjera, të cilat mund të jenë më të rrezikshme...(Burimi: standard.al)

28.06.2014...Ndryshon mënyra e llogaritjes së tatimit për biznesin e vogël. Kështu, akoma pa kaluar gjashtë muaj nga ndryshimi i sistemit fiskal, qeveria reagon ndaj ankesave të biznesit të vogël, duke rishikuar normat tatimore për këtë kategori. Drafti për ndryshimet në ligjin Për sistemin e taksave vendore sapo ka mbërritur në Kuvend, ku pritet diskutimi dhe miratimi i shpejtë...(Burimi: gazeta-shqip.com)

28.06.2014...Ministria e Financave bëri me dije sot se pas tre muaj trajnim të rreth 550 punonjësve të administratës doganore dhe tatimore, sot (datë 28 qershor) nisi testimi për rreth 200 inspektorë tatimorë. Javën tjetër do të jetë testimi për punonjësit e doganave. Në testim nuk do të ketë vetëm inspektorë, por edhe nivel menaxherial, pra drejtues që janë rreth 85. Testimi është kryer në ambientet e fakultetit Ekonomik, në Tiranë...(Burimi: gazetadita.al)

27.06.2014...Rroga neto mesatare mujore, e paguar për të punësuarit në muajin prill të këtij viti në vend është 21.175 denarë dhe shënon rritje prej 0,9 për qind në krahasim me muajin prill të vitit 2013. Siç publikoi Enti Shtetëror për Statistikë, rritja e tillë ka të bëjë, para se gjithash, me rritjen e neto rrogës mesatare mujore të paguar për të punësuarit në sektorin e ndërtimtarisë për 7,4 për qind, Veprimtari lidhur me prona të patundshme për 5,6 për qind dhe veprimtari administrative dhe shërbime për 5,2 për qind...(Burimi: zhurnal.mk)

26.06.2014...Autoriteti i Mbikëqyrjes Financiare bën te ditur se të ardhurat nga primet e shkruara bruto të sigurimit për periudhën janar-maj 2014 arritën rreth 4,399 milionë lekë, ose 29.71% më shumë se në periudhën janar-maj 2013. Gjatë periudhës janar-maj 2014, numri i kontratave të sigurimit të lidhura arriti në 364,360 me një ulje prej 4.60% krahasuar me periudhën janar-maj të një viti më parë...(Burimi: monitor.al)

25.06.2014...Kursimet e rrepta që i kanë aplikuar bankat në vend, kanë rezultuar me sukses në mbushjen e arkave të tyre. Edhe pse kanë shënuar rënien e të hyrave nga interesi, bankat në Kosovë pothuajse kanë dyfishuar fitimet në krahasim me vitin paraprak si rezultat i kursimeve. Sipas raportit të fundit të Bankës qendrore të Kosovës (BQK), bankat në vend, gjatë tremujorit të parë të këtij viti kanë shënuar fitime në vlerë prej 9.8 milionë eurosh, duke shënuar kështu rritje vjetore prej 57.7 për qind...(Burimi: telegrafi.com)

25.06.2014...Sipas raportit, vlera e gjithsej eksporteve në TM1 2014 është karakterizuar me një rënie vjetore prej 2.3 për qind, duke zbritur në 65.7 milionë euro. Rënia e eksporteve në TM1, sipas të dhënave të BQK-së, në 2014 kryesisht i atribuohet rënies së çmimeve të metaleve bazë në tregjet ndërkombëtare Projeksionet e Bankës Qendrore të Kosovës (BQK) për këtë vit janë se norma reale e rritjes ekonomike do të jetë 4 për qind...(Burimi: kosova-sot.info)

25.06.2014...Deklarimi i pasurisë tek Agjencia e Kosovës Kundër Korrupsionit nga ana e zyrtarëve të lartë duket të jetë vetëm një formalitet është thënë sot në një raport të prezantuar nga Grupi për Studime Juridike e Politike në Prishtinë. Sipas këtij raporti, pasuria e zyrtarëve publik, sidomos të atyre politik, në rastet kur relacioni i pasurisë me të ardhurat e tyre është më i madh, ngrit dyshimet e bazuara se kujt në fakti i takon pasuria në fjalë...(Burimi: zeri.info)

24.06.2014...Një ndërmarrje që quhet "Dunav Mineral" ka zbuluar në vendbanimin shqiptar Tularë në Medvegjë plot 547 milionë ton ari dhe bakër. Në këto depozita është përcaktuar përmbajtja e 0.22 gram për ton ar dhe 0.23 për qind bakër. Kjo është 1.260.000 ton bakër dhe 120 ton prej ari", ka thënër Menaxheri për hulumtime Research Phil Fox...(Burimi: kosova-sot.info)

24.06.2014...Për herë të parë pas disa vitesh, 2013-ta rezultoi negative për eksportet shqiptare drejt Kosovës. Ato jo vetëm nuk u rritën me ritmet e rritjes së eksporteve në tërësi, por shënuan rënie në vlerë reale. Sipas të dhënave të Institutit Shqiptar të Statistikave, eksportet drejt Kosovës në 12 muajt e vitit të kaluar ishin 16.29 miliardë lekë ose rreth 6% më pak se një vit më parë. Ndikimin kryesor e dha pezullimi i eksportit të tjegullave për rreth dy muaj, për shkak të pengesave të shtuara administrative nga doganat kosovare...(Burimi: standard.al)

23.06.2014...Edhe pse pritej që nga Ministria e Financave të ndërhyhej në mes të vitit për ndryshime në buxhetin 2014, ky dikaster tashmë ka filluar mbledhjen e kërkesave të institucioneve të ndryshme për buxhetin e vitit 2015. Burime nga ky institucion bejnë të ditur për TV SCAN se, kërkesat e institucioneve janë më të larta se fondet e këtij viti. Por, risia që pritet të shoqërojë buxhetin 2015 është se nuk do të shkojë i vetëm në Qeveri dhe Kuvend, por i shoqëruar nga buxheti afatmesëm 2015-2017...(Burimi: scan-tv.com)

23.06.2014...Zgjerimi i sektorit privat në Eurozonë u ngadalësua në mënyrë të papritur gjatë këtij muaji, edhe pse kompanitë kanë vazhduar të ulin çmimet për të ringjallur biznesin e tyre. Rruga e Gjermanisë dhe e Francës ka qënë sërish e ndarë, pasi në Gjermani aktiviteti i biznesit u zgjerua fuqishëm, megjithëse me një ritëm pak më të ngadaltë se muaji i kaluar, ndërsa në Francë, sektori privat u tkurr me hapin më të shpejtë në katër muajt e fundit...(Burimi: scan-tv.com)

22.06.2014...Kompanitë vendore ende përballen me shumë vështirësi gjatë afarizmit të tyre. Shumë sish ankohen për normat e larta të interesit në kredi, ngarkesat e shumta tatimore, por edhe çështje tjera që lidhen me sundimin e ligjit. Njohës të çështjeve ekonomike rekomandojnë që institucionet të angazhohen më shumë për përmirësimin e mjedisit afarist, në të kundërtën, gjendja e bizneseve mund të keqësohet. Sektori privat në Kosovë, i cili konsiderohet gjenerator i rritjes dhe zhvillimit ekonomik, ende përballet me shumë vështirësi...(Burimi: kosova-sot.info)

21.06.2014...Banka Botërore ka publikuar raportin e qershorit Perspektiva Ekonomike Globale, ku për Shqipërinë parashikohet një rritje prej 2.1% në vitin 2014, për tu përshpejtuar më pas në 3.3% në 2015-n dhe 3.6% në 2016-n. Ndërkohë, bilanci i llogarisë korente pritet të përkeqësohet, nga -10.3% e PBB-së në vitin 2014, në -14.8% të PBB-së në 2016, duke qenë më i larti në të gjithë rajonin e Evropës Qendrore, Lindore e Juglindore, pas Malit të Zi. Rritja e konsumit privat do të vijojë të jetë negative, edhe për vitin 2014, me -1.2%, për tu kthyer pozitive në vitet në vijim, përkatësisht 4.3% dhe 4.7% në 2015-n dhe 2016-n...(Burimi: standard.al)

20.06.2014...Pas urdhrit të ministrit Cani për bllokim të fondeve të ministreve nëse nuk kryenin pagesat pas 10 ditëve është përshpejtuar ndjeshëm ritmi i tërheqjes së pagesave Ministra e Financave ka publikuar situatën me pagesën e detyrimeve të prapambetura deri në datën 13 qershor. Sipas tabelave të publikuara nga financat, deri në këtë datë, vlera e çelur nga buxheti ishte 18.2 miliardë lekë, nga e cila është paguar në total rreth 13.5 miliarde lekë, apo rreth 74% e totalit të çelur...(Burimi: monitor.al)

20.06.2014...Drejtuesit e agjencive të marketingut Në Shqipëri flasin për rritje të numrit të fushatave publicitare që kanë si emërues të përbashkët Kupën e Botës, FIFA 2014 që po zhvillohet në Brazil. Format e reklamimit janë nga më interesantet, ku konstatohet një rritje e kërkesës për creative media, forma më e fundit e reklamimit vizual. Nuk mungojnë edhe rastet kur bizneset kërkojnë më shumë marrëdhënie me publikun sesa reklama të mirëfillta...(Burimi: monitor.al)

19.06.2014...Politikanët Behgjet Pacolli, Ramiz Kelmendi dhe Hashim Deshishku, kanë pasuri prej 400 milionë euro. Sipas formularëve të pasurisë së zyrtarëve publikë për vitin 2014, të publikuar të mërkurën nga Agjencia Kosovare Kundër Korrupsionit (AKK), lideri i Aleancës Kosovare e Re (AKR), Behgjet Pacolli, është politikani më i pasur kosovar. Pasuria e tij e përgjithshme kap shumën prej 340 milionë euro. Krahasuar me vitin e kaluar, pasuria e Pacollit është shtuar për 35 milionë euro, pasi që në vitin 2013 ai kishte deklaruar pasuri të përgjithshme prej 305 milionë euro...(Burimi: zeri.info)

18.06.2014...Kuvendi ka publikuar një rezolutë për punën e realizuar nga Autoriteti i Mbikëqyrjes Financiare gjatë vitit 2013, si dhe ka lënë detyra specifike që duhet të përmbushen gjatë 2014-ës e që duhet të sjellin ndryshime të rëndësishme veçanërisht në tregun e sigurimeve, si më problematiku. Në rezolutë, Kuvendi kërkon që të stabilizohen tregjet financiare, të zgjidhet përfundimisht çështja e pagesave të prapambetura të dëmeve, që nga viti 2002. Po ja cilat janë në mënyrë të detajuar detyrat që AMF duhet të përmbushë...(Burimi: monitor.al)

18.06.2014...OPINION. Rexhep MEIDANI. A realizohet punesimi me kete rritje ekonomike...ne kushte krize ligji Okun, si nje ligj empirik, jo patjeter lidh ne menyre te plote, sidomos ne rrafshin strukturor rritjen ekonomike dhe perqindjen e papunesise, por ama ai ndjek dinamiken e ndryshimit te tregut te punes...(Burimi: panorama.com.al)

18.06.2014...Tatimi mbi Vlerën e Shtuar dhe tatimi mbi fitimin, sipas tabelës krahasuese të përpiluar nga Sektori i Statistikave të Tatimeve, udhëheqin rritjen e të ardhurave të mbledhura për 5-mujorin e parë 2014. Ndërkaq, nga një vlerësim i 5-mujorëve të parë të pesë viteve të fundit, del se të ardhurat bruto të mbledhura nga tatimet, 70.817.365.000 lekë, janë më të lartat...(Burimi: gazeta-shqip.com)

17.06.2014...Projektkodi i ri doganor, që futet nesër në procedurën për shqyrtim parlamentar, sjell shumë risi që do të ndryshojnë raportet e biznesit me doganën. Pra, më pak kontrolle, më pak letra, më tepër besim te deklaratat e biznesit. Përmirësimet do të krijojnë kushtet për kalimin në një mjedis doganor elektronik pa letër (paperless), si dhe për të futur procedurat doganore për operatorët ekonomikë të autorizuar, përfshirë zhdoganimin e centralizuar; garantimin e çlirimit të shpejtë të mallrave kur operatori ekonomik jep paraprakisht informacionet e nevojshme për kryerjen e kontrolleve bazuar në analizën e riskut, duke pasur parasysh këtu që Konventa e Kyotos parashikon që depozitimi, regjistrimi dhe kontrolli i deklaratës doganore mund të bëhen para mbërritjes së mallrave...(Burimi: gazeta-shqip.com)

16.06.2014...A paraqesin avantazhe konkurruese eksportet shqiptare? Si ka qenë ecuria e eksporteve vendase gjatë viteve të fundit; zhvendosjet në grupmallra dhe partnerë tregtarë? Studimi i Alban Pllaha, të Bankës së Shqipërisë analizon ecurinë e eksporteve shqiptare gjatë viteve të fundit...(Burimi: monitor.al)

16.06.2014...Gati 500 milionë euro ka arritur aktualisht shuma e borxheve që qytetarët e Kosovës u kanë vetëm katër prej kompanive më të mëdha publike në vend. Por, në këtë shumë nuk hyjnë edhe borxhet që konsumatorët i kanë kompanive publike rajonale e komunale. Edhe më tutje Korporata Energjetike e Kosovës, (KEK), vazhdon ta ketë primatin për shumë të madhe të borxhit që qytetaret i kanë kësaj të fundit...(Burimi: zeri.info)

15.06.2014...OPINION. Elvin MEKA. Pse transferohen kapitalet jashte Shqiperise...e gjykoj domosdoshmeri nga ana e politikeberesve dhe institucioneve mbikqyrese dhe rregullatore te sistemit financiar shprehjen dhe artikulimin e nje vullneti te qarte ne drejtim te rivitalizimit te Burses se Tiranes, mirefunksionimi i te ciles si nje treg dhe institucion do te mund te kontribuonte sadopak...(Burimi: panorama.com.al)

15.06.2014...Disa kohë më parë prestigjozja The Economist i kushtonte një artikull të veçantë historisë unike 100-vjeçare të Argjentinës. Ky artikull zuri edhe faqen e parë të revistës të publikuar më 15 shkurt. Titulli ishte Parabola e Argjentinës-Çfarë mund të mësojnë qeveritë e tjera nga 100 vite të rënies ekonomike. Dhe sigurisht nëse e analizojmë me kujdes këtë shkrim, qeveria shqiptare ka shumë për të mësuar nga gabimet e Argjentinës, pasi në disa raste ngjashmëritë janë të habitshme...(Burimi: standard.al)

14.06.2014...Përgjatë vitit 2013, botës ju shtuan edhe 2.6 milionë familje milionere, që sugjeron se të pasurit po bëhen akoma më të pasur. Numri i përgjithshëm i familjeve milionere në botë gjatë vitit të kaluar u rrit me 19% në 16.3 milion familje dhe përfaqësojnë rreth 1.1% të familjeve në të gjithë botën. Amerika ishte vendi që regjistroi rritjen më të madhe të familjeve milionere, me 1.1 milionë të tilla, në totalin e 7.13 milionë familjeve...(Burimi: scan-tv.com)

13.06.2014...Trendët e konsumit, sipas rezultateve të Anketës së Buxhetit të Ekonomive Familjare (ABEF) 2013, rezultojnë se kanë një rritje prej 3.9 për qind të konsumit të përgjithshëm, krahasuar me vitin 2012. Pjesa më e madhe e buxhetit të ekonomive familjare në vitin 2013 është shpenzuar në ushqim dhe banim, 45 për qind për ushqim dhe 30 për qind për banim të konsumit të përgjithshëm...(Burimi: telegrafi.com)

12.06.2014...Për Shqipërinë parashikohet një rritje prej 2.1% në vitin 2014, për tu përshpejtuar më pas në 3.3% në 2015 dhe 3.6% në 2016-n. Ndërkohë, bilanci i llogarisë korrente pritet të përkeqësohet, nga -10.3% e PBB-së në vitin 2014, në -14.8% të PBB-së në 2016, duke qenë nga më të lartët në gjithë rajonin e Europës Qendrore Lindore e Juglindore...(Burimi: gazeta-shqip.com)

11.06.2014...Instituti Ndërkombëtar për Studime Ekonomike në Vjenë ka njoftuar se Shqipëria prin me investime direkte të huaja që mbërrijnë 923 milionë euro. Pastaj vjen Serbia me 779 milionë euro, Mali i Zi me 337 milionë euro, Bosnjë Hercegovina 300 milionë euro, Kosova me 259 dhe Maqedonia me 251 milionë euro...(Burimi: zhurnal.mk)

11.06.2014...Banka Botërore ka publikuar Raportin e qershorit Perspektiva Ekonomike Globale, ku për Shqipërinë parashikohet një rritje prej 2.1% në vitin 2014, për tu përshpejtuar më pas në 3.3% në 2015 dhe 3.6% në 2016-n. Ndërkohë, bilanci i llogarisë korente pritet të përkeqësohet, nga -10.3% e PBB-së në vitin 2014, në -14.8% të PBB-së në 2016, duke qenë më i larti në gjithë rajonin e Europës Qendrore Lindore e Juglindore, pas Malit të Zi...(Burimi: monitor.al)

11.06.2014...Drejtoria e të Ardhurave Publike në ueb faqe e publikoi listën e parë të kompanive dhe qytetarëve të cilët i kanë borxh shtetit shumë parash në bazë të TVSH-së, tatimit të fitimit, tatimit personal të të ardhurave, kontributeve nga sigurimi i obligueshëm social, akciza dhe doganat. Në listë janë emrat e personave fizikë dhe ushtruesve të pavarur të veprimtarive në të cilat vlera e përgjithshme e borxhit është më e lartë se 120.0000 denarë, si dhe personave juridikë me borxhe mbi 300.000 denarë...(Burimi: zhurnal.mk)

10.06.2014...Kredia për ekonominë ka pësuar ngadalësim të përshkallëzuar, duke kaluar në territor negativ në gjysmën e dytë të vitit dhe duke shënuar një ndryshim vjetor prej -2.4% në muajin nëntor. Ritmet e kreditimit të ekonomisë kanë vijuar të ndikohen nga të njëjtat probleme të kërkesës dhe ofertës, të cilat janë bartur edhe gjatë tremujorit të katërt...(Burimi: monitor.al)

10.06.2014...Ulen çmimet e ilaçeve, por vazhdojnë të shtrenjtohen ushqimet. Për ushqimet nuk është një gjë e re, por vazhdim i kurbës rritëse që nga viti i kaluar, ndërsa ulja e çmimeve në sektorin e shëndetësisë shënon një rënie të menjëhershme të madhe. Indeksi i çmimeve të konsumit maj 2014, që u publikua dje nga INSTAT, tregon se ndryshimi vjetor është 1,6%. Një vit më parë ky ndryshim ishte 2,1%. Në muajin maj 2014, indeksi arriti 117,3% kundrejt muajit dhjetor 2007...(Burimi: gazeta-shqip.com)

09.06.2014...OPINION. Anastas ANGJELI. G7 dhe sfidat globale te zhvillimit. me shume transparence, thenie dhe njohje te efekteve pozitive qe keto reforma sjellin, por edhe te sakrificave qe kerkohen per to pavaresisht nga shkalla e tyre. Financat publike do te duhet qe te vazhdojne te konsolidohen e ti nenshtrohen nje rregulle te ri fiskal...(Burimi: panorama.com.al)

09.06.2014...Inflacioni për muajin Maj pësoi rënie të mëtejshme, megjithë tentativat për të nxitur kërkesën e brendshme në ekonomi. Sipas të dhënave të Instat, inflacioni zbriti në 1.6%, nga 1.7% që kishte qenë në Prill dhe 2.1% që kishte qenë në Maj të vitit të kaluar...(Burimi: scan-tv.com)

08.06.2014...Nga data 4 qershor, transaksionet e pronave dolën nga pluhuri i regjistrave të noterëve dhe u bënë të lexueshme për mijëra zyrtarë që hetojnë apo gjurmojnë kundërvajtje dhe vepra penale të ndryshme. Regjistri Noterial Shqiptar (RNSH), tashmë në formë elektronike, është i aksesueshëm për shumë institucione. Me fjalë të tjera shitblerjet e pronave të patundshme nuk janë më sekret i palëve, por një vendim qeverie përcakton edhe kush do të ketë mundësi ti shohë veprimet dhe transaksionet që kryhen në zyrat noteriale...(Burimi: gazeta-shqip.com)

07.06.2014...Drejtoria e Përgjithshme e Doganave dhe Crown Agents njoftojnë fillimin e fushatës më të gjerë që është ndërmarrë deri më sot në lidhje me kontrollin e prodhuesve, importuesve, shpërndarësve dhe shitësve me pakicë të alkoolit, cigareve, pijeve energjike dhe kafes produkte të cilat janë subjekt akcize...(Burimi: standard.al)

06.06.2014...Pas Bankës Botërore (BB), edhe një institucion tjetër financiar ndërkombëtar konfirmon dhe fuqizon qëndrimin e tyre se krijimi i 200 mijë vendeve të reja të punës nuk do të ndodhë. Tani është Fondi Monetar Ndërkombëtar (FMN), që deklaron se zhvillimi ekonomik dhe punësimi nuk do të ndodhin pa vënë në vend një strategji të mirëfilltë të zhvillimit ekonomik...(Burimi: zeri.info)

05.06.2014...Banka e Shqipërisë ka miratuar shtypjen e kartëmonedhës 10 mijë lekë, që bëhet prerja më e madhe monedhës së brendshme në treg. Pritet që Guvernatori i BSH-së, Ardian Fullani, të ngrejë një grup të posaçëm pune, i cili do të merret me përcaktimin e pamjes dhe studimin e tematikës, që do të pasqyrohet në kartëmonedhën e re...(Burimi: shekulli.com.al)

04.06.2014...Rreth 50% e punonjësve të shtetit përfitojnë një pension të veçantë, i cili është shumë herë më i lartë se ai që përfiton një kontribuues i rregullt. Pavarësisht se me skemën e re Ministria e Mirëqenies Sociale ka premtuar reduktimin e këtyre pensioneve, listës së mëposhtme nuk do ti hiqet asnjë emër (pozicion pune). Pension si punonjës shteti përfitojnë të gjithë ata persona që kanë kryer funksione kushtetuese apo detyrën si punonjës i shtetit (institucionet qendrore buxhetore). Kushti i përfitimit të pensionit si punonjës shteti është që personi të jetë larguar nga funksioni...(Burimi: standard.al)

04.06.2014...Cani: Organet tatimore përballen me dy bilance; do thjeshtëzohen standardet për SME-të. nga eksperienca shqiptare, nënvizoi rëndësinë që ka, midis shumë punëve të tjera të qeverisë, vëmendja në prioritet e një reforme të tillë, transparenca për publikun dhe për organet tatimore që shpesh përballen me dy bilance të mbajtura nga shoqëritë tregtare. Në Shqipëri po vazhdohet nga puna për thjeshtësimin e standardeve të raportimit financiar për bizneset mikro dhe përmirësim të aspekteve të veçanta për grupe të tjera...(Burimi: monitor.al)

04.06.2014...sipas të dhënave nga Departamenti i Punësimit në kuadër të Ministrisë së Punës dhe Mirëqenies Sociale, shkalla e papunësisë në vend është 30,9 për qind. Sipas të dhënave të po këtij dikasteri të Ministrisë, numri i personave të regjistruar si të papunë në Zyrat e Punësimit të administruara nga Ministria e Punës dhe Mirëqenies Sociale deri në fund të muajit shkurt 2014, është 270 238 e këtu hyn edhe Berat Azemi, i cili tregon se kërkon punë për më shumë se 6 vjet, por asnjëherë nuk iu është ofruar zgjidhje në këtë drejtim...(Burimi: zeri.info)

04.06.2014...Në Maqedoni, vitin e kaluar ka pasur 36 persona, pasuria personale e të cilëve ka kaluar 30 milionëshin e dollarëve amerikan. Bashkë, këto njerëz kanë pasuri me vlerë prej 4 miliardë dollarë, prezanton këto të dhëna Velt iks, në Utrinski vesnik. Në krahasim me vitin 2012-2013, kur për herë të fundit ka pasur të dhëna të veçanta për vendin, numri i të pasurve vitin e kaluar është rritur për një. Megjithatë, nuk nuk ka ndryshime në rritjen e pasurisë së tyre të përgjithshme e cila ka mbetur në 4 miliardë dollarë...(Burimi: zhurnal.mk)

04.06.2014...Përkushtimi i Qeverisë në reformën e Doganës dhe ATK-së dhe luftimin e ekonomisë joformale përkatësisht evazioni fiskal, ka ndikuar në mënyrë të drejtpërdrejtë në përmirësimin e performancës përmes rritjes së të hyrave, luftimin e kontrabandës dhe aktiviteteve të tjera kundërligjore...(Burimi: telegrafi.com)

03.04.2014...Nga data 4 Qershor, çdo biznes që nuk paguan detyrimet do të përballet me kamatëvonesat. Ligji Nr.48/2014 që hyn në fuqi me 5 qershor 2014 Për pagesat e vonuara në detyrimet kontraktore e tregtare rregullon çështjen e kryerjes me vonesë të pagesave te faturave të furnizimit me mallra apo shërbime për Shoqëritë tregtare ose Institucionet Shteterore...(Burimi: shekulli.com.al)

02.06.2014...Gjatë periudhës janar prill 2014 primet e shkruara bruto të sigurimeve të Jetës arritën mbi 343 milionë lekë, ose rreth 6.63% më shumë se e njëjta periudhë e të vitit të kaluar. Tendenca pozitive e primeve nuk u arrit dot të ruhej nga ana e shoqërive për sa i përket pagesës së dëmeve që u llogaritën 827 milionë lekë dëme ose 1.30% më pak se në janar prill 2013...(Burimi: monitor.al)

01.06.2014...OPINION. Eduart GJOKUTAJ. Tatime shtesë për Shqipërinë nga ekonomia gri. Për daljen nga kjo situatë informaliteti dhe evazioni nevojitet bashkëveprimi i institucioneve, që kanë objekt të përbashkët antievazionin dhe luftën ndaj informalitetit. Në këtë kontekst shkon për shtat shprehja se i vetëm mund të ecësh më shpejt, por me shokë mund të ecësh më larg...(Burimi: gazeta-shqip.com)

MAJ

31.05.2014...Shqipëria i ka nënshkruar dy marrëveshje për hua mbështetëse për buxhet në vlerë prej gjithsej 220 milionë dollarë amerikanë me Bankën Botërore. Me këtë hua do të mbështetet buxheti i Shqipërisë, e veçanërisht problemet me borxhe dhe reformat qeveritare në sektorin e taksave, të pensioneve dhe të energjisë...(Burimi: telegrafi.com)

31.05.2014...Emigracioni nuk ka gjasa ta lehtësojë presionin mbi pagat në ekonomitë e dobëta. Për ekonomistët, një zonë optimale e monedhës është një në të cilën fitimet nga ndarja e monedhës së vetme tejkalojnë kostot. Ka disa debate për sa i përket Eurozonës. Ndër faktorët kyç për të bërë që monedhat e përbashkëta të funksionojnë, sipas Robert Mundell, nuni i teorisë së monedhës optimale, është një forcë punëtore e lëvizshme...(Burimi: monitor.al)

30.05.2014...OPINION. Gjergj EREBARA. POLITIKA MONETARE REZULTON INEKZISTENTE NË SHQIPËRI. Ndërsa bankat kanë ulur me disa herë normën e interesit të depozitave në lekë, interesat e kredive në lekë janë ulur shumë më pak. Nëse një vit më parë, bankat merrnin depozita me 5 për qind për të dhënë kredi me 10 për qind, aktualisht ato po marrin depozita me 2 për qind dhe po i japin kredi me 8 për qind. Në një situatë të tillë, për qytetarët është pa leverdi ekonomike të mbajnë depozita në banka dhe gjithashtu pa leverdi për të marrë kredi në banka...(Burimi: gazeta-shqip.com)

30.05.2014...Guvernatori i Bankës Qendrore, Ardian Fullani, ka argumentuar në një dalje publike vendimin e Këshillit Mbikqyrës për të ulur në 2.5% normën bazë të interesit. Vënia në lëvizje të plotë e mekanizmit të kredimit sot është thembra e akilit dhe e gjithë vëmendja e botës financiare është e përqendruar në këtë element, që është shumë kompleks dhe që kërkon përfshirjen e shumë aktorëve...(Burimi: monitor.al)

30.05.2014...INSTAT ka publikuar të dhënat vjetore përfundimtare të PBB-së me metodën e prodhimit për vitin 2010 dhe 2011 dhe të dhënat gjysëm-finale për vitin 2012. Në vitin 2012, PBB me çmime korente u vlerësua me 1.335,5 miliard lekë dhe është rritur në vlerë për rreth 35 miliard lekë krahasuar me vitin 2011...(Burimi: monitor.al)

30.05.2014...OPINION. Ilir KALEMAJ. Pabarazia apo rritja ekonomike si prioritet kryesor? Pa rritje ekonomike, pa akumulim kapitali, dëshirat për rritje taksash, fryrje administrate për të kënaqur orekse militantësh dhe shtim burokracie për të thithur gjakun e pakët të biznesit shqiptar, janë të destinuara të ngelen si ëndrrat e një nate vere...(Burimi: balkanweb.com)

29.05.2014...Sipas guvernatorit të Bankës Qendrore të Kosovës, Bedri Hamza, Kosova nuk ka kapacitete ta zgjerojë tregun e kapitalit dhe kjo mund të bëhet vetëm përmes tregut rajonal. Guvernatori i Bankës Qendrore të Kosovës (BQK), Bedri Hamza ka thënë se Kosova është treg i vogël për të pasur bursë të saj. Sipas tij, asnjë shtet i rajonit nuk mund të ketë bursë...(Burimi: zhurnal.mk)

28.05.2014...Realizimi i marrëveshjes me FMN-në, sipas BSH është një hap i rëndësishëm për të siguruar stabilitetin makroekonomik. Megjithatë, BSH thekson se, vëllimi i aktivitetit bankar u zgjerua me ritme të ngadalësuara, teksa depozitat u rritën me ritme më të ngadalta dhe kreditimi u tkurr. Por ritmi vjetor i rritjes së kredisë me probleme, sipas BSH-së, ka shënuar nivelin më të ulët që prej vitit 2008...(Burimi: gazeta-shqip.com)

28.05.2014...OPINION. Bislim AHMETAJ. Ekonomi e lirë apo shtet ligjor? Me këtë brumë që është grumbulluar në krye të shoqërisë shqiptare, as ne, as Uashingtoni, as Berlini, as Brukseli, smund të gatuajnë bukë tjetër. Çfarë kemi mbjellë, do të korrim. Shanset për ndryshime të shpejta janë të vogla, por shpresat nuk duhen humbur...(Burimi: balkanweb.com)

28.05.2013...Në fund të vitit 2013, stoku i kredisë së lëvruar nga sektori bankar vlerësohet në 567.1 miliardë lekë në rënie referuar fundit të gjashtëmujorit të parë 2013 me 2%, dhe fundvitit 2012 me 1.8%. Në mënyrë të veçantë, kredia për biznesin, e cila zë 69% të totalit të kredisë, u tkurr me 3% në 2013, krahasuar me një rritje prej 1.5% gjatë 2012...(Burimi: standard.al)

27.05.2014...Reforma e pensioneve dhe në sektorin energjik janë dy çështjet kryesore të cilave qeveria shqiptare duhet tu japë zgjidhje në një afat sa më të shkurtër. Ky është rekomandimi i Bankës Botërore i bërë prezent në Shqipëri përmes shefes së zyrës së kësaj banke në Tiranë...(Burimi: shekulli.com.al)

26.05.2014...Prodhimi në vend i naftës ka shënuar rritje të vazhdueshme gjatë viteve të fundit, duke e mbyllur vitin 2013 në një nivel prej 1.2 milionë tonësh, më e larta që prej vitit 1990, sipas të dhënave që jan ëbërë të ditura nga Ministria e Industrisë dhe Energjisë. Megjithatë, niveli i prodhimit të naftës vijon të mbetet ende larg rekordit prej 2.2 milionë tonësh, që është arritur në vitin 1974...(Burimi: monitor.al)

25.05.2014...Në rast se trendi i ndërmarrjeve të reja në Kosovë vazhdon me ritmin e viteve të kaluara, atëherë mbi 99 për qind e investitorëve në Kosovë nuk pritet të lirohen nga taksat për një kohë të caktuar, në kuadër të lehtësirave që po bëhen për investitorët e rinj. Kjo pasi që shumica absolute e ndërmarrjeve të reja në vend janë mikro ndërmarrje...(Burimi: telegrafi.com)

25.05.2014...OPINION. Bardhi SEJDARASI. Modeli i taksimit të pagës: Pse kërkohet ngrirja e pagës minimale. Ekspertë ndërkombëtarë kanë konkluduar se rregullimi politik i pagave ka një efekt negativ në punësim. Që do të thotë se nuk ka konkurrencë të përsosur në tregun e punës, si në tregje të tjera. Nëse shteti ndërhyn në funksionimin e tregut me vendosjen e një page minimale dhe kjo është më e lartë se paga ekuilibër, kërkesa për punë bie. Si rrjedhojë, shënohet rritje e papunësisë, e cila dëmton veçanërisht grupet profesionale në segmentin e pagave të ulëta...(Burimi: monitor.al)

25.05.2014...Politika fiskale e cila momentalisht është duke u zbatuar në Kosovë, është jo e favorshme për prodhuesit në Kosovë, pasi jemi të obliguar që edhe në lëndën e parë dhe repromaterial të paguajmë taksa, përderisa prodhuesit në Maqedoni, në Serbi e Mal të zi, janë të liruar prej këtyre taksave, thotë Namoni. Vendimi i qeverisë për të hequr taksat në lëndën e parë do të ndikojë pozitivisht që prodhuesit të jenë më konkurrent si në tregun vendor po ashtu edhe në tregjet e jashtme...(Burimi: telegrafi.com)

24.05.2014...itimet - Fitimi i bankave për tremujorin vazhdoi të mbetet i lartë. Sipas tabelës së publikuar nga Shoqata e Bankave, përftimi neto në total i 13 bankave është 3,374,877,207 lekë. Ndërkaq, 9 banka tregtare deklaruan rezultate fitimprurëse për vitin 2013, megjithëse u cilësua vit i vështirë financiar. Depozitat për tremujorin e kaluar nuk shënuan rritje për shkak të uljes së remitancave të emigrantëve dhe të interesave të ulëta. Në mars, ato arritën në 959,287,309,488 lekë...(Burimi: gazeta-shqip.com)

23.05.2014...Projektligji i ri për lojërat e fatit është gati që të kalojë në qeveri. Burime nga Ministria e Financës tregojnë se qeveria parashikohet të vendosë kushte të reja në këtë sektor, që po gjen një përhapje gjithnjë e më të gjerë. Gazeta publikon sot draftin, që duhet të marrë OK nga mbledhja e radhës e Këshillit të Ministrave, para se ti nënshtrohet diskutimit në Parlament...(Burimi: standard.al)

22.05.2014...Qeveria shqiptare me një vendim të fundit të saj i ka dhënë dritën jeshile disa ndryshimeve të rëndësishme në Regjistrin Kombëtar të Noterëve. Risia e këtyre ndryshimeve ligjore ka të bëjë me dhënien e të drejtës për tu futur në bazën e të dhënave të Regjistrit Kombëtar të Noterëve të administratës tatimore, inspektorëve të zyrës së Parandalimit të Pastrimit të Parave, të Deklarimit dhe Kontrollit të Pasurive, etj për të bërë çdo verifikim të mundshëm për raste të dyshimta...(Burimi: monitor.al)

21.05.2014...OPINION. Arben BRAÇE. Fasonët, si zhvillim pa të ardhme. pa shtim të kapitalit nuk ka investime dhe as zhvillim ekonomik. Kjo teori prodhon ishuj industrializimi dhe mirëqenieje, ku pasuria është e ndarë në mënyrë shumë të pabarabartë. Në shumë vende të Afrikës së zezë, ku kjo teori është zbatuar në mënyrë klasike, pasuria ka mbetur e përqendruar në një shtresë të lartë të korruptuar, të cilës i përkasin një grusht njerëzish e që nuk i bëhet vonë për pjesën tjetër të shoqërisë...(Burimi: balkanweb.com)

20.05.2014...Kreditimi i bizneseve vijon të tkurret që nga tremujori i dytë i vitit 2013, sipas raportit të stabilitetti financiar të Bankës së Shqipërisë. Në fund të 2013, kredia për bizneset ra me 2.16%, në terma vjetorë. Kjo sjellje u kushtëzua kryesisht nga tkurrja e kredisë në valutë me 3.78%, ndërsa kredia në lekë shënoi zgjerim të lehtë me 1.13%...(Burimi: monitor.al)

20.05.2014...Përmes një operacioni financiar të zhvilluar në Turqi, pjesa më e madhe e rezervave shqiptare të bakrit kanë kaluar në pronësi të gjigantit botëror të minierave, kompanisë kineze Jiangxi Koper.Përkatësisht pak ditë më parë, kompania kineze ka blerë në Turqi 50 për qind të aksioneve të Nesco Metal. Kjo e fundit është ndërmarrja që zotëron 100 për qind të aksioneve të shoqërisë Beralb, e cila ka me koncesion nga qeveria shqiptare vendburimet më të rëndësishme të bakrit në Shqipëri si minierën e Munellës, Lakroshit, Karmës por edhe Fabrikën e Pasurimit në Fushë-Arrëz...(Burimi: zeri.info)

20.05.2014...hkalla e parashikuar e rritjes ekonomike për vitin prej 3,5 deri në 3,7 për qind është e realizueshme dhe e kënaqshme për periudhën post-recensionale dhe në linjë ekstreme nënkupton përmirësimin e cilësisë të jetës së qytetarëve në afatin mesatar nëse kjo mbahet në një periudhë më të gjatë, vlerësoi profesori Dimitar Eftimovski...(Burimi: zhurnal.mk)

19.05.2014...Shlyej borxhin që ke ndaj shtetit, pastaj përfito detyrimet e prapambetura. Kjo është strategjia e re që Ministria e Financave po aplikon për të gjitha kompanitë që kanë patur detyrime në vite ndaj administratës fiskale apo institucioneve të tjera shtetërore...(Burimi: scan-tv.com)

19.05.2014...Bizneset vijojnë të raportojnë rënie të nivelit të shitjeve, por me ritme të ngadalësuara në krahasim me pjesën e parë të vitit. Rënia e shitjeve është shoqëruar me ulje të rezultatit financiar dhe tkurrje të investimeve për të gjithë sektorët. Banka e Shqipërisë, për të analizuar gjendjen financiare dhe të huamarrjes në vend, në sektorin e biznesit ka vrojtuar një zgjedhje prej 728 ndërmarrjesh, të cilat shtrihen gjeografikisht në të gjithë vendin...(Burimi: monitor.al)

18.05.2014...Fondi prej 1.6 miliardë lekësh, i programuar në buxhetin e shtetit për vitin 2014, është një vlerë e papërfillshme në krahasim me faturën e vërtetë të pretenduar nga ish-pronarët. Këta e kanë llogaritur vetë, prej vitesh, se, në rast se shteti shqiptar do të zbatonte rregullat e njohura botërisht për të drejtën themelore të njeriut, që është e drejta e pronës, familjet e shpronësuara nga regjimi komunist do të duhej të paguheshin me 30 miliardë euro...(Burimi: standard.al)

17.05.2014...Më shumë se gjysma e shqiptarëve e mbyllin muajin me para borxh, të cilat i shpenzojnë për nevoja jetike. Rreth 55 % e familjeve mbyllin muajin me para borxh në dyqanet e lagjes ose lekë që marrin për afat të shkurtër nga të afërmit e tyre. Gjendja e vështirë është zyrtarizuar në raportin e fundit të Bankës së Shqipërisë, i cili i referohet vrojtimit të kryer në tre muajt e fundit të vitit 2013...(Burimi: shekulli.com.al)

16.05.2014...Për të vlerësuar gjendjen financiare të familjeve dhe të bizneseve, Banka e Shqipërisë kryen një vrojtim të posaçëm i cili zhvillohet çdo gjashtë muaj. Vrojtimi i fundit u krye në fund të vitit 2013, duke pasur në fokus zhvillimet në gjysmën e dytë të tij, ndërkohë që vlerësimet për pritshmëritë i referohen gjysmës së parë të vitit 2014...(Burimi: monitor.al)

16.05.2014...Gjatë gjashtëmujorit të dytë të vitit 2013, gjendja dhe ecuria e sektorit bankar dhe e sistemit financiar u paraqit e qëndrueshme, sipas raportit të stabilitetti financiar të Bankës së Shqipërisë, publikuar sot. Me gjithë rritjen më të ulët ekonomike, zhvillimet në kuadrin makroekonomik kanë mbështetur ecurinë e sistemit financiar...(Burimi: monitor.al)

15.05.2014...Në një dokument të përbashkët të 27 vendeve të BE-së, i cili i parapriu takimit të gjashtë mes Bashkimit Evropian dhe Shqipërisë, merret në analizë gjerësisht ekonomia shqiptare...(Burimi: standard.al)

14.05.2014...Shohim shenja të mira në performancën e të ardhurave. Veçanërisht tek TVSH-ja. Ky është ndoshta fillimi i një trendi pozitiv. Kemi përmirësim në tregti, si tek importet ashtu dhe eksportet. Po kështu, disa sektorë si tekstilet po gjallërohen. Pra, faktori i jashtëm i ekonomisë po përmirësohet, por edhe besimi i brendshëm konsumator dhe ai i investitorëve po ashtu, për shkak të reformave për klimën e biznesit...(Burimi: shekulli.com.al)

13.05.2014...Drejtoria e të Ardhurave Publike (DAP) javën e kaluar ka gjetur parregullsi në punët financiare në 101 objekte afariste. Objektet janë mbyllur, ndërsa tatimpaguesit edhe janë dënuar me të holla. Siç informojnë nga DAP, pjesa më e madhe e objekteve të mbyllura janë në Shkup (35), Manastir (20), Strumicë (6) dhe Gostivar (5), ndërsa objektet tjera janë nga 21 komuna tjera...(Burimi: zhurnal.mk)

12.05.2014...OPINION. Eduart GJOKUTAJ. Rritja e pagës minimale si nxitje ekonomike dhe punësim. Nxitja më e madhe për rritjen e pagës minimale synon të zbusë pabarazinë sociale të rritur në këto 5 vitet e fundit. Një pagë minimale e rritur do të tregojë rolin e saj si një standard i punës dhe në mbrojtje të punonjësve duke u dhënë atyre siguri, pasi një pagë minimale e rritur ndikon në uljen e nivelit të varfërisë në periudhë afatshkurtër...(Burimi: monitor.al)

11.05.2014...Ligji për TVSH-në ka filluar të prezantohet te shoqatat e biznesit, që duket se do tu duhet pak kohë për të kuptuar ndryshimet. Por, kërkesat e para nuk kanë munguar pak ditë pas prezantimit të ligjit. Kërkohet heqje e TVSH-së për kolateralet bankare, e fermat e vogla të mos pajisen me NIPT. Vitin e ardhshëm, një pjesë e mirë e sipërmarrjeve duhet të përgatiten për të operuar në kushte të ndryshme nga ato aktuale. Duhet të paguajnë 20% më shumë se çmimi aktualisht i produktit apo shërbimit që tregtojnë, ose në po këtë nivel do të ulet kostoja e disa produkteve të tjera...(Burimi: monitor.al)

11.05.2014...Rreth 260 milionë euro është borxhi që kompani të ndryshme kosovare kanë ndaj Administratës Tatimore të Kosovës( ATK). Nga kjo vlerë, borxhi bazë sillet rreth 120 milionë euro, ndëshkimet rreth 45 milionë, kurse 80 milionë euro janë interesa. Kështu thonë zyrtarë të ATK-së, duke shtuar se gjatë këtyre viteve ky institucion ka ndërmarrë masa të fuqishme për mbledhjen e borxheve dhe kjo ka rezultuar në zvogëlimin e dukshëm të tyre...(Burimi: telegrafi.com)

10.05.2014...OPINION. Barrierat që nuk po bien. Elona BEDALLI. Rajoni konkurrues apo bashkëpunues? Marrëdhëniet ekonomike të deritanishme të paktën mes Shqipërisë, Maqedonisë dhe Kosovës kanë treguar se nuk është arritur të shfrytëzohet i gjithë potenciali. Biznesi kërkon rrëzimin e barrierave burokratike, që rëndom pengojnë bashkëpunimin mes dy anëve të kufirit, edhe në kushtet kur ekzistojnë marrëveshje ndërshtetërore...(Burimi: monitor.al)

09.05.2014...Rreth 500 mijë është numri i qytetarëve që kanë kredi në bankat komerciale që veprojnë në Kosovë, me një vlerë prej 1.8 miliard eurosh. Sipas të dhënave të fundit të Bankës Qendrore të Republikës se Kosovës, shuma më e lartë e kredive është për tregti, prej mbi 647 milionë eurosh dhe kredi individuale, ku përfshihen kreditë familjare, amvisëri, kredi konsumuese, të cilat arrijnë në 517 milionë euro...(Burimi: telegrafi.com)

09.05.2014...Aftësia e rritjes potenciale të ekonomisë shqiptare është përgjysmuar. Sipas një studimi të Departamentit të Mbikëqyrjes në Bankën e Shqipërisë, pas nisjes së krizës, në vitin 2009, potenciali i rritjes së ekonomike të vendit ka zbritur në intervalin midis 2,6% dhe 3%, nga rreth 6% që vlerësohet të ishte para krizës...(Burimi: scan-tv.com)

09.05.2014...Zonat e lira ekonomike ose industriale të shpallura nga qeveria Berisha, mbetën në letër ose u përdorën si lavatriçe që pastronin para. Njësoj si koncesionet e për qindra HEC-e, zonat e lira nuk u ndërtuan kurrë. Qeveria ka vendosur ti kalojë në sitë dhe të zbulojë se çështë bërë...(Burimi: gazeta-shqip.com)

08.05.2014...Banka e Shqipërisë ka dështuar në politikën monetare për nxitjen e kreditimit. Dhe kjo ndodh në një kohë që bankat e mbyllën vitin 2013, me një fitim sa dyfishi i vitit 2012. Në raportin e tremujorit të parë të vitit 2014, të publikuar dje, vetë banka detyrohet të pohojë mungesën e reflektimit në sportelet e bankave...(Burimi: gazeta-shqip.com)

07.05.2014...Avokati i Tatimpaguesve i kërkon Qeverisë të ndërhyjë në ligjin për deklarimin e të ardhurave, duke zgjeruar zërat e shpenzimeve që njihen si të zbritshme nga taksat. "Në mënyrë nominative mund të përcaktohet, në formë bareme, edhe një shkallë e përcaktuar e njohjes së shpenzimeve jetësore, ato më të domosdoshme të njeriut, konform metodave që i aplikon BE. Janë shpenzime që deri në njëfarë mase janë të njohura", thotë avokat Artur Papajani...(Burimi: top-channel.tv)

07.05.2014...Punëtorët në Europë mesatarisht marrin nga 24 euro për çdo orë pune, ka publikuar Eurostat. Më së shumti fitojnë punëtorët në Norvegji edhe atë 48.5 euro për orë ose dyfish më shumë se mesatarja e BE-së, njofton Zhurnal...(Burimi: zhurnal.mk)

07.05.2014...Më shumë se 1.200 njerëz të rinj janë punësuar për vetëm dy muaj në mbi 800 kompani si rezultat i masave qeveritare për lirimin nga pagesa e kontributeve sociale për punësimin e të rinjve deri në moshën 29 vjeçare...(Burimi: zhurnal.mk)

06.05.2014...OPINION. Altin HOTI. Financimi i ndërmjetëm një mundësi për shlyerjen e detyrimeve të qeverisë ndaj biznesit. Kriza e fundit financiare dhe ekonomike globale, ndër të tjera, ka dhënë dhe ndikimin e saj në ekonominë shqiptare, nëpërmjet krijimit të një zinxhiri detyrimesh të pashlyera, qeveritar e privat, si dhe mungesë likuiditetesh në rritje, duke e futur funksionimin normal të saj në një qerthull tejet të ndërlikuar...(Burimi: ekon.al)

06.05.2014...Marrëveshja me Fondin Monetar Ndërkombëtar bëri që një prej kërkesave kryesore nga sipërmarrësit e fasonit, por edhe të sektorëve të tjerë të ekonomisë, si turizmi, ulja e TVSH-së, të mos merrej parasysh. Por, pavarësisht nga kjo, bizneset po përpiqen të gjejnë forma të tjera për të lehtësuar barrën e taksave, që u imponua nga ajo marrëveshje. Kjo nënkupton kërkesën për forma të tjera të kompensimit apo mbështetje të tjera që do ta kompensonin këtë taksë...(Burimi: standard.al)

05.05.2014...OPINION. The Economist. RRITJA E PAGËS MINIMALE ËSHTË E MIRË. Paga minimale në Britani funksionon në këtë mënyrë: ajo vendoset nga një panel teknokratësh të quajtur Komisioni i Pagave të Ulëta që nuk ka nevojë të marrë miratimin në Parlament për rritjen. Ky është një mekanizëm që ne rekomandojmë për vendet e tjera...(Burimi: gazeta-shqip.com)

05.05.2014...Shumë vende në Europën Qendrore, Lindore e Juglindore varen më shumë nga transfertat e brendshme sesa nga flukset e kapitalit, në veçanti remitancat nga Diaspora (shtetasit që jetojnë jashtë vendit të tyre), sipas raportit të fundit rajonal të Fondit Monetar Ndërkombëtar. Në vitin 2012, Kosova dhe Moldavia kishin remitanca prej më shumë se 10% të Prodhimit të Brendshëm Bruto (PBB); në Bosnjë & Hercegovinë, Shqipëri dhe Serbi remitancat i tejkaluan 5% të PBB-së...(Burimi: monitor.al)

05.05.2014...OPINION. Artan HOXHA. Gropa e frikshme e buxhetit rilindës...shpenzimet ne buxhetin 2014 jane te tejfryra, ndaj ato mund te zvogelohen per te kompensuar deficitin e pritshem prej rreth 21 miliarde lekesh. Mjafton qe shpenzimet te realizohen me pak se plani, sic edhe ka ndodhur zakonisht e nese kjo nuk mjafton...(Burimi: panorama.com.al)

04.05.2014...Komuna e Gjakovës ka paralajmëruar heqjen e taksës në firmë për të gjitha bizneset që operojnë në këtë komunë. Këtë e ka konfirmuar edhe kryetarja e komunës Mimoza Kusari Lila e cila ka thënë se aplikimi i kësaj takse bie ndesh me një vendim të qeverisë të vitit 2011...(Burimi: zeri.info)

03.05.2014...Ka qenë një ndër premtimet e mbajtura rritja e pagave dhe pensioneve nga ana e qeverisë Berisha në tetë vitet e fundit. Ajo që ka qenë më e lehtë vitet e para, rezultoi tejet e vështirë në mandatin e dytë, kur në botë pllakosi kriza globale e, megjithatë, shifrat zyrtare të statistikave, edhe për vitin 2013 tregojnë se fjala është për një premtim të mbajtur deri në fund...(Burimi: standard.al)

02.05.2014...Shumë kompani që shteti u detyrohet shlyerjen e TVSH-së së prapambetur, nuk bëjnë tërheqjen e shumave pranë Thesarit. Financat, të ndodhura para këtij fenomeni që nuk e kishin e parashikuar, po bëjnë njoftimin e firmave që nuk janë paraqitur...(Burimi: gazeta-shqip.com)

01.05.2014...Sipas opozitës, reforma e saposhpallur e pensioneve është në dëm të qytetarëve. Në një intervistë për ABC News, ish-zëvendësministri i Financave, Sherefedin Shehu tha se do të krijohet një gropë e re fiskale në vend. ..(Burimi: mapo.al)

PRILL

30.04.2014...OPINION. Eduart GJOKUTAJ. BUXHETI DHE TVSH NDAJ BIZNESIT DHE QYTETARIT. qytetarët në një ekonomi ku të gjithë janë pjesë e bazës së TVSH-së dhe zbatojnë rregullat e saj, do të ndiheshin më të lehtësuar në çmimet dhe shërbimet e mallrat që do të blinin, për arsye të garancisë që jep formalizimi dhe kontrolli i kufijve të tij. Një sistem efektiv do të reduktonte TVSH-në e paguar nga qytetarët, rrjedhojë që vjen vetëm nga zbatimi i TVSH-së, sipas parimeve të barazisë dhe shtrirjes së bazës në të gjithë sektorët ekonomikë...(Burimi: gazeta-shqip.com)

30.04.2014...Qeveria e Kosovës ka marrë vendim që të hiqen Tatimet në Korporata dhe Tatimi në Vlerën e Shtuar për investitorët të cilët sigurojnë të paktën tridhjetë vende pune. Ekzekutivi i vendit po ashtu ka marrë vendim për hartimin e një Udhëzimi Administrativ për heqjen e taksave doganore për lëndën e parë dhe për pajisje. Këto vendime Qeveria e Kosovës i ka marrë në mbledhjen e së martës...(Burimi: zeri.info)

29.04.2014...Agjencia e Statistikave të Kosovës (ASK), ka publikuar të dhënat nga Tregtia e Jashtme në Kosovë tregojnë për një deficit tregtar më të lartë për muajin mars 2014 prej 179.3 milionë euro krahasuar me deficitin prej 172.1 milionë euro me periudhën e njëjtët të vitit 2013. Ndërsa, eksporti mbulon importin 11.4 për qind...(Burimi: telegrafi.com)

29.04.2014...Fondi Monetar Ndërkombëtare ka prezantuar sot në Stamboll Raportin Ekonomik Rajonal për Europën Qendrore, Lindore e Juglindore CESEE. CESEE i referohet shteteve në vijim: Shqipëria, Bjellorusia, Bosnja dhe Hercegovina, Bullgaria, Kroacia, Republika Çeke, Estonia, Hungaria, Kosova, Letonia, Lituania, Maqedonia, Moldavia, Mali i Zi, Polonia, Rumania, Rusia, Serbia, Sllovakia., Sllovenia, Turqia dhe Ukraina...(Burimi: monitor.al)

29.04.2014...Brenda tre muajve të parë të këtij viti janë shtuar 91 milionë euro borxhe nga institucionet e shtetit shqiptar - Strategjia e thjeshtëzuar e qeverisë Rama parashikon rritje të borxhit për të shkyer borxhe të mëparshme, duke lënë pas dore në mënyrë të dukshme investimet, majën e diamantit të Ekzekutivit të mëparshëm...(Burimi: standard.al)

28.04.2014...OPINION. Diego VALIANTE. Sistemi financiar mund të shpëtojë Europën. Përqëndrimi tek reformat e shumta të nisura nga Komisioni Europian në pesë vitet e fundit, dhe përqëndrimi i tyre tek objektiva europianë, dhe jo të G20-ës, do të ishte vendimtar. Riparimi i sistemit financiar, domethënë kanali i transmetimit i asaj politike monetare nga e cila klasa politike kërkon shumë shpesh mrekullira, është shansi i vërtetë për të krijuar një kanal alternativ të kredidhënies tradicionale nga bankat, si dhe për të rikthyer, këtë herë me të vërtetë, rritjen ekonomike në Kontinentin e Vjetër...(Burimi: balkanweb.com)

27.04.2014...OPINION. Anastas ANGJELI. 11 rekomandime për krizën e kreditimit. kjo gjendje ka lidhje edhe me aktivitetin e plogësht rregullues të Bankës së Shqipërisë, e cila është treguar joefektive në rekomandimet për aplikimin e politikave të kujdesshme për vlerësimin e riskut nga ana e bankave dytësore, përpara se niveli i NPL-ve të mbërrinte në 25%, ndërsa sot nuk po tregohet efektive në gjetjen e shtysave për rritje të kreditimit. Banka e Shqipërisë duhet ta fokusojë më shumë punën e saj në disa drejtime si...(Burimi: shekulli.com.al)

27.04.2014...INTERVISTE. Nadem ILAHI. ka në marrëveshjen e fundit për lëvrimin e huas 330 milionë euro nga Fondi Monetar Ndërkombëtar (FMN) kushte për Shqipërinë? A përfshin kjo marrëveshje rritje të taksave, çmimit të energjisë dhe moshës së pensionit. Sa detyruese janë rekomandimet e FMN-së në raportin e fundit të stafit? A rrezikon Shqipëria që ti ndërpritet lëvrimi i kësteve të kredisë nëse nuk arrin të përmirësojë parametrat makroekonomikë, siç është rënë dakord me FMN-në. Për të gjitha këto, në një intervistë ekskluzive për Monitor, nga zyra e tij në Uashington, flet z. Nadeem Ilahi, shefi i misionit të FMN-së për Shqipërinë...(Burimi: monitor.al)

27.04.2014...Megjithëse ka hyrë në fuqi që më shumë se tre muaj më parë, projekti Rama-Cani për rritjen e të ardhurave buxhetore bazuar mbi taksimin progresiv mbi të ardhurat e shqiptarëve deri tani ka shënuar dështim. Vetëm ditën e djeshme, ky dikaster ka publikuar të dhënat mbi realizimin e zërave kryesorë të buxhetit për janar-marsin (të dhëna progresive të tre muajve bashkë), ku duket se plani i përgatitur që para se të vinte në pushtet nga PS nuk ka dhënë pasojat e pritshme...(Burimi: standard.al)

26.04.2014...Ministria e Financave dhe institucionet në varësi të saj, të angazhuara në luftën kundër korrupsionit, si një nga prioritetet themelore të Qeverisë për forcimin e shtetit ligjor dhe mbrojtjen e interesave të taksapaguesve shqiptarë, kanë paraqitur në organet e prokurorisë 192 kallëzime penale për 569 autorë, të cilat i referohen veprave penale në fushën e shpërdorimit të detyrës, mashtrimit dhe fshehjes së detyrimeve tatimore, kontrabandës, ushtrimit të veprimtarive të pa ligjshme në fushën e lojërave të fatit si dhe ato në fushën e pastrimit të parave, sipas një njoftimi zyrtar nga Ministria e Financave...(Burimi: monitor.al)

26.04.2014...OPINION. Zef PREÇI. Auditimi permes KLSH dhe te ardhurat tatimore...nese frika ne publik per zbulimin e privilegjeve fiskale qe kane gezuar nje numer perfaqesuesish politike i shtyn keta te fundit dhe ndoshta dhe mazhorancen ne teresi qe te mbaje qendrime te ngurta ne kete debat...(Burimi: panorama.com.al)

25.04.2014...Shqipëria dhe Kosova hedhin hapin e radhës për t'i dhënë fund asaj që kryeministri Edi Rama, e quajti një epokë të turpshme në marrëdhëniet tregtare mes dy vendeve dhe hapjen e një kapitulli të ri në bashkëpunimin doganor. Dhe që kjo të bëhet realitet Kryeministri Rama deklaroi se duhet që burokracinë ta shpallim armik të përbashkët. Nga takimi mes përfaqësuese të doganave nga Shqipëria dhe Kosova Edi Rama parashtroi një sërë propozimesh, ndër to edhe lehtësimin e procedurave të tranzitit. Me fjalë të tjera, mallrat e nisura nga Durrësi do ta mbyllin tranzitin në destinacionin final në Kososë, transmeton TCH...(Burimi: kosova-sot.info)

25.04.2014...30 prilli është afati i fundit kur individët me të ardhura vjetore mbi 2 milionë lekë duhet të deklarojnë të ardhurat e tyre. Ministria e Financave ka publikuar disa shembuj se çfarë duhet të kenë parasysh individët që duhet të bëjnë deklarimin...(Burimi: monitor.al)

25.04.2014...Qeveria ngrin për katër vitet e ardhshme rritjen e pagave dhe bën marrëveshje në kurriz të 150 mijë punëtorëve të industrisë së fasonit. Ky kusht i FMN-së, i papranuar zyrtarisht nga autoritetet, duket se do të zbatohet fillimisht për pagat minimale të punonjësve të këtij sektori...(Burimi: gazeta-shqip.com)

24.04.2014...Projektligji i ri për Tatimin mbi Vlerën e Shtuar, që është hartuar tashmë nga Ministria e Financave, është përfshirë në diskutime me grupet e interesit. Zyrtarët e Financave prej ditësh kanë mbledhur shoqatat e biznesit, dhomat e avokatisë dhe të tjera palë të interesuara për të përcaktuar edhe ndryshimet e fundit që do të ndodhin në projektligjin për TVSH-në. Ai tashmë i është përcjellë për mendim Ministrisë së Drejtësisë dhe Ministrisë së Integrimit...(Burimi: monitor.al)

24.04.2014...Lufta kundër ekonomisë joformale në Kosovë, ka nevojë për veprime konkrete dhe jo deklarime. Ekonomia joligjore apo evazioni fiskal, me vjet vazhdon të mbetet sfidë për autoritetet kompetente, por që asnjëherë nuk kanë munguar premtimet e institucioneve përkatëse se janë të përkushtuar që të luftojnë...(Burimi: telegrafi.com)

23.04.2014...Për Bankën e Shqipërisë, zvogëlimi i nivelit të borxhit publik nga ana e qeverisë, do të thoshte një stabilitet të qëndrueshëm. Guvernatori i BSH-së, Ardian Fullani, gjatë prezantimit të Raportit vjetor për vitin 2013, tha se ekonomia e vendit njohu gjatë atij viti ngadalësimin më të madh që kulmoi pas zgjedhjeve elektorale...(Burimi: shekulli.com.al)

22.04.2014...Sot në Pallatin e Kongreseve u shpalosën skemat e reja të financimit që shteti mundëson për fermerët, në përpjekjen e përbashkët për të kaluar nga bujqësia e mbijetesës në zhvillimin e qendrueshëm ekonomik të fshatit; një paketë që mbështet projektet konkrete të fermerëve dhe sjell zhvillimin që duam në drejtim të formalizimit të këtij sektori strategjik për vendin tonë...(Burimi: shqiptarja.com)

21.04.2014...OPINION. Emin BARÇI. Shqiperia fle mbi miliarda...kemi perpara dy sfida: ate te injektimit ne eknoomi te 1.4 miliard euro, qe flene ne depozita dhe barazimin e depozitave me kredine per ekonomine qe do e conte vleren e injektuar ne 3-4 miliarde euro...(Burimi: panorama.com.al)

20.04.2014...Mosha e pensionit në vendin tonë do të shkojë gradualisht drejt mesatares europiane, që është 65 vjeç për gratë dhe 67 vjeç për burrat. Drafti i ri për reformën e pensioneve parashikon që duke filluar nga muaji janar i vitit të ardhshëm, mosha për gratë të rritet me 2 muaj për çdo vit kalendarik deri në vitin 2032. Rritja do të prekë edhe gratë që aktualisht janë në prag pensioni...(Burimi: balkanweb.com)

19.04.2014...OPINION. Elona BEDALLI. Heqja e tatimit të dyfishtë: Një kapitull i ri. Shqipëria është vendi i parë me të cilin Kosova ka hequr tatimin e dyfishtë mbi të ardhurat dhe kapitalin. Në fakt, bëhet fjalë për një marrëveshje të vitit 2004, por që në atë kohë ishte e lidhur nga misioni i Kombeve të Bashkuara. Me fitimin e pavarësisë nga Kosova dhe më tej me rregullimet e tjera ligjore lindi domosdoshmëria për të përshtatur edhe legjislacionin në këtë fushë...(Burimi: monitor.al)

19.04.2014...Shkalla e evazionit fiskal në Kosovë llogaritet të jetë afër 40 për qind edhe pse ende nuk ka të dhëna zyrtare. Këtë shkallë të përqindjes të evazionit fiskal e rrit pjesa veriore e Mitrovicës, ku Administrata Tatimore nuk ka arritur të shtrihet asnjëherë. Edhe për kundër asaj se qeveria e Kosovës për vite të tëra kishte vendosur në prioritetet e politikave të saj parandalimin e ekonomisë joformale, korrupsionit dhe formave tjera të ekonomisë së zezë...(Burimi: zeri.info)

18.04.2014...Është krijuar Task-Forca e Menaxhimit Turistik, qëllimi i të cilës është ndjekja dhe monitorimi i zbatimit të planit të masave për sezonin turistik. Prezantimi i kësaj task-force u bë gjatë një konference të zhvilluar në Durrës nga ministrja e Zhvillimit Urban dhe Turizmit, Eglantina Gjermeni...(Burimi: shekulli.com.al)

16.04.2014...Shqipëria do të trokasë në tregjet ndërkombëtare vitin e ardhshëm, kur Eurobondi i saj pesëvjeçar të maturohet , tha Ministri i Financave, Shkëlqim Cani. Agjencia e rankimit Standard & Poor rriti vlerësimin mbi Shqipërinë në e qëndrueshme nga negative dhe konfirmoi rankimi në B që vjen pas kredisë prej 331 milionë euro që vendi ka marrë nga Fondi Monetar Ndërkombëtar. Kuptohet , vitin e ardhshëm ne do të shkojmë realisht në tregjet ndërkombëtare, sepse Eurobondi maturohet vitin e ardhshëm, tha Cani në Uashington...(Burimi: monitor.al)

15.04.2014...OPINION. Zef PREÇI. AMNISTIA FISKALE NJË HISTORI QË DUHET TË MARRË FUND. Duke e parë amnistinë fiskale të çfarëdo lloji duke përfshirë edhe këtë që diskutoi sot Komisioni i Ekonomisë i Kuvendit si një armë që duhet çuar në muze apo si një trashëgimi e tranzicionit për të cilën asnjë qeveri nuk duhet të ndihet krenare, mendoj se interesat e vendit shërbehen më shumë nëse për këtë çështje qeveria, komuniteti i biznesit dhe palë të tjera të interesuara ndërmarrin një analizë të plotë të ndikimit të faljeve mbi jetën ekonomike të bizneseve, mbi konkurrencën dhe mbi ekonominë kombëtare në tërësi...(Burimi: gazeta-shqip.com)

15.04.2014...Financat sjellin në Komisionin e Ekonomisë draftin, me vlerë 3.6 milionë euro, që përfshin gjoba të ashtuquajtura politike nga qeveria Rama, por duke shmangur një amnisti reale, për të cilën ka me të vërtetë nevojë ekonomia dhe biznesi shqiptar shtrimi rrugeve. Janë 4.069 gjoba, me vlerë mbi 500 milionë lekë, të vendosura nga administrata tatimore gjatë periudhës mars-qershor 2013 që do të falen nga qeveria Rama. Deklarata është bërë dje nga zëvendësministri i Financave, Ervin Mete, gjatë diskutimeve në Komisionin e Ekonomisë në Kuvend, në kuadër të prezantimit të projektligjit të përgatitur nga qeveria...(Burimi: standard.al)

14.04.2014...Banka e Shqipërisë ka miratuar një udhëzim që detyron bankat të përgatisin dhe të përditësojnë çdo vit një plan rimëkëmbje, dokument që paraqet masat që mund të ndërmarrin vetë bankat për të rikthyer në normalitet gjendjen e tyre financiare dhe siguruar vijimin normal të veprimtarisë, si përgjigje ndaj skenarëve që mund të cënojnë këtë vazhdimësi. Bankat duhet ti konceptojnë këto masa si zgjidhje me natyrë të jashtëzakonshme, të cilat nuk ndërmerren përgjatë veprimtarisë normale të biznesit...(Burimi: scan-tv.com)

13.04.2014...Përmbyset tendenca shumëvjeçare, remitancat janë 5 herë më të mëdha se në vitin 2002, por investimet e huaja janë nëntë herë më të larta se ato të 11 viteve më parë. Situata më pozitive që la pas vetes qeveria e mëparshme ka qenë ajo në financimet nga jashtë. Ndërkohë që prurjet valutore të emigracionit kanë qenë në rënie të vazhdueshme, si pasojë e krizës në vendet ku punojnë shqiptarët, në të kundërt, ka patur një rritje të konsiderueshme në investimet e huaja direkte...(Burimi: standard.al)

13.04.2014...Projektligji që parashikon fshirjen e kredive të këqija nga sistemi bankar është hartuar tashmë nga Ministria e Financave dhe është dërguar te Ministria e Drejtësisë, e cila do të bëjë ndërhyrjet e saj dhe do ta dërgojë atë për miratim në qeveri. Ky projektligj pritet ti japë zgjidhje një nga problematikave më të mëdha të bankave, ku huat e humbura nuk njiheshin nga organet tatimore si një shpenzim i zbritshëm, duke rënduar detyrimet fiskale të tyre...(Burimi: monitor.al)

13.04.2014... Qeveria shqiptare duket se ka nisur të nxehë motorët për ti injektuar ekonomisë më shumë investime. Parashikohet që brenda këtij viti të nisë funksionimi i një qendre me një ndalesë, e cila do të minimizojë burokracitë. Janë disa sektorët që vlerësohen me më shumë potencial, ndërsa do të synohet edhe tërheqja e investimeve nga tregjet e rëndësishme të Europës, por edhe Azisë...(Burimi: monitor.al)

12.04.2014...I ndodhur në Uashington për takimet e pranverës me Bankën Botërore dhe Fondin Monetar Ndërkombëtar, ministri i financave, Shkëlqim Cani, në një intervistë të posaçme për Monitor.al flet lidhur me disbursimin e pritshëm të këstit të parë të kredisë prej 330 milionë euro FMN-së, mënyrën e përdorimit të tij, ecurinë e pagesave të detyrimeve të prapambetura dhe efektet e kësaj lëvizjeje në ekonomi, si dhe diskutimet që po zhvillohen me Bankën Botërore dhe FMN-në në Uashington, kun ë fokus kanë qenë dhe financimet e nevojshme për të përballuar krizën energjetike si rrjedhojë e thatësirës...(burimi: monitor.al)

11.04.2014...OPINION. Ornela LIPERI. Sistemi bankar 2013: Fundi i ankthit? Bankat me kapital shqiptar (Credins dhe Union Bank) kanë bërë një hap përpara në vitin 2013, duke e rritur peshën e tyre me një pikë përqindjeje, në 11.1%, një hap pozitiv ky, që tregon si diversifikimin më të mirë të origjinës së kapitalit, ashtu dhe reduktimin e pozicionimit të bankave me kapital perëndimor, duke e bërë vendin më pak të varur nga lëvizjet e bankave mëmë në Perëndim, që vitet e fundit kanë frenuar zhvillimin e degëve të tyre në Europën Qendrore e Lindore, reflektim ky i krizës së borxheve...(Burimi: monitor.al)

11.04.2014...Krijimi i bordeve menaxhuese do të jetë hapi i ardhshëm në funksionalizimin e zonave të lira ekonomike. Kështu është shprehur Bernard Nikaj, ministër i MTI-së, në një konferencë për media, i cili ndër të tjerash ka thënë se zonat e reja sipas planit kombëtar për zona ekonomike të aprovuara nga Qeveria e Kosovës parasheh konkretisht funksionalizimin e tyre...(Burimi: zeri.info)

11.04.2014...OPINION. Klodian MUÇO. MODELI I ZHVILLIMIT EKONOMIK TË MUNGUAR. Nëse duhet të flasim për një model zhvillimi ekonomik të qëndrueshëm, atëherë duhen reforma ekonomike rrënjësore si: rritje të konkurrueshmërisë në treg, mbështetje të drejtpërdrejtë të biznesit vendas, rritje e dinamikës së tregut të punës etj...(Burimi: gazeta-shqip.com)

11.04.2014...Programi 3-vjeçar i bashkëpunimit mes Qeverisë dhe FMN-së ka rikthyer vlerësimin pozitiv për ekonominë shqiptare nga kompania e njohur Standard & Poors. Më 11 prill 2014, sipas njoftimit zyrtar, kompania e vlerësimeve Standard & Poors ka rishikuar vlerësimin e Outlook-ut për Republikën e Shqipërisë duke e ndryshuar nga negativ në të qëndrueshëm, si dhe ka konfirmuar edhe një herë vlerësimin e kreditimit afatgjatë dhe afatshkurtër në B/B...(Burimi: monitor.al)

11.04.2014...OPINION. Besmira MANAJ. A DUHEJ FMN TA BESONTE SHQIPËRINË. Diametri i problematikave ekonomike do të kapërcente në rrethin social, i cili do të induktonte sjellje ekonomike të shthurura, drejtësi problematike (siç në fakt është). Kaosi politik degradon në paaftësi për konsensus, fenomen që vështirëson reformimin. Mangësira të importuara nga e shkuara, por me keqardhje mund të pohojmë që shumëfishohen në aspekte të caktuara, duke reflektuar kulturë të vogël dhe dialogu, egocentrizëm të dyanshëm të protagonistëve...(Burimi: monitor.al)

11.04.2014...Do të ketë sanksione, në qoftë se vërejnë se do të rrezikohet stabiliteti buxhetor. Po ashtu, nëse Qeveria jonë dëshiron të ketë marrëdhënie me FMN-në, ku si kusht janë edhe marrëdhëniet me institucionet e tjera ndërkombëtare, FMN-ja sigurisht që do të propozojë masa regresive shkurtesa, të cilat do të jenë të dhimbshme si për Qeverinë, si për njerëzit e tjerë, tha deputeti Muhamet Mustafa...(Burimi: kosova-sot.info)

10.04.2014...Administrata Tatimore e Kosovës (ATK) gjatë tremujorit të parë të vitit 2014-të ka arritur të grumbullojë të hyra në vlerë mbi 80 milionë euro. Valentina Bytyqi-Sefa, zyrtare për Komunikim me Publikun në ATK, ka deklaruar për Epokën e re se Administrata Tatimore e Kosovës gjatë tremujorit të parë të vitit 2014-t ka vjelë të hyra për 9 për qind më shume se sa në periudhën e njëjtë të vitit të kaluar...(Burimi: telegrafi.com)

10.04.2014...Fiskalizimi i bizneseve në Kosovë ka rënduar gjendjen e tyre. Përveç çmimit të lartë që është dashur të paguajnë pronarët e kompanive për aparat fiskal, nga 500 deri në 800 euro, ata janë të detyruar që për çdo vit të paguajnë rreth 100 euro për mirëmbajtjen dhe kontrollin vjetor të tyre...(Burimi: zhurnal.mk)

10.04.2014...Pas kërkesave të fasonistëve dhe të gjithë eksportuesve të tjerë, Ministria e Financave ka ndërmarrë iniciativën duke reflektuar për rimbursimin në një kohë të shkurtër të tatimit mbi vlerën e shtuar (TVSH), nëpërmjet sistemit të thesarit. Me propozim të Ministrisë së Financave, Këshilli i Ministrave miratoi dje vendimin për kategoritë e eksportuesve, të cilët rimbursimin e TVSH, ose e marrin automatikisht, me paraqitjen e kërkesës, ose e marrin brenda 30 ditëve. Ky afat është sa gjysma e kohës që u jepet tatimpaguesve të tjerë, për të cilët koha e rimbursimit është 60 ditë...(Burimi: shekulli.com.al)

10.04.2014...Tregu i bonove të privatizimit ka njohur një rritje këto ditët e fundit. Edhe pse ka dy vite që ka hyrë në fuqi ligji për përdorimin e bonove të privatizimit në procesin e legalizimit, vlera e tyre ka patur luhatje gjatë gjithë këtyre kohëve...(Burimi: scan-tv.com)

09.04.2014...Rritja ekonomike për jo më shumë se 3 për qind, papunësia rreth 40 për qind, varfëria ekstreme 10 për qind si dhe deficiti i lartë tregtar, janë numra të cilat tregojnë se trendet ekonomike në Kosovë nuk janë pozitive dhe se Kosovës i duhen ende shumë punë për të bërë në uljen e këtyre shifrave, vlerësojnë ekspertë të çështjeve ekonomike dhe përfaqësues të shoqërisë civile...(Burimi: telegrafi.com)

09.04.2014...Fondi Monetar Ndërkombëtare ka publikuar dje raportin e ri për pasqyrën ekonomike globale Rimëkëmbja fuqizohet, por dobësitë mbeten. Sipas raportit, rritja e Prodhimit të Brendshëm Bruto të Shqipërisë në vitin 2014 do të gjallërohet në 2.1%, pas një zgjerimi prej vetëm 0.7% në 2013. Ekonomia shqiptare pritet të gjallërohet në 2015-n, me një rritje prej 3.3%, parashikon raporti...(Burimi: gazeta-shqip.com)

09.04.2014...OPINION. Bajram HYSA. Marrëveshja me FMN dhe kërkimi shkencor. Dihet qe ndryshimi nenkupton perteritjen dhe novacionin dhe se sistemi europian i novacioneve drejt te cilit synojme te arrijme eshte i varur nga perhapja e gjere e se drejtes per te ndermarre e shfrytezuar novacionet para se gjithash ne fushen e shkences dhe arsimit...(Burimi: panorama.com.al)

09.04.2014...Gjatë gjithë tremujorit të parë të këtij viti, ekipi menxhues i Bankers ka zhvilluar diskutime të shpeshta me qeverinë shqiptare në lidhje me ndryshimet e kohëve të fundit të legjislacionit fiskal në sektorin e hidrokarbureve. Kompania ka marrë garanci nga qeveria se do tI ofrohet një zgjidhje për kompensimin e efekteve financiare që do të lindin nga ndryshimet fiskale. Brenda 3-mujorit të dytë të këtij viti pritet të finalizohet një marrëveshje zyrtare për këtë qëllim. Lajmi bëhet I ditur nga njoftimi zyrtar I kompanisë më të madhe në vend, Bankers Petroleum, e cila nxjerr, përpunon dhe eksporton naftë nga Shqipëria...(Burimi: monitor.al)

08.04.2014...Investitorët e huaj në Shqipëri i kërkojnë qeverisë të mbajë premtimet e dhëna biznesit. Shoqata e Investitorëve të Huaj në Shqipëri, FIAA, ka vendosur ti rikujtojë ekzekutivit shqiptar 10 premtimet që ka marrë prej tij. Taksat që shpesh janë bërë burim pakënaqësish për investitorët e huaj dhe vendas zënë një vend të rëndësishëm në kërkesat që ata i përsërisin ekzekutivit...(Burimi: standard.al)

07.04.2014...Ekonomia shqiptare ka një rritje të lehtë në tremujorin e katërt të vitit 2013, i cili në të njëjtën kohë cilësohet si viti më i vështirë në ekonominë shqiptare. Të dhënat bëhen me dije nga Instituti i Statistikave, sipas të cilit Prodhimi Kombëtar shënoi rritje në tre muajt e fundit të vitit, ndonëse me ritme minimale...(Burimi: gazeta-shqip.com)

06.04.2014...Dy ditë pas miratimit në Kuvend të marrëveshjes së huas me Fondin Monetar Ndërkombëtar, qeveria shqiptare ka nisur negociatat me Bankën Botërore për nënshkrimin e dy marrëveshjeve të reja. Në mbledhjen e djeshme të Këshillit Ekonomik Kombëtar, ministri i Ekonomisë, Arben Ahmetaj, prezantoi marrëveshjen e huas prej 100 milionë dollarësh për politikat zhvillimore. Kjo është një hua, për modernizimin e sistemit financiar, ku krahas marrjes së një shume prej rreth 100 milionë dollarësh, qeveria shqiptare angazhohet të kryejë një sërë reformash të rëndësishme në sektorin financiar...(Burimi: gazeta-shqip.com)

05.04.2014...Shqipëria ka nivelin më të ulët të të ardhurave nga taksat në rajonin e Europës Juglindore. Të ardhurat nga taksat ishin sa 21.5% e Prodhimit të Brendshëm Bruto në 2013, më ulët se një vit më parë. Studimi i Al-Tax: Pesha e fokusuar te pak biznese...(Burimi:monitor.al)

05.04.2014...Sa kanë kaluar tre muaj nga hyrja në fuqi e paketës fiskale me rregullat e reja të miratuara prej qeverisë, sipas kushteve të diktuara nga Forrobaqepsindi Monetar Ndërkombëtar, biznesi ka ndjerë shenjat e para të problematikës që këto masa kanë shkaktuar në ekonominë reale. Ditën e djeshme, ka qenë grupimi i industrive shqiptare Konfindustria, që ka ngritur zërin, jo vetëm për të kërkuar thyerjen e fshehtësisë që mbulon ende marrëveshjen midis qeverisë dhe FMN, por edhe duke vënë në dukje që kushtet e vendosura nga ky organizëm nuk kanë vonuar për të krijuar një situatë aspak pozitive në ekonominë reale të vendit...(Burimi: standard.al)

04.04.2014...OPINION. Anastas ANGJELI. Rëndësia e marrëveshjes me FMN-në...zbatimi i marrëveshjes me FMN-në, në terma konkretë dhe realë, duhet konsideruar edhe si një vlerësim, pasi ky institucion po ofron fleksibilitetin e nevojshëm dhe krijon hapësirat e duhura, jo vetëm për konsolidimin fiskal,por edhe për ti dhënë frymëmarrje ekonomisë shqiptare në përgjithësi dhe biznesit në veçanti. Prandaj, sigurimi i mbështetjes financiare nga marrëveshja me FMN-në, e cila është kaq e rëndësishme, mbetet vetëm njëra anë e medaljes...(Burimi: shekulli.com.al)

03.04.2014...Ministri i Financave Shkëlqim Cani ka zbuluar përpara këshillit Konsultativ, kushtet e marrëveshjes me FMN-në. Sipas tij huaja do të jepet në SDR (Special drawing rights- monedha në të cilën FMN mban rezervat e huaja). Kredia do të lëvrohet me 9 këste për 36 muaj; interesi deri në shumën 200 milionë euro do të jetë 1.13% dhe për pjesën e mbetur të shumës, ai rritet me 2%, duke shkuar në 3.13%...(Burimi: monitor.al)

03.04.2014...OPINION. Elona SHEHU (SHAHINI). FMN dhe BB gjunjezojne Banken e Shqiperise.Per te permiresuar situaten FMN keshillon qeverine qe te ule nivelin e kredive te keqia ne sistem, te pakesoje rreziqet nga investime ne letrat me vlere, te ule ekspozimin e ekonomise nga euro...(Burimi: gazetatelegraf.com)

03.04.2014...Guvernatori Ardian Fullani, në një takim me drejtuesit e bankave ka sqaruar marrëveshjen dypalëshe të nënshkruar mes Bankës së Shqipërisë dhe Bankës Qendrore të Republikës Popullore të Kinës, si dhe mundësive që ofrohen prej saj. Kjo marrëveshje çliron rreth 250 milionë euro fonde, të cilat do të jenë shtysë e vlefshme për ekonominë shqiptare...(Burimi: monitor.al)

03.04.2014...Aleanca Kosovare e Bizneseve (AKB), publikoi pjesën e dytë të hulumtimit të nevojave të tregut të punës Paga mesatare në Kosovë. Agim Shahini, kryetar i AKB-së, tha se hulumtimi është zhvilluar në 2100 biznese, ndërsa përgjigje kanë dhënë 1480 biznese apo 70.5 për qind...(Burimi: telegrafi.com)

03.04.2014...Investimet e huaja shënuan një rritje të kënaqshme për vitin 2013, duke pasur parasysh që ky ishte një vit krize, me një rritje që pritet të jetë nën 1% dhe për më tepër u zhvilluan zgjedhjet e përgjithshme në mes të tij. Sipas statistikave të bilancit të pagesave të Bankës së Shqipërisë, totali i investimeve të huaja në fund të vitit 2013 arriti në 923 milionë euro, një rekord historik ky, me një zgjerim prej 24% në raport me një vit më parë...(Burimi: monitor.al)

02.04.2014...Borxhi i jashtëm bruto i Kosovës, i cili përfshin borxhin publik dhe borxhin privat, në fund të dhjetorit 2013 mbeti pothuajse në nivelin e njëjtë me tremujorin paraprak, vlera e borxhit të jashtëm bruto më 31 dhjetor 2013 shënoi 1.59 miliard euro...(Burimi: zhurnal.mk)

02.04.2014...Krijimi i zonave të lira ekonomike do të krijojë lehtësira të mëdha për bizneset. Kështu thonë zyrtarë të Ministrisë së Tregtisë dhe Industrisë. Valdrin Lluka kryeshefi i Agjencisë për Përkrahjen e Investimeve dhe Ndërmarrjeve në Kosovë thotë se bazuar në udhëzimin administrativ për "përcaktimin e kushteve dhe lehtësirave për bizneset që ushtrojnë veprimtarinë e tyre në kuadër të zonave ekonomike", parashihen një varg lehtësirash për bizneset që vendosen në kuadër të zonave ekonomike, respektivisht në zona të lira ekonomike, me qëllim të përballimit të investimeve të tyre dhe të tërheqjes së investimeve të reja në kuadër të zonave ekonomike...(Burimi: zeri.info)

01.04.2014...Në mbledhjen e Këshillit Konsultativ, të zhvilluar të martën pasdite, Ministri i Financave Shkëlqim Cani ka konfirmuar se deri tani, shuma që i është kthyer biznesit nga shteti për detyrimet e prapambetura ka arritur 120 milionë dollarë. Nga kjo shumë, 30 milionë dollarë janë paguar vitin e kaluar (kur në dhjetor 2013 përmes një akkti normativ u alokua një shumë prej 5 miliardë lekësh, nga e cila 2 miliardë shkoi për ndihmë ekonomike dhe 3 miliardë fatura të prapambetura), ndërsa vetëm gjatë këtij viti janë paguar 90 milionë dollarë...(Burimi: monitor.al)

MARS

31.03.2014...Duke filluar nga tremujori i parë i vitit 2015, bankat duhet të paraqesin çdo vit pranë bankës së Shqipërisë planet e tyre të rimëkëmbjes. Banka e Shqipërisë ka publikuar në fletoren e fundit zyrtare udhëzimin Mbi Planet e Rimëkëmbjes, e cila ka si object përcaktimin e parimeve themelore dhe kërkesave mbikëqyrëse mbi strukturën dhe përmbajtjen e Planeve të Rimëkëmbjes së bankave...(Burimi: monitor.al)

30.03.2014...FMN paralajmëron se sektori bankar sot është më i ndjeshëm ndaj goditjeve për shkak se bankat po mbajnë sasi të mëdha të obligacioneve qeveritare, që mund të shkaktojnë humbje të ndjeshme për to në rast se zhvlerësohet borxhi publik. Bilancet e bankave janë përkeqësuar, si rezultat i një rritjeje të shpejtë të kredive me probleme. Dobësitë në banka janë konfirmuar nga stres-teste të zhvilluara nga Fondi...(Burimi: monitor.al

30.03.2014...Monitor zbardh se cilat janë kompanitë që kanë realizuar punë publike, të cilave qeveria u ka borxhet më të mëdha. Rreth 98% e tyre i përkasin infrastrukturës, ku dominojnë firma të mëdha si Alb-Star, Victoria Invest Internacional, Gjoka Konstruksion, A.N.K., Triss Ndërtim, Gener 2, etj. Borxhi më i vjetër daton 6 vjet më parë, ndërkohë që për shumë kompani tejkalon edhe shifrën prej 10 milionë eurosh...(Burimi: monitor.al)

30.03.2014...Një pjesë e shpenzimeve për investimet publike të buxhetit të shtetit do të qëndrojnë të bllokuara deri në muajin maj. Lajmi është bërë i ditur nga burime pranë ministrisë së Ekonomisë, sipas të cilave mësohet se fondi i që do të mbahet i bllokuar është rreth 5 miliardë lekë. Fondi...(Burimi: shekulli.com.al)

29.03.2014...Shqipëria dhe Kosova konkretizuan dje dy marrëveshje të rëndësishme, shmangien e tatimit të dyfishtë, parandalimin e evazionit fiskal, si dhe heqjen e TVSH-së për librat. Marrëveshjet u nënshkruan dje në Kosovë nga ministri i Financave Shkëlqim Cani dhe homologu i tij kosovar, Besim Beqaj...(Burimi: gazeta-shqip.com)

29.03.2014...Në një anketë të bërë me investitorët e huaj, për të parë se cilat janë pengesat kryesore që ata shohin kur duan të investojnë në Shqipëri, që u krye verën e shkuar, problem kryesor ishte administrate, ka pohuar kryeministri i vendit Edi Rama, i cili ka përshëndetur fillimin e cikleve të trajnimit ETIKA E PUNONJESVE TE ADMISTRATES TATIMORE DHE DOGANORE. Ai tha se sot nisin ato që mund tI quajmë kurset kundër analfabetizimit fiskal...(Burimi: monitor.al)

28.03.2014...Tremujori i fundit i vitit 2012 shënoi një frenim në rritjen e kredive të këqija të bankave, për herë të parë që nga viti 2006. Në dhjetor, ky tregues zbriti nën 23%, duke ngjallur shpresën se bankat më në fund po arrinin që të vinin nën kontroll huat me probleme. Por, të dhënat mujore të Shoqatës së Bankave tregojnë se huatë joperformuese janë rritur sërish në janar...(Burimi: standard.al)

27.03.2014...Me krijimin e një sektori të ri të gjyqësorit shqiptar, Gjykatave Administrative, ndryshojnë edhe rregulla të ankimimit të bizneseve dhe qytetarëve për akte të ndërmarra nga administrata shtetërore. Sa më poshtë, vijojnë rregullat e reja, që duhet të dihen për tiu drejtuar kësaj Gjykate. Gjykata, në gjykimin administrativ, siguron nëpërmjet një procesi të rregullt gjyqësor dhe brenda afateve të shpejta e të arsyeshme, mbrojtjen juridike të të drejtave, lirive dhe interesave kushtetues dhe ligjorë të subjekteve, që mund të cenohen si pasojë e ushtrimit ose jo të funksioneve publike nga ana e organeve të administratës publike...(Burimi: standard.al)

26.03.2014...Qeveria shqiptare deri në muajin qershor do tu shlyejë bizneseve gjysmën e borxhit, rreth 350 milionë dollarë. Kështu ka deklaruar ministri i Financave, Shkëlqim Cani, gjatë një interviste të dhënë për Reuters...(Burimi: shekulli.com.al)

26.03.2014...Monitorues të Organizatës Joqeveritare EC Ma Ndryshe në kuadër të projektit për monitorimin e transparencës së ekzekutivit komunal të Prizrenit, në analizimin e pasqyrave financiare të Komunës së Prizrenit për vitin e kaluar ka konstatuar dobësi në performancën buxhetore, për shkak të mbylljes së 2013-tës me afër 2.5 milionë euro borxhe të papaguara...(Burimi: zeri.info)

25.03.2014...Qeveria shqiptare ka miratuar marrëveshjen për heqjen e tatimit të dyfishtë, për të ardhurat e kapitalit dhe parandalimin e evazionit fiskal me Kosovën. Marrëveshja ndërmjet Këshillit të Ministrave të Republikës së Shqipërisë dhe qeverisë së Republikës së Kosovës Për shmangien e tatimit të dyfishtë lidhur me tatimet mbi të ardhurat dhe mbi kapitalin dhe parandalimin e evazionit fiskal, krijon një bazë të plotë ligjore për trajtimin tatimor të individëve apo personave juridikë shqiptarë apo kosovarë, të cilët kanë aktivitete biznesi apo të ardhura të tjera që bien nën juridiksionin e legjislacioneve tatimore të të dy shteteve...(Burimi: standard.al)

25.03.2014...Dhjetëra projekte kapitale do të fillojnë këtë verë të realizohen në komunën e Ohrit. Investimi i përgjithshëm është mbi 4 milionë euro. Këtë e paralajmëroi nënkryeministri dhe ministri i Financave Zoran Stavreski gjatë vizitës së sotme në Ohër, duke shtuar se në preiudhën e ardhshme do të vazhdojë bashkëpunimi me Komunën përmes realizimit të projekteve të drejtpërdrejta nga programi i pushtetit qendror për katër vitet e ardhshme....(Burimi: zhurnal.mk)

24.03.2014...Qeveria shqiptare ka miratuar marrëveshjen për heqjen e tatimit të dyfishtë, për të ardhurat e kapitalit dhe parandalimin e evazionit fiskal me Kosovën. Marrëveshja ndërmjet Këshillit të Ministrave të Republikës së Shqipërisë dhe qeverisë së Republikës së Kosovës Për shmangien e tatimit të dyfishtë lidhur me tatimet mbi të ardhurat dhe mbi kapitalin dhe parandalimin e evazionit fiskal, krijon një bazë të plotë ligjore për trajtimin tatimor të individëve apo personave juridikë shqiptarë apo kosovarë, të cilët kanë aktivitete biznesi apo të ardhura të tjera që bien nën juridiksionin e legjislacioneve tatimore të të dy shteteve...(Burimi: monitor.al)

23.03.2014...Marrëveshja e qeverisë shqiptare me Fondin Monetar duket se po vihet në qendër të vëmendjes tani, shumë më tepër se sa kur u shpall shifra e huasë së akorduar prej 330.9 milionë eurosh. Ajo që bie aktualisht në sy është mungesa totale e transparencës nga Tirana zyrtare dhe fakti se FMN sikurse e ka në parimet e saj nga çdo vend i botës së ndihmon financiarisht, kërkon zbatime të kushteve të caktuara. Qeveria Rama ka mohuar ekzistencën e këtyre kushteve, por një gjë e tillë është shpallur publikisht nga vetë FMN, nëpërmjet botimit të termave të marrëveshjes...(Burimi: standard.al)

23.03.2014...Ndërsa është bërë fakt taksimi progresiv, sipërmarrës e ekspertë vazhdojnë të jenë të bindur në dobinë e taksës së sheshtë për një vend ende në zhvillim si Shqipëria e mbi të gjitha në një periudhë krize. Informaliteti, rreziku më i madh i kësaj takse. Debati mbetet i hapur, pasi edhe drejtuesit e FMN-së pranojnë se mund të bëhen hapa mbrapa, nëse ajo nuk rezulton efektive...(Burimi: monitor.al)

22.04.2014...Qeveria prezantoi nga Porti i Durrësit projektin e Kodit të ri Doganor, përmes të cilit synohet lehtësimi dhe thjeshtimi i procedurave doganore për biznesin, njëkohësisht përafrimi me legjislacionin europian për doganat. Kryeministri Edi Rama e përshkroi Kodin e ri, si një instrument, i cili do të rrisë sigurinë për importuesit dhe eksportuesit shqiptarë, njëkohësisht nisjen e një epoke transformimi, duke pasur një qasje të re me biznesin, të cilin e quajti një partner strategjik...(Burimi: gazeta-shqip.com

21.03.2014...Qeveria shqiptare ka vendosur pezullimin e përkohshëm të koncesionit të dhënë për procesin e skanimit në dogana, që do të rriste më tej koston për bizneset dhe qytetarët. Ky fakt u konfirmua nga kreu i doganave shqiptare, Elisa Spiropali në përgjigje të shqetësimit të ardhur nga biznesi. Spiropali njoftoi se me kompaninë që ka fituar koncesionin po zhvillohen negociata për kontratën...(Burimi: scan-tv.com)

20.03.2014...Ekspertët e ekonomisë, në pjesën më të madhe të tyre, mbështesin taksimin e sheshtë. Ata duan të presin edhe ndonjë muaj tjetër për të vlerësuar efektet e ndryshimit të kësaj takse në buxhet e në xhepat e sipërmarrësve. Por, pavarësisht rezultateve, të gjithë ekspertët vazhdojnë të preferojnë taksat e ulëta për një ekonomi si kjo e jona, ku informaliteti mbetet i lartë dhe rrezikon të rritet edhe më tej me rritjen e barrës fiskale...(Burimi: standard.al)

20.03.2014...Kompania britanike, Crown Agents, që do të asistojë doganat shqiptare ka nisur tashmë punën. Crown Agents do të ketë 8 skuadra operacionale me bazë në terminalin e doganave të Tiranës dhe në total 11 këshilltarë që janë atje për të implementuar punën e skuadrave operative. Në çdo skuadër ka punonjës të doganave shqiptare dhe këshilltarë të Crown agents që janë trajnuar në dy javë e gjysëm dhe janë përzgjedhur në bashkëpunim me doganat...(Burimi: monitor.al)

19.03.2014...Qeveria shqiptare miratoi marrëveshjen për heqjen e tatimit të dyfishtë, për të ardhurat e kapitalin dhe parandalimin e evazionit fiskal me Kosovën. Në përfundim të mbledhjes së qeverisë, Ministri i Financave, Shkëlqim Cani deklaroi sot se marrëveshja është në kuadër të bashkëpunimit mes Shqipërisë dhe Kosovës dhe se ajo është në dobi të biznesve të të dy vendeve...(Burimi: monitor.al)

19.03.2014...OPINION. Romeo HANXHARI. Padrejtësia ndaj taksave mjedisore 2014...rritja e takses se qarkullimit kete vit ishte thjesht koperture mjedisore per buxhetin jomjedisor. Dhe kjo tregon se ai veprim i guximshem i rritjes se takses mjedisore nuk justifikohet ne praktike, sepse rezultati ne mjedis nga ato taksa do te jete potencialisht nul...(Burimi: panorama.com.al)

19.03.2014...Banka zvicerane Credit Suisse e konsideron Shqipërinë një vend me të ardhura të ulta për vitin 2013, me një pasuri për të rriturit prej mesatarisht 6 mijë e 796 euro ose 9 mijë e 450 dollarë...(Burimi: scan-tv.com)

19.03.2014...Ministri i Financave, z.Shkëlqim Cani priti në zyrën e tij, homologun kosovar, z.Besim Beqaj, në kuadër të takimeve të zhvilluara më herët mes dy ministrave dhe grupeve teknike në Prishtinë. Thelbi i diskutimeve ishte forcimi i bashkëpunimit mes dy vendeve, identifikimi i barrierave tregtare dhe sheshimin e problemeve. Në mënyrë të veçantë, z.Cani dhe z.Beqaj diskutuan për heqjen e tatimit të dyfishtë dhe TVSH-në e librit. Në parim të dyja vendet, me grupet teknike të ministrive kanë rënë dakord. Tashmë pritet miratimi i marrëveshjeve në qeveri, për tia kaluar për aprovim final kuvendit...(Burimi: monitor.al)

19.03.2014...Ekonomia e Shqipërisë mbetet e dobët, zhbalancimet makroekonomike janë të mëdha dhe sektori financiar përballet me disa rreziqe. Në Raportin e Sistemit Financiar të Shqipërisë për 2013, që është publikuar sot, Fondi Monetar Ndërkombëtar konkludon se borxhi publik afat-shkurtër I qeverisë paraqet gjithashtu një risk për financat në vend. Me një tregti të ndikuar nga euro, ekonomia është gjithashtu e ndjeshme ndaj rreziqeve të jashtme...(Burimi: monitor.al)

18.03.2014...Nuk ka vonuar shumë për të marrë shuplakën e radhës politika e re fiskale e qeverisë Rama, e shprehur në paketën e re fiskale, të miratuar me nxitim të madh në fund të vitit të kaluar dhe për të cilën nuk u mor për bazë asnjë nga mendimet, opinionet dhe amendamentet e propozuara nga opozita parlamentare...(Burimi: standard.al)

17.03.2014...Përkundër shifrave pozitive gjatë dekadës së fundit, rritja ekonomike në Kosovë është e paqëndrueshme nëse nuk stimulohen aktivitetet e sektorit privat dhe rritja e investimeve. Kështu është thënë në një konferencë të mbajtur nga grupi për Studime juridike dhe politike, me temën A ka Kosova përparësi krahasuese për tërheqjen e IHD-ve: mundësitë dhe Barrierat. Arberesha Loxha, nga GSJP-ja, ka thënë se ekonomia e Kosovës karakterizohet me deficit të inflacionit si reflektim i çmimeve në tregjet ndërkombëtare dhe niveli i ulet i eksportëve...(Burimi: zeri.info)

17.03.2014...Shqipëria renditet ndër vendet me pagën minimale më të ulët jo vetëm në Europë, por edhe në Ballkan. Këto të dhëna u bënë të ditura nga Open Data Albania, e cila bëri një hulumtim mbi nivelin e pagës minimale në vend. Paga minimale nënkupton pagën më të ulët të përcaktuar nga Këshilli i Ministrave me propozim të Ministrisë së Punës...(Burimi: gazeta-shqip.com)

17.03.2014...Kreditë me probleme janë kthyer në një shqetësim për sistemin bankar në Shqipëri. Raporti i fundit i Bankës Europiane për Rindërtim dhe Zhvillim (BERZH), e renditi vendin tonë me nivelin më të lartë të kredive të pashlyera në Europën Juglindore. Në janar të vitit 2011, totali i kredive ishte 490,3 miliardë lekë. Nga këto, 14.5 për qind ose 71 miliardë lekë klasifikoheshin si kredi të këqija...(Burimi: gazeta-shqip.com)

17.03.2014...OPINION. Koço BROKA. STIMULI FINANCIAR I FMN-SË. Nëse qeveria e Koresë së Jugut shpalli strategjinë proeksport, ishte aftësia e biznesit për tiu përgjigjur kësaj strategjie për të prodhuar Samsungun në atë cilësi dhe çmim që të bëhej konkurrues në tregun ndërkombëtar. E njëjta gjë duhet të ndodhë dhe në vendin tonë që të mbështesë zhvillimin ekonomik në shërbimet dhe produktet konkurruese të prodhimit për konsum vendas dhe/ose eksport...(Burimi: gazeta-shqip.com)

16.03.2014...Ministria e Financave në bashkëpunim me Drejtorinë e Përgjithshme të Tatimeve, kanë përgatitur projektligjin Për Tatimin mbi Vlerën e Shtuar në Republikën e Shqipërisë. Ky projekt-ligj është hartuar me financim të Bashkimit Europian dhe me asistencën e Administratës Tatimore Franceze. Ky mendohet se siguron përputhshmërinë e rregullave të aplikimit të Tatimit mbi Vlerën e Shtuar në Shqipëri me vendet anëtare të BE-së, me qëllim mosshtrembërimin e kushteve të konkurrencës dhe mospengimin e qarkullimit të lirë të mallrave dhe të shërbimeve, duke eleminuar sa më shumë faktorët që cënojnë këto kushte, jo vetëm në rrafshin kombëtar, por për ti paraprirë edhe atij ndërkomunitar...(Burimi: standard.al)

15.03.2014...Në bazë të një udhëzimi të publikuar në Fletoren zyrtare, kanë ndryshuar procedurat se si do të paguhet renta minerare. Sipas vendimit të publikuar, në udhëzimin nr. 26, datë 4.9.2008 Për taksat kombëtare, të ndryshuar, në pikën II të pikës 2.4.1, paragrafi i tretë dhe i katërt zëvendësohen nga paragrafët me këtë përmbajtje: Në momentin kur subjekti eksportues, eksporton mineralin që ka blerë nga zotëruesi i lejes së shfrytëzimit apo nënproduktin mineral, ai paguan rentën minerare vetëm për diferencën ndërmjet vlerës së rentës së përllogaritur në bazë të çmimeve të eksportit, që është çmimi FOB në Shqipëri, dhe vlerës së rentës të paguar nga zotëruesi i lejes së shfrytëzimit...(Burimi: gazetadita.al)

15.03.2014...Ajo që i druheshin ekspertët e menaxhimit të buxhetit, duket se ka ndodhur në dy muajt e parë të këtij viti: Ministria e Financave ka zgjedhur rrugën e ndalimit të shpenzimeve për qëllime investimi për të rregulluar deficitin buxhetor. Ky i fundit, sipas shifrave zyrtare të porsapublikuara nga ana e këtij dikasteri, rezulton vërtet që për dymujorin të ketë shënuar një ulje të ndjeshme, duke kaluar nga 7.4 miliardë lekë në janar-shkurt të vitit të kaluar, në 1.7 miliardë në janar-shkurt 2013. Por shpenzimet kapitale, zëri më i rëndësishëm në buxhetin e një shteti, që sigurojnë rritjen e ekonomisë nëpërmjet hedhjes së fondeve të grumbulluara nga taksat e taksapaguesve në favor të infrastrukturës dhe shërbimeve të tjera jetike, që krijojnë edhe rritje reale të Prodhimit të Brendshëm Bruto, në fakt kanë kaluar nga 7 miliardë lekë një vit më parë, në vetëm 2.6 miliardë lekë...(Burimi: standard.al)

14.03.2014...OPINION. Irena BEQIRAJ. Ekonomia informale, problem apo zgjidhje? Asnjë analizë e Shqipërisë së sotme dhe asnjë politikë nuk mund të hartohet dhe zbatohet efektivisht nëse nuk merret parasysh ekonomia informale. Megjithëse për të flitet shumë, apo nga shumë politikë-bërës, ajo konsiderohet thjesht si evazion fiskal. Si e tillë mjafton që të kesh vullnetin ta luftosh, dhe e bën...(Burimi: gazetadita.al)

14.03.2014...Në bazë të një udhëzimi të publikuar në Fletoren zyrtare, kanë ndryshuar procedurat se si do të paguhet renta minerare. Sipas vendimit të publikuar, në udhëzimin nr. 26, datë 4.9.2008 Për taksat kombëtare, të ndryshuar,ndryshojnë procedurat për pagimin e rentës minerare...(Burimi: monitor.al)

14.03.2014...Ministria e Zhvillimit Ekonomik ka gati draftin e parë të strategjisë ndërsektoriale të Mbrojtjes së Konsumatorëve dhe Mbikëqyrjes së Tregut 2014-2020. Aktualisht është në fazën e ripunimit të draftit në bazë të kontributeve të institucioneve përkatëse dhe parashikohet që gjatë periudhës prill maj 2014 të kalojë në procesin e konsultimit me grupin e këshillimit dhe palë të tjera të interesuara...(Burimi: monitor.al)

14.03.2014...Strategjia e Biznesit dhe Investimeve 2014 -2020 ka nxitjen e sipërmarrjes femërore një nga prioritetet e saj kryesore. Kjo strategji përfshin një numër objektivash që synojnë rritjen e punësimit dhe kreditimin e biznesit si dhe përmirësimin e klimës së biznesit në përgjithësi dhe sipërmarrjen femërore në veçanti. Në përputhje më këtë strategji, Ministria e Zhvillimit Ekonomik, Tregtisë dhe Sipërmarrjes me mbështetjen e UN Women, ka hartuar planin e veprimit për gratë sipërmarrëse për periudhën 2014 2020...(Burimi: monitor.al)

13.03.2014...Kodi i Ri Doganor vendos një gur të rëndë themeli për një rrugë krejt të re marrëdhëniesh Evropiane mes biznesit dhe doganës dhe përfaqëson praktikën e re e të unifikuar të Doganës Shqiptare me Sistemin Doganor Evropian. Projekti i dytë i rëndësishëm, Single Window (Dritarja e vetme), një projekt i iniciuar nga Doganat, por që përfshin 15 institucione të ndryshmë shtetërore. Single Ëindoë do të kthehet në një partner të besueshëm për komunitetin e biznesit. Disa prej përfitimeve që do të ketë biznesi përfshijnë shkurtimin e kohës për praktikat administrative, uljen e kostos së aplikimit dhe rritjen e nivelit të transparencës...(Burimi: monitor.al)

13.03.2014...OPINION. Ermelinda MEKSI. ARSIMI NË FUNKSION TË ZHVILLIMIT EKONOMIK. Në kushtet kur rritja ekonomike është funksion i prodhimit, në kushtet kur Shqipëria sprodhon teknologji, arsimi ynë i lartë duhet të adresojë sasinë, por akoma më shumë cilësinë e zhvillimit të kapitalit njerëzor për të arritur zhvillimin e pritur të ekonomisë së një vendi që aspiron BE-në...(Burimi: gazeta-shqip.com)

13.03.2014...Guvernatori i Bankës së Shqipërisë, Ardian Fullani ka diskutuar për bujqësinë gjatë vizitës së tij në një prej zonave që ka një potencial të jashtëzakonshëm për zhvillimin e këtij sektori, siç është jo vetëm zona e Lushnjës, por i tërë qarku i Fierit, është shumë domethënës...(Burimi: monitor.al)

12.03.2014...Vendet e rajonit do të forcojnë bashkëpunimin ekonomik mes tyre nëpërmjet projekteve të përbashkëta të cilat do të kenë si synim zhvillimin ekonomik të Ballkanit dhe integrimin e tij në Bashkimin Evropian. Kjo ishte kryefjala e takimit të 42-të të Komisionit për Çështjet Ekonomike, Tregtare, Teknologjike dhe Mjedisore të Asamblesë Parlamentare të Bashkëpunimit Ekonomik të Detit të Zi (PABSEC), që u zhvillua në Tiranë, në të cilin morën pjesë delegacione nga Turqia, Gjeorgjia, Moldavia, Azerbajxhan, Shqipëria, Greqia, Rusia, Bullgaria, dhe Armenia...(Burimi: shekulli.com.al)

12.03.2014...Këshilli i Ministrave ka miratuar në mbledhjen e radhës, strategjinë e shlyerjes së detyrimeve të prapambetura te disa institucioneve publike ne sektorin e energjisë elektrike. Strategjia parashikon që brenda muajit Mars të kryhet identifikimi, verifikimi dhe konfirmimi i faturave me institucione të veçanta buxhetore dhe institucione që subvencionohen nga buxheti...(Burimi: gazeta-shqip.com)

11.03.2014...Të ardhurat që do të mblidhen nga taksimi i tokës do të shkojnë për kompensimin e pronarëve. Ka qanë ministri i Bujqësisë, Edmond Panariti, i cili ka konfirmuar ndërhyrje në ligjin 7501 dhe propozimin e një skeme të re për ish-pronarët...(Burimi: standard.al)

11.03.2014...Gjatë vitit 2014 qeveria do të orientohet në marrjen e borxhit afatgjatë, një strategji e nisur kjo që gjatë vitit të kaluar. Sipas raporteve të Ministrisë së Financave, kalendari bazë i huamarrjes së brendshme për vitin 2014 bazohet: në emetime të reja prej 45,8 miliardë lekësh, të cilat synohet të realizohen me obligacione afatgjata dhe maturimet ekzistuese, të cilat janë rreth 374 miliardë lekë të ndara përkatësisht në bono thesari 304 miliardë lekë dhe obligacione 70 miliardë lekë që vijojnë me ripërsëritjen e tyre...(Burimi: shekulli.com.al)

10.03.2014...STUDIM. Al-tax.org. Vendi i rajonit të Ballkanit, ku data e Ditës së Lirisë Fiskale vjen më vonë se në çdo vend tjetër, është Serbia. Për këtë vend në vitin 2013, Dita e Lirisë Fiskale ishte 12 maji. Këtë vit ajo është 10 maji. Kjo do të thotë, se duke filluar nga 1 janari e deri në 10 maj, serbët duhet të punojnë për buxhetin e shtetit të tyre, përpara se të ardhurat e fituara të shkojnë në xhepat e tyre...(Burimi: shqiptarja.com)

09.03.2014...Ministria e Financës publikoi dje listën e detyrimeve të prapambetura për punët publike dhe rimbursimin e TVSH, vlera e të cilave arrin në rreth 27.4 miliardë lekë. Në grupin e punëve publike, 14.7 miliardë lekë janë fatura me informacion të plotë, për të cilat pagesat do të fillojnë menjëherë gjatë javës në vijim, pas verifikimeve finale rutinë të dokumentacionit brenda procedurave të thesarit...(Burimi: standard.al)

08.03.2014...Rishikimi që po i bëhet aktualisht ligjit për Sigurimin e Depozitave të Agjencisë së Sigurimit të Depozitave (ASD) sjell risi të rëndësishme për tregun bankar shqiptar dhe në veçanti për SHKK-të dhe Unionet e tyre. Shoqëritë Kursim Kredi (SHKK) janë ndër institucionet më përfaqësuese të mikrofinancës shqiptare. Ato janë bashkime vullnetare individësh, banorë të zonave rurale, të cilët vetëkrijojnë dhe vetadministrojnë Shoqërinë e Kursim Kreditit e cila jep mikrokredi dhe mbledh kursime vetëm nga anëtarët e saj, gjithashtu banorë të zonës rurale së mbuluar nga SHKK-ja...(Burimi: monitor.al)

08.03.2014...Autoriteti Rrugor Shqiptar ka gati listën e kompanive që nuk janë paguar për punët publike dhe që, pas bërjes efektive të marrëveshjes me Fondin Monetar Ndërkombëtar, do të marrin paratë. Bëhet fjalë në total për 11 kompani të kontraktuara, për të cilat duhen paguar 23 fatura, pasi secili nga subjektet ka kryer më shumë se një shërbim me një vlerë prej rreth 1 miliard lekësh...(Burimi: shekulli.com.al)

07.03.2014...Bankat më të mëdha në Greqi kanë nevojë për një kapital shtesë prej 6.4 miliardë euro për të qenë më të forta përballë krizave në të ardhmen. Ky raport u publikua nga Banka Qendrore e Greqisë. Kontrolli shëndetësor u krye për të parë nëse rikapitalizimi prej 28 miliardë euro i verës së kaluar, i katër huadhënësve më të mëdhenj në Greqi, ishte i mjaftueshëm për të përballuar humbjet nga rritja e kredive të këqija, nga një rënie e mëtejshme e ekonomisë dhe nga goditjet e tjera të mundshme. Në këtë vlerësim janë përfshirë edhe bankat e vogla si Attica Bank dhe Panellinia Bank...(Burimi: scan-tv.com)

07.03.2014...Kontrollet e kryera nga strukturat e Ministrisë së Energjisë dhe Industrisë kanë nxjerrë në pah problematikën e shumtë me koncesionet minerare në vend. Nga monitorimet e kryera mbi subjektet private, rezulton se, një pjesë e konsiderueshme nuk shlyejnë asnjë detyrim ndaj shtetit. Në këto kushte, ministri i Industrisë, Damian Gjiknuri ka lëshuar një urdhër për revokimin e lejeve për 121 subjekte, apo rreth 16% e totalit të lejeve të lëshuara...(Burimi: scan-tv.com)

06.03.2014...Biznesi vendas ka ulur ndjeshëm investimet gjatë vitit 2013. Lajmi konfirmohet nga të dhënat më të fundit të Institutit të Statistikave mbi ecurinë e importit të makinerive dhe pajisjeve, çka tregon edhe ritmin e investimeve nga ana e sipërmarrjeve në vend. Sipas INSTAT-it, gjatë vitit 2013 janë importuar në total rreth 70 miliardë lekë makineri, pjesë këmbimi dhe pajisje, me një ulje të ndjeshme prej afro 30% kundrejt një viti më parë...(Burimi: standard.al)

06.03.2014...Këshilli i Ministrave miraton kredinë prej 330 milionë eurosh të dhënë nga Fondi Monetar Ndërkombëtar. Në vendimin e djeshëm të KM-së, thuhet se miratohet në parim huamarrja prej 330 milionë eurosh, që Fondi Monetar Ndërkombëtar i akordon Shqipërisë, për programin 36-mujor të ndihmës. Kjo kredi, do të alokohet me 9 këste të barabarta, ku i pari do të përfitohet në muajin mars dhe do të kapë vlerën e 26 milionë eurove...(Burimi: gazeta-shqip.com)

05.03.2014...Qeveria shqiptare ul masën e kontributeve për sigurime shëndetësore për të vetëpunësuarit në biznese familjare dhe në bujqësi. Janë ndryshuar 12pika të ligjit për mbledhjen e kontributeve të detyrueshme të sigurimeve shoqërore e shëndetësore, i cili lehtëson me 2 % peshën e kontributeve për të vetëpunësuarit. Është vendosur dhe ka hyrën në fuqi vendimi që, për efekt të sigurimeve shoqërore dhe shëndetësore, paga për të vetëpunësuarit të jetë 19026 lekë dhe ata të paguajnë 6. 8 % për sigurimet shëndetësore nga 7% që ishte, duke i lehtësuar...(Burimi: shekulli.com.al)

04.03.2014...Kompanitë private që kanë qenë të angazhuara si nënkontraktor në ndërtimin e autostradës nga Morina e deri në fshatin Besi të komunës së Prishtinës po kanë probleme me nxjerrjen e parave, pasi që kompania që e ka marrë tenderin Bechtel &Enka nuk po ua jep ato, duke i zvarritur nga dita në ditë. Madje si pasojë e zvarritjes disa operatorë privatë janë detyruar që ti drejtohen gjykatave...(Burimi: zeri.info)

03.03.2014...OPINION. Gjergj EREBARA. FITIMET E ÇUDITSHME TË BANKAVE. Por është një gjë që bankat nuk e kanë kërkuar: mbrojtjen e konsumatorit përballë sjelljes predatore të tyre. Nuk di të ketë ndonjë studim konkret, por të dhëna anekdotale sugjerojnë që bankat i japin të drejtë vetes të ndryshojnë kushtet e kontratave me klientët ekzistues, duke ua faturuar më shtrenjtë klientëve të rregullt për të mbuluar humbjet nga klientët e parregullt...(Burimi: gazeta-shqip.com)

03.03.2014...Ministri i Financave, Shkëlqim Cani, deklaroi dje, se pas miratimit nga Fondi Monetar Ndërkombëtar të kredisë për Shqipërinë, do të fillojë menjëherë shlyerja e detyrimeve të prapambetura të qeverisë ndaj bizneseve, të akumuluara në formën e punëve publike të papaguara, si dhe tepricës së tatimit mbi vlerën e shtuar dhe tatimit mbi fitimin të parimbursuara...(Burimi: gazeta-shqip.com)

02.03.2014...Që nga ky vit do të aplikohen tarifa të reja për legalizimet. Lajmin e ka njoftuar kreu i ALUIZNI-t, Artan Lame, në një mbledhje me drejtorët rajonalë të këtij institucioni. Sipas tij, skema e vlerësimit të legalizimit të banesave ka ndryshuar nga fillimi i vitit 2014, në varësi të zonës ku është ndërtuar. Lame u shpreh se nuk do të paguajnë të njëjtat tarifa qytetarët e Kukësit me ata të Tiranës. Gjithashtu, tarifa më të ulëta do të ketë për banesat në fshat sesa ato në qytet. Lame u shpreh se janë rreth 300 mijë familje që presin të legalizojnë banesat, ku gjysma e tyre ende nuk ka arritur të dorëzojë dokumentacionin pranë zyrave të ALUIZNI-t dhe ndryshimet e parashikuara në ligjin për legalizimin e banesave, do të mundësojnë mbylljen e këtij procesi...(Burimi: standard.al)

02.03.2014...Fondi Monetar Ndërkombëtar miratoi një hua për Shqipërinë me një vlerë prej 330 milionë eurosh, për të mbështetur reformat e qeverisë. Por çdo të sjell kjo për ekonominë shqiptare. Në një intervistë për VOA shefi i FMN në Shqipëri, Nadeem Ilahi shprehet se fondet nuk kanë një destinacion të cak-tuar. Ai thekson se kjo asistencë është dhënë për të paguar borxhin e lartë. Sipas IIahi në vitet e fundit borxhi publik është rritur në Shqipëri...(Burimi: shekulli.com.al)

01.03.2014...Oda Ekonomike e Kosovës me mbështetje të qeverisë gjermane përmes organizatës GIZ ka prezantuar sot të gjeturat mbi klimën e bizneseve për tre mujorin e katërt të 2013, ku gjendja vlerësohet të jetë përkeqësuar krahasuar me tremujorin e tretë te vitit 2013. Kryetari i OEK-ut, Safet Gërxhaliu tha se Kosovës i mungojnë të dhënat mbi trendët ekonomike, andaj qëllimi i OEK-ut është që përmes këtij indikatori ti ndihmojmë vendit në orientim të politikave dhe në identifikimin e problemeve të biznesit dhe aspektin e punësimit...(Burimi: telegrafi.com)

01.03.2014...2013-a ishte viti më i vështirë për biznesin dhe ekonominë shqiptare në dy dekadat e fundit, por nuk ka rezultuar i tillë për sistemin bankar. Të dhënat e fundit zyrtare nga Banka e Shqipërisë tregojnë se fitimet e bankave vitin e kaluar gati u dyfishuan krahasuar me 2012-n, duke arritur në 65 milionë dollarë. Ky është niveli më i lartë që nga viti 2010, kur fitimi total i sistemit bankar ishte rreth 67 milionë dollarë...(Burimi: gazeta-shqip.com)

SHKURT

28.02.2014...Administrata fiskale në vend ka arritur të tejkalojë planin e të ardhurave gjatë muajit janar për zërin e Tatimit mbi Vlerën e Shtuar. Tkurrja e fortë e taksës bazë të konsumit, që shoqëroi gjithë vitin e kaluar, ka marrë një kthesë tjetër këtë fillimviti. Të dhënat zyrtare nga Ministria e Financave, rezulton se të ardhurat nga TVSH janë realizuar në masën 8.9 miliardë lekë, nga 7.8 miliardë lekë që ishte planifikimi...(Burimi: shekulli.com.al)

28.02.2014...Bordi Ekzekutiv i Fondit Monetar Ndërkombëtar (FMN) njofton se miratoi në 28 shkurt marrëveshjen 36-mujore prej 295.42 milionë SDR (rreth 330.9 milion euro, ose 457.1 milion dollarë; 492.4 përqind e kuotës së vendit në Fond) Instrumenti i Zgjeruar i Fondit (Extended Fund Facility EFF) me Shqipërinë për të mbështetur programin e reformave të autoriteteve...(Burimi: monitor.al)

27.02.2014...Është botuar së fundmi raporti Qytetet Evropiane dhe Rajonet e të Ardhmes, 2013-2014, i cili bën renditjen e qyteteve evropiane sipas interesit në tërheqjen e investimeve të huaja direkte (IHD), publikuar nga Financial Times dhe Njësia e Inteligjencës e The Economist...(Burimi: standard.al)

26.02.2014...Shkurtimi i afatit nga 33 ditë në 13 ditë për regjistrimin e pronës dhe reduktimi në 35 ditë i afatit për të marrë një leje ndërtimi, janë dy nga faktorët kryesore për të cilët do të investohet qeveria shqiptare me qëllim lehtësimin e kushteve për të bërë biznes në Shqipëri. Në strategjinë për biznesin dhe investimet, qeveria shqiptare synon që për periudhën 2014-2020, të marrë një sërë masash për reduktimin e barrierave për të bërë biznes...(Burimi: shekulli.com.al)

26.02.2014...Banka e Shqipërisë vendosi sot të ulë më tej në një nivel të ri historik interesin bazë të lekut në 2.75 për qind nga 3 për qind që qe më parë, si pasojë e inflacionit të ulët dhe ekonomisë shumë të ngadaltë. Guvernatori Ardian Fullani tha se rritja e akcizave për karburantet dhe cigaret nga qeveria duke filluar nga 1 janari 2014, solli një ndikim rritës prej 0.5 për qind në indeksin e çmimeve të konsumit, ose në koston e jetesës së shqiptarëve...(Burimi: gazeta-shqip.com)

26.02.2014...OPINION. Eduard ZALOSHNJA. Suficiti buxhetor, rrugët dhe ekonomia. Duke hedhur një vështrim më të gjerë përtej rrugëve, duket se injeksioni më i fortë fiskal këtë vit do të jenë 660 milionë dollarët e parashikuara për investime kapitale dhe 350 milionë dollarët e parashikuara për shlyerjen e detyrimeve të prapambetura ndaj biznesit. Së bashku përbëjnë një injeksion prej më se 1 miliard dollarësh për ekonominë e ngadalësuar shqiptare! Në qoftë se ky injeksion kryhet shpejt dhe i plotë, ka gjasa...(Burimi: balkanweb.com)

25.02.2014...Bien te ardhurat deshtojne dhe investimet. te shpenzimet bie ne sy edhe tejkalimi i shpenzimeve per interesat e borxhit...(Burimi: panorama.com.al)

24.02.2014...OPINION. Alfred CAKO. Flamuri i ekonomisë dhe oferta e kinezëve. Në fakt, rritja e ekonomisë dhe hapja e vendeve të reja të punës, rritja e mirëqenies dhe stabiliteti i çmimeve janë flamuri më i mirë që mund të tundë çdo patriot dhe qeveritar për planet afatmesme e afatgjata, duke vepruar me kompetencë, konkretisht e pa demagogji...(Burimi: balkanweb.com)

23.02.2014...INTERVISTA. Naim HASA. Pse po falimenton skema e pensioneve; Ja rrugëzgjidhjet. Duhet pranuar që sistemet private të pensioneve paraqiten si një domosdoshmëri e kohës. Siç dihet, skema e solidaritetit (shtetëror) mendohet që e kreu mirë misionin e saj, ato ishin shumë efektive kur kishim një popullsi të re, ku shumë punonin e kontribuonin dhe pak përfitonin (paguaj pak e merr shumë...(Burimi: monitor.al)

22.02.2014...Në Kosovë janë të regjistruara mbi 120 mijë biznese, por jo të gjitha nga to janë aktive, apo paguajnë obligimet tatimore në Administratën Tatimore të Kosovës, pasi në këtë të fundit figurojnë vetëm gjysma e tyre. Në një përgjigje nëpërmjet postës elektronike, zyrtarë të Ministrisë së Tregtisë dhe Industrisë, thonë se në Agjencinë për Regjistrimin e Bizneseve janë të regjistruara mbi 127, 000 biznese. Por, një numër i këtyre bizneseve që janë të regjistruara nga periudha 2000 deri në mars të 2003-s, nuk e kanë bërë riregjistrimin e tyre, ndërkaq një pjesë e bizneseve që janë të regjistruara, konsiderohen se nuk e zhvillojnë aktivitetin e tyre për arsye të ndryshme...(Burimi: telegrafi.com)

22.02.2014...Paketa Fiskale 2014 është ndërtuar vetëm nga këndvështrimi fiskal i sigurimit të të ardhurave në buxhet në afatshkurtër. Mungon vlerësimi i domosdoshëm profesional për parashikimin e mënyrës së sjelljes së tregjeve nga zbatimi i PF2014 parë nga këndvështrimi i zhvillimit ekonomik detyrë e Ministrisë së Ekonomisë. Politikat fiskale si qëllim vetëm për tejkalimin e vështirësive në afatshkurtër, të mbështetura në rritje të borxhit publik dhe shtim taksash mund të japin frymëmarrje financiare të përkohshme, por rrezikojnë të japin pasoja mjaft të padëshirueshme, nëse nuk prodhojnë zhvillim ekonomik të qëndrueshëm. (72% e biznesit të madh, 75% e biznesit të vogël shprehet se paketa fiskale rrit kostot dhe ul konkurueshmerinë e prodhimeve vendore)...(Burimi: sot.com.al)

22.02.2014...Pavarësisht nga kriza, ekonomia shqiptare ka mundur, jo vetëm të mbrohet nga ndikimi negativ nga jashtë vendit, por madje të ecë shumë më mirë sesa pritej. Këtë e deklarojnë shifrat e afarizmit në ekonomi, të porsapublikuara nga ana e Institutit zyrtar të Statistikave, që bëri të ditur statistikat e rishikuara për vitin 2012 në këtë drejtim...(Burimi: standard.al)

22.02.2014...Ndonëse Qeveria e Kosovës ka paraparë që nga muaji prill i këtij viti ti rrisë pagat për rreth 80 mijë punëtorë në sektorin publik, kjo rritje e pagave, sipas ekspertëve të çështjeve ekonomike, po baraspeshohet me inflacionin, i cili në Kosovë nga muaji në muaj shënon rritje. Të dhënat e fundit të Agjencisë së Statistikave të Kosovës për muajin janar, tregojnë se indeksi i tërësishëm i çmimeve të konsumit në Kosovë është më i lartë për 0,3 për qind, krahasuar me muajin dhjetor 2013...(Burimi: zeri.info)

22.02.2014...Tregu i retail-it në Shqipëri pritet të shënojë ecuri pozitive gjatë këtij viti, pasi ka lënë tashmë një periudhë të vështirë, vitin 2013. Drejtuesit e kompanisë ndërkombëtare të real-estate, Colliers International, presin ndryshime pozitive në tregun e retail me hyrjen në treg të Inditex Group, prodhuesi i Zara, Bershka, Stradivarius, Pull&Bear dhe Massimo Dutti. Dyqanet e kësaj kompanie do të zënë një sipërfaqe prej mbi 5,000 m² në qendrën tregtare TEG. Një tjetër impakt pozitiv pritet të japë edhe zgjerimi i mëtejshëm i hipermarketit Carrefour...(Burimi: monitor.al)

21.02.2014...Zhvillimi i ekonomisë shqiptare për 6 vitet e ardhshme do të mbështetet në përmirësimin e klimës së biznesit, mbështetjen e SME-ve, nxitjen e eksporteve si dhe investimeve të huaja. Këto katër shtylla u theksuan dje nga ministri i Ekonomisë, Arben Ahmetaj, gjatë prezantimit të draft-strategjisë së biznesit dhe investimeve për periudhën 2014-2020, para grupeve të interesit...(Burimi: gazeta-shqip.com)

21.02.2014...Paga mesatare është rritur me 1. 1 pikë përqindje në tre muajt e fundit të vitit 2013, ndërsa për këtë vit rritja e pagave në të gjithë sektorët ekonomisë pritet të frenohet. Të dhënat janë pasqyruar në raportin e fundit të Bankës së Shqipërisë i mbështetur në të dhënat nga vrojtimet e biznesit...(Burimi: shekulli.com.al)

21.02.2014...Diaspora kosovare më 2013 ka dërguar më tepër mjete financiare në Kosovë, se sa vitin 2012. Sipas të dhënave të fundit të Bankës Qendrore të Kosovës (BQK), thuhet se nga janari deri në shtator të vitit 2013, shuma e remitencave ka arritur në 454.6 milionë euro apo 17.9 milionë euro më tepër se sa në periudhën e njëjtë të vitit 2012, kur dërgesat emigrantëve kosovarë ishin 436.7 milionë euro...(Burimi: telegrafi.com)

21.02.2014...Kërkesa e huaj për lëndë të para ka kufizuar efektet e krizës në ekonominë shqiptare, duke dhënë një kontribut pozitiv në rritje dhe në punësim. Vitin e kaluar, eksportet shqiptare shënuan përsëri rritje me 16%. Ecuria më e shëndetshme e kërkesës së huaj reflektohet edhe në ecurinë e punësimit sipas sektorëve. Dega me ecurinë më pozitive të punësimit gjatë vitit 2013 ka qënë pikërisht industria nxjerrëse. Sipas të dhënave nga Instat, punësimi në industrinë nxjerëse është rritur mesatarisht me 21.5% për tre tremujorët e vitit të kaluar...(Burimi: scan-tv.com)

21.02.2014...Me tatimin mbi vlerën e shtuar që shënoi një rendiment tepër negativ në 2013-ën, pesha e këtij zëri, që është kryesori në sigurimin e të ardhurave në buxhetin shqiptar, ka shënuar rënie të lehtë në raport me një vit më parë. Sipas statistikave të Ministrisë së Financave, pesha që TVSH-ja siguron në totalin e të ardhurave nga tatimet e doganat zbriti me një pikë përqindjeje në 49% në fund të vitit 2013...(Burimi: standard.al)

21.02.2014...Operatorët për transmetimin e energjisë elektrike të Kosovës (KOSTT) dhe Serbisë (EMS) kanë nënshkruar marrëveshje për bashkëpunim, ka njoftuar zëvendësdrejtori i Sekretariatit të Bashkësisë Evropiane të Energjisë, Dirk Buschle. Në një intervistë për portalin Euractiv.rs, Buschle ka bërë të ditur se dokumenti i nënshkruar është obligues për të dy palët. Kjo marrëveshje, sipas Buschle, e cila është nënshkruar më 12 shkurt, e bërë në mes të dy kompanive nga Kosova dhe Serbia, është shumë e rëndësishme...(Burimi: kosova-sot.info)

21.02.2014...Shqipëria është renditur në vendin e 146 në botë përsa i përket pagesës së taksave. Ky ka qenë përfundimi i raportit Pagesa e Taksave 2014, i hartuar nga Banka Botërore, IFC dhe PwC. Barra e taksave mbi biznesin në Shqipëri është cilësuar e lartë në krahasim me ekonomitë fqinje të Maqedonisë, Bosnjes dhe Kosovës, të cilat kanë një taksë për biznesin 10%, përveç Malit të Zi që e ka 9%. Vendi ynë kaloi në tatimin progresiv mbi bizneset dhe individët, në Janar të këtij viti dhe kjo e ka rritur normën mesatare të taksimit...(Burimi: scan-tv.com)

21.02.2014...Prezantohet dokumenti per zhvillimin e biznesit dhe investimeve. Npermjet draft - strategjise se biznesit dhe investimeve synohet qe deri ne vitin 2020 te arrihet nje rritje e ndermarrjeve aktive ne treg me 10.6%, rritje e numrit te punesuarve me 34%, rritje te eksporteve me...(Burimi: panorama.com.al)

20.02.2014...Ritmi jashtëzakonisht i lartë i marrjes së huave, kryesisht në tregun e brendshëm, nga qeveria Rama në tremujorin e fundit të vitit të kaluar, ka sjellë një rritje katastrofike të borxhit publik të Republikës së Shqipërisë. Në fund të dhjetorit të vitit 2013, borxhi publik i qeverisë qendrore vlerësohet të jetë 883.8 miliardë lekë ose 65.08% i PBB-së, duke u rritur kështu me 3.05 për qind krahasuar me fundin e vitit 2012, sipas të dhënave të publikuara nga Ministria e Financave...(Burimi: standard.al)

20.02.2014...Kosova ka shënuar përparim të ndjeshëm për gjashtë vjet të funksionimit të shtetit qoftë në infrastrukturë, apo në sfera tjera. Por ekonomia e vendit ende përballet me probleme të thella strukturore dhe si pasojë me një nivel të lartë të papunësisë, eksporte të pakta, informalitet dhe mungesë të transparencës në institucionet publike...(Burimi: zhurnal.mk)

19.02.2014...Anëtarësimi i Kosovës në institucionet ndërkombëtare financiare dhe rritja e GDP-së për 25 për qind, vlerësohet të jenë ndër sukseset më të mëdha të ekonomisë së vendit në gjashtë vjetorin e shtetësisë. Përderisa dështimet llogariten të jenë më të mëdha, duke filluar nga përgjysmimi i rritjes ekonomike, deficiti i lartë tregtar e deri tek ambienti ekonomik që nuk krijon vende të reja të punës. Njohësit e ekonomisë vlerësojnë se ekonomia e Kosovës në gjashtë vjetorin e shtetësisë nuk është ajo që do të duhej të ishte...(Burimi: zhurnal.mk)

18.02.2014...Zhvlerësimi i kursit të këmbimit ka ndikuar pozitivisht në bilancin tregtar me Italinë dhe Greqinë. Kjo është një nga gjetjet e një studimi që vlerëson ndikimin e kursit të këmbimit në flukset tregtare dypalëshe ndërmjet Shqipërisë dhe partnerëve kryesorë tregtarë, përkatësisht: Eurozona, Italia, Greqia, Gjermaia, Kosova dhe Turqia. Studimi titullohet Efekti i kurbës-J në tregtinë dypalëshe: Ndikimi i nënçmimit të monedhës në bilancin tregtar ndërmjet Shqipërisë dhe partnerëve kryesorë tregtarë, i autorit Alban Pllaha të Bankës së Shqipërisë...(Burimi: monitor.al)

18.02.2014...Studimi Modeli Financiar në Shqipëri: Qasje ndaj të Dhënave të Panelit, i autorëve Elona Dushku dhe Vasilika Kota të Bankës së Shqipërisë synon që të sigurojë një strukturë për mënyrën se si goditjet makrofinanciare transmetohen në sektorin bankar, mundësisht edhe për parashikimin e ardhshëm të tyre. Modeli është ndërtuar për të analizuar goditje të ndryshme makroekonomike ndikojnë në stabilitetin financiar, nëpërmjet rreziqeve që vijnë që nga jashtë sistemit financiar, ku më kryesoret që studiohen janë politika monetare e Bankës së Shqipërisë, ecuria ekonomike dhe kursi i këmbimit...(Burimi: monitor.al)

17.02.2014...Financat kanë kaluar një vit të vështirë në 2013-n, me të ardhurat që kanë pasur një rendiment negativ dhe shpenzimet në rritje, sidomos në pjesën e parë të vitit, [ka ka bërë që deficiti buxhetor të rritet ndjeshëm, duke vënë shpesh në vështirësi financat për financimin e tij, teksa bankat nuk iu përgjigjën gjithnjë kërkesës së qeverisë për të blerë borxh. Ndërkohë, në tre muajt e fundit të vitit, të qeverisura nga socialistët, shpenzimet kapitale ranë ndjeshëm, me gati 40%...(Burimi: monitor.al)

17.02.2014...Në 6 vite pavarësi, si shteti më i ri në Europë, Kosova ka arritur të krijojë një ekonomi të konsoliduar me qendrueshmëri në paga dhe shërbime. Aktualisht paga mesatare në Kosovë arrin në rreth 360 euro në muaj, ndërsa ajo minimale në 220 euro,që po ta krahasosh me pagën minimale në vendin tonë e cila është 22 mijë lekë, Kosova ka vendosur një standard me rreth 9 mijë lekë më shumë në këtë drejtim...(Burimi: scan-tv.com)

16.02.2014...Marrëdhëniet tregtare të Kosovës me vendet fqinje, përgjatë gjashtë vjetëve të fundit ishin përcjellë me probleme të ndryshme. Vendet e rajonit si Serbia, Maqedonia, Bosnje e Hercegovina dhe Shqipëria, jo rrallë herë gjatë kësaj kohe u kishin vënë barriera tregtare prodhimeve kosovare, duke dëmtuar kështu ekonominë e Kosovës...(Burimi: kosova-sot.info)

15.02.2014...Qeveria Rama ka marrë një shuplakë të re nga institucionet ndërkombëtare lidhur me mungesën e përmbushjes së detyrimeve të marra nga shteti shqiptar. Në 11 shkurt, Sekretariati i Komunitetit të Energjisë (Kom-Enit) i ka nisur Shqipërisë një letër të hapur për mospërmbushjen nga ana e saj të legjislacionit të Kom-Enit mbi energjitë e rinovueshme. Shqipëria ka pasur afat deri në 30 qershor 2013 për dorëzimin e planit kombëtar të energjive të rinovueshme, por një gjë e tillë ka kaluar stafetë për qeverinë e re, që u konstitua pas zgjedhjeve të qershorit të një viti më parë, por qeveria shqiptare nuk e ka aprovuar dhe dorëzuar ende një plan të tillë...(Burimi: standard.al)

14.02.2014...OPINION. Selami XHEPA. Shqiperia 1 Euro dhe morali i ekonomise...qeveria nuk duhet te shqetesohet shume per elemente te lidhura me kosto dhe te marre nisma te tipit 1 Euro, por ti krijoje kushte qe investitoret te mund te bejne fitime jo duke ulur kostot dhe duke mos respektuar standarded e punes, por duke prodhuar mallra e sherbime cilesore...(Burimi: panorama.com.al)

13.02.2014...Të ardhurat totale në buxhet pritet të rriten gradualisht nga 24% e PBB-së në 2013 (niveli më i ulët i dekadës së fundit) në 25.7% në 2014 për tu ngjitur deri në 27.1% të PBB-së në 2017-n, sipas kuadrin afatmesëm 2014-2017 të qeverisë shqiptare. TVSH do të vazhdojë të jetë kontribuuesi kryesor i të ardhurave në buxhet. Sipas pritshmërive të Ministrisë së Financave, pasi kanë zbritur në 8% të PBB-së në 2013-n, do të rriten gradualisht për të arritur në 9% të PBB-së në 2017...(Burimi: monitor.al)

13.02.2014...Ndonëse në 2013-n, treguesit e punësimit ishin pozitivë, duke treguar për një shtim të vendeve të punës në kohë krize, analiza më të hollësishme tregojnë se më shumë se hapje të fronteve të reja, kjo lidhet me uljen e informalitetit. Në raportin e fundit të politikës monetare të Bankës së Shqipërisë, theksohet se tregu i punës vijon të jetë i plogësht. Norma e papunësisë ka mbetur e pandryshuar nga fundi i vitit të kaluar, duke qëndruar në nivelin 12.8% në tremujorin e tretë të vitit...(Burimi: monitor.al)

12.02.2014...Në vitin 2008 kur Kosova shpalli pavarësinë, papunësia ishte mbi 43 për qind, 15 për qind e popullatës së përgjithshme jetonin në varfëri ekstreme, ndërkaq 45 për qind e popullsisë jetonin në varfëri relative. Derisa, të dhënat e fundit të Agjencisë së Statistikave të Kosovës të cilat flasin për vitin 2012 tregojnë se papunësia në Kosovë është 30.9 për qind. Ndërkaq, varfëria sipas vlerësimeve të Bankës Botërore, është 29.7 për qind, derisa varfëria ekstreme 10 për qind...(Burimi: kosova-sot.info)

12.02.2014...Kreditë me probleme pritet të zbresin me 3-4 pikë përqindje nëse llogarisim fondin e parashikuar në buxhet prej 350 milionë dollarë, që parashikohet të shkojë për detyrimet e papaguara ndaj firmave...(Burimi: monitor.al)

11.02.2014...OPINION. Eduard ZALOSHNJA. Numri i të papunëve, shumë larg 1-milionëshit...Bazuar në këtë abstragim, arrijmë në shifrën ekstreme të 470 mijë të papunëve. Prapë, shumë larg 1-milionëshit të pretenduar nga socialistët, kur ishin në opozitë... Kjo mospërputhje e akuzave që bëjnë partitë kur janë në opozitë, me shifrat që gjejnë kur vijnë në pushtet, është sëmundje e kahershme e tranzicionit 23-vjeçar shqiptar. Dhe shembulli i mësipërm duhet të shërbejë edhe si mësim për opozitën aktuale, që të mos bëjë akuza në ajër. Sepse nesër mund të vijë përsëri në pushtet dhe do ti duhet të ballafaqojë akuzat e sotme me shifrat që do të gjejë kur të ketë drejtimin e vendit...(Burimi: balkanweb.com)

10.02.2014...Ministria e Financave (MF), u është përgjigjur shqetësimeve dhe interesimit të disa shoqatave të biznesit dhe bizneseve individuale informon se gjatë vitit 2014 nuk do të ketë rritje të normave tatimore dhe se të gjitha informatat e tilla të botuara kohën e fundit në media nuk përkojnë me të vërtetën...(Burimi: telegrafi.com)

10.02.2014...Oda ekonomike e Maqedonisë dhe Oda ekonomike e Maqedonisë Veriperëndimore, në organizim të Agjencisë për investime të huaja dhe promovim të eksportit të Republikës së Maqedonisë (AIHPE), sot në Shkup do të kenë takim me delegacionin e odave ekonomike, asociacioneve dhe shoqatave të Shqipërisë...(burimi: zhurnal.mk)

10.02.2014...Pagesat do të fillojnë nga detyrimet më të vjetra tek ato më të reja, sipas datave të dorëzimit, vlerësimit dhe aprovimit nga institucionet përkatëse, të dokumentacionit që vërteton kryerjen e punimeve/shërbimeve/dorëzimin e mallrave dhe/ose kërkesën për rimbursimin e TVSh, tatim fitimit...(Burimi: monitor.al)

10.02.2014...Dy vitet e fundit bizneset nuk po arrijnë të bëhen më produktive, si një përgjigje ndaj krizës që i ka mbërthyer ata. Sipas të dhënave të publikuara nga Banka e Shqipërisë, në tremujorin e tretë të vitit, ritmi vjetor i treguesit të produktivitetit të punës (PP) për sektorët jobujqësorë të ekonomisë rezultoi -8.2%...(Burimi: monitor.al)

09.02.2014...Kosova ka rritjen më të lartë ekonomike në rajon, ka disiplinë financiare për çka vlerësohet nga Fondi Monetar Ndërkombëtar dhe ka stabilitet të theksuar makroekonomik. Kështu ka thënë ministri i Financave, Besim Beqaj, në takimin me zyrtarë të lartë të Thesarit të Shtetit, zv/asistentin e Sekretarit të Thesarit Amerikan, Larry Mcdonald dhe me zv/asistentin e Sekretarit për Evropë dhe Euroazi, Daleep Singh...(Burimi: gazetaexpress.com)

09.02.2014...Llogaritja e re, 21 për qind e shqiptarëve të papunë. Arsyeja kryesore lidhet me trajtimin e personave që punojnë për të siguruar jetesën, veçanërisht në bujqësi. Këta janë fermerë që prodhojnë kryesisht për veten e tyre, jo për të shitur. Në Shqipëri janë rreth 300 mijë të tillë. Deri tani këta quheshin si të punësuar. Por, me standardin e ri kjo kategori nuk konsiderohet si e punësuar. Ajo pjesë e tyre që bën presion në treg duke kërkuar punë, do regjistrohen si të papunë dhe janë rreth 40 mijë të tillë...(Burimi: gazeta-shqip.com)

09.02.2014...Me gjithë normat e larta të interesit për kredi, qytetarët e Kosovës janë të interesuar apo të detyruar të marrin kredi, qoftë kredi biznesi, familjare apo bujqësore. Në raportin e Stabilitetit Financiar, të publikuar nga Banka Qendrore e Republikës së Kosovës, thuhet se në gjashtëmujorin e parë të vitit të kaluar, vlera e kredive të lëshuara nga bankat komerciale në vend, ka arritur në 1.83 miliard euro...(Burimi: kosova-sot.info)

09.02.2014...Paketa fiskale 2014, që ka në qendër të saj lehtësimin dhe nxitjen e biznesit të vogël, sapo është miratuar edhe në Parlament dhe së shpejti do të hyjë në fuqi. Por ndërsa ajo kënaq sipërmarrësit e vegjël, që janë edhe më të shumtë në numër, bizneset e mëdha e të mesme kanë ende shqetësime. Një nga problematikat më të mëdha për to, që nuk po gjen zgjidhje, është mos marrja e faturave me TVSH nga biznesi i vogël. Biznesi i madh, i cili përbëhet kryesisht nga furnitorët më të mëdhenj të produkteve të importuara dhe të prodhuara në vend si dhe shërbimeve e ka shumë të vështirë të shesë mallin te biznesi i vogël me fatura TVSH-je...(Burimi: monitor.al)

08.02.2014...Skema e re e pensioneve që pritet të nisë zbatimin brenda vitit 2014, do të ketë në thelb të saj dhënien e përfitimeve të drejta për të gjithë qytetarët, duke synuar heqjen e tavanit kufizues për përfitimet. Reforma e sistemit të pensioneve, tashmë ka hyrë në diskutime konkrete, ku ditën e djeshme u mblodh për herë të parë grupi ndërministror i punës...(Burimi: gazeta-shqip.com)

08.02.2014...OPINION. Zef PREÇI. A duhet te behen bankat faktor pozitiv per ekonomine?...ndersa bankat qe nuk japin kredi prej vitesh, me e pakta qe mund te thuhet eshte se ato po shfrytezojne tregun duke mbartur barren e krizes te qytetari dhe biznesi vendas...(Burimi: panorama.com.al)

07.02.2014...Paketa fiskale e miratuar nga qeveria, e cila rriste taksat per nje sere produktesh mund te kthehet ne bumerang dhe nje situate me e mire ne te ardhurat mund te mbytet nga nje ulje e metejshme e konsumit. Per Banken e Shqiperise, kjo ende nuk mund te thuhet me siguri, por...(Burimi: panorama.com.al)

06.02.2014...Kësti i parë e shlyerjes së detyrimeve që qeveria i ka biznesit do të fillojë në muajin mars. Zëvendësministri i Financave, Erjon Luçi, u shpreh se, fillimi i shlyerjes së detyrimeve të prapambetura për sipërmarrjen do të nisë që nga muaji i ardhshëm. Sipas tij, brenda këtij muaji do të miratohet kësti i parë i borxhit të dhënë nga FMN-ja për qeverinë shqiptare, ndërkohë që dikasteri i Financave tashmë ka hartuar strategjinë për shlyerjen e tyre...(Burimi: shekulli.com.al)

05.02.2014...Niveli i kredive të këqija për sektorin e biznesit arriti në 28.6% në fund të shtatorit 2013, nga 25.9% në fund të vitit 2012, duke qenë më i lartë se mesatarja e të gjithë sistemit, prej rreth 24%. Shifra bëhet e ditur në programin ekonomik dhe fiskal 2014, të publikuar nga Ministria e Financave. Në nivele të larta është dhe huaja e pakthyer në monedhë të huaj, që ka arritur në 26.2% të totalit për të njëjtën periudhë, nga 24.7% në dhjetor 2012...(Burimi: standard.al)

05.02.2014...Parandalim të rikrijimit të detyrimeve të prapambetura, si dhe masa specifike për të forcuar disiplinën, kryesisht në drejtim të planifikimit buxhetor, kontrolleve financiare paraprake dhe rritje e eficiencës së shpenzimeve. Kjo është një ndër shtyllat kryesore të projekt-strategjisë së hartuar tashmë nga Ministria e Financave për parandalimin dhe shlyerjen e detyrimeve të prapambetura që qeveria shqiptare ka ndaj biznesit...(Burimi: scan-tv.com)

05.02.2014...Rimbursimi në kohë i TVSH-së, verifikimi i të gjithë faturave të rimbursuara dhe mbledhja e detyrimeve që biznesi ka ndaj buxhetit të shtetit ishin tre temat e diskutuara dje, në mbledhjen me dyer të mbyllura në Drejtorinë e Përgjithshme të Tatimeve, ku ishte i pranishëm edhe Ministri i Financave, Shkëlqim Cani. Rritja e të ardhurave në arkën e shtetit përmes punës së tatimorëve dhe rivendosja e raporteve të mirëbesimit mes biznesit dhe tatimeve ishin porositë kryesore të Ministrit të Financave, Shkëlqim Cani në takimin me punonjësit e Tatimeve...(Burimi: shekulli.com.al)

05.02.2014...Dhënia e licencave për ndërtimin e qindra hidrocentraleve të reja u shoqërua edhe me një garanci të fortë për privatët. Shteti mori përsipër, që përmes KESH, të blejë gjithë energjinë e prodhuar nga ta me çmim të privilegjuar, më të lartë se sa çmimi i tregut. Në harkun kohor të 8 viteve disa nga HEC-et e nisur kanë përfunduar dhe tashmë janë në prodhim...(Burimi: gazeta-shqip.com)

05.02.2014...Qytetarët shqiptarë do të mund të përfitojnë asistencë ligjore falas për çështjet civile apo administrative. Pas vendimit për hapjen e zyrave apo siç i emërton ligji klinika ligjore vendore, ministria e Drejtësisë ka nxjerrë edhe urdhërin që përcakton rregullat e funksionimit të tyre...(Burimi: scan-tv.com)

05.02.2014...Një destinacion i ri eksporti është përvijuar përgjatë dy viteve të fundit, sidomos në 2013. Malta, shteti me të cilin dikur nuk kishim potthuajse asnjë marrëdhënie, ka kapërcyer në partnerin e tretë tregtar në 2013-n përsa i përket eksportet, me shitjet drejt këtij vendi që u rritën me 430% me bazë vjetore, duke arritur në 17 miliardë lekë për 11 mujorin, sipas të dhënave të detajuara të publikuara nga INSTAT...(Burimi: monitor.al)

04.02.2014...Fermerët dhe agropërpunuesit në gjithë territorin e Kosovës edhe sivjet do të përkrahen përmes granteve dhe subvencioneve nga Ministria e Bujqësisë, Pylltarisë dhe Zhvillimit Rural. Tashmë kjo ministri ka hapur edhe periudhën për aplikim për projekte të zhvillimit rural, të cilat i përkrah përmes granteve investive në masën prej 60-80 për qind në vlerën e përgjithshme të investimit...(Burimi: gazetaexpress.com)

04.02.2014...Edhe zyrtarisht, nga shifrat e publikuara së fundi prej Institutit të Statistikave, u pohua fakti i pamohueshëm se rritja e arkëtimeve gjatë muajve të fundit të vitit të kaluar, shpallur me shumë bujë nga shefja e Doganave, Erisa Spiropali, shprehte asgjë tjetër veç një hyrje masive të karburanteve, për të shmangur rritjen e taksës së karbonit e për tu shitur me taksën e re, në kurriz të konsumatorit e aspak në fitim të shtetit. Shifrat e tregtisë së jashtme zyrtarizojnë importin e lartë të karburantit, madje, të të gjitha produkteve të akcizës gjatë muajit dhjetor. Sipas të dhënave të Institutit të Statistikave, importi në dhjetor arriti në 54 miliardë lekë, ose 20% më shumë se një muaj më parë...(Burimi; standard.al)

04.02.2014...Financat kanë si objektiv kryesor në afatin e mesëm që të ulin deficitin strukturor, i cili do të siguronte qëndrueshmërinë e borxhit public në afatin e mesëm dhe të gjatë nga njëra anë dhe nga ana tjetër do të minimizonte efektet negative tek rritja ekonomike. Sipas programit ekonomik dhe fiscal 2014, objektivi kryesor operacional sasior i politikës fiskale është që deficiti fiscal të jetë përkatësisht...(Burimi: monitor.al)

03.02.2014...Zbulohet një tjetër skemë mashtrimi më TVSH-në në fushën e kromit, ndërtimit dhe kartave rimbushëse telefonike, dëmi i të cilit llogaritet 1 milionë dollarë. Kështu mbi bazën e një hetimi dymujor të kryer nga Drejtoria e Hetimit Tatimor në Drejtorinë e Përgjithshme të Tatimeve dhe Prokurorisë së Rrethit Gjyqësor Tiranë, dolën për ekzekutim disa urdhër-arresti për disa administratorë subjektesh tregëtare...(Burimi: monitor.al)

03.02.2014...Shtrirja e korrupsionit në Evropës është galopant dhe i kushton ekonomisë së BE-së rreth 120 miliardë euro çdo vit. Kjo shifër jepet nga Komisionit Evropian. Komisionerja për Çështjet e Brendshme, Cecilia Malmstrom do të prezantojë sot raportin e plotë mbi problemet e korrupsionit në BE...(Burimi: koha.net)

03.02.2014...Humbjet e energjisë në rrjet ngelen në nivele alarmante. Për vitin 2013, humbjet ishin mbi 43%, me një kosto në bilancin e Cez Shpërndarje prej 200 milionë dollarësh. Zëvendëskryeministri, Niko Peleshi, në cilësinë e kryetarit të Task Forcës për energjinë, tha se në muajin e parë të punës janë ndërprerë afro 20 mijë lidhje të debitorëve, ndërsa arkëtimet në Janar janë rritur me 10 milionë dollarë ndaj të njëjtës periudhë të vitit të kaluar...(Burimi: scan-tv.com)

02.02.2014...Kryeministri Edi Rama në vizitën e tij në Itali ka ftuar biznesin italian të investojë në Shqipëri, duke evidentuar faktin e vendi ynë mbetet një destinacion biznesi i paeksploruar dhe që ofron lehtësi fiskale. Afërsia gjeografike, kosto e ulët e fuqisë punëtore dhe sistemi i taksave ishin disa pika kyçe që Kryeministri Rama ua prezantoi si thelbësore investitorëve italianë për ti tërhequr ata qe të vijnë drejt vendit tonë...(Burimi: scan-tv.com)

02.02.2014...Profesioni më fitimprurës në Kosovë vlerësohet të jetë politika, thonë ekspertë për çështje ekonomike dhe përfaqësues të shoqërisë civile, të cilët shpesh kanë ngritur këtë çështje, madje duke e vlerësuar shqetësuese këtë fakt, në një vend ku një pjesë e qytetarëve mezi sigurojnë bukën. Në Kosovë, ku paga mesatare është deri në 400 euro, gjysma e popullatës është e papunë dhe e varfër, sipas drejtorit të Agjencisë Kundër-korrupsion, Hasan Pretenit, është shumë e vështirë të arrihet pasuria milionëshe...(Burimi: koha.net)

02.02.2014...Në pikën kufitare në Gjilan dhe ne atë me Maqedoninë, ka kontrabandë, ndërsa në pikat doganore Jarinj dhe Bërnjak, Dogana e Kosovës, ushtron autoritetin e saj të plotë dhe inkason obligimet doganore. Kështu deklaron drejtori i Doganës, Lulzim Rafuna, në një intervistë për KosovaPress. Ai thotë se politika nuk po përzihet në këtë institucion, ndërsa me bindje shprehet se i kanë shpallur luftë kontrabandës, korrupsionit dhe evazionit fiskal, kjo në bashkëpunim me bizneset. Madje, sipas tij, po luftohet edhe ekonomia joformale...(Burimi: agzetaexpress.com)

02.02.2014...Niveli i lartë i kredive të këqija është shndërruar në një nga rreziqet më të mëdha për ekonominë. BERZH e klasifikon Shqipërinë si vendin më problematik për huatë e pashlyera, ndër ekonomitë në zhvillim të Europës dhe Azisë. Më keq është vetëm Kazakistani, ku kreditë e këqija llogariten në 36.7 për qind. Huatë me probleme në Shqipëri u rritën me ritme shumë të shpejta gjatë viteve të krizës nga 3.2 për qind që ishin në 2007-n në gati 24.4 për qind aktualisht...(Burimi: gazeta-shqip.com)

02.02.2014...Në tre vitet e ardhshme buxheti për pushtetin vendor do të rritet. Në kuadrin makroekonomik e fiskal për periudhën 2015-2017, të miratuar nga qeveria, vihet re një rritje nga viti në vit e fondeve për shpenzime për pushtetin vendor. Sipas këtyre statistikave, për këtë vit, shpenzimet për buxhetin vendor janë në vlerën e 33.1 miliardë lekëve, për vitin 2015 janë parashikuar 30.4 miliardë lekë, për vitin 2016 janë 31.7 miliardë lekë dhe për vitin 2017 janë parashikuar 33.4 miliardë lekë...(Burimi: shekulli.com.al)

01.02.2014...Qeveria ka tejkaluar parashikimet e nëntorit për borxhin e 2013, duke e çuar nivelin e përgjithshëm caninë 70.5 për qind, nga 68 për qind që ishin pritjet. Rritja me 6 për qind e borxhit për tre muaj nuk parashikon shlyerjen e detyrimeve të prapambetura. Tejkalimi i borxhit në këto nivele u njoftua dje nga Ministria e Financave gjatë publikimit të Kuadrit Makroekonomik dhe Fiskal 2015-2017...(Burimi: monitor.al)

01.02.2014...ndustria e nxjerrjes minerare nuk po përjeton periudhën e saj më të mirë. Çmimet e kromit dhe të bakrit kanë shënuar rënie në tregjet ndërkombëtare që gjatë vitit të kaluar dhe pritshmëritë e kompanive për këtë vit na paralajmërojnë eksport të kufizuar të mineralit të kromit dhe bakrit. Në bursat ndërkombëtare, çmimi i bakrit ka zbritur në 1100 dollarë për ton, ndërsa një vit më parë ishte rreth 1600 dollarë. Për kromin, sipas bursës ndërkombëtare, çmimi ka zbritur 25% krahasuar me një vit më parë, në 250 dollarë për ton...(Burimi: monitor.al)

01.02.2014...Edhe pse pritet që brenda këtij viti të realizohet reforma administrative-territoriale, çka do të shkurtojë numrin e njësive të qeverisjes vendore, përsëri buxheti për to do të vijojë të jetë i lartë. Kështu në kuadrin makroekonomik e fiskal për periudhën 2015-2017, të miratuar nga qeveria, vihet re një rritje nga viti në vit e fondeve për shpenzime për pushtetin vendor...(Burimi: scan-tv.com)

01.02.2014...Sektori i hetuesisë që funksionon brenda Doganave të Kosovës dhe njësia e Hetimeve e Administratës Tatimore të Kosovës, tash e tutje do ti bashkërendojnë aktivitetet e tyre. Kjo do të ndodhë pasi që vitin që lëmë pas dy agjencitë tatim-mbledhëse, Dogana e Kosovës dhe ATK-ja, nuk arritën të grumbullonin paratë për të cilat i kishte ngarkuar Qeveria...(Burimi: telegrafi.com)

JANAR

31.01.2014...Ministri i Financave (MF), Besim Beqaj ka vlerësuar sot lartë kontributin që bizneset e vendit i japin zhvillimit ekonomik të Kosovës. Duke folur në takimin me përfaqësuesit e bizneseve tatimpagues më të mëdhenj të vendit të organizuar nga Dogana dhe Administrata Tatimore e Kosovës dhe në të cilin ka marr pjesë edhe Ambasadorja e Shteteve të Bashkuara të Amerikës, Tracey Ann Jacobson, ministri Beqaj ka theksuar rëndësinë që biznesi privat ka në sigurimin e të ardhurave për buxhetin e Kosovës dhe se gjatë viteve të kaluara, sektori privat ka dhënë një kontribut të madh në rritjen dhe zhvillimin e ekonomisë së vendit...(Burimi: telegrafi.com)

31.01.2014...Një çështje me rëndësi, e trajtuar në vrojtimin e Bankës së Shqipërisë, Kultura financiare në Shqipëri: Rezultatet e vrojtimit për matjen e nivelit të njohurive financiare të popullatës, 2011, është edhe përcaktimi i shkallës së përgjegjshmërisë së individit në administrimin e financave familjare dhe në mbajtjen e një buxheti...(Burimi: monitor.al)

31.01.2014...Abuzimi me deklarimin e detyrimeve tatimore, sidomos me TVSH-së, ka çuar për ndjekje penale pesë administratorë të subjekteve të ndryshme private, ndërkohë që demi ekonomik arrin në 26 milionë dollarë. Drejtoria e Përgjithshme e Tatimeve njofton se dëmi i llogaritur nga skema e mashtrimit është 26 milionë dollarë. Kështu nga hetimet, ka rezultuar, se këto subjekte tregtare kanë regjistruar në QKR dhe në...(Burimi: shekulli.com.al)

31.01.2014...Rreth 40 ndërmarrje të ndërtuesve kanë themeluar të premten Shoqatën e Ndërtuesve të Kosovës në kuadër të Odës Ekonomike të Kosovës (OEK). Shoqata do të udhëhiqet nga Durim Prishtina, i ndërmarrjes Tregtia në Prishtinë. Shoqata në fjalë mision dhe vizion të qartë, dhe qëllim kryesor ka avancimin e partneritetit me qeverisjen lokale dhe qendrore si dhe partneritetin me asociacionet brenda dhe jashtë vendit, thuhet në njoftimin për media...(Burimi: telegrafi.com)

31.01.2014...Kryeministri i vendit, Edi Rama gjendet në Milano për vizitën e tij dyditore, me qëllim që të tërheqë bizneset italiane që të investojnë në Shqipëri. Në një intervistë për prestigjiozen italiane La Repubblica, Rama zbulon detajet e vizitës së tij në Itali, si edhe mundësitë që ofron Shqipëria për investitorët italianë...(Burimi: shekulli.com.al)

31.01.2014...Zbatimi i buxhetit të vitit 2014 nga institucionet publike do ti nënshtrohet një disipline të rreptë. Një udhëzim i Ministrisë së Financave që mban datën 17 Janar, detajon procedurat e zbatimit të buxhetit të këtij viti. Referuar udhëzimit...(Burimi: scan-tv.com)

30.01.2014...Gjatë muajit të parë të këtij viti, Dogana e Kosovës ka mbledhur mbi 38 milionë euro, apo rreth 3 për qind më shumë se në muajin janar të vitit paraprak. Kështu tha për Radio Kosovën zëdhënësi i doganave, Adriatik Stavileci. Bazuar në të hyrat e këtij muaji, ai thotë se janë optimist se do të realizojnë planin e këtij viti. Buxheti i Kosovës edhe më tej vazhdon të mbushet kryesisht nga të hyrat që mblidhen në kufij. Ndonëse gjatë vitit të kaluar kishte trend rënës të të hyrave nga dogana, fillimi i këtij viti është mjaft i suksesshëm për këtë institucion...(Burimi: koha.net)

30.01.2014...Administrata Tatimore e Kosovës është duke vazhduar aksionin për mbylljen e të gjitha lojërave të fatit në Kosovë, që nuk i përmbushin kriteret e parapara me ligj. Zyrtarë të ATK-së thonë se deri tani i kanë mbyllur rreth 300 sish, ndërsa vetëm 6 komuna i kanë sjellë planet detale për vendndodhjen e tyre. Nga ana tjetër, ka reaguar shoqata e lojërave të fatit. Moszbatimi i ligjit për lojërat e fatit, respektivisht nenit 66 që përcakton distancën e tyre nga objektet edukativo-arsimore, komunale, etj, ka shtyrë ATK-në të ndërmarrë aksion kontrolli në tërë territorin e Kosovës. Nahit Sharku, zëvendësdrejtor i përgjithshëm për operacione përmbushësh...(Burimi: kosova-sot.info)

30.01.2014...Qeveria shqiptare duhet të marrë masa për të kontrolluar dhe ulur borxhin publik. Ky ka qenë rekomandimi i dhënë dje nga guvernatori i Bankës së Shqipërisë, Ardian Fullani, pas prezantimit të vendimeve të marra nga Këshilli Mbikëqyrës i BSH-së. Sipas Fullanit, borxhi tenton të rritet edhe më shumë në kushtet e një rritjeje të dobët ekonomike...(Burimi: gazeta-shqip.com)

29.01.2014...Plot 150 milionë dollarë është dëmi ekonomik në financat publike i konstatuar nga Kontrolli i Lartë i Shtetit për vitin 2013. Shifra rekord është bërë publike nga kryetari i KLSH-së, Bujar Leskaj, gjatë analizës vjetore të punës, ku merrnin pjesë edhe Presidenti i Republikës, Bujar Nishani, si dhe kryeprokurori Adriatik Llalla. Sipas të dhënave të prezantuara dëmi ekonomik është konstatuar pas 164 auditimesh të bëra nga inspektorët e KLSH-së në institucionet shtetërore...(Burimi: gazeta-shqip.com)

29.01.2014...Që ku nisi kriza ekonomike në vitin 2008, përkundrejt të gjithë treguesve të tjerë, eksportet shqiptare kanë shënuar një rritje domethënëse, duke u shndërruar në zërin kryesor të prurjeve valutore në vendin tonë. Në fund të vitit 2012, eksportet në vlerë monetare arritën në 246.3 miliardë lekë ose në plot 2.4 miliardë dollarë, nga vetëm 37 milionë dollarë që ishin në vitin 2001. Shifra u dha dje nga INSTAT-i në publikim të tregtisë me jashtë për muajin dhjetor...(Burimi: zhurnal.mk)

28.01.2014...Qeveria shqiptare ka vendosur që pas disa muajsh të nisë procesin e tenderimit për dhënien me koncesion të mirëmbajtjes së Rrugës së Kombit. Jemi ne fazën e përgatitjes së modelit se si do te jepet me koncesion kjo rrugë. Në fillim të verës, ne do të tenderojmë koncesionin, tha ministri i Transportit dhe Infrastrukturës, Edmond Haxhinasto, gjatë takimit që zhvilloi sot me homologun e tij kosovar. Në konferencën e përbashkët për shtyp të ministrave të infrastrukturës, ministri i Kosovës, Fehmi Mujota tha se shkëmbimet Shqipëri-Kosovë janë katërfishuar që nga ndërtimi i rrugës...(Burimi: gazetaexpress.com)

27.01.2014...Kompania britanike Crown Agents që u kontraktua për asistimin në punën e doganave shqiptare është prezantuar sot në Tiranë nga kryeministri Edi Rama, i cili ka kërkuar reform urgjente në Dogana dhe luftë korrupsionit. Ekipi prej 12 pjestarësh nën drejtimin e Dejvit Smith do të punojnë duke pasur në fokus një administrim më të mirë të punës në dogana, luftën e korrupsionit dhe rritjen e të ardhurave për llogari të qeverisë shqiptare...(Burimi: zhurnal.mk)

26.01.2014...Bashkëpunim në nxitjen dhe lehtësimin e Tregtisë është marrëveshja e fundit kornizë që është nënshkruar ndërmjet Republikës së Kosovës dhe Republikës së Shqipërisë. Kjo marrëveshje, e cila është nënshkruar në Prizren gjatë mbledhjes së përbashkët ndërmjet dy qeverive, asaj të Republikës se Kosovës dhe Republikës së Shqipërisë, synon të përcaktojë drejtimet kryesore, në të cilat të dyja palët do ti përqendrojnë përpjekjet e përbashkëta me qëllim të lehtësimit të qarkullimit të mallrave. Marrëveshja mbulon jo vetëm çështjet e lidhura me procedurat doganore, mirëpo edhe çështjet e ndërlidhura me kontrollet sanitare dhe fito-sanitare në tregjet e jashtme, thotë për Radion Evropa e Lirë, Bernard Nikaj, zëvendësministër i Tregtisë dhe Industrisë...(Burimi: gazetaexpress.com)

25.01.2014...Shoqata e Lojërave të Fatit, përmes një kumtese shpreh shqetësimin për, siç thuhet, sulmet e vazhdueshme që janë duke iu bërë subjekteve të lojërave të fatit, në emër të implementimit të Ligjit të Lojërave të Fatit - nr.04/L-080. Që nga viti 2012, kur është aprovuar Ligji mbi Lojërat e Fatit, shoqata i ka drejtuar shkresa organeve shtetërore, ku kanë shprehur vërejtjet që kanë të bëjnë me zhvillimin e veprimtarisë së tyre...(Burimi: telegrafi.com)

25.01.2014...Partneriteti me Doganat e Kosovës është i rëndësisë së veçantë për komunitetin e biznesit vendorë dhe kjo formë e komunikimit do të reflektojë pozitivisht edhe në të ardhmen në interes të të dyja palëve. Kështu ka deklaruare Kryetari i Odes Ekonomike të Kosovës, SafetGërxhaliu, me rastin e pritjes në një takim pune Drejtorin e Doganave të Kosovës, Lulzim Rafuna me bashkëpunëtorë...(Burimi: telegrafi.com)

24.01.2014...Regjistrimi i bizneseve do të kryhet në mënyrë elektronike, pa u paraqitur në zyrat e QKR-së, por vetëm duke klikuar në faqen e saj në rrjet. Ndërkohë që aktualisht procesi i regjistrimit është fizik dhe kërkon rreth 24 orë, me praktikën e premtuar pritet që procesi të reduktohet në vetëm 8 orë...(Burimi: scan-tv.com)

24.01.2014...Investimet e huaja në Kosovë kanë shënuar një rritje prej 15 për qind të investimeve totale. Vetëm në nëntëmujorin e vitit 2013 investimet e huaja kanë pasur rritje që kapin vlerën 205.4 milionë euro, ku nga këto, 95 milionë euro investime kanë qenë nga shtetet që janë anëtare të Bashkimit Evropian...(Burimi: zeri.info)

24.01.2014...Një dokument konfidencial i Albpetrolit hedh dyshime të forta, të cilat implikojnë Bankers Petrolium, në një tregti të paligjshme karburantesh në tregun vendas. Por, nga ana tjetër, Bankers deklaron se të gjitha këto dyshime janë të pavërteta dhe se nuk ka kryer asnjë shkelje që pretendon Albpetroli. Dokumenti i zotëruar nga Top Channel, i cili konfirmohet zyrtarisht nga Albpetroli dhe Ministria e Energjisë dhe Industrisë, dyshon se kompania kanadeze ka shitur në tregun e brendshëm me pakicë sasi të mëdha karburanti të cilësisë së dobët, që njihet ndryshe me emrin hollues. Ky lloj karburanti përdoret nga kompanitë prodhuese të naftës si lëndë e parë në proceset teknologjike të prodhimit...(Burimi: gazeta-shqip.com)

24.01.2014...Industria e gjerë e prodhimit në Kinë u tkurr për herë të parë në gjashtë muajt e fundit, ndërsa edhe fabrikat në Shtetet e bashkuara të Amerikës u ngadalësuan. Por sektori privat në Europë e filloi vitin 2014 me një shpejtësi më të madhe nga sa pritej nga tregjet...(Burimi: scan-tv.com)

23.01.2014... Fermerët mund të përfitojnë naftë me 80 deri në 100 lekë për litër, nëse qeveria miraton skemën e re të propozuar nga shoqatat e agrobiznesit në vend. Ky fakt u bë i ditur gjatë seancës dëgjimore që përfaqësues të agrobiznesit mbajtën në Komisionin e Veprimtarive Prodhuese në Kuvend...(Burimi: shekulli.com.al)

22.01.2014...Një javë, pasi Banka Botërore bëri në Washington një prognozë optimiste për ekonominë botërore, shembullin e saj e ndoqi dhe organizata simotër, Fondi Monetar Ndërkombëtar. Mesazhin kryesor i "World Economy Outlook", ishte pikerisht ky: ekonomia botërore vazhdon shlodhjen, por ajo eshte e brishtë dhe jo e njëtrajtshme...(Burimi: zhurnal.mk)

22.01.2014...Ministria e Financave ka akorduar 3 miliardë lekë për transportin rrugor. Përfundimi i segmenteve rrugore të rëndësishme dhe rimbursimi i disa faturave të TVShsë të prapambetura, janë vënë në krye të listës së prioriteteve nga dikasteri i financave...(Burimi: shekulli.com.al)

21.01.2014...Gjatë vitit 2013 në Kosovë janë importuar 1198 vetura të reja që, krahasuar me vitin 2012, ka një ngritje të lehtë në numrin e veturave të importuara, të cilat janë sjellë nga vende të ndryshme evropiane. Zëdhënësi i Doganës së Kosovës, Adriatik Stavileci, ka thënë për gazetën Epoka e re se në vitin 2013, krahasuar me atë 2012, ka pasur rënie të taksave për 1.198.00 euro. Gjatë vitit 2013 ka pasur rënie të taksave, pasi në vitin 2012 vlera e taksave kapte shumën 4,734,016.23 euro, kurse gjatë vitit 2013 kjo shifër kishte rënë në 4,444,109. 01 euro...(Burimi: telegrafi.com)

20.01.2014...Gjatë zhvillimit të Forumit Ekonomik të organizuar në Tiranë nga Shoqata e Investitorëve të Huaj në Shqipëri (FIAA), ministri i Energjisë dhe Industrisë Damian Gjiknuri është ndalur tek ndryshimi i legjislacionit në fushën e energjisë, përmirësimi i situatës, si dhe reduktimin e humbjeve në rrjet. Gjiknuri ndër të tjerash paralajmëroi se qeveria ka ndër mend të rishikojë çmimin e energjisë. Ndërsa ministri i Financave, Shkëlqim Cani në fjalën e tij tha se brenda muajit qershor do të jetë gati një paketë e re fiskale e cila do të sjellë përmirësime të mëdha në klimën e biznesit, dhe që do të ketë partner kryesor biznesin në hartimin e saj...(Burimi; monitor.al)

20.01.2014...Kontrolli i Lartë i Shtetit (KLSH)njofton se u zhvillua analiza vjetore e Departamentit të Auditimit të Buxhetit të Pushtetit Vendor, Kontrollit të Territorit dhe Administrimit të Aseteve të Qendrueshme për vitin 2013. Për 55 auditimet e evaduara janë dhënë 1370 rekomandime të natyrave të ndryshme, me qëllim përmirësimin e gjendjes së subjekteve të audituar si vijon...(Burimi: monitor.al)

20.01.2014...Sektori që punon me material porositësi në vend, ai i tekstile e këpucëve i ka drejtuar qeverisë shqiptare një paketë me masa për të nxitur eksportet. Tatim fitimi 0%; ngrirje e pagës minimale për katër vjet; pagesë sigurimesh për vendet e reja të punës; lehtësi doganore etj janë disa nga propozimet e industrisë së përpunimit aktiv...(Burimi: monitor.al)

19.01.2014...Kriza ekonomike dhe zgjedhjet parlamentare të 23 qershorit, të cilat përkuan edhe me fillimin e sezonit turistik për vitin e shkuar, ndikuan negativisht për turizmin e vendit tonë. Sipas të dhënave të publikuara nga Instituti i Statistikave, zgjedhjet parlamentare dhe kriza ekonomike bënë që numri i turistëve në Shqipëri të pësonte një rënie për vitin 2013...(Burimi: shekulli.com.al)

18.01.2014...Bie ndjeshëm miratimi i lejeve të ndërtimit, ku spikatin ato bashki, në të cilat këshillat prej kohësh ndiejnë peshën e bllokimit politik, pas ndryshimit të mazhorancës qeverisëse. Kësaj rënieje nuk po i kundërvihet as ekzekutivi i ri, por më e keqja është angazhimi politik i mazhorancës për të prishur edhe atë frymë të vakët besimi, që ka ekzistuar më parë dhe që solli bumin në sektorin e ndërtimit...(Burimi: standard.al)

18.01.2014...Në takimin Administrata të shërbim të qytetarëve, me punonjës të administratës tatimore, kryeministri Edi Rama ka pohuar se do të kërkojmë me insistim që administrata të ndërrojë fytyrë, të ndërrojë sjellje, të ndërrojë në themel marrëdhëniet me qytetarët. Në mes të shkurtit, qeverisë do ti vijë ligji i ri për TVSH-në, që do të jetë në linjë me standardet europiane, ndërkohë që do të punohet për ligjin e ri për tatimin mbi të ardhurat...(Burimi: monitor.al)

17.01.2014...Shqipëria dhe Kosova pritet të ndërmarrin një hap të shumëpritur nga bizneset, atë të heqjes së tarifave doganore mes dy vendeve. Në këtë përfundim kanë arritur ministrat e Financave të të dy vendeve, Shkëlqim Cani dhe Besim Beqaj, gjatë një takimi të zhvilluar sot në Prishtinë...(Burimi: shekulli.com.al)

16.01.2014...OPINION. Fidan KOSUMI. Racionaliteti dhe guximi sot në biznes. Guximi duhet të hyjë në punë atëherë kur të gjitha analizat rezultojnë pozitive dhe japin sinjale për sukses. Kjo nuk do të thotë se duhet të zbehet shpirti sipërmarrës i cili karakterizohet me guxim por këtij entuziazmi duhet shtuar racionalitetin në kuptim që shanset për sukses të jenë më reale...(Burimi: telegrafi.com)

16.01.2014...Ministri i Energjetikës, Damian Gjiknuri, ka lajmëruar se qeveria do të auditojë bilancet e kompanive hidrokarbure që shfrytëzojnë rezervat e naftës në Shqipëri, pasi ka dyshime se në to raportohen shpenzime të fryra për të shmangur tatimet...(Burimi: gazeta-shqip.com)

16.01.2014...Treguesi i ndjesisë ekonomike u rrit me 5.5% më tremujorin e fundit të vitit 2013, si rezultat i përmirësimit të besimit në segmente të veçanta të ekonomisë. Sipas vrojtimit të Bankës së Shqipërisë, përmirësimi i indeksit agregat të besimit në ekonomie erdhi nga sektorët e tregtisë, shërbimeve dhe industrisë, ndërsa besimi në sektorin e ndërtimit dhe besimi konsumator regjistruan rënie...(Burimi: scan-tv.com)

16.01.2014...Fondi i Kursimeve Pensionale të Kosovës (FKPK), edhe gjatë vitit 2013 vazhdoi me kthim pozitiv nga investimet. Kryetari i Bordit të Turistit Ymer Havolli tha se investimet këtij institucioni gjatë vitit 2013 kanë pasur kthime pozitive sipas tij, kjo politikë investimit të kompani të sigurta do të vazhdojë edhe më tej...(Burimi: telegrafi.com)

16.01.2014...Niveli i borxhit publik, si në nivel kombëtar, por llogaritur edhe për frymë, ka ardhur në rritje nga viti në vit. Referuar të dhënave të publikuara nga Open Data Albania, rezulton se borxhi publik për frymë sipas parashikimeve buxhetore këtë vit do të arrijë në vlerën 370 224 lekë...(Burimi: scan-tv.com)

15.01.2014...Kontrolli i ushtruar ne shoqerite publike tek financimet dhe projektet me investim te huaj ka zbuluar nje dem ekonomik prej 18 milione euro...(Burimi: panorama.com.al)

14.01.2013...Krijimi i lehtësive fiskale për bizneset kosovare në vendin tonë dhe anasjelltas, synon ti japë fund mosmarrëveshjeve tregtare mes dy vendeve. Pritet që brenda kësaj jave, ministri i Financave, Shkëlqim Cani, do të udhëtojë drejt Kosovës për të konkretizuar me homologun e tij në terma teknikë, marrëveshjen e nënshkruar pak ditë më parë në Prizren...(Burimi: scan-tv.com)

14.01.2013...Shqipëria renditet e 25 mes 43 vendeve të rajonit të Evropës, ndërsa në klasifikimin global ajo është mbi mesataren botërore, në vendin e 54. Sipas raportit një pikë e dobët për liritë ekonomike në vend vazhdon të mbetet lufta kundër korrupsionit dhe e drejta e pronës. Shqipëria ka 66,9 pikë në klasifikimin me 100 pikë të Indeksit për Lirinë Ekonomike për vitin 2014 duke u radhitur e 54-ta në botë. Shqipëria renditet e 25 në mesin e 43 vendeve të rajonit të Evropës ndërsa në klasifikimin global ajo është mbi mesataren botërore...(Burimi: gazeta-shqip.com)

13.01.2013...Sasia e energjisë nga burimet e ripërtërishme në konsumin përfundimtar bruto deri më 2020 për Kosovën si nënshkruese e Traktatit të energjisë duhet të jetë 25%. Por, sipas zyrtarëve të Institutit të Poltikave Zhvillimore, vendi ynë nuk është i orientuar fare nga burimet e ripërtëritshme të energjisë...(Burimi: kohaditore.com)

13.01.2014...OPINION. Eduard ZALOSHNJA. Evazioni fiskal, sa ka qenë e sa do të jetë. Të ardhurat nga TVSH-ja parashikohen të jenë sa 8.5% e PBB-së, e cila pritet të jetë rreth 13.9 miliardë dollarë. Pra, qeveria parashikon të mbledhë rreth 1.2 miliardë dollarë, nga 2.2 miliardë dollarë që duhet të mbledhë, në qoftë se e vjel TVSH-në në nivelin 16% të PBB-së. Duke e ekstrapoluar këtë evazion të pritshëm të pagimit të TVSH-së, mund të arrihet në përfundimin se rreth 47% (100%-8.5%/16%) e aktivitetit ekonomik joshtetëror nuk do të kalojë në sitën e administratës fiskale në vitin 2014...(Burimi: balkanweb.com)

12.01.2014...Qindra biznese private veprojnë në pjesën veriore të Mitrovicës, por shifrat për regjistrimin e tyre ndryshojnë në autoritetet kompetente në Prishtinë. Sipas shifrave të Administratës Tatimore të Kosovës, në pjesën veriore të Mitrovicës janë të regjistruara 268 biznese, kurse në Ministrinë e Tregtisë dhe Industrisë janë të regjistruara vetëm 47 prej tyre...(Burimi: telegrafi.com)

12.01.2014...OPINION. Harold JAMES, Princeton University. Një lloj i ri i pabarazisë ekonomike. Nuk është vetëm politika monetare që po jep një impakt polarizues. Evropianët, që po i konsiderojnë politikat kejnesiane, përballen me trashëgiminë e shtrenjtë të projekteve të dikurshme të investimeve publike...(Burimi: shekulli.com.al)

12.01.2014...Dy variantet e qeverise per reformen e pensioneve. Te dy versionet qe po diskutohen pritet te kene efekte te forta sociale mes shtresave te popullsise...(Burimi: panorama.com.al)

11.01.2014...Dhoma Amerikane e Tregtisë në Kosovë ka vlerësuar, një ditë më parë mbledhjes së dy qeverive, të Shqipërisë dhe Kosovës, se barrierat tarifore dhe jotarifore nga Kosova dhe Shqipëria dëmtojnë rëndë interesat e bizneseve të të dyja anëve të kufirit, njëkohësisht duke penguar fuqizimin e marrëdhënieve ekonomike, shkëmbimi tregtar si dhe lëvizja e lirë e mallrave ndërmjet dy shteteve...(Burimi: standard.al)

10.01.2014...BQK-ja publikon borxhin e jashtëm bruto të Kosovës. Borxhi publik 387.8 milionë euro Pjesa më e madhe e borxhit privat është në formë të kredive ndërmjet kompanive, që janë në relacion të investimeve të huaja direkte (629.2 milionë euro), pasuar nga sektorët e tjerë të ekonomisë me 324.4 milionë euro dhe huamarrjet e bankave komerciale me 206.9 milionë euro...(Burimi: kosova-sot.info)

10.01.2014...Sistemi bankar shqiptar nuk mund të shmangë mbylljen e bilanceve për vitin 2013 pa humbje, kjo pas rreth 15 vjetësh bilancesh pozitive sipas standardeve mbikëqyrëse të raportimit financiar. Shkak për këtë janë niveli i lartë i kredive bankare me probleme që për vitin 2013 kanë mbajtur nivele rekord...(Burimi: shekulli.com.al)

10.01.2014...Divizioni i Lojërave të Fatit i Administratës Tatimore të Kosovës (ATK), në bashkëpunim edhe me Doganën e Kosovës, ka vazhduar të premten në Ferizaj aksionin për mbylljen e të gjitha njësive të lojërave të fatit, të ndodhura në afërsi të drejtpërdrejt me institucionet fetare, kulturore, historike dhe shkolla...(Burimi: telegrafi.com)

10.01.2014...Në vazhdën e angazhimit për mbrojtjen e interesave të konsumatorëve dhe rritjen e transparencës së praktikave tregtare në treg, por edhe në përgjigje të shqetësimit qytetar për praktikat e rritjes së çmimeve në periudhat e fundvitit, Ministria e Zhvillimit Ekonomik, Tregtisë dhe Sipërmarrjes ka nisur marrjen e masave për monitorimin e tregut. Në këtë kuadër, Ministri i Zhvillimit Ekonomik, Tregtisë dhe Sipërmarrjes z.Arben Ahmetaj dhe Ministri i Financave Z. Shkëlqim Cani kanë firmosur Urdhrin e Përbashkët Për ngritjen e grupit të përbashkët të punës për shmangien e rritjes abuzive të çmimeve në treg...(Burimi: monitor.al)

10.01.2014...Shqipëria vlerësohet të ketë rezerva relativisht të larta që arrijnë deri në 400 milionë ton naftë. Sipas burimeve zyrtare të Autoritetit Kombëtar të Burimeve Natyrore, rreth 40 milionë tonë naftë janë ende të pashfrytëzuara. Patos-Marinza është burimi më i madh natyror i naftës në të gjithë Evropën...(Burimi: shekulli.com.al)

10.01.2014...ekspertët e ekonomisë Arben Malaj dhe Selami Xhepa u shprehën dje për Top Channel të mendimit se ekonomia ndodhet në udhëkryq dhe viti 2014 është një test i fortë, që do të përcaktojë të ardhmen e saj. Për ish-ministrin e Financave, ky është viti i fundit kur qeveria shqiptare ka luksin ta stimulojë ekonominë me borxh...(Burimi: gazeta-shqip.com)

09.01.2014...Ekonomia joformale mbetet edhe më tej një ndër prioritetet e Qeverisë së Kosovës. Kështu ka thënë ministri i Financave, Besim Beqaj, në takimin kushtuar hartimit të Strategjisë dhe Planit të Veprimit për parandalimin dhe luftimin e ekonomisë joformale, pastrimit të parave dhe financimin e terrorizmit...(Burimi: zeri.info)

09.01.2014...OPINION. Prof.Asc. Përparim FERUNAJ. Taksa e naftës dhe disa ndikime të saj. Ky fenomen natyrisht është i lidhur edhe me zhvillimin teknologjik, Por nëse do rritet bileta e autobusit apo çmimi i naftës, ju do të detyroheni që ndoshta të lëvizni më shumë, si rrjedhojë, të përmirësoni veprimtarinë e zemrës dhe të muskujve, të cilat Natyra i ka dizenjuar për të punuar. Baza e shkencës së Fiziologjisë ushtrimore është pikërisht struktura dhe funksioni i muskujve tanë (më shumë se 600), me të cilët, ne njerëzit, lëvizim kockat tona, d.m.th realizojmë lëvizjen...(Burimi: shekulli.com.al)

09.01.2014...Ekonomia kombëtare në tremujorin e tretë të vitit 2013 pësoi një rënie me mbi 2 për qind, në krahasim me prodhimin e brendshëm bruto të së njëjtës periudhë të vitit 2012. Kjo tkurrje e ekonomisë erdhi si rezultat i rënies së sektorëve kryesorë të ekonomive, si industria, ndërtimi, tregtia, shërbimet...(Burimi: gazeta-shqip.com)

08.01.2014...INTERVISTA. Lulzim BASHA. Ekonomia, skenari shqiptar më i keq se ai grek. Nuk mund të fshihet papërgjegjshmëria e paketës fiskale, që ne denoncuam që në fillim pas hedhjes së fajeve dikur tjetër. Abuziviteti me çmimet është një çështje e përhershme në treg, në fund të fundit tregu është ai që jep përgjigjet, pikërisht me masa të rrepta monitorimi, siç unë në Bashkinë e Tiranës kam filluar të bëj tashmë prej dy vitesh e gjysmë me Agjencinë e Mbrojtjes së Konsumatorit...(Burimi: balkanweb.com)

08.01.2014...Ndërsa bizneset e vogla do ti nënshtrohen një skeme të re taksimi, edhe njësitë e pushtetit vendor do të kenë gjithashtu një skemë të re përfitimi. Referuuar ndryshimeve ligjore të paketës së re fiskale, nuk do të jenë me vendorët ata që do ti administrojnë këto taksa, por do të jetë Drejtoria e Përgjithshme e Tatimeve...(Burimi: scan-tv.com)

08.01.2014...OPINION. Dritan HILA. Mirëserdhët në kapitalizëm. Pas çerek shekulli, shqiptarët po fillojnë të ndjejnë në lëkurë sistemin ekonomik të rendit që aspiruan në dhjetor 91. E veçanta e kësaj historie, është se po vjen nga dora e njeriut që për njëzet vjet e kujtonim ithtar të Bakuninit sesa pasues të Bernshteinit. Pjesa tjetër, është determinizëm historik. Do të ndodhte gjithsesi...(Burimi: balkanweb.com)

08.01.2014...Rritja e çmimeve, faji i tregtarëve apo i politikës së re fiskale? Ditët e fundit po zbulohet se, me të marrë vesh ndryshimet e planifikuara nga qeveria Rama për taksat kryesore, bizneset kanë nxituar të shtojnë importin, para se këto taksa të hynin në fuqi. Kështu, importet e disa mallrave kryesore të akcizës kanë shënuar një rritje të fortë në muajin tetor, kohë kur filloi të diskutohej për rritjen e taksave të tyre. Tetori është muaji i fundit kur të dhënat nga Doganat janë të disponueshme...(Burimi: standard.al)

08.01.2014...Studimi i BSH: Pse ra dhe si mund të rritet kredia për ekonominë. Kredia bankare do të zgjerohet me një rritje më të lartë ekonomike, më tepër besim ndërmjet agjentëve të ndryshëm ekonomikë dhe mundësinë për të mbështetur një rritje të qëndrueshme ekonomike. Ky është konkluzioni në materialin e diskutimit PËRCAKTUESIT E KREDISË BANKARE PËR SEKTORIN PRIVAT: RASTI I SHQIPËRISË, përgatitur nga Gerti Shijaku, Departamenti i Kërkimeve, dhe Irini Kalluci, Departamenti i Mbikëqyrjes, në Bankën e Shqipërisë...(Burimi: monitor.al)

07.01.2014...OPIONION. Mimoza KOÇIU. Taksapagues model a skllav i bindur? Për shtetin mbeten shumë pyetje. A ka një përllogaritje se si do përkthehet në treg rritja e taksave? A po monitorohet tregu? A do rriten produktet në masën e taksës, apo më tepër? Sa është tendenca për abuzim, nisur nga rastet e njohura në të kaluarën? A ka një plan për të frenuar abuzimet dhe informalitetin, duke nxitur kështu qytetarin që të paguajë me bindje taksat?..(Burimi: balkanweb.com)

07.01.2014...ATK në 2014 synon të grumbullojë 367 milionë euro. Viti 2014 fillon me plane të mëdha për Administratën Tatimore. Projeksionet e qeverisë janë që ky institucion të grumbullojë 367 milionë euro për buxhetin e shtetit, apo 22 për qind më shumë se një vit më parë...(Burimi: kosova-sot.info)

07.01.2014...OPINION. Eduard ZALOSHNJA. Dy sfida të mëdha për ministrin Cani...ministri Cani do të përballet së shpejti me dy sfida një nga poshtë e një nga lart. Burokratizmat dhe/ose korrupsioni i personelit të Ministrisë së Financave mund të bëhen pengesë për realizimin me sukses të manovrës më të veçantë buxhetore në dekadën e fundit financimit nga FMN dhe Banka Botërore të detyrimeve të prapambetura të shtetit shqiptar. Nga ana tjetër, përkrahja politike e Edi Ramës për dy drejtoreshat që kanë në dorë 90% të të ardhurave të thesarit mund të bëhet pengesë për vendosjen e autoritetit të ministrit Cani ndaj tyre...(Burimi: balkanweb.com)

07.01.2014...Cigaret dhe karburantet, rriten ndjeshëm importet para taksave të reja. Kështu, importet e karburanteve ishin 45 mijë ton në tetor, sipas Doganave, me një rritje prej 25% në raport me një muaj më parë dhe duke shënuar nivelin më të lartë mujor përgjatë gjithë 2013-s (rreth 24% më e lartë se mesatarja mujore për periudhën janar-shtator)...(Burimi: monitor.al)

06.01.2014...Inflacioni në Dhjetor u rrit në 1.9%. Përcaktues ishte rikthimi i rritjes e çmimeve në grupin Ushqime dhe pije joalkoolike Inflacioni i këtij grupi në Dhjetor u rrit në 3.5%, nga 2.1% që ishte një muaj më parë. Produktet ushqimore vazhdojnë të japin ndikimin kryesor në inflacion...(Burimi: scan-tv.com)

05.01.2013...Disa nga kompanitë private në Kosovë gjatë vitit të kaluar kanë shënuar progres, ndërsa disa të tjera regres, thonë pronarë të biznesve private. Ata thonë se gjatë vitit 2013, autoritetet kompetente nuk kanëtreguar ndonjë përkushtim në përmirësimin e kushteve të sektorit privat. Se sektori më i rëndësishëm për zhvillimin e vendit po përballet mesituatë gjithnjë e më të vështirë, tregon edhe një anketë e zhvilluar me 600 biznese nga InstitutiRIINVEST. Nga ky numër, më shumë se 50 për qind prej tyre pohojnë se kanë pasur rënie të fuqisë se tyre, ndërsa 21 për qind kanë shënuar rritje, kurse 25 për qind nuk kanë pasur ndonjë ndryshim...(Burimi: gazetaexpress.com)

04.01.2014..."Forbes", bullgarët dhe rumunët nuk do ta vërshojnë BE-në. Vlerësohet se një e katërta e bullgarëve dhe 31 për qind e rumunëve flasin gjuhën angleze, kundrejt një e treta e polakëve...(Burimi: zhurnal.mk)

04.01.2013...Të dhënat më të fundit zyrtare sinjalizojnë se tre-mujori i tretë i vitit të kaluar mund ta ketë zhytur ekonominë sërish në zonë negative, për herë të tretë që nga fillimi i krizës. Instituti i Statistikave raportoi se të gjithë sektorët kryesorë të ekonomisë kanë shënuar gjatë këtij tre-mujori rënië të fortë të prodhimit. Sipas INSTAT, rënien më të madhe e ka industria dhe ndërtimi, ku xhiro ekonomike e zhveshur nga efekti i cmimeve u tkurr përkatësisht me 10.8 dhe 11.3 për qind krahasuar me një vit më parë...(Burimi: top-channel.tv)

03.01.2014...Në vitin e kaluar, 300 persona kanë fituar 524 miliardë dollarë. Nga 300 personat më të pasur të involvuar në listën për rejting, vitin e kaluar vetëm 70 kanë pasur humbje financiare. Njeriu më i pasur në botë përsëri është kryetari i Këshillit të drejtorëve të "Majkrosoftit", Bill Gejts, i cili kapitalin e tij e ka rritur për 15,8 miliardë dollarë në 78,5 miliardë dollarë. Në pozitën e dytë është oligarku meksikan i telekomunikimeve Karlos Slim, i cili posedon mbi 73 miliardë dollarë...(Burimi: zhurnal.mk)

02.01.2014...KOMENT. Liridon LLAPASHTICA. Të pasur sa shteti. Edhe më tutje në krye të listës së pasanikëve të politikës, qëndron lideri i Aleancës Kosova e Re, Behgjet Pacolli, i cili njëherësh është edhe zëvendëskryeministër, me 176 milionë euro pasuri, pastaj deputeti i Aleancës për Ardhmërinë e Kosovës, Ramiz Kelmendi, dhe njëherësh pronar i zinxhirit të hipermarketeve ETC me 56 milionë euro pasuri, deputeti i LDK-së, Hashim Deshishku, me 13 milionë euro pasuri, deputeti i Vetëvendosjes, Florin Krasniqi, me pasuri të vlerësuar rreth 10 milionë euro...(Burimi: zeri.info)

02.01.2014...INTERVISTE. Arben MALAJ. Reformat pro rritjes ekonomike janë bërë jetike. Buxheti i viti 2014 është buxheti që tenton të ndihmojë rritjen ekonomike, por është njëkohësisht buxheti me borxhin më të madh publik, një pjesë e të cilit i destinuar për të paguar borxhet e prapambetura në shumën rreth 35 miliardë lekë. Ky buxhet, ku ekonomia ka një rritje rreth 2% dhe një deficit buxhetor rreth 6.6%, ka një nivel të lartë të deficitit primar dhe sjell një rritje të mëtejshme të borxhit publik...(Burimi: monitor.al)

02.01.2014...Njohës të fushës së ekonomisë dhe përfaqësues të bizneseve thonë se të arriturat në fushën e ekonomisë gjatë vitit 2013 nuk janë për mburrje, pasi që ka mbetur shumë punë për tu bërë. Sipas shifrave të Ministrisë së Financave, rritja ekonomike ka qenë 3.2 për qind, deri sa sipas Bankës Botërore rritja ekonomike ka qenë më 2013 vetëm 3 për qind. Kjo ministri ka parashikuar që rritja ekonomike të jetë 4.1 për qind ne 2014...(Burimi: telegrafi.com)

01.01.2014...Ekonomia në një vit: Nga rritja e eksporteve te tkurrja e kredisë. Viti që sapo kemi lënë pas, ka qenë më i vështiri, ndoshta që nga 1997, kohë kur ekonomia shqiptare vuajti pasojat e krizës së piramidave. Rritja ekonomike e pritshme, sipas burimeve zyrtare do të jetë rreth 1.2%, më e ulëta e dekadës së fundit. Në fakt, ritmet e rritjes së ekonomisë janë zvogëluar ndjeshëm që nga 2008 (që shënoi një zgjerim prej rreth 8%), teksa vendi filloi të prekej gradualisht nga kriza financiare që nisi në Amerikë e pastaj u kthye në një krizë globale. Më pas,mekrizën që nga erdhi në derë,me fqinjin Greqi që rrezikoi të falimentonte e Italinë që u tkurr ndjeshëm, kriza na goditi edhe më keq...(Burimi: monitor.al)


VITI 2013

DHJETOR

31.12.2013...Edhe pse gjatë vitit 2013 nuk u arrit marrja e statusit kandidat për anëtarësim, vendi ynë mund të përfitojë financime nga të gjithë komponentët e Instrumentit të Paraaderimit. Zëvëndësministri i Integrimit Majlind Lazimi shpjegon për televizionin SCAN se strategjia financiare e Bashkimit Europian nuk kushtëzon përfitimin e fondeve me statusin e vendit aplikues. Në fillim të vitit 2014, Shqipëria mund të përfitojë të drejtën e manaxhimit të fondeve të Bashkimit Europian përmes institucioneve të saj...(Burimi: scan-tv.com)

31.12.2013...Në tremujorin e tretë 2013, indeksi i volumit të shitjeve në tregtinë me pakicë arriti 184,1 % kundrejt vitit bazë (2005=100), njoftoi INSTAT. Indeksi i volumit të shitjeve në tregtinë me pakicë është rritur 2,8 % krahasuar me të njejtën periudhë të vitit paraardhës, dhe 6,5 % krahasuar me tremujorin paraardhës...(Burimi: monitor.al)

31.12.2013...Gjykata e Lartë e Francës aprovoi taksën 75% mbi fitimin për ata që fitojnë mbi një milionë euro në vit, duke i dhënë dritën jeshile shndërrimit në ligj të një prej premtimeve kryesore elektorale të presidentit François Hollande. Vendosja e kësaj takse kishte mbetur pezull prej një viti, pasi rritja në këto nivele u konsiderua si antikushtetuse prej Këshillit Kushtetues në Dhjetor 2012...(Burimi: telegrafi.com)

31.12.2013...Shqiptarët duket se kanë ulur tashmë edhe konsumin e kafes. Kriza po jep efektet edhe tek një nga artikujt më të konsumuar nga vendasit, kafja. Gjatë 10-muajve të parë të kë tij viti janë importuar në totat rreth 5900 ton kafe gjithsej nga vendet e huaja në tregun vendas. Kjo sasi ë shtë ulur rreth 8% kundrejt së një jtë s periudhë të një viti më parë ...(Burimi: monitor.al)

30.12.2013...OPINION. Kiço BLUSHI. Rreziku i ortekut financiar prej panikut kolektiv. Por më e keqja është se ne kemi një klasë politike të papërgjegjshme, së cilës nuk i shkon kurrë mendja, as pas ndërhyrjes së ndërkombëtarëve, që të bashkohet për të përballuar krizën dhe shmangur panikun. Për të shpëtuar vendin. Në të kundërt, ne pamë këto ditë 'live' se si për të ardhur në pushtet krerët tanë janë të gatshëm t'i vënë edhe një herë tjetër zjarrin Shqipërisë, duke ia djegur, "për inat të njëri-tjetrit", jo vetëm "statusin", po edhe jorganin. Edhe shpresën...(Burimi: balkanweb.com)

30.12.2013...Në vitin 2013 janë rritur shpenzimet në paga dhe mëditje, në mallra dhe shërbime dhe në subvencione dhe transfere. Ndërsa ka pasur ulje të shpenzimeve kapitale. Deri në 4.1 për qind pritet të jetë rritja ekonomike në vitin që po hyjmë, ndërsa po punohet që biznesit ti kalohet aktiviteti ekonomik. Kështu tha ministri i Financave, Besim Beqaj në konferencën e tij për fundvit. Sipas tij, mos shitja e Psotë Telekomit të Kosovës nuk rrezikon projeksionet buxhetore për vitin 2014...(Burimi: gazetaexpress.com)

30.12.2013...OPINION. Irena BEQIRAJ. Paketa fiskale si shpëtim i shtetit nga falimenti. Si qytetare e këtij vendi do të kisha dashur të dëgjoja më shumë gjatë diskutimit të buxhetit nga ministrat e kësaj qeverie të parashtronin prioritetet e ministrive përkatëse për vitin e ardhshëm, duke dhënë argumente të mjaftueshëm se paratë e taksapaguesve do të përdoren me efiçencë dhe efektivitet...(Burimi: gazetadita.al)

30.12.2013...Fillimi i vitit 2014 do të shoqërohet me hyrjen në fuqi të paketës së re fiskale. Efektet e kësaj pakete do të ndjehen që në ditët e para të vitit, si për qytetarët, të cilëve do tu rëndonjë më tepër tek shpenzimet e tyre, ashtu edhe në buxhetin e shtetit, që pritet ti shtohen të ardhurat...(Burimi: scan-tv.com)

30.12.2013...Muaji 2013 ka rregjistruar një rritje tepër dinamike të të ardhurave nga renta minerare në vend. Sipas të dhënave nga Drejtoria e Përgjithshme e Doganave të ardhurat nga renta arritën në rreth 6.6 miliardë lekë në fund të muajit tetor 2013. Kundrejt një viti më parë rritja e shënuar është rreth 40%. Kjo taksë ka shtuar vazhdimisht peshën në buxhetin e shtetit si pasojë e shtimit të eksporteve të produkteve të nëntokës që janë në fakt edhe grupmallrat që paguajnë rentë...(Burimi: monitor.al)

30.12.2013...Kredia për ekonominë shënoi një gjallërim të lehtë në nëntor, pasi kishte rënë ndjeshëm në tetor. Të dhënat bëhen të ditura nga statistikat mujore të bankës së Shqipërisë. Totali i kredisë për ekonominë në fund të muajit nëntor arriti në rreth 541 miliardë lekë, duke shënuar rritje me rreth 0.3%, apo rreth 1 miliardë lekë, në raport me një muaj më parë. Në krahasim me fundin e vitit 2012, huaja për ekonominë është tkurrur me 2.5%, apo rreth 14 miliardë lekë. Një vit më parë, ndryshimet përkatëse ishin plus 2% dhe 10 miliardë lekë...(Burimi: monitor.al)

29.12.2013...Tregtia jonë me rajonin ndoqi të njëjtin kurs të tregtisë së jashtme në tërësi gjatë nëntë muajve të vitit. Eksportuam 10% më shumë e importuam 15% më pak. Por, pesha vendeve CEFTA vazhdon të mbetet e ulët. Lufta tregtare mes vendeve shfaqet me procedura të herëpashershme administrative. Tregtia jonë me rajonin e Ballkanit u ndikua njësoj nga faktorët që sollën rritje të eksporteve dhe ulje të importeve tona në tërësi...(Burimi: monitor.al)

29.12.2013...Duket se viti 2013 është karakterizuar me rënie të qarkullimit në veprimtaritë afariste të Prizrenit. Kështu së paku flasin shënimet në Qendrën Komunale për Regjistrimin e Bizneseve, ku krahasuar me vitin paraprak, gjatë këtij viti është trefishuar numri i bizneseve të mbyllura. Përderisa më 2012 ishin mbyllur 63 dyqane, kryesisht tregtare, sivjet numri i tyre arriti në 184...(Burimi: zeri.info)

28.12.2013...Borxhi i jashtëm bruto i Kosovës, i cili përfshinë borxhin privat dhe borxhin publik, në fund të shtatorit 2013 ka mbetur pothuajse në nivelin e njëjtë me tremujorin paraprak. Banka Qendrore e Republikës së Kosovës (BQK) ka njoftuar se vlera e borxhit të jashtëm bruto më 30 shtator 2013 ka shënuar 1.55 miliard euro. Borxhi publik ka një pjesëmarrje të ulët në gjithsej borxhin e jashtëm, me rreth 25 për qind...(Burimi: gazetaexpress.com)

28.12.2013...Organizata jo-fitimprurëse Global Financial Integrity me bazë në Uashington publikoi dy javë më parë raportin vjetor mbi largimin e paligjshëm të kapitalit nga vendet në zhvillim. Ky raport analizon të dhëna për 187 vende, ku përfshihet edhe Shqipëria. Sipas raportit, Shqipëria ka humbur rreth 1 miliard dollarë gjatë dhjetëvjeçarit të kaluar, ndërmjet 2-3% të PBB-së. Joana Allamani e Zërit të Amerikës bisedoi me një nga autorët e raportit, ekonomistin Brian LeBlanc...(Burimi: standard.al)

28.12.2013...Studimi: Si vidhemi të gjithë përditë me naftën dhe dorëzimi përballë naftokracisë. Që ky sektor është më fitimprurësi mund të dallohet edhe nga vetë qytetarët. Pas investimeve për bare-restorante, investimet më të shumta janë te pikat e karburantit. Llogaritet se një pikë karburanti ka nevojë për një investim fillestar në vlerën afër 450 mijë euro, por në fakt kërkon edhe më shumë nëse kërkohet të përshtaten gjithë normat e kohës. Ndërsa shoqëri importuese të mëdha nuk janë më tepër se 7-8 syresh, të cilat luajnë gjithë politikën e çmimeve dhe furnizimit. Deri më sot, këto monopole kanë luajtur me çdo mjet të mundshëm dhe kanë shfrytëzuar gjithë hapësirat për të përfituar...(Burimi: gazetadita.al)

28.12.2013...Skema e ndryshuar e tatimfitimit për biznesin nga 2 deri në 8 milionë lekë që tashmë do të paguajë 7.5 për qind, do të kërkojë që procedura të kryhet në bazë të vetëdeklarimit. Zëvendësministri i Financave, Ervin Mete, u shpreh se duke qenë se numri i vetëdeklarimeve të bëra aktualisht është 27 mijë nga 66 mijë që duhet të ishin, do të bëhet një procedurë e re...(Burimi: panorama.com.al)

27.12.2013...Beqaj: Së shpejti eliminimi i tatimit të dyfishtë me Arabin Saudite. Ministri i Financave, Besim Beqaj ka vlerësuar si shumë të rëndësishëm për zhvillimin ekonomik të vendit bashkëpunimin me institucionet financiare ndërkombëtare...(Burimi: zeri.info)

26.12.2013...Nënproduktet e naftës, gazoili dhe benzina për automjetet, do të vazhdojnë të shiten në Shqipëri edhe më shtrenjtë se në të gjitha vendet fqinje, pas vendimit të mazhorancës qeverisëse për rritjen e taksës së karbonit nga 7 në 14 lekë për litër. Ndërkohë, janë edhe një numër vendesh të pasura të Eurozonës, me nivel shumë herë më të lartë të ardhurash vjetore për frymë, që shesin me pakicë naftën apo benzinën me një çmim më të lirë se ai, me të cilin tregtohet në vendin tonë...(Burimi: standard.al)

25.12.2013...Britania është vendi që jep më shumë para për fondacionet ndërkombëtare që ndihmojnë vendet e varfra. Sipas të dhënave, Britania ka dhënë 2.8 miliardë paund, më shumë se SHBA-të, Japonia dhe Gjermania. Fondi për të varfrit, i cili drejtohet nga Banka Botërore, u rrit me rreth 32 miliardë paund në mbledhjen e fundit të qeverive botërore, mbajtur në Moskë...(Burimi: telegrafi.com)

24.12.2013...Interesi për një pozicion pune në administratën tatimore ka qënë mjaft i madh. Për vetëm 150 vende të lira i janë nënshtruar konkursit rreth 1200 kandidatë, të cilët kanë plotësuar kriteret në varësi të postit. ISipas zyrtarëve të Drejtorisë së Përgjithshme të Tatimeve, konkurrimi ishte i hapur për nëpunësit civilë brenda dhe jashtë administratës tatimore dhe kjo, sipas tyre, do ta bëjë më transparente rekrutimin e stafit të kësaj administrate...(Burimi: scan-tv.com)

24.12.2013...OPINION. Blendi FEVZIU. Modeli që po godasi...Nuk e di se sa më shumë mund të mbledhë Qeveria nga taksa e rritur ndaj këtyre njerëzve, por druaj se portofoli i shpuar i qeverisë po godet një model që duhej ta kishin stimuluar më shumë: atë të suksesit, që vjen nga shkollimi dhe konkurrenca e hapur. Modelin e vetëm me të cilin kanë ecur përpara shumë vende si ne, e si për mallkimin tonë, po ecin përpara edhe fqinjët...(Burimi: panorama.com.al)

24.12.2013...Konfindustria, pas shqyrtimit të hollësishëm të projekt buxhetit 2014 dhe në konsulencë me partnerët institucionale ndërkombëtare të saj, ka pergatitur paketën me propozimet/kërkesat e saj zyrtare drejtuar Qeverisë dhe Kuvendit të Shqipërisë me qëllim pasqyrimin ne vendimet përfundimtare ligjore përkatëse. Paketa me propozimet e Konfindustrisë për projekt buxhetin 2014 paraqitet si më poshtë: 1- Të ardhurat nga miradministrimi fiskal në buxhetin 2014 të parashikohen më të larta se parashikimi në të pakten 100 milion $...(Burimi: monitor.al)

24.12.2013...OPINION. Eduard ZALOSHNJA. Efekti i akcizave: Diku mes Berishës e Ramës. rritja e çmimit të grupeve karburant e energji, alkool e duhan, dhe kafe, çaj e kakao, përkatësisht me 29.1%, 32.1% dhe 21.7% në 6 vjet, është shoqëruar me rritje të indeksit të përgjithshëm të çmimeve të konsumit me 14.2%. Dhe korelacionet e mësipërme na tregojnë se ky indeks (pra inflacioni) mund të rritet 2.4%-2.6% me rritjen e akcizave...(Burimi: balkanweb.com)

24.12.2013...Qeveria Rama Çfarë fsheh buxheti i 2014-ës ? Qeveria Rama e ka marrë me mjaft komoditet hartimin e projektbuxhetit për vitin e ardhshëm financiar. Në relacionin shoqërues të ligjit më të rëndësishëm të shtetit për vitin 2014, kryefjala është paaftësia e ekzekutivit për të arritur ritme rritjeje si ato, që shoqëruan ekonominë shqiptare gjatë dy mandateve qeverisëse të së djathtës. Justifikimi është kriza...(Burimi: standard.al)

24.12.2013...Ajo që dallon buxhetin e vitit të ardhshëm për bujqësinë nuk janë thjesht ato 550 milionë lekë më shumë në krahasim me buxhetin e vitit që po mbyllet, por orientimi i këtyre financimeve në trajtën e pagesave direkte për bujkun, fermerin, bizneset bujqësore dhe ato agropërpunuese, ka pohuar Ministri i Bujqësisë Edmond Panariti, në një konferencë për shtyp lidhur me buxhetin për bujqësinë në 2014...(Burimi: monitor.al)

24.12.2013...Pa humbur kohë dhe vetëm pak minuta pas votimit në parim të projekt-buxhetit dhe paketës së re fiskale, komisioni parlamentar i Ekonomisë nisi seancat dëgjimore me grupet e interesit për dy draftet. Shqyrtimi nen për nen për dy draftet e miratuara në parim duhet të mbyllet brenda 2 ditësh pasi në seancën që do ët mbahet në fund të kësaj jave do të bëhet edhe votimi në terësi i tyre...(Burimi: monitor.al)

24.12.2013...OPINION. Vera NDRECAJ. Prokurimi publik, reformat dhe sfidat. e gjithë procedura e konkurrimit është ndërtuar në një mënyrë të tillë që fituesi të jetë i parashikuar pa filluar tenderi. Kjo do të thotë që ligji që rregullon përzgjedhjen e kontratave (LPP) Nr. 9643 i ndryshuar në 2011, nuk funksionon, përderisa ai krijon hapësira për abuzime. Ndryshimi i praktikave aktuale të tenderimit është një sfidë për qeverinë e re dhe profesionistët në këtë fushë, sepse, raste të tilla nuk sjellin asnjë përfitim në buxhetin e shtetit. Përkundrazi e dëmtojnë atë...(Burimi: shekulli.com.al)

24.12.2013...Enti Rregullator i Energjisë (ERE) ka marrë vendimin lidhur me tarifat e energjisë elektrike. Sipas ERE, tarifat e energjisë nuk do të ndryshojnë për vitin 2014, dhe rishikimi I tyre do të bëhet pas vitit 2014. Në bazë të tarifave aktuale të ERE, çmimi mesatar i energjisë elektrike 9.53 lekë/kWh. Për konsumatorët familjarë, për bllokun e parë deri në 300 kWh, çmimi është 7.7 lekë/kWh. Për bllokun e dytë mbi 300 kWh/orë çmimi rritet në 13.5 lekë/kWh...(Burimi: monitor.al)

24.12.2013...Sot nga Prokuroria e Rrethit Gjyqësor Kukës është kryer përfundimi i hetimeve dhe është vendosur kalimi për Gjykim i procedimit penal në ngarkim të 25 të pandehurve, të akuzuar se në bashkëpunim kanë kryer veprat penale të Mashtrimit parashikuar nga neni 143/2 i K.Penal, Fallsifikimi i vulave, stampave apo formularëve e kryer në bashkëpunim parashikuar nga neni 190/2 i K.Penal, dhe veprën penale të Fshehjes së të ardhurave parashikuar nga neni 180 i K.Penal...(Burimi: monitor.al)

23.12.2013...Ministri i Financave Besim Beqaj ka deklaruar sot se zhvillimet ekonomike në vend i karakterizojnë stabiliteti makrofiskal, rritja më e lartë ekonomike nga të gjitha vendet e regjionit dhe përmbyllja me sukses e SBA me Fondin Monetar Ndërkombëtar. Duke folur në takimin konstitutiv të Këshillit Konsultativ të formuar nga Dogana, Administrata Tatimore dhe përfaqësuesit e biznesit, ministri Beqaj ka thënë se shkalla e zhvillimit ekonomik të vendit është më e larta në regjion...(Burimi: kosova-sot.info)

23.12.2013...Ndryshimi i modelit të taksimit dhe rritja e disa taksave duke nisur nga 1 janari i vitit të ardhshëm, mund të shoqërohet nga penalitete për bizneset, për shkak të mosnjohjes së ndryshimeve që sjell paketa e re fiskale. Në këto kushte, sipas ish ministrit të Financave Arben Malaj, një zgjidhje do të ishte që për të paktën 6 muajt e parë të vitit, administrata tatimore të tregohet tolerante dhe të mos i aplikojë ato...(Burimi: scan-tv.com)

23.12.2013...OPINION. Leonard BODURI. KUR SI BIE DOT GOMARIT I BIE SAMARIT. Nëse qeveria nuk ka çfarë ti bëjë gomarit (evazionit fiskal) të mos ia nxjerrë më kot inatin samarit (rritjes së normës së taksave), por të përpiqet të përdorë instrumentet e duhura për të arritur qëllimet e saj. Vetëm pasi të ketë bërë mjaftueshëm në planin e reduktimit të informalitetit, atëherë qeveria ka të gjithë të drejtën e Zotit të kërkojë rritjen e barrës tatimore. Nëse nuk mundet që ta realizojë një gjë të tillë, atëherë le tia lërë vendin një mjeti (qeverie) tjetër më të mirë për qytetarët shqiptarë...(Burimi: gazeta-shqip.com)

23.12.2013...INSTAT ka publikuar rezultatet e anketës strukturore të ndërmarrjeve ekonomike, 2012. Sipas rezultateve tw anketws, në prodhuesit e të mirave dhe shërbimeve, shifra e afarizmit në vitin 2012 u rrit 9,5 % krahasuar me vitin 2011. Numri i të punësuarve gjithsej dhe investimet u rritën përkatësisht 5,4 % dhe 13,2 %. Numri i ndërmarrjeve është rritur 2,9 %. Prodhuesit e shërbimeve zënë 84,4 % të numrit të ndërmarrjeve dhe realizuan 63,8 % të shifrës së afarizmit. Prodhuesit e të mirave kanë 41,1 % të të punësuarve dhe realizuan 60,8 % të investimeve...(Burimi: monitor.al)

22.12.2013...OPINION. Agim HOXHAJ. Verifikim i ndërtesave, pastaj taksimi. Biznesi informal, jo vetëm që ndikon në grumbullimin e më pak të ardhurave për shtetin dhe njësitë vendore, por ekzistenca e tij është diskriminuese për paguesit e rregullt, krijon terren dhe favorizon zhvillimin e aferave korruptive. Regjistrimi i gjithë bizneseve që operojnë në treg, zgjerimi i bazës së taksapaguesve, mbase edhe ndërhyrjet në ligjin për procedurat tatimore do të ishin mjete për të parandaluar informalitetin në biznes, për të ulur evazionin dhe përmirësimin e edukimit fiskal...(Burimi: shekulli.com.al)

22.12.2013...Kredia 300 milionë euro që qeveria shqiptare pret të marre nga FMN-ja do të ketë interes 2 %. Ky fakt është bërë i ditur nga Ministri i Financave, Shkëlqim Cani gjatë raportin të projektbuxhetit të vitit 2014 në Komisionin e Ekonomisë, i cili ka vijuar edhe dje. Cani tha gjithashtu se, ndryshe nga borxhet e qeverisë së mëparshme ku interesat ishin disa herë më të larta, deri në 12. 8 %, kredia nga FMN do të jetë mjaft e favorshme për ekonominë shqiptare...(Burimi: shekulli.com.al)

21.12.2013...KOSOVA DHE SHQIPËRIA ME MARRËVESHJE PËR ENERGJINË. Ngjarja e sotme përveçse mbart anën emocionale të dy vendeve tona, ka për qëllim zhvillimin ekonomik të hapësirës shqiptare" kanë vlerësuar, ministri i Zhvillimit Ekonomik të Kosovës , Fadil Ismajli dhe ministri i Energjetikës dhe Industrisë së Shqipërisë, Damjan Gjiknuri...(Burimi: gazetaexpress.com)

21.12.2013...Shumë objekte afariste hoteliere në Kosovë, nga përfaqësues të organizatave që merren me mbrojtjen e konsumatorit, konsiderohet se nuk i përmbushin standardet higjienike sanitare. Ata thonë se në raport me restorante, hotele e kafeteri të vendeve të rajonit, Kosova në këtë fushë konsiderohet të jetë në një gjendje shqetësuese...(Burimi: telegrafi.com)

21.12.2013...Buxheti i vitit të ardhshëm dhe paketa fiskale që do e shoqërojë atë, janë cilësuar nga kryeministri i vendit Edi Rama, si zgjidhje e situatës aktuale financiare dhe rimëkëmbjes së saj. Kryeministri Edi Rama në mbledhje të grupit parlamentar të Partisë Socialiste bëri të ditur arritjet e qeverisë në 99 ditët e saj në pushtet, si dhe ka sjellë një pasqyrë të përgjithshme mbi impaktet ekonomike dhe sociale të sistemit të ri të taksimit në vend...(Burimi: scan-tv.com)

21.12.2013...Borxhi i jashtëm i sektorit privat në Kosovë, për gjashtë mujorin e parë të këtij viti, ka arritur vlerën prej 1.1 miliard eurosh, apo përbën 74 për qind të borxhit të jashtëm bruto, që arrin në 1.5 miliard euro, apo nëntë për qind më i lartë se sa në periudhën e njëjtë të vitit të kaluar. Zyrtarë të Bankës Qendrore të Kosovës, në një përgjigje nëpërmjet postës elektronike, thonë se pjesa më e madhe e borxhit privat është në formë të kredive ndërmjet kompanive që janë në relacion të investimeve të huaja (612.4 milionë euro), e pasuar nga huamarrjet e bankave komerciale - 183 milionë euro dhe huamarrje të firmave kosovare që importojnë mallra nga vendet tjera 160 milionë euro...(Burimi: telegrafi.com)

21.12.2013...OPINION. Eduart ZALOSHNJA. Taksim progresiv apo... regresiv? Në paketën e re fiskale që ka paraqitur qeveria në Kuvend, ky parim i trumbetuar papushim nga Rama e gjen shprehjen e vet në skemën e re të tatimit mbi pagat, që do të tatohen me një përqindje më të ulët për ata që e kanë pagën bruto në intervalin 300 mijë 1 milion e 300 mijë lekë të vjetër dhe më të lartë për ata që e kanë më të lartë (pagat 300 mijë e poshtë janë përjashtuar nga tatimi që në prill të këtij viti)...(Burimi: balkanweb.com)

21.12.2013...OPINION. Vladimir PUKA. Paketa Fiskale 2014, a mund të (mos) rritet çmimi i karburanteve? Rritja e taksës së qarkullimit mund dhe duhet të absorbohet nga kompanitë që dominojnë tregun duke ridimensionuar aktivitetin në funksion të një marrëdhënieje korrekte e bashkëpunuese me autoritetet. Ulja graduale e marzheve në funksion të lehtësimit të publikut në kushtet e krizës dhe gropës buxhetore, do të jetë hapi i parë për formalizimin real të tregut dhe investimi më i rëndësishëm që ky biznes do të bëjë për të ardhmen...(Burimi: gazeta-shqip.com)

21.12.2013...Ministri i Financave, Shkëlqim Cani, ka deklaruar dje, se rritja e taksës së qarkullimit mbi karburantet nuk do të ketë ndikim në buxhetet e familjeve shqiptare veçanërisht në konsumin mujor të karburantit apo ndikim në rritjen e çmimit të ushqimeve bazë...(Burimi: gazeta-shqip.com)

21.12.2013...Bordi i Drejtorëve Ekzekutivë të Grupit të Bankës Botërore njofton se miratoi një hua të re për të ndihmuar Shqipërinë që të përmirësojëcilësinë e shërbimeve të ujësjellës-kanalizimeve në qytetin bregdetar të Durrësit si dhe performancën financiare të ndërmarrjes sëujësjellësit të këtij qyteti. Huaja e IBRD-së prej 85.3 milionë dollarësh amerikanë për Projektin e Investimeve për Sektorin e Ujit në Shqipëri ka për qëllim të përmirësojë rrjetin ekzistues të ujësjellës-kanalizimeve nërajonin e Durrësit, qyteti i dytë më të madh i vendit dhe njëri prej destinacioneve kryesore turistike të vendit, si dhe porti kryesor i Shqipërisë...(Burimi: monitor.al)

20.12.2013...Bizneset në Kosovë shumë pak u besojnë institucioneve kosovare e në veçanti gjykatave. Kështu u tha në një tryezë të organizuar nga Instituti Riinvest, me temën Performanca, barrierat dhe besueshmëria e bizneseve në Kosovë. Pjesa më e madhe e bizneseve në Kosovë kanë pasur një vit të vështirë të zhvillimit të tyre gjatë vitit 2013. Kështu tha Lumir Abdixhiku nga Instituti Riinvest. Ai shtoi se Bizneset Kosovare shumë pak besojnë në Institucionet e vendit...(Burimi: telegrafi.com)

20.12.2013...Ministria e Financave është duke përfunduar strategjinë e pagesës së këtyre detyrimeve, proces i cili jo vetëm do të auditohet, certifikohet nga ministritë e linjës, por do të auditohet mbi bazë risku edhe nga një kompani audituese me përvojë ndërkombëtare, e cila do të rekrutohet me një proces të hapur tenderimi...(Burimi: standard.al)

20.12.2013...Ministri i Financave, Shkëlqim Cani, ka deklaruar dje në Komisionin e Ekonomisë se të ardhurat për vitin 2014 do të rriten me 40 miliardë lekë. Nga përmirësimi administrativ shohim rritje të të ardhurave në këtë paketë, prej 40 miliardë lekësh, aq sa është mesatarja e rritjes së të ardhurave nga tatimet dhe doganat në 10 vitet e fundit...(Burimi: gazeta-shqip.com)

20.12.2013...Shlyerja e detyrimeve të prapambetura ndaj biznesit do të bëhet nga qeveria nëpërmjet një komiteti ndërministror, i cili do të ketë në dorë vendimmarrjen, si dhe do të bëjë një raport mujor për të gjitha kontratat. Qeveria e ka pranuar tashmë se borxhet që shteti ka ndaj bizneseve për punët e papaguara apo për detyrimet tatimore është i lartë. Për këtë qëllim, financat kanë ndjekur një proces intensiv të evidentimit, vlerësimit dhe auditimit të tyre...(Burimi: gazeta-shqip.com)

20.12.2013...Guvernatori I Bankës së Shqipërisë, Ardian Fullani, u ka kërkuar bankave tregtare më shumë mbështetje për sektorin privat përgjatë vitit të ardhshëm. Duke folur në takimin e fundvitit me Shoqatën Shqiptare të Bankave, Fullani u shpreh edhe për rritjen e financimit të subjekteve të vogla dhe të mesme, çka zbut rrezikun e kreditit përmes diversifikimit të portofolit dhe përmirëson qendrueshmërinë e kthimit nga financimi. Sipas tij, shtimi I financimit gjatë vitit të ardhshëm diktohet nga disa kushte të reja...(Burimi: scan-tv.com)

19.12.2013...Në tregun kosovar ka mungesë të theksuar të qarkullimit të parasë së gatshme dhe kjo ka rritur nivelin e këmbimit të mallrave, thonë ekspertë për çështje ekonomike. Këmbimi i mallrave është pjesë e ekonomisë i cili nënkupton ndërrimin e mallrave për mall ose për para. Këmbimi i mallrave është veprim ekonomik i nevojshëm, me që në një vend nuk mund te prodhohen të gjitha prodhimet e nevojshme për jetën e njerëzve. Arsye e mungesës së parave të gatshme në treg, sipas ekspertëve është për shkak të nivelit të lartë të eksportit, deficitit tregtar, mbajtjes jashtë tregut kosovar, mjetet eTrustit të Kursimeve Pensionale dhe bllokimit të fondit të Agjencisë Kosovare të Privatizimit...(Burimi: gazetaexpress.com)

19.12.2013...Vazhdon të mos respektohet dhe mos të zbatohet ligji për lojërat e fatit nga personat që ushtrojnë këtë aktivitet. Shifrat që dalin nga raporti i komisionit për mbikëqyrjen e zbatimit të Ligjit për lojërat e fatit janë alarmuese. Të dhënat zyrtare të këtij raporti tregojnë se nga 4,875 automatë bixhozi sa janë në Kosovë, vetëm nga 1.700 prej tyre mblidhet akciza. Pra, nga këto të dhëna del se 3.175 automatë janë duke funksionuar të pa lajmëruar që mund të nënkuptohet se ata janë në funksion dhe nga ta nuk mblidhet akciza...(Burimi: zeri.info)

19.12.2013...Të gjithë ata që jetojnë në një apartament të ndërtuar para vitit 1993 do të paguajnë taksë ndërtese dyfish. Pra nga 15 lekë për metër, në 30 lekë për metër. Por, nga ana tjetër, të gjithë ata që kanë më shumë se një shtëpi, pra dy ose tri, pagesa do të jetë me dyfishin e çmimit të miratuar. Në Komisionin e Ekonomisë, u diskutua se qeveria duhet të gjejë mekanizma për të mbledhur taksën e ndërtesës, e cila është shumë pak e njohur nga njerëzit...(Burimi: panorama.com.al)

19.12.2013...ANALIZE. Prof.Dr. Ermelinda MEKSI. Sfidat e ekonomisë, mes taksave dhe borxhit (pjesa II). Me angazhimin për taksën progresive, qeveria e dalë nga koalicioni i së majtës, merr mbi vete koston politike të premtimit me të cilin erdhi në pushtet. Prandaj ajo duhet të garantojë suksesin e premtimit jo si qëllim në vetvete, por si një instrument që i gërshetuar me të tjerë instrumente që u shpjeguan në këtë shkrim, të orientojë ekonominë në rrugën e rritjes së qëndrueshme...(Burimi: gazeta-shqip.com)

18.12.2013...ANALIZE. Prof.Dr. Ermelinda MEKSI. Sfidat e ekonomisë, mes taksave dhe borxhit (pjesa I). sfida e ekonomisë sonë është rivitalizimi i ekonomisë. Kjo sfidë në afatshkurtër do të thotë frenim i rënies së të ardhurave dhe rritja, kryesisht miradministrimi, filozofi që shprehet në buxhetin e 2014 që do trajtohet në pjesën e dytë të shkrimit...(Burimi: gazeta-shqip.com)

18.12.2013...Qeveria shqiptare arrin një marrëveshje me FMN-në, e cila konsiston më së shumti dhe në marrjen e një huaje 300 milionë dollarë në vit. Në fjalën e tij, përfaqësuesi i Fondit Monetar Ndërkombëtar konfirmoi arritjen e një marrëveshjeje me qeverinë shqiptare, Nadeem Ilahi u shpreh: Kemi arritur një marrëveshje mbi një program trevjeçar. Asistenca jonë do të ndihmojë që të përcaktohet se ku do të përqendrohen reformat e ardhshme për zhvillimin ekonomik...(Burimi: gazeta-shqip.com)

17.12.2013...Shqipëri-FMN, Cani: Ekonomia po operon nën potencialin e vetë, Fullani: Duhet një model i ri për ekonominë shqiptare.Sipas tij, marrëveshja mbështetet në instrumentet e financimit të 300 milionë eurove dhe synon të ofrojë një mbështetje të fuqishme për rimëkëmbjen e ekonomisë shqiptare, për ta vendosur atë në rrugën e duhur...(Burimi: sot.com.al)

17.12.2013...OPINION. Ridvan BODE. Taksa progresive Rama i rëndon padrejtësisht të gjithë shqiptarët. Në tërësi, taksat e reja të rritjes progresive vetëm në mënyrë të drejtpërdrejtë rëndojnë mbi pagat, të ardhurat apo shërbimet për një vlerë prej 14 mld lekësh dhe ulja për kategori të caktuara në 2 mld lekë, pra neto rëndon drejtpërdrejt familjet me 120 milionë USD në vit. Ky është efekti i drejtpërdrejtë dhe askush sot nuk mund të përllogaritë efektin zinxhir të rritjes së çmimeve për shkak të karburanteve apo bartjen e taksës progresive të kompanive dhe biznesit mbi çmimin e mallrave...(Burimi: panorama.com.al)

17.12.2013...Pas më shumë se një viti kërkimesh kompania e konsultimit Bloom Consulting ka realizuar renditjen për market për vitin 2013. Sipas Bloom Consulting Country Brand Ranking © 2013, në Europë, marka shqiptare renditet në vendin e 31- në turizëm dhe në vendin e 34 në tregti. Studimi ka marrë në konsideratë dy dimensione: turizmin dhe tregtië...(Burimi: monitor.al)

17.12.2013...Buxheti 2014, drejtoritë që marrin pjesën e luanit. Në vitin 2014 plani buxhetor do të synojë rritjen e fondeve për bujqësinë, të cilës do ti shtohen fondet me 1.9 miliardë lekë, nga të cilat 1 miliardë lekë investime dhe shtesa prej 600 milionë lekë për fondin e kompensimit të fermerëve nga heqja e TVSH-së për inputet bujqësore. Një tjetër sektor prioritar është arsimi, të cilit do ti shtohen fondet me 1.4 miliardë lekë, nga të cilat rreth 0.8 miliardë lekë pajisje të reja për shkollat. Mbështetje të konsiderueshme në projektbuxhetin e vitit të ardhshëm është parashikuar për shëndetësinë...(Burimi: shekulli.com.al)

17.12.2013...Qeveria është angazhuar për herë të parë publikisht për të përmbushë reformën e pensioneve brenda këtij mandati qeverisës. Zëvendësministrja e Mirëqenies Sociale, Bardhylka Kospiri, tha se, drafti i reformës së pensioneve do të jetë gati brenda vitit 2014 dhe për këtë është ngritur një grup pune ndërministror...(Burimi: scan-tv.com)

17.12.2013...Ndryshimi i modelit të taksimit për pagat shkaktoi debate të forta në Komisionin parlamentar të Ekonomisë. Opozita argumentoi se, ndryshimi i modelit të taksimit nuk sjell përfitimet e deklaruara për individët, për faktin se, të ardhurat shtesë që u mbeten nga taksimi i ri për pagat, u merren atyre në mënyrë indirekte, përmes rritjes së taksave të tjera...(Burimi: scan-tv.com)

16.12.2013...Pensionistët për vitin 2014 do të kenë vetëm indeksim të pensioneve të tyre në nivelin 2 për qind. Projektbuxheti i qeverisë, i miratuar vetëm dy ditë më parë, vërteton edhe një herë draftin e publikuar pak ditë më parë në gazetë se nuk do të ketë rritje, por vetëm përmbushje të detyrimit ligjor...(Burimi: panorama.com.al)

16.12.2013...Këshilli Mbikëqyrës i Bankës së Shqipërisë ka ulur dy herë brenda një muaji normën bazë të interesit duke e çuar në minimumet historike 3 % nga 3.25% që ishte vetëm 20 ditë më parë. Uljen e papritur të normës bazë të interesit, guvernatori Fullani e argumenton me faktin se, kjo politikë lehtësuese e Bankës së Shqipërisë kryhet për arsye se rritja ekonomike pritet të jetë e dobët edhe gjatë vitit të ardhshëm...(Burimi: shekulli.com.al)

16.12.2013...Kreditë e këqija në vend edhe më tutje vazhdojnë të pësojnë rritje të konsiderueshme në raport me vitet e kaluara. Sipas raportit të fundit të Bankës Qendrore të Kosovës (BQK) shihet se kreditë e këqija në fund të shtatorit të këtij viti kanë arritur në 8,5 për qind, e derisa në fund të qershorit të këtij vitit kishin qenë 7,8 për qind. Sipas BQK-së kjo rritje e pjesëmarrjes së kredive jo performuese në gjithsej kreditë kryesisht i atribuohet normës më të ulët të rritjes së gjithsej kredive gjatë kësaj periudhe...(Burimi: zeri.info)

15.12.2013...Investimet e huaja direkte në Kosovë, kanë shënuar rritje, pavarësisht vështirësive, me të cilat është duke u përballur eurozona, bëjnë të ditur për Radion Evropa e Lirë, përfaqësues të Bankës Qendrore të Kosovës. Deri në qershor të vitit 2013, vlera e investimeve të huaja arriti në 143.4 milionë euro, që paraqet rritje vjetore prej 66.4 milionë euro...(Burimi: kosova-sot.info)

15.12.2013...Arka e shtetit nuk arrin të mbushet sipas planifikimeve që ka bërë Qeveria e Maqedonisë. E njëjta mbetet e mangët për mbi 560 milionë euro, mjete këto që siç theksojnë ekspertët e ekonomisë, vështirë se mund të mblidhen gjatë këtij muaji, aq sa ka mbetur në përmbylljen e këtij viti. Ndërsa, afaristët thonë se kjo gjendje e rënduar ekonomike është si rrjedhojë e keqmenaxhimit të mjeteve shtetërore, që kryesisht destinohen në investime jokapitale dhe jo për mëkëmbjen e ekonomisë së vogël dhe asaj të mesme. Arben Halili nga Oda Ekonomike e Maqedonisë Veriperëndimore thotë se një pjesë e madhe e kompanive private janë të detyruara të zvogëlojnë veprimtarinë si pasojë e moslikuiditetit...(Burimi: zhurnal.mk)

15.12.2013...Përveç ndryshimit të normës së akcizës në duhan, vitin e ardhshëm Qeveria e Kosovës nuk ka paraparë ndryshim të normave tjera tatimore. Kështu thotë për Radio Kosovën, Ministri i Financave Besim Beqaj. Drejtues të shoqatës së importuesve të duhanit theksojnë se kjo rritje nuk do të ndikojë në rënien e importit. Prej një janarit të vitit të ardhshëm hyn në fuqi norma e re e akcizës në duhan. Pas rritjes nga 27 në 30 euro për një kilogram në tetor të këtij viti, prej 1 janarit norma e akcizës së duhanit rritet edhe për dy euro, pra për një kilogram arrin në 32 euro akcizë...(Burimi: gazetaexpress.com)

15.12.2013...Komuniteti i biznesit shton presionin ndaj qeverisë për të mos miratuar paketën e re fiskale, të paktën për vitin e ardhshëm. Rritja e tatimit mbi fitimin nga 10 për qind në 15 për qind prek direkt biznesin e madh, i cili e sheh këtë si kërcënim për financat e tij, sidomos në një treg jo formal siç ekziston në Shqipëri. Dje, përfaqësues të këtij komuniteti, kanë kërkuar njëzëri që qeveria të mos nisë aplikimin e taksës progresive nga 1 janari i vitit 2014, por të konsultohet me biznesin dhe 2014-a të konsiderohet pak a shumë si një vit prove dhe konsultimesh të gjera me grupet e interesit për të hartuar një paketë fiskale, e cila të mos dëmtojë interesat e sipërmarrjes private, si dhe të ekonomisë së vendit...(Burimi: gazeta-shqip.com)

15.12.2013...Qeveria shqiptare po negocion me Fondin Monetar Ndërkombëtar për një kredi, e cila mund të luhatet nga 300 deri në 400 milionë dollarë. Top Channel ka mësuar se palët janë në minutat e fundit të negociatave dhe po përcaktojnë detajet e mbetura të kushteve që qeveria duhet të përmbushë për të marrë financimin. Marrëveshja e huas pritet të bëhet zyrtarisht publike të hënën, në një konferencë të përbashkët për mediat të Ministrisë së Financave dhe përfaqësuesve të FMN-së...(Burimi: gazeta-shqip.com) Kundërshti edhe nga arsimi privat dhe koncesionarët e pasurive të nëntokës për përfshirjen në TVSH. Bujqësia dhe turizmi, dy sektorë që pritet të gëzojnë nga paketa e re.

14.12.2013...Institucionet Mikrofinanciare (IMF) dhe kompanitë e sigurimeve këtë vit me gjasë do ta mbyllin me humbje. Të dy këto institucione në nëntëmujorin e këtij viti kanë raportuar humbje. Megjithatë, për dallim nga këto institucione, bankat vazhdojnë të jenë më fitimprurëset në vend të cilat kanë shënuar rritje të fitimeve në krahasim me vitin e kaluar. Sipas raportit të fundit të Bankës Qendrore të Kosovës (BQK), IMF-të gjatë periudhës janar-shtator kanë shënuar humbje për 1.6 milionë euro. Megjithatë niveli i humbjeve këtë viti krahasuar me periudhën e njëjtë të vitit të kaluar është më i ulët...(Burimi: gazetaexpress.com)

14.12.2013...Shumë të ngatërruar dhe shumë të paqartë e kanë konsideruar deri tani të gjithë ekspertët e financave publike sistemin, që po përpiqet të zbatojë qeveria e majtë në Shqipëri. Sado që të përpiqesh ta shpjegosh, gjithnjë mbetet një sistem shumë i pakapshëm për shumicën e shqiptarëve, jo vetëm për ata me arsim bazik ekonomik, por madje edhe për akademikët!...(Burimi: standard.al)

14.12.2013...Qeveria miraton projektbuxhetin 2014. Deficiti buxhetor parashikohet të jetë 12 miliardë lekë, apo 14% më i lartë se ai i një viti më parë, duke arritur në 6.9% të Prodhimit të Brendshëm Bruto. Nga kjo, 2.8% të PBB-së e përbën zëri për shlyerjen e detyrimeve të prapambetura, duke bërë që deficiti, përjashtuar detyrimet ndaj biznesit, të jetë 4.1% e PBB-së. Financimi i deficitit parashikohet të kryhet përmes huamarrjes së brendshme, e cila do të reduktohet me 13%, apo 7 miliardë lekë...(Burimi: monitor.al)

14.12.2013...Qeveria përgatit një detajim të ligjit ekzistues për të mbushur vrimën më të madhe në legjislacionin tatimor. Mbledhja e tatimit mbi fitimet e realizuara në Shqipëri dhe që deri tani është shmangur përmes këtyre skemave të paligjshme por të pandëshkuara, mund të mbushë një pjesë të madhe të gropës së buxhetit të shtetit...(Burimi: gazeta-shqip.com)

13.12.2013...Shkalla e rritjes së Bruto Prodhimit Vendor (BPV) për tremujorin e tretë nga viti 2013 është 3,3 për qind, kumtoi Enti Shtetëror për Statistikë. Rritje është vërejtur në më shumë sektore, por më e madhe në ndërtimtari - 30,5 për qind, komunikacion, deponim dhe lidhje - 5,8 për qind dhe tregti në të madhe dhe të vogël, riparim i automjeteve motorike, motoçikletave dhe lëndëve për përdorim personal dhe për amvisëritë - 2,8 përqind...(Burimi: zhurnal.mk)

13.12.2013...Sado që në muajin tetor të këtij viti deficiti tregtar i Kosovës ishte diku për katër milionë euro më i vogël se në të njëjtin muaj të vitit të kaluar, kjo nuk ka ndikuar kur kemi parasysh periudhën dhjetëmujore të vitit. Në fund të tetorit, minusi i shkëmbimit të mallrave me botën ishte një miliard e 770 milionë euro, po aq sa ishte edhe në tetorin i vjetëm. I vetmi ndryshim vërehet te niveli i mbulimit të importit me eksport- nga 11,1 për qind sa ishte, tash u ngrit në 12,4 për qind...(Burimi: zeri.info)

13.12.2013...Sigurimet shëndetësore mbulojnë gjithë qytetarët. Projektligji parasheh që të siguruar në mënyrë të obligueshme të janë të gjithë qytetarët dhe banorët, të cilët kanë bërë pagesën e premiumit për sigurimin shëndetësor të obligueshëm ose të cilët janë të liruar nga obligimi për të paguar këtë Premium. Projektligji parasheh lehtësira për punëdhënësin dhe të punësuarin për këto pagesa, si dhe ngërthen në vete kategoritë e qytetarëve të liruar nga pagesat...(Burimi: telegrafi.com)

13.12.2013...Rritja ekonomike për vitin e ardhshëm parashikohet nga qeveria në nivelin 2 %. Për vite me rradhë qeveria shqiptare nuk ka parashikuar një rritje ekonomike më të ulët se edhe institucionet financiare ndërkombëtare, si Banka Botërore, e cila ka parashikuar 2.1 % këtë rritje...(Burimi: scan-tv.com)

13.12.2013...Praktikisht GDP-ja për numër banorësh në Maqedoni për vitin 2012 ishte sa 35% e mesatares së BE-së. Por nuk është Maqedonia me nivelin më të ulët të GDP-së në Ballkan. Më keq se ajo renditen Shqipëria me 30% dhe Bosnje Hercegovina me 29%. Në situatë më të mirë është Serbia, e cila ka 36% të nivelit mesatar të BE-së...(Burimi: shekulli.com.al)

12.12.2013...OPINION. Ardjana SHEHI. Zbatim i barabartë i ligjit fiskal për të gjithë; sistemi progresiv i shpejtë . Reforma e re tatimore duhet patjetër të shmangë që vështirësitë e borxhit publik të ngarkohen vetem mbi ata tatimpagues që kane qene dhe janë të rregullt, sepse kjo, si çdo përpjekje për nje amnisti tjeter fiskale, do të ndikonte ne përkeqësimin e standardeve të bërit biznes në Shqipëri...(Burimi: monitor.al)

12.12.2013...Borxhi i jashtëm bruto i Shqipërisë arriti në 5.47 miliardë euro në fund të 9 mujorit 2013, duke shënuar një rritje me 4.4% me bazë vjetore, apo me rreth 230 milionë euro. Të dhënat bëhen të ditura nga statistikat e Bankës së Shqipërisë. Financat janë treguar të kujdesshme që të rrisin borxhin e jashtëm me maturitet afatgjatë, i cili është shtuar me rreth 140 milionë euro në fund të shtatorit, në raport me të njëjtën periudhë të një viti më parë, ndërkohë që pjesa më e madhe e tij është me kredi të buta, me interesa të leverdisshme...(Burimi: monitor.al)

12.12.2013...OPINION. Jorida TABAKU. Ekonomia në udhëkryq. Ka dhe një tjetër mangësi teknike në vendosjen e sistemit të ri fiskal. Një nga pikat më kryesore të politikës së sistemit financiar është ajo e kompleksshmërisë të botës, e cila të bën të kryesh studime empirike përpara se të implementosh një sistem të ri fiskal në një ekonomi. Kjo do të thotë që për një ekonomi si kjo e jona do duheshin më shumë studime dhe hulumtime për të ndryshuar sistemin e taksimit, pikërisht ashtu sikundër ndodhi me qeverinë e shkuar, që iu deshën plot 2 vjet e gjysmë për të implementuar një sistem të ri taksimi. Në kohë të ndryshme dhe në hapësira të ndryshme, funksionojnë ligje të ndryshme, se duhen bërë fillimisht studime dhe pastaj të nxirren konkluzionet, e jo anasjelltas...(Burimi: panorama.com.al)

12.12.2013...Financat kanë hartuar variantin e fundit te ndryshimit të sistemit të taksave në Republikën e Shqipërisë.Shkalla tatimore e aplikueshme mbi të ardhurat e tatueshme, subjekt i tatimit mbi mbi fitimin për biznesin vogël, me qarkullim nga 2 deri në 8 milion lek është është 7.5 për qind dhe për subjektet me qarkullim vjetor nga 0 deri në 2 milion lek është 1% e të ardhurave të tatueshme...(Burimi: monitor.al)

11.12.2013...Konkurrenca jo fer, që rrjedh nga evazioni fiskal dhe nën deklarimi i punëtorëve është përmendur nga bizneset në Kosovë si barriera më e lartë në të bërit biznes. Krahasuar me studimet paraprake, të cilat vlerësojnë barrierat e të bërit biznes, intensiteti i këtij perceptimi është rritur, gjë që tregon se konkurrenca jo fer në të bërit biznes në Kosovë është problem shumë serioz...(Burimi: gazetaexpress.com)

10.12.2013...Opinioni publik ka disa kohë që po jeton me paradoksin më të bukur ndonjëherë. Mazhoranca qeverisëse thotë se ekonomia është në krizë, ndërsa opozita thotë Jo!! Kur për çdo arsye në botë ndodh zakonisht e kundërta. Megjithatë, edhe kjo e ka një shpjegim. Ky paradoks lind sepse palët nuk po shohin drejt së ardhmes, por nga e shkuara, dhe çdo argument e kundërargument jepet nga këto pozicione, por edhe sepse nga qeveria e sotme ende nuk kemi një plan konkret të së ardhmes mbi të cilin mund të diskutohet, e ku më i shpejti dhe më domethënësi është buxheti i ri...(Burimi: monitor.al)

10.12.2013...Rritja konsumimit të prodhimeve vendore do të ndikojë edhe në rritjen dhe zhvillimin kompanive vendore po ashtu do të rritet cilësia e prodhimeve vendore, këto komente janë bërë në konferencën me temë Si të zhvillohen dhe afirmohen prodhimet e Kosovës, të organizuar nga Aleanca Kosovare e Bizneseve (AKB), në kuadër të Javëve të Biznesit Kosovar 2013"...(Burimi: telegrafi.com)

10.12.2013...OPINION. Eduard ZALOSHNJA. TVSH-ja, një tatim tejet regresiv. Debati aktual shqiptar për progresivitetin e taksimit do të kishte kuptim, për shembull, në vendet anglosaksone, ku ekziston thënia Vdekjes dhe taksave nuk u shpëton dot. Ndërsa në vende si Shqipëria, ku pothuaj çdokush mundohet tu shmanget taksave, vlen të diskutohet së pari për zbutjen e regresivitetit të taksimit...(Burimi: balkanweb.com)

10.12.2013...Mbi 49% e vizitorëve të hoteleve janë kosovarë. gjencia e Statistikave të Kosovës (ASK) ka publikuar të dhënat e hotelerisë në Kosovë për tremujorin e tretë të këtij viti, ku vërehet një rritje e ndjeshme e ofrimit të shërbimeve nga ana e tyre, krahasuar me periudhën e njëjtë të vitit 2012...(Burimi: telegrafi.com)

10.12.2013...Në raport me 2007-n, vitin më të mirë, prurjet e emigrantëve në Shqipëri janë përgjysmuar. Vetëm për tremujorin e tretë, rënia është 40% me bazë vjetore, duke thelluar ndjeshëm ritmet e tkurrjes...(Burimi: monitor.al)

10.12.2013...Banka Botërore: Borxhi mund të arrijë në 76 për qind. Borxhi publik është i paqëndrueshëm. Nëse nuk merren masa, rrezikohet stabiliteti makroekonomik, vendi do të detyrohet të paguajë interesa të larta për borxhin, si dhe ka rrezik për aftësinë paguese të tij, u vërejt në raportin e BB-së...(Burimi: gazedta-shqip.com)

09.12.2013...Qeveria Shqiptare është e ndërgjegjshme që situata tejet e rëndë financiare dhe ekonomike që ka trashëguar, është faktori kryesor i uljes së vlerësimit të borxhit nga B+ në B. Vlerësimi reflekton situatën ekonomike dhe financiare të nëntë muajve të parë të vitit 2013, për të cilat ka të dhëna zyrtarisht të konfirmuara. Trashëgimia e papërgjegjshme e një borxhi tepër të lartë e të rrezikshëm, të dokumentuar apo të fshehur, por tashmë të verifikuar e bërë transparent nga Qeveria aktuale, FMN e institucione të tjera financiare ndërkombëtare, e bëjnë Qeverinë e mëparshme përgjegjëse të drejtpërdrejtë, jo vetëm për këtë zhvlerësim, por edhe për gjendjen e rënduar të buxhetit të shtetit, për gjendjen e vështirë ekonomike dhe financiare të vendit dhe të qytetarëve shqiptarë...(Burimi: monitor.al)

09.12.2013...OPINION. Alfred CAKO. Buxheti dhe FMN. Natyrisht që argumenti i FMN do të jetë se me tatime të larta do largoni investitorët dhe në këtë rast do dështojë projekti i E.Ramës për tua u hedhur barrën e buxhetit kompanive të mëdha, të cilat realisht janë ato që arkëtojnë dhe bëjnë xhiro më shumë. Madje, mund të ketë në këtë drejtim edhe një sinkron mes qëllimeve të FMN dhe ardhjes së drejtorit të Evropës Qendrore e Jugore, J.Moore, pasi opozita e djeshme dhe qeveria e sotme po kërkon të auditojë dhe tatojë kompani të elitës, si Bankers-at ose shumëkombëshe të tjera. Në rast se prej këtyre rekomandimeve apo presioneve qeveria tërhiqet nga programi i saj elektoral, barra e taksave do tu hidhet përsëri njerëzve të thjeshtë...(Burimi: balkanweb.com)

09.12.2013...Përmirësimi i performancës tatimore dhe ndryshimet e taksave që do të bëhen përmes paketës fiskale, pritet që të kenë një efekt të rritjes së të ardhurave në masën 2 për qind të prodhimit të brendshëm bruto. Vetëm nga taksat që do të ndryshohen, shqiptarët do të paguajnë 180 milionë dollarë më shumë...(Burimi: panorama.com.al)

08.10.2013...Ligji i falimentimit, pak a shumë në formën që është dhe sot, daton që në vitin 1995. Ky ligj është përmirësuar dhe amenduar në vitin 2002 dhe në 2008-ën. Ligji i vitit 2002 solli ndryshime thelbësore në krahasim me ligjin e vitit 1995, si p.sh. sa i takon rendit të prioriteteve të kërkesave të kreditorëve, shkarkimi i shoqërisë nga pjesa e mbetur e detyrimeve, etj., ndërkohë që ndryshimet e bëra në vitin 2008, konsistojnë në krijimin e Agjencisë së Mbikëqyrjes së Falimentimit, si dhe përforcimin e rolit të administratorit të falimentit...(Burimi: standard.al)

07.12.2013...S&P zhvlerëson borxhin e Shqipërisë. Zhvlerësimi i borxhit publik të Shqipërisë nga Standard and Poors, nuk është një lajm i mirë për ekonominë. Zëvendësministri i Financave, Erjon Luçi thotë se tani menaxhimi i financave të vendit do jetë më i vështirë. "Ne mund të kemi tani terma më të vështira financiare në tregun ndërkombëtar. Gjithashtu edhe agjentë të tjerë tregtarë të huaj, privatë mund të shtrëngojnë termat e tyre për Shqipërinë, kështu që kjo e bën akoma më të vështirë detyrën e menaxhimit të borxhit", tha Luçi...(Burimi: top-channel.tv)

07.12.2013...Grupi i PS, Cani: Negociatat e vështira me FMN po vonojnë buxhetin e 2014. Një tjetër çështje që është sqaruar edhe nga ministri i Financave, Shkëlqim Cani, është edhe ajo e negociatave me FMN-në. Ashtu si dhe kryeministri, edhe Cani sqaroi se në fakt janë negociata jo të lehtë me FMN-në dhe Bankën Botërore, pasi FMN-ja nga ana e saj ka disa kërkesa, të cilat kanë vonuar edhe paraqitjen e projektbuxhetit të vitit 2014, brenda afateve, në Kuvend...(Burimi: monitor.al)

07.12.2013...INTERVISTE. Arben MALAJ. Të mbështesim investimet private. Ekonomia ka nevojë për një reagim të shpejtë, për politika që ofrojnë siguri e qartësi. Në një intervistë për Monitor, prof. Arben Malaj, sugjeron që qeveria të marrë pjesërisht kredi të re për shlyerjen e borxhit dhe një pjesë të vlerës së tij ta shlyejë përmes planit të investimeve për vitin e ardhshëm. Të ardhurat nuk duhen fokusuar vetëm te rritja e taksave...(Burimi: monitor.al)

07.12.2013...OPINION. Eduart GJOKUTAJ. Borxhi publik mund te reduktohet. Miradministrimi i fondeve për shpenzime publike (sociale, investime dhe administrative) sipas një programi të bazuar mbi (a) parimet e reformës së re administrative (reformim i decentralizimit) si dhe (b) parimeve të luftës ndaj krimit ekonomik (evazionit) dhe krimit social (korrupsionit) do të fillonin të ndihmonin buxhetin dhe reduktimin e deficitit buxhetor. Nëse harxhohet më shumë kohë duke pasur vëmendjen te debatet për të mbrojtur gabimet e qeverisjes, nuk mund të konsiderohet më si një moral pozitiv dhe i vlefshëm për publikun dhe vendin...(Burimi: monitor.al)

06.12.2013...OPINION. Eduard ZALOSHNJA. A do të paguajnë 95% e shqiptarëve më pak? Një rrugë tjetër për të ulur barrën fiskale për 95% të shqiptarëve do të ishte edhe ulja e akcizave dhe taksave doganore, sepse ato i paguajnë tërthorazi të gjithë shqiptarët si fëmija që ble një çokollatë të importuar nga Turqia, edhe plaku që pi një kafe të importuar nga Kolumbia. Por të ardhurat nga akcizat dhe taksat doganore mbulojnë 10% të shpenzimeve të buxhetit të shtetit dhe, për më tepër, janë edhe më të kollajtat për tu mbledhur. Për këtë arsye ekonomistët e FMN-së dhe Bankës Botërore nuk do të ishin dakord me një ulje të tyre...(Burimi: balkanweb.com)

06.12.2013...Efekti financiar që do të ketë paketa fiskale në buxhetin e shtetit për vitin e ardhshëm parashikohet të jetë në rreth 20 miliardë lekë. Efektet e ndryshimeve kryesore të tatimit mbi vlerën e shtuar janë rreth 1.4 miliardë lekë, nga pushteti vendor janë parashikuar minus 2 miliardë lekë, të ardhurat nga akciza 3.3 miliardë lekë, nga taksat nacionale 2.7 miliardë lekë. Gjithashtu, po diskutohen edhe dy variante të tatimit progresiv të të ardhurave personale, nga e cila nuk ka asnjë efekt...(Burimi: scan-tv.com)

06.12.2013...Oda Ekonomike Amerikane në Kosovë (OEAK), organizoi një tryezë me qëllim të adresimit dhe diskutimit të çështjeve dhe problemeve tatimore me të cilat përballen bizneset të identifikuara nga Komiteti Tatimor i Odës Amerikane. Drejtori ekzekutiv i OEAK-ut Arian Zeka, tha se me gjithë përmirësimet e shumta të bëra së fundmi nga ana e ATK-së dhe Ministria e Financave, bizneset vazhdojnë të paraqesin probleme të ndryshme të cilat kryesisht lidhen me vendimet të cilat ata i konsiderojnë arbitrare nga ana e Administratës Tatimore të Kosovës, e të cilat janë rezultat i interpretimit jo të duhur të dispozitave të ligjeve tatimore...(Burimi: telegrafi.com)

05.12.2013...Milionat që Fondi i Kursimeve Pensionale të Kosovës (FKPK) mbledh nga kursimet pensionale vazhdojnë të investohen dhe të deponohen nëpër shtetet evropiane. Nga 800 milionë euro, sa janë në FKPK në vend janë investuar vetëm 20 milionë euro. Milionat tjerë të kontribuuesve për pensione i pengon ligji që të investohen në Kosovë. Kjo situatë ka bërë që Kosova të kërkojë donacione dhe investime ndërkombëtare, pa marre parasysh se ka mbi 1 miliardë e 400 milionë euro, të cilat mbahen të ngrira, ose të investuara në tregjet ndërkombëtare...(Burimi: zeri.info)

05.12.2013...Pas Shqipërisë dhe Greqisë, edhe parlamenti italian i ka thënë Po marrëveshjes së gazsjellësit TAP. Marrëveshja u votua sot me 284 vota pro, 42 kundër dhe vetëm dy abstenime. Marrëveshja ka për synim ndërtimin e një tubacioni përtej kufijve, ku pika e fillimit do të jetë në Greqi dhe Shqipëri, për të kaluar më pas në Itali. ..(Burimi: kohaditore.com)

05.12.2013...Ligji për Lojërat e fatit nuk është duke u zbatuar në të gjitha fushat, ka vlerësuar Grupi Punues i Komisionit për Buxhet dhe Financa, i cili ka monitoruar zbatimin e tij. Sipas Raportit të Komisionit, zbatimi i Ligjit vazhdon të mos bëhet kur është fjala për hapjen e lojërave të fatit në largësi prej 500 metrave nga shkollat, institucionet, aparateve të licencuara etj...(Burimi: telegrafi.com)

05.12.2013...Dhe në këtë kuadër mendoj se taksat specifike janë më të thjeshtat dhe më të efektshmet (p.sh., një shumë nominale e taksës për mililitër/ml të sasisë së nikotinës ose për kartridge) të ngjashme si tatimi që aplikohet për produktet e duhanit. Niveli i taksës, në anën tjetër, duhet të ruajë përballueshmërinë e këtyre produkteve kundrejt produkteve konvencionale të duhanit për të reflektuar profilin e tyre, me rrezik më të ulët...(Burimi: shekulli.com.al)

05.12.2013...Banka e Shqipërisë do të shesë për llogari të financave 23.1 miliardë lekë bono thesari 6 dhe 12 mujore dhe obligacione 5 vjeçare, një nga shumat më të larta të ofruara për shitje përgjatë këtij viti, teksa në buxhetin e rishikuar 2013 u miratua dhe rritja e kufirit të borxhit me rreth 24 miliardë lekë, që do të vinte terësisht nga shtimi i borxhit të brendshëm...(Burimi: monitor.al)

05.12.2013...OPINION. Fatos ÇOÇOLI. SFIDAT E TAKSAVE TË REJA. Tri janë sfidat më të forta përpara qeverisë në ekonomi. E para, të arrijë të marrë rreth 200 milionë euro më shumë sesa arkëtimet e këtij viti, vetëm me përmirësimin e administrimit të taksave dhe tatimeve. Për këtë, energjia e kontrolleve dhe e kërkesës së llogarisë duhet të jetë si në këta dy muaj, tetor-nëntor 2013. E dyta, të arkëtojë një pjesë të borxhit tatimor, i cili është kolosal, rreth 560 milionë euro. Sikur vetëm 40 për qind të tij të arrijë ta rikuperojë gjatë vitit 2014, qeveria ka bërë një hap të madh në sigurimin e të ardhurave të mjaftueshme buxhetore për të mos rënduar fort deficitin e shtetit. E treta, duhet të formalizojë tregun e punës dhe të vendosë në të bardhë të gjithë ata punonjës që sot punojnë në të zezë...(Burimi: gazeta-shqip.com)

04.12.2013...Kryeminisrti i Greqisë, Antonis Samaras deklaroi se ekonomia do ti rikthehet rritjes vitin e ardhshëm, pas 6 vitesh në recesion. Rimëkëmbja do të fillojë pas vitit të ri, deklaroi Samaras në një konferencë ekonomike të zhvilluar në Athinë. Qeveria greke dyfishoi parashikimin për surplusin buxhetor, përpara pagimit të interesave për këtë vit, për shkak të përmirësimit të performancës të të ardhurave nga taksat...(Burimi: scan-tv.com)

04.12.2013...Depozitat kanë shënuar një ulje rekord gjatë muajit tetor të këtij viti. Të dhënat e Bankës së Shqipërisë tregojnë se vetëm gjatë një muaji nga bankat e nivelit të dytë u tërhoqën rreth 73 milionë dollarë...(Burimi: panorama.com.al)

04.12.2013...Korrupsioni që ka kapur çdo hallkë të funksionimit të shtetit, përkthehet në taksë ekstra për bizneset dhe qytetarët e thjeshtë, në këmbim të një shërbimi. Ryshfeti për administratën, nuk është vetëm detyrim përderisa administrata që duhet të shërbejë është burokratike dhe e korruptuar, por edhe zgjidhje për të shmangur tarifat e larta të taksave dhe faturave që duhet të paguhen nga qytetarët dhe bizneset...(Burimi: zeri.info)

04.12.2013...Tatimi i fitimit që do të aplikohet për biznesin do të nisë nga 7. 5 % për biznesin e vogël dhe do të përfundojë në 20 % për koncesionet. Progresiviteti i tatimit do të mbajë në konsideratë xhiron vjetore të biznesit, mbi të cilën kryhet edhe klasifikimi i bizneseve. Kështu bizneset e vogla me xhiro vjetore nga 2 milionë deri në 8 milionë do të kenë tatim mbi fitimin në masën 7.5 %, biznesi i madh do të paguajë tatim mbi fitimin në masën 15 %, ndërsa koncesionet do të kenë një tatim mbi fitimin në masën 20 %...(Burimi: shekulli.com.al)

04.12.2013...Ministri i Financave Shkëlqim Cani bëri publike shifrën e borxhit që Qeveria ka ndaj biznesit për kontratat publike, të verifikuar nga kompania Deloitte. I gjithë ky proces solli atë që Deloitte identifikoi shifrën e 24.6 miliardë lekë që buxheti i shtetit i detyrohet biznesit. Kjo shifër ka në pjesën e vet sektorë të ndryshëm të ekonomisë, por pjesën dërrmuese e ka pjesa e infrastrukturës që zë afërsisht 65 për qind të kësaj shume. Pastaj vijnë me radhë edhe shëndetësia edhe arsimi etj...(Burimi: gazeta-shqip.com)

03.12.2013...Faktorët që e pengojnë zhvillimin e sektorit privat në Kosovë janë të ndërlidhur me mungesën e kapaciteteve për eksport e që ndërlidhet edhe me mungesën e konkurrencës mes ndërmarrjeve, thuhet në një raport të nxjerrë si rezultat i një hulumtimi të realizuar nga Qendra për Kurajo Politike, transmeton KTV...(Burimi: koha.net)

03.12.2013...Portofoli i kredisë për ekonominë u tkurr me më shumë se shtatë miliardë lekë gjatë Tetorit, duke prekur vlerën më të ulët të regjistruar këtë vit. Sipas Bankës së Shqipërisë, kredia në fund të Tetorit kishte vlerën e 540 miliardë lekëve, në rënie me 2.2% ndaj të njëjtës periudhë të një viti më parë. Kjo është rënia me e thellë e kredisë për këtë vit dhe më e larta që nga viti 2002...(Burimi: scan-tv.com)

02.12.2013...Xhepa: Të rriten taksat indirekte, jo taksa e sheshtë. efektet e tjera negative të rritjes së taksave pritet të shtrihen në ekonominë e gjerë. Nga rritjet e kostove te biznesi, deri te punësimi në vend. Duke paguar më shumë taksa, bizneset do të kenë më pak fonde të lira për investime dhe për të punësuar të rinj. Por nëse kjo rritje do të shoqërohet me informalitet, ka gjasa që bizneset e ndershme të dalin nga tregu. I gjithë ky ndryshim në taksa duket se është frymëzuar nga Fondi Monetar Ndërkombëtar...(Burimi: monitor.al)

02.12.2013...Këshilli i Agrobiznesit Shqiptar kërkon që në pakëtën fiskale të vitit të ardhshëm akciza e naftës për fermerët të rimbursohet me para në dorë dhe jo me tollona. Sipas presidentit të KASH, Enver Ferizaj, skema aktuale e rimbursimit të naftës, nuk ka funksionuar si duhet, madje ka patur dhe abuzime, pasi ndikon shumë shkalla e lartë e informalitetit në skemën e tregtimit të produkteve bujqësore...(Burimi: scan-tv.com)

02.12.2013...OPINION. Eduart GJOKUTAJ. KONTRIBUT PËR SHQIPËRINË, PASTAJ PËR PARTINË. Partitë mund të duan idetë progresiste, liberale a konservatore, ashtu si dhe unitetin partiak që mbledh përreth saj aktivistët dhe anëtarët. Por, qeveria që zgjidhet nga votat e qytetarëve duhet të ketë në fokus vetëm ata. Përndryshe partia do të pësojë zhgënjimet e saj me kalimin e kohës, pasi pakënaqësitë dhe veset e individëve brenda radhëve të saj do të gjejnë mënyrën për të prishur moralin e qeverisë...(Burimi: gazeta-shqip.com)

01.12.2013...Shikoni se si llogaritet tatimi mbi te ardhurat nga paga, sipas nje propozimi te paketes fiskale 2014, te bere publike nga mediat e shkruara javen e kaluar dhe kete jave. Llogaritjet jane ndryshe nga ato qe publikohen ne keto media dhe flasin per nje ulje barre per pagat nen 90 mije leke ne krahasim me tatimin per 2013...(Burimi: scribd.com)

01.12.2013...OPINION. Ardian FULLANI. Përse duhet një marrëveshje me FMN-në. Nga këndvështrimi i përgjithshëm, ekonomia shqiptare gëzon stabilitet ekonomik dhe financiar. Varësia e ekonomisë shqiptare ndaj vendeve në vështirësi si Greqia e Italia, kërkon marrjen e masave për përballimin e një situate të mundshme mosfinancimi të bilancit të pagesave. Për më tepër autoritetet monetare europiane dhe rregullatorët e tregut bankar e financiar shprehen se ekziston një vendim politik që çdo ekonomi europiane me mungesa financimi duhet të gjejë fondet në bashkëpunimin me Fondin Monetar Ndërkombëtar...(Burimi: panorama.com.al)

01.12.2013...Maqedonia: Një leksion për tërheqjen e investimeve. Një nga pikat e forta të Maqedonisë janë padyshim edhe zonat e lira, ku vetëm pak ditë më parë nisi ndërtimi i një zone edhe në Tetovë. Avantazhet e tyre janë: subvencionimi deri në 500.000 euro për shpenzimet e ndërtimit, por edhe tokën që është në dispozicion me qira afatgjatë, për një periudhë deri në 99 vjet. Ndërsa zonat zhvillimore, industriale të teknologjisë (TIDZs) sigurojnë në mënyrë të vazhdueshme: energji elektrike, rrjet modern telekomunikacioni, ngrohje qendrore, sistem të lartë të sigurisë dhe monitorimit etj...(Burimi: monitor.al)

01.12.2013...Deloitte: Borxhi i shtetit ndaj biznesit 27 miliardë lekë. Një shumë e madhe detyrimesh lidhet edhe me rimbursimin e Tatimit mbi Vlerën e Shtuar, borxhet në energjetike ato që lidhen me shpronësimet dhe një sërë detyrimesh të tjera, që mendohet se e çojnë shifrën totale të borxheve të papaguara në rreth 500 milionë euro. Por veç Deloitte, Ministria e Financave është duke e konsultuar çështjen e identifikimit dhe verifikimit të borxheve të prapambetura edhe me Fondin Monetar. Një mision i FMN pritet të mbërrijë në Tiranë në datën 3 dhjetor për të dhënë miratimin përfundimtar mbi buxhetin dhe paketën e re të taksave...(Burimi: monitor.al)

N╦NTOR

30.11.2013...RUMANI/ Tatimet e reja alarmojnë bizneset. Duke filluar nga viti 2014, do të hyjë në fuqi një taksë e re mbi karburantin dhe një taksë mbi ndërtimet e veçanta, të cilat zbatoheshin kryesisht në sektorët e energjisë dhe telekomit. Autoritetet synojnë të mbledhin rreth 100 milionë euro nga taksat e reja. Bizneset rumune kanë kundërshtuar rritjet e reja të planifikuara të taksave, duke thënë se barra në fund do të bjerë mbi konsumatorët, në formën e çmimeve më të larta...(Burimi: monitor.al)

30.11.2013...Dy shtete, një komb, drejt një tregu të përbashkët. Numri i bizneseve shqiptare të regjistruara në Kosovë është rritur dukshëm nga viti 2008, kur edhe është shpallur pavarësia e Kosovës. Sipas të dhënave zyrtare të Ministrisë së Tregtisë dhe Industrisë, në Shqipëri veprojnë mbi 300 biznese kosovare. Ndërkaq, në Kosovë veprojnë mbi 500 biznese shqiptare...(Burimi: standard.al)

30.11.2013...Agjencia e vlerësimit Moodys ka rritur shkallën e besueshmërisë së kredive të Greqisë, duke cituar përmirësimin e rezultateve të programit të përmirësimit ekonomik, në vendin e goditur nga kriza e gjatë ekonomike. Agjencia njoftoi të premten përmirësimin prej 2 nivelesh, nga C te Caa3, ende shumë poshtë shkallës së investimeve, në një lëvizje që shihet si shtysë për qeverinë...(Burimi: top-channel.tv)

30.11.2013...Hiç më pak se 1,6 milionë euro ka arritur vlera e pasurisë së konfiskuar nga fillimi i këtij viti e deri më tash nga Agjencia për Administrimin e Pasurisë së Sekuestruara ose të Konfiskuar, e cila vepron në kuadër të Ministrisë së Drejtësisë...(Burimi: zeri.info)

30.11.2013...Krahas rritjes së tatimit mbi të ardhurat, të gjithë ata që marrin paga relativisht të larta, do të duhet të përballen dhe me një rritje të sigurimeve. Një nga pikat që po diskutohet në paketën e re fiskale, është që të hiqet tavani i llogaritjes së kontributeve shëndetësore me pesëfishin e pagës minimale. Lajmi bëhet i ditur për Monitor.al nga shoqatat e biznesit që janë pjesë e diskutimeve të paketës fiskale...(Burimi: monitor.al)

30.11.2013...Sa fitojnë komisarët dhe nëpunësit e Komisionit Evropian. Të gjitha vendet e BE-së kanë nga një anëtar në Komisionin Evropian (KE), organ ekzekutiv i Bashkimit Evropian, transmetojnë medie elektronike belge. Komisari evropian për Ekonomi belgu Karel de Gucht, si njëri nga ministrat standardë, ka pagë mujore bruto 20.667 euro. Gucht me pagë merr edhe kompensimin shtesë në shumë 15 për qind nga të ardhurat në emër të shpenzimeve për banim që janë 3.100 euro si dhe preminë për shpenzimet mujore për reprezentacion 607,71 euro...(Burimi: kohaditore.net)

30.11.2013...TAP: Strategjia e tarifave. Gazsjellësi TAP ka prezantuar para tre rregullatorëve të energjisë të vendeve nga ku do të kalojë (Shqipëri, Greqi, Itali) kodet tarifore që do të zbatohen gjatë viteve të operimit, duke marrë në konsideratë edhe ndryshimet përkatëse sipas rritjes së volumit të transportit apo rrezikut të investimit...(Burimi: monitor.al)

30.11.2013...Politika tatimore dhe administrimi tatimor ndërveprojnë në tre nivele dalluese: formësimin e politikës dhe hartimin e legjislacionit, procedurat administrative dhe institucionet që nevojiten për të vënë në jetë legjislacionin tatimor, me kusht që politika tatimore tu përshtatet kërkesave të kohës në lidhje me kapacitetet administrative në dispozicion. Nuk ka rëndësi se sa e mirë mund të jetë teorikisht një politikë tatimore, ose një administratë tatimore në praktikë, sepse të dyja kërkojnë një mjedis të përshtatshëm me qëllim që të prodhojnë rezultate të mira...(Burimi: monitor.al)

29.11.2013...Ekspertët mendojnë se ulja e fundit e normës bazë të interesit ishte një lëvizje në drejtimin e duhur, por që do të ketë pak ndikim në nxitjen e ekonomisë. Altin Hoti, dekan i fakultetit Ekonomik në Universitetin Luarasi, thotë se pasiguria dhe rreziqet e shtuara e bëjnë të vështirë efikasitetin e masave monetare...(Burimi: scan-tv.com)

29.11.2013...Kamatat e kredive në bankat komerciale në Kosovë vazhdojnë të jenë të larta dhe kjo paraqitet barrë e madhe për huamarrësit, qoftë për biznese apo individuale, thonë ekspertë për çështje ekonomike. Kamatat e kredive në Kosovë sillen nga 9 deri në 24 për qind, varësisht nga banka dhe lloji i kredisë, norma këto që vazhdimisht janë cilësuar si më të lartat në rajon...(Burimi: telegrafi.com)

29.11.2013...Evropa Juglindore qëndron në një udhëkryq, për sa i takon planeve zhvillimore energjetike ne njërën ane si dhe respektimit te standardeve evropiane ne anën tjetër. Rreth 30 miliardë euro do te investohen ne shtetet e Evropës Juglindore në projektet e energjisë përgjatë dhjetë viteve të ardhshme. Sipas standardeve të BE-së deri në vitin 2010 eficiença e energjisë duhet të jetë 20 për qind. Ndërkohë që vetëm Kroacia parashikon vlerën 20 për qind të eficiençes deri në 2020, kurse Kosova, Maqedonia, Shqipëria, Bosnja dhe Hercegovina, Mali i Zi dhe Serbia deri në vitin 2018 parashohin eficiençen deri në 9 për qind...(Burimi: telegrafi.com)

29.11.2013...Indeksi i pagës mesatare në ekonomi regjistroi rritje në gjashtëmujorin e parë të vitit, pas tkurrjes së regjistruar gjatë vitit 2012, sipas raportit të politikës monetare të tremujorit të tretë të Bankës së Shqipërisë. Rritja e këtij treguesi ishte kryesisht e përqendruar në tremujorin e parë (5.9%), ndërsa në tremujorin e dytë rritja ishte vetëm 0.3%...(Burimi: monitor.al)

29.11.2013...Gjatë tetorit të këtij viti, eksporti i mallrave arriti në 22 miliardë lekë, duke u rritur përafërsisht 17% në krahasim me tetorin e vitit 2012. Sipas të dhënave nga INSTAT, rritje më të madhe ka pasur në eksportet e grupeve: Ushqime, pije, duhan përafërsisht 46% dhe Prodhime druri dhe letre përafërsisht 43%. Ndërkohë ulje ka pësuar eksporti i grupit Materiale ndërtimi dhe metale me përafërsisht 5%...(Burimi: gazeta-shqip.com)

29.11.2013...Kosova dhe Shqipëria vazhdojnë të përafrohen me njëra-tjetrën, në të gjitha aspektet. Fizikisht këtë e mundëson projekti madhor i të dyja shteteve - Rruga e Kombit, e përfunduar tashmë, e cila përveç që ka shkurtuar distancën mes dy vendeve, ka ndikuar edhe në krijimin e lehtësirave dhe përfitimeve në aspektin ekonomik. Së shpejti pritet të ndërmerren hapa konkretë drejt krijimit të një tregu të përbashkët.Zëvendësministri i Tregtisë dhe Industrisë...(Burimi: kohaditore.net)

28.11.2013...Parashikimet për një inflacion të ulët dhe një rritje ekonomike modeste kanë bërë që Banka e Shqipërisë të ulë edhe një herë normën e interesit për lekun. Ky vendim vjen pak para miratimit të buxhetit, i cili do të përfshijë edhe borxhin 500 milionë euro, që Qeveria do të shlyejë për biznesin...(Burimi: panorama.com.al)

28.11.2013...Shqipëria ka aktualisht nivelin më të lartë të kredive me probleme (hua jo performuese- NPL) në të gjithë Europën Qendrore e Lindore. Të dhënat bëhen të ditura në raportin e fundit të Fondit Monetar Ndërkombëtar për Europën Qendrore Lindore dhe Juglindore. Me një nivel të huave të pakthyera në afat që janë afërsisht sa 25% e totalit të kredive, Shqipëria kryeson, e ndjekur nga Rumania dhe Serbia, që e kanë këtë tregues në rreth 20-21%...(Burimi: monitor.al)

27.11.2013...OPINION. Selami XHEPA. Kriza ekonomike dhe kriza e mendimit ekonomik. Bota sot është duke përjetuar një destabilitet ekonomik e social me një potencë të fortë transformuese drejt rivendosjes së një ekuilibri të ri. Historia, përveçse një kuriozitet i studiuesve (përgjithësisht) të moshuar, është një laborator nga ku mund të nxjerrim leksione që të na vlejnë për të rikalibruar modelet tona të ardhshme të zhvillimit. Nuk është anakronike një ide thjesht se i përket së shkuarës; anakronike është edhe një ide e kohës, por që dështon të përmbush misionin e vet të premtuar...(Burimi: panorama.com.al)

27.11.2013...Rafuna tha se Dogana e Kosovës se masat antikorrupsion i lufton në dy rrugë: Në proaktive dhe reaktive. Ai tha se qytetarët e kanë rritë besimin në Doganën e Kosovës. Rafuna ka shtuar se në tre muajt e fundit ka rreth 300 thirrje nga qytetarët në numrin e veçantë të Doganës i cili është i hapur 24 orë, ku kanë lajmëruar për korrupsion apo kontrabandim...(Burimi: kosova-sot.info)

27.11.2013...Gjatë dhjetë viteve të fundit Kosova karakterizohet nga një rritje ekonomike relativisht e lehtë, e shoqëruar edhe me një inflacion të cilin ka arritur ta mbajë nën kontroll.Por, pse Kosova ende nuk po mundet të mbuloj as nevojat e veta me grurë ? Fermeri nga Lipjani Valon Vehapi thotë se shkaqet e një gjendjeje të tillë janë të shumta dhe sillen prej rendimenteve të ulëta dhe politikave ekonomike joadekuate që ndikojnë në aftësinë e pamjaftueshme konkurruese, deri te organizimi jo i mirë institucional dhe i fermerëve...(Burimi: zeri.info)

27.11.2013...Guvernatori i Bankës së Shqipërisë, Ardian Fullani tha sot se Këshilli Mbikëqyrës i Bankës ka vendosur të ulë normën bazë të interesit për lekun me 0.25 pikë përqindje, duke e zbritur atë nga 3.5 në 3.25 për qind. Fullani doli sot para mediave në një konferencë për shtyp për të prezantuar raportin mujor të politikës monetare të Bankës së Shqipërisë...(Burimi: kohaditore.com)

27.11.2013...Pas Tatimeve, edhe administrata doganore është përballur dje me një lumë kritikash nga ana e Dhomës Amerikano-Shqiptare së Tregtisë. Në një takim me drejtoren e kësaj administrate, Elisa Spiropali, përfaqësuesit e biznesit të grupuar në këtë Dhomë kanë paraqitur një sërë propozimesh për të ndryshuar legjislacionin, por sidomos mënyrën e punës së punonjësve doganorë...(Burimi: standard.al)

27.11.2013...Projekti/Taksa progresive, Individët me të ardhura të larta do tatohen 25%. atim fitimi pritet të bëhet në dy nivele, 15% për biznesin që ka më shumë se 5 milionë lekë xhiro në vit dhe 7.5% për biznesin e vogël me xhiro nga 2-5 milionë lekë. Taksa e ndotjes për karburantet pritet të rritet nga 7 lekë për litër në 14 lekë për litër, pra dyfishim...(Burimi: monitor.al)

26.11.2013...Republika e Kosovës dhe Republika e Çekisë nënshkruan sot marrëveshjen për shmangien e tatimit të dyfishtë dhe parandalimin e evazionit fiskal lidhur me tatimet në të ardhurat në mes të Kosovës dhe Çekisë. Në emër të Republikës së Kosovës marrëveshja u nënshkrua nga Ministri i Financave, Besim Beqaj, ndërsa në emër të Republikës së Çekisë nga ambasadori i Republikës Çeke në Kosovë, Jiri Doleel...(Burimi: kosova-sot.info)

26.11.2013...Kuvendi i Shqipërisë po shqyrton në seancë plenare buxhetin faktik të vitit 2012, ku nuk kanë munguar debatet mes ministrit actual Shkëlqim Cani dhe ish ministrit, që kartoi dhe zbatoi buxhetin e 2012-s, Ridvan Bode. Cani ka akuzuar Boden dhe ish-kryeministrin Sali Berisha se kanë boshatisur buxhetin përmes shpenzimeve pa kriter...(Burimi: monitor.al)

26.11.2013...Edhe ky buxhet në esencë është vazhdim i politikave të gabuara buxhetore me të cilat synohet të blehet lojaliteti i pensionistëve, shtresave sociale të varfëra, administratorëve dhe bujqëve në funksion të zgjedhjeve të parakohshme parlamentare pavarsisht nga fakti që me këto politika buxhetore qeveria e Gruevskit definitivisht e përgadit skenarin e bankrotit buxhetor të Greqisë edhe vendit tonë. Rilindja Demokratike Kombëtare mban qëndrimin se edhe ky propozim buxhet i RM në parim ndjek logjikën e njëjtë të planifikimit të manifestuar vitet e fundit nga qeveria e VMRO-së në teorinë makroekonomike njihen si politika kejnizianiste...(Burimi: zhurnal.mk)

26.11.2013...OPINION. Denion MEIDANI. Pro taksës së sheshtë, kundër miopisë fiskale. Si përfundim, ndërsa vendi po përballet me një pressing ekonomik e social, qeveria është akoma larg konceptimit dhe formulimit të një politike fiskale të qëndrueshme që mund të ofronte zgjidhje pozitive qoftë afatshkurtër, qoftë afatgjatë...(Burimi: panorama.com.al)

25.11.2013...Banka Botërore këshillon Shqipërinë për zhvillimin afatgjatë të vendit. Mësohet se përfaqësuesja e Bankës Botërore, Ellen Goldstein ishte e pranishme në takimin informal të kabinetit qeveritar i cili u zhvillua ditën e shtunë...(Burimi: shekulli.com.al)

25.11.2013...Diferenca midis normës mesatare të interesit të kredive që japin institucionet bankare në Shqipëri dhe interesit të depozitave në monedhën vendase përbën fitimin bruto të bankave të nivelit të dytë nga aktiviteti i zakonshëm. Bazuar në të dhënat statistikore të Bankës së Shqipërisë, vihet re se norma e depozitës në lek është ulur më shumë se norma e kredisë, nga ku mund të arrihet në përfundimin se fitimi i bankave nga aktiviteti i tyre normal (pranim depozitash dhe dhënie kredie), është rritur...(Burimi: standard.al)

24.11.2013...E sheshtë, apo progresive?! Ekspertët e ekonomisë kërkojnë nga qeveria që të ndryshojë sistemin fiskal në tërësi duke shmangur pabarazinë ndaj individëve dhe bizneseve. Më shumë se ndryshimi i taksave, rëndësi ka sistemi dhe administrata tatimore. Revista Monitor ka intervistuar disa ekspertë të Ekonomisë në vend. Të gjithë theksojnë idenë e ndryshimit rrënjësor të sistemit tatimor, i cili në thelb të garantojë drejtësi për bizneset. Më shumë sesa ndryshimet e taksave, që po ndodhin shpesh në Shqipëri dhe që realisht nuk kanë sjellë më shumë të ardhura, duhet ndryshuar skema dhe sistemi fiskal...(Burimi: monitor.al)

23.11.2013... Ngritje e çmimeve, në muajt e fundit, përveç lëndëve djegëse, sipas qytetarëve, është vërejtur te produktet e konsumit, siç janë buka, vaji, perimet dhe veshmbathja. Qytetarët ankohen se çmimet po bëhen të papërballueshme për xhepin e tyre dhe po ulin standardin e tyre jetësor. Në një anketë të zhvilluar me qytetarë, për Radion Evropa e Lirë ata thonë se më shumë shpenzojnë para , se që kanë të ardhura...(Burimi: kohaditore.com)

23.11.2013...840 subjekte në vendin tonë punojnë në kushte informale e të paliçensuara, ndërkohë që 1400 punonjës nuk janë të siguruar.Janë rreth 11.105 subjekte të kontrolluara të cilët kanë rreth 40 mijë punëmarrës pra punonjës. Nga këta janë 540 subjekte të cilët punojnë krejtësishtë në kushte informale. Nuk janë të regjistruar në qëndrën kombëtare të rregjistrimit por nuk janë edhe të licensuar edhe në organet tatimore...(Burimi: gazeta-shqip.com)

23.11.2013...Ministria e e Financave po i jep dorën e fundit paketës fiskale, mbi bazën e të cilës po hartohet buxheti për vitin e ardhshëm dhe që do të zbatohet që në fillim të janarit. Taksa progresive do të zbatohet si për tatimin e pagës së qytetarëve ashtu edhe për tatimin mbi fitimin për biznesin...(Burimi: shekulli.com.al)

22.11.2013...Që nga muaji Janar qeveria do të nisë pagesat për borxhin e pashlyer ndaj biznesit për punët dhe shërbimet e kryera. Lajmi bëhet i ditur nga Ministri i Financave, Shkëlqim Cani, gjatë një takimi me gazetarët pa praninë e kamerave. Sipas Canit, menjëherë pas daljes së rezultateve të auditimit nga kompania Deloitte, dikasteri që ai drejton do të fillojë kontrollin fizik të të gjithë faturave të pashlyera që pretendon biznesi...(Burimi: scan-tv.com)

22.11.2013...Në vitin 2012, diaspora ka dërguar 457 milionë euro në Kosovë. Remitancat e dërguara në vitin 2012 shënuan rritje vjetore prej 23.1% në krahasim me vitin 2011, thuhet në një studim të Agjencisë së Statistikave të Kosovës. Kryeshefi i Agjencisë së Statistikave të Kosovës, Isa Krasniqi, ka thënë se në vitin 2012 ka pasur më pak familje që kanë pranuar remitenca se në vitin 2011...(Burimi: kosova-sot.info)

22.11.2013...Shoqatat e biznesit dhe Dhomat e Tregtisë do të bëjnë lobing për adresimin e përbashkët në qeveri të kërkesave dhe problemeve që kanë. Në Forumin Kombëtar të Biznesit të zhvilluar pikërisht për këtë arsye u arrit në konkluzionin se kërkesat dhe vështirësitë që kanë bizneset do të paraqiten si një paketë e vetme dhe jo të diferencuara...(Burimi: scan-tv.com)

22.11.2013...Banka e Shqipërisë ka prezantuar dje raportin e politikës monetare për tremujorin e tretë të këtij viti. Ajo çka vërehet dhe në këtë periudhë të vitit, është se rritja ekonomike ndodhet nën potencial, ndërsa presionet inflacioniste pritet të mbeten të ulëta, ku inflacioni në këtë tremujor të tretë të vitit ishte 1.5 për qind. Sipas zyrtarëve të Bankës së Shqipërisë, edhe në këtë periudhë, madje dhe në tremujorët në vijim, politika monetare pritet të ruajë kahun stimulues në horizontin afatmesëm...(Burimi: gazeta-shqip.com)

21.11.2013...Strategjia e EJL 2020, vende pune dhe prosperitet. Strategjia e EJL-s 2020 do të mundëson një rritje më të madhe ekonomike dhe qasje më të lehtë vendeve të rajonit në BE...(Burimi: zhurnal.mk)

21.11.2013...OPINION. Bardh SEJDARASI. Si të bësh biznes, pa zërin e...biznesit. Sot dëgjoj shumë përfaqësues falso të biznesit të kërkojnë edhe qiqra në hell, por asnjë reale nga ato që kërkon biznesi, që ngrenë zërin e i bien tavolinave të zyrave publike, jo duke u ankuar për padrejtësitë që mund ti bëhen biznesit, por thjesht për të përfituar nga të qënit përfaqësues i biznesit. Kur nuk janë realisht të tillë. Dhe kur asnjë prej pretendimeve të tyre nuk i shkon për shtat biznesit. Të bësh biznes, pa zërin e biznesit. Kështu i thonë kësaj. Dhe kështu e pasqyron edhe raporti i fundit i BB, të cilin e harruam që pas leximit të faqes së pare...(Burimi: revistajava.al)

21.11.2013...Biznesi ka kërkuar në një seancë të veçantë dëgjimore në Kuvend që të rishihen tarifat e pullave fiskale. Prodhuesit e birrës thanë në Komisionin Parlamentar të Veprimtarive Prodhuese, se çmimi që përfiton koncesionari është i padrejtë dhe se ai po rëndon sipërmarrjen. Asnjë në vendet e BE-së dhe jashtë BE-së nuk ekziston një praktikë e tillë që birrat të pajisjen me pullë fiskale, por duke e konsideruar si një praktikë të mbyllur këtë çështje, ne kërkojmë që të paktën të ulet çmimi i kodit fiskal apo pullës fiskale dhe konkretisht e kërkojmë nga 22 euro pa TVSH, në 2 euro pa TVSH...(Burimi: gazeta-shqip.com)

20.11.2013...Kompanitë ndërkombëtare të duhanit të pranishme në Greqi janë të brengosura nga planet e Qeverisë për të vendosur tatim special të konsumit për prodhimet e duhanit në kohën kur humbja e të ardhurave nga tatimet e cigareve ilegale, vetëm brenda këtij viti, është rreth 700 milionë euro...(Burimi: zhurnal.mk)

20.11.2013...OPINION. Arben MALAJ. Përfitimet nuk do të jenë të shpejta. n.q.s. FMN dhe Moodys parashikojnë përkeqësim të borxhit publik, efekti i analizave të tyre te biznesi privat është më i madh se efekti i perceptimit nga përfitimi i statusit të vendit kandidat. Prandaj efekti indirekt i përfitimit të statusit të vendit kandidat mbetet i paqartë dhe i vështirë për tu kalkuluar...(Burimi: panorama.com.al)

20.11.2013...Moodys: Ndikim pozitiv nëse merret statusi nga BE dhe TAP. Shqipëria ka marrë edhe një herë notën B1 nga agjencia e vlerësimit të riskut Moodys, por këtë herë tonet për kujdesin janë më alarmante. Në analizën që agjencia i bën profilit të vendit tonë thuhet se borxhi dhe performanca fiskale janë dy risqet kryesore që duhet të menaxhohen mirë dhe nëse nuk ndodh kështu, një përkeqësim i pozicionimit nuk përbën çudi...(Burimi: panorama.com.al)

19.11.2013...Ministri i Bujqësisë, Edmond Panariti, deklaron se qeveria do të shkojë drejt një skeme të re mbështetje për fermerët, e cila bazohet te subvencionet me para në dorë për produktin e gatshëm. Fermeri, kultivuesi merr paratë e mundit dhe djersës së tij, në momentin kur dorëzon produktin në pikat e tij të grumbullimit...(Burimi: monitor.al)

19.11.2013...Agjencia Ndërkombëtare e Vlerësimit Moodys konstaton se gjendja e financave publike të Shqipërisë është përkeqësuar duke vënë në rrezik vlerësimin e borxhit publik nëse Qeveria nuk do arrijë të ndalë përkeqësimin e treguesve fiskal...(Burimi: gazeta-shqip.com)

19.11.2013...OPINION. Pajtim MELANI. Pro-biznes; Pro-sipërmarrje; Pro-rritje. Gara e uljes së barrës fiskale i ka përfshirë ethshëm në këto kohë vendet e rajonit duke ofruar ulje të njëpasnjëshme të tatimit mbi korporatat dhe duke vendosur të paktën në dilemë politikëbërësit dhe vendimmarrësit në Shqipëri mbi aplikimin e taksës progresive mbi kompanitë e mëdha. Por a është barra fiskale kriteri kryesor për një investitor të huaj në vendimmarrjen e lokalizimit të aktivitetit të tij në vende në zhvillim...(Burimi: monitor.al)

19.11.2013...Shumë vite më parë, shqiptarët shkonin për të punuar dhe për të filluar një jetë të re në Greqi. Sot, të papunët grekë po shkojnë në Shqipëri për të njëjtën arsye. Rrogat në Shqipëri, sipas Greek Reporter janë nga 400 deri në 500 euro në muaj. Pjesa më e madhe e tyre kanë vite që nuk gjejnë punë në atdhe. Ata janë kryesisht punëtorë ndërtimi apo ustallarë. Sot, ata zgjedhin të kalojnë kufirin dhe të punojnë në Shqipëri për 7 deri në 20 euro në ditë. ..(Burimi: kohaditore.com)

18.11.2013...Pazare me politikat fiskale. Rekomandimet për largimin e disa obligimeve fiskale gjatë importit të pajisjeve që do të hyjnë në funksion gjatë ndërtimit të termocentralit të ri Kosova e Re po konsiderohen si veprime te dëmshme nga ekspertë të ekonomisë në vend. Madje sipas tyre nëse ndodh një veprim i tillë buxheti i Kosovës do të rrezikohet seriozisht...(Burimi: zeri.info)

18.11.2013...Qeveria e Kosovës ka përmbushur me sukses kriteret e parapara me marrëveshjen Stand By, thonë zyrtarë të Fondit Monetar Ndërkombëtar (FMN) dhe të ekzekutivit. Për të rishikuar dhe vlerësuar përmbushjen e marrëveshjes së pestë dhe të fundit për dy javë, në Kosovë ka qëndruar një mision i FMN-së. Kjo marrëveshje ka për qëllim mbështetjen e një programi për të lehtësuar presionet fiskale të vendit...(Burimi: telegrafi.com)

18.11.2013...Edhe pse tashmë ka kaluar çdo afat ligjor për hartimin e buxhetit të vitit të ardhshëm, akoma nuk ka një draft përfundimtar. Burime nga Ministria e Financave, bëjnë të ditur për TV SCAN se, drafti përfundimtar i këtij projekt-buxheti do të dorëzohet në qeveri javen e parë të muajit Dhjetor, pak ditë pas përfundimit të auditimit të financave publike nga kompania Deloitte. Po sipas burimeve, buxheti i vitit të ardhshëm do të shoqërohet në Kuvend edhe nga paketa fiskale. Sipas variantit paraprak të Ministrisë së Financave, zëri i të ardhurave është parashikuar në vlerën 380 miliardë lekë, çka do të thotë se do të jetë më i vogël se buxheti i këtij viti...(Burimi: scan-tv.com)

17.11.2013...Ministria e Financave ka gati draftin për ndryshime në të gjithë sistemin e taksave, ndërsa deklarohet e hapur për konsultime me biznesin. Drafti do të konsultohet me grupet e interesit gjatë javëve në vijim, me qëllim përmirësimin e tij. Nga ana tjetër përfaqësuesit e biznesit shprehen të gatshëm për të dhënë sugjerime konkrete, sidomos mbi mbledhjen e taksave...(Burimi: shekulli.com.al)

17.11.2013...Ryshfeti - favorizon dhe diskriminon bizneset. Vetë fakti se disa ndërmarrje, them kushtimisht, parapaguhen duke u dhënë ryshfet zyrtarëve të ndryshëm në ministri apo dikasteret tjera qeveritare, tregon se ata janë më të favorizuar në krahasim me bizneset, të cilat mendojnë që në mënyrë strategjike mendojnë të zhvillojnë biznese të mirëfilltë, afatgjatë dhe të shëndoshë, duke mos iu nënshtruar dukurive të këqija, përkatësisht dhënies së ryshfeteve...(Burimi: kohaditore.com)

16.11.2013...Vetëm gjatë muajit tetor të këtij viti në pjesën veriore të Mitrovicës janë evidentuar 22 raste të konfiskimit, të cilat kryesisht kanë qenë derivate të naftës. Kështu kanë bërë të ditur zyrtarë të Doganës së Kosovës në një konferencë të mbajtur të premten me gazetarë. Ibrahim Xhaka, përfaqësues nga Dogana, ka thënë se gjatë ditëve të fundit kryesisht kanë hasur në raste të kontrabandës me derivateve, por sipas tij nuk mungojnë edhe produktet tjera. Ai ka përmendur një rast kur njësit doganore kanë hasur në një maune të ngarkuar përplot me kanistër të naftës...(Burimi: zeri.info)

16.11.2013...OPINION. Ani THOMAI. Teknika të zhvillimit të evazionit fiskal ndërkombëtar. A duhen stimuluar, duhen luftuar, apo ato do të zhvillohen nën moton tolerancë zero? A shërbejnë marrëveshjet e nënshkruara midis vendeve, për zhvillimin jo vetëm të politikave makroekonomike, por edhe për favorizimin e sipërmarrjeve, apo ato do të mbeten gjithmonë objekt i goditjeve dhe përfitimit për të mbushur arkën e shtetit? Cila është kostoja e informalitetit dhe luftës kundër tij krahasuar me koston e zhvillimit të një ekonomie formale me rregulla ku të gjitha palët të mbeten të kënaqura...(Burimi: monitor.al)

15.11.2013...Shtetet, të cilat sektorin ekonomik e kanë mbështetur në ndërmarrjet e vogla dhe të mesme, kanë pasur rritje ekonomike shumë të lartë dhe njihen si vende mjaft të zhvilluara, vlerësojnë ekspertë të çështjeve ekonomike në Prishtinë. Por, sipas tyre, në Kosovë autoritetet kompetente nuk kanë krijuar një ambient të favorshëm për zhvillimin e veprimtarisë së këtyre ndërmarrjeve...(Burimi: telegrafi.com)

15.11.2013...Industria e bimëve medicinave, si një nga pikat e forta të eksportit shqiptar kërkon rritjen e bashkëpunimit me institucionet shtetërore për të konsoliduar rritjen e sektorit. Për këtë është hartuar një memorandum që synon rritjen e bashkëpunimit; rritjen e konkurrencës në tregjet botërore, si dhe zhvillimin e qëndrueshëm të burimeve natyrore...(Burimi: monitor.al)

14.11.2013...Bankat që rezultuan me humbje për 9-mujorin e këtij viti ishin Tirana Bank, Credit Agricole dhe ProCredit Bank, ndërsa Alpha Bank dhe Banka e Kreditit të Shqipërisë ende nuk kanë publikuar informacion...(Burimi: standard.al)

14.11.2013...OPINION. Bardh SEJDARASI. Shifrat që trembin strategjitë. Nëse ka një sipërmarrje politike që mund të quhet me tërë kuptimin e vërtetë të fjalës sfidë, kjo është politika e qeverisë së re Rama për punësimin. 300 mijë të punësuar të rinj në hapësirën e një mandati qeverisës e kalon edhe imagjinatën më optimiste Por duket se llogaritë janë bërë, ndonëse shifrat në tavolinë trembin çdo strategji të re që është duke u hartuar...(Burimi: revistajava.al)

13.11.2013...Në Komisionin Parlamentar të Ekonomisë po prezantohet raporti i Kontrollit të Lartë të Shtetit për vitin 2012. Gjatë fjalës së tij, kreu i KLSH-së, Bujar Leskaj, ka vlerësuar punën e qeverisë së mëparshme Berisha duke deklaruar se ajo ka punuar për përmbushjen e objektivave të buxhetit. Viti 2012 do mbahet mend për thyerje të rregullit fiskal. Të ardhurat në Tatime e Dogana janë në nivelin 7.4% në buxhetin faktik. Modeli i qeverisë së mëparshme ka reflektuar korrupsion,vjedhje në Tatime e Dogana. Dje kam çuar audit të thelluar në administratën tatimore dhe kushdo që kapet me shkelje tek Tatimet do ndëshkohet, tha z.Can...(Burimi: monitor.al)

13.11.2013...Ministria e Financave ka nisur hetimet në lidhje kontratat qindra milionë euro të nënshkruara nga qeveria Berisha, ku ka konstatuar shkelje të rënda. Faktet për të cilat Shekulli ka raportuar m? 20 shtator, ministri i Financave i ka pohuar zyrtarisht dhe ka paralajmëruar se faturën për koston që i është shkaktuar buxhetit të shtetit për makijazhin e qeverisë në kancelaritë ndërkombëtare do ta paguajnë firmëtarët e dokumenteve zyrtare, edhe pse këta të fundit mund të mos jenë përgjegjës të drejtpërdrejtë për dëmin e shkaktuar pasi kanë zbatuar urdhrat e shefit të tyre...(Burimi: monitor.al)

12.11.2013...Cani: Pse e zgjodhëm Crown Agents. Kompania Crown Agents është e njohur në botë pasi e krijua afro 2 shekuj më parë dhe me aktivitet aktualisht në rreth 100 vende të botës, në të gjithë globin, vende të zhvilluara apo në zhvillim. Bashkëpunon me qeveri e organizma joqeveritare. Është me reputacion dhe zbaton standarde të larta, ka pohuar ministrit i Financave, Shkëlqim Cani, në Komisionin e Ligjeve rreth asistencës në dogana nga Crown Agents...(Burimi: monitor.al)

11.11.2013...Skema të mëdha të shpëlarjes së parave në Kosovë i ka identifikuar Njësia e Inteligjencës Financiare (NJIF), e cila vepron në kuadër të Ministrisë së Financave (MF). Kompani të huaja, në bashkëpunim me ato vendore, së paku në 19 raste janë zënë duke shpërlarë para përmes bankave, kompanive të sigurimit, kazinove, patundshmërive, prostitucionit etj. Në raportin e Inteligjencës Financiare (NJIF) Tipologjitë e Pastrimit të Parave dhe Financimit të Terrorizimit në Kosovë të siguruar nga gazeta Zëri, thuhet se NJIF-ja ka identifikuar rastet kur kreditë bankare janë përdorur për justifikimin e prejardhjes së fondeve...(Burimi: zeri.info)

11.11.2013...Gjysmë miliard euro është shuma e dërgesave të emigrantëve kosovarë që hyjnë çdo vit në Kosovë, mjete këto të cilat kryesisht janë shpenzuar për konsum, investim në shkollim dhe shumë pak janë investuar në krijimin e ndonjë biznesi, që rrjedhimisht do të mundësonte punësim. Pavarësisht krizave ekonomike që kishte pasur në shtetet evropiane, kosovarët që jetonin dhe punonin në këto vende vazhdonin të dërgonin para në Kosovë për familjarët e tyre...(Burimi: kohaditore.com)

11.11.2013...Përderisa pagat e punëtorëve qëndrojnë në vend, nuk është duke u ndalur trendi i rritjes së çmimeve të produkteve ushqimore. Thuajse të gjitha çmimet e këtyre produkteve në këtë periudhë kohore janë më të larta se një vit më parë. Mishi i gjedheve që kushton sivjet 635 denarë, vitin e kaluar kushtonte 585 denarë, mishi i pulës që kushton 355 denarë për kilogram, vitin e kaluar kushtonte 6 denarë më pak, por jo i paketuar. Djathi i përzier që vitin e kaluar kushtonte 252 denarë për kilogram, sivjet kushton 282 denarë...(Burimi: zhurnal.mk)

11.11.2013...Pas një përgjumjeje që po zgjaste prej gati një viti, ku kredidhënia për ekonominë shënoi rënie për herë të parë në një dekadë, sistemi bankar duket se është zgjuar nga gjumi. Një pjesë e konsiderueshme e bankave kanë dalë me fushata publicitare ku reklamojnë oferta agresive për kredi, sidomos për shtëpi, por nuk mbeten pas dhe ato për biznes dhe konsumatore, siç nuk ishte parë prej shumë kohësh...(Burimi: monitor.al)

11.11.2013...Banka Europiane për Rindërtim dhe Zhvillim (BERZH) sapo ka publikuar raportin më të fundit mbi parashikimin e ecurisë së ekonomisë botërore. Banka e ka ulur edhe më tej parashikimin e saj për Shqipërisë, duke e zbritur në 1.2% nga 1.5% që kishte parashikuar në raportin e muajit janar. Sifdat fiskale janë të ashpra ndërkohë që borxhi publik në nivelin 60% janë problematikë për ekonominë. Nga ana tjetër, shqetësim mbetet edhe niveli i lartë i kredive me probleme, në nivelin prej 25% të totalit të kredive të sistemit bankar...(Burimi: monitor.al)

11.11.2013...Kompanitë prodhuese dhe importuese të cigareve u kanë paraprirë ndryshimeve fiskale që do të bëhen nga qeveria, duke rënë dakord për një rritje të akcizës, por kërkojnë që kjo të bëhet në mënyrë graduale. Në një letër drejtuar dy komisioneve parlamentare, atij të Ekonomisë dhe atij të Veprimtarisë Prodhuese, grupi i shoqërive importuesve të cigareve shpreh edhe disa prej pretendimeve të këtij sektori...(Burimi: panorama.com.al)

10.11.2013...Qeveria e Kosovës nuk është duke menduar fare për zhvillimin ekonomik të vendit. Kjo të paktën mund të thuhet posa të shikohen parashikimet që kjo e fundit i ka bërë me mënyrën se si të mbushë arkën e shtetit. Deri në vitin 2016, qeveria barrën më të madhe për ta mbushur buxhetin ia ka lënë Doganave të Kosovës. Në buxhetin e vitit të ardhshëm janë paraparë që të mblidhen 24 milionë euro më shumë sesa që është paraparë të mblidhen gjatë këtij viti...(Burimi: zhurnal.mk)

10.11.2013...Banka Botërore kritikon kriteret e përfitimit të ndihmës ekonomike në Shqipëri. Në raportin e fundit të saj mbi punësimin në Europë dhe Azinë Qendrore, BB vëren se filtrat që fusin njerëzit përfitues në skemë nuk janë plotësisht eficentë dhe duhet të ndryshohen...(Burimi: zhurnal.mk)

10.11.2013...Biznesi dhe ekspertët: Çfarë presin nga Gjykata Administrative. Përfaqësuesit e Shoqatave dhe Biznesit dhe ekspertët flasin për Monitor lidhur me funksionimin e Gjykatës Administrative, që nusi nga puna në 4 nëntor. Hallka e munguar e zinxhirit të drejtësisë por duhet mbajtur nën vëzhgim...(Burimi: monitor.al)

10.11.2013...INTERVISTA. Vilma RAKIPI. Si do ti ndryshoj Tatimet e Tiranës. Administrimi i rajonit të Tiranës përfshin si ndjekjen e zbatimit të procedurave tatimore, ashtu dhe atyre rregullave që vendosin ligjet specifike dhe këtë duhet ta bëjë duke respektuar të drejtat dhe detyrimet e tatimpaguesve. Që sistemi të funksionojë duhet që rregullat të kuptohen dhe zbatohen nga inspektorët e tatimeve dhe nga tatimpaguesit njëkohësisht. Kjo është dhe sfida jonë...(Burimi: monitor.al)

09.11.2013...REPORTAZH. Bernd Naber, nga qyteti Neunkirchen, është sigurisht gjermani i parë që merr nga një qytet i madh shqiptar titullin e qytetarit të nderit. Qyteti quhet Durrës dhe, me 113 mijë banorët e tij është i dyti në vend për nga madhësia. Durrësi për gjermanin Naber është bërë të thuash vendlindje e dytë. Dhe, ai e ka merituar plotësisht një nderim të tillë. Ndërmarrja që mban mbiemrin e tij familjar (Naber), gjatë 15 vjetëve të fundit ka krijuar 650 vende të punës në Shqipëri...(Burimi: kohaditore.com)

09.11.2013...Krijimi i parqeve industriale në Kosovë ndikon në përmirësimin e kushteve të sektorit privat dhe për investitorët e huaj, thonë ekspertë për çështje ekonomike dhe pronarë të kompanive që tashmë veprojnë në parqe të tilla. Ministria e Tregtisë dhe Industrisë, deri më tani ka krijuar shtatë parqe. Disa nga to janë në funksion, ndërsa disa të tjera në proces të përfundimit...(Burimi: kohaditore.com)

09.11.2013...OPINION. Enno BOZDO. Një abrakadabra për ekonominë shqiptare. Kryeministri Rama deklaroi përpara disa ditësh që ekonomia shqiptare do të rilindë duke filluar nga data 1 janar 2014. Lajm më i mirë dhe më i shumëpritur se ky, as që mund të mendohej ndonjëherë. E veçanërisht në vigjilje të festave të fundvitit. Kështu, ekonomia jonë, duke filluar jo më larg se 1 janari i vitit që vjen, do të ringrihet si feniksi nga hiri i saj, do të forcohet dhe do të gjallërohet, do të shkëlqejë dhe së fundmi, nëpërmjet reformave të thella...(Burimi: panorama.com.al)

09.11.2013...Nëntoka është shumë e pasur, por politikat e ndjekura për trajtimin e sektorit të hidrokarbureve, plus korrupsionin zyrtar, kanë rezultuar në një barrë për bizneset dhe qytetarët. Shumëkush duhet të ketë shtruar të paktën një herë pyetjen: Pse paguajmë kaq shtrenjtë karburantet, ndërkohë që jemi vend prodhues nafte e kemi kapacitete përpunimi të saj...(Burimi: standard.al)

09.11.2013...Ata që kanë kryer universitetin kanë shanse që të paguhen 60 për qind më shumë për një orë pune, krahasuar me ata që kanë përfunduar vetëm shkollën e mesme. Banka Botërore, në një raport të fundit të saj vëren se ky nivel pagese është i këtij kufiri në Shqipëri dhe disa vende të tjera në rajon. Kështu, sipas publikimit që trajton ecurinë e punësimit në Europë dhe në Azinë Qendrore, arsimimi luan rol kyç në caktimin e përftimit...(Burimi: panorama.com.al)

09.11.2013...BSH: Detajet e platformës për adresimin e kredive me probleme. Qëllimi i kësaj platforme është analiza dhe trajtimi i kredive me probleme të portofoleve të bankave individuale. Nëpërmjet saj do të mundësohet marrja në analizë të detajuar e kredimarrësve individualë duke vlerësuar mundësinë dhe nivelin e rikuperueshmërisë së problemeve të shfaqura nga huamarrësit si dhe duke ofruar opsionet për zgjidhjet e përshtashme dhe afatgjatë për secilin prej tyre...(Burimi: monitor.al)

09.11.2013...Dy biznesmenët Gjergji Tupe dhe Mirjan Beneja, të cilët janë shpallur në kërkim, dyshohen nga prokuroria se kanë marrë kesh 5 milionë euro të rimbursuara nga Tatimet, për disa firma fantazmë që kanë pasur në pronësi, ku kanë deklaruan falimentin. Ata përgatitën dokumentet menjëherë pas zgjedhjeve të 23 qershorit dhe i dorëzuan te tatimet. Të gjitha dokumentet e firmave të tyre, që pretendoheshin se ishin kineze, ishin të falsifikuara. Me lëvizje të shpejta dhe me ndihmën e zyrtarëve të kontrollit tatimor, ata kërkuan falimentin dhe rimbursimin e TVSH-së. Sipas akuzës, 11 kompanitë e falimentuara përfituan në total 5 milionë euro, ndërsa për secilën, Tatimet depozituan në llogaritë e biznesmenëve më shumë se 400 mijë euro...(Burimi: monitor.al)

08.11.2013...Administrata Tatimore e Kosovës (ATK), Agjencia e Ushqimit dhe Veterinarisë (AUV) dhe Doganat e Kosovës, vazhdojnë bashkëpunimin, dukë ndërmarr aktivitete të përbashkëta në teren për identifikimin dhe kontrollimin e bizneseve që merren me shitjen e mishit dhe eksportimin e lëkurave. Në kuadër të këtyre aktiviteteve inspektorët tatimor dhe ata veterinar janë duke bërë inspektimin e përbashkët për të kontrolluar tregun e mishit...(Burimi: kosova-sot.info)

08.11.2013...Gjendja ekonomike e subjekteve afariste në fushën e tregtisë me pakicë sipas vlerësimit të udhëheqësve të tyre në tremujorin e tretë nga viti 2013 është më e volitshme në krahasim me tremujorin paraprak dhe në krahasim me tremujorin e tretë të viti të kaluar, njoftoi Enti Shtetëror për Statistikë...(Burimi: zhurnal.mk)

08.11.2013...Ikin nga Shqipëria 230 milionë euro. Banka e Shqipërisë ka raportuar të dhëna mbi vendosjen e parave të lira nga bankat që operojnë në vend ku vërehet se gjatë tremujorit të tretë të këtij viti këto institucione financiare kanë transferuar rreth 32 miliardë lekë jashtë vendit. Në të njëjtën kohë kredia për ekonominë ra me 84 milionë euro, ndërkohë që bankat nuk po blejnë më as letra me vlerë...(Burimi: gazeta-shqip.com)

08.11.2013...Mungesë mbështetjeje me kredi të buta apo politika lehtësuese, por edhe tregu për prodhimet, janë shqetësimet kryesore që gratë sipërmarrëse kanë në zhvillimin e aktivitetit ekonomik të tyre. Sipas përfaqësuesve të tyre, qeveria duhet të sigurojë fonde të veçanta, si dhe të inkurajojë institucionet financiare t'i kreditojnë ato. Në këtë mënyrë, fuqizimi i grave do të ndihmonte edhe në zhvillimin ekonomik të vendit...(Burimi: scan-tv.com)

07.1.2013...Parashikimet e Qeverisë së Kosovës për rritje ekonomike në mbi 4 për qind nga ekspertë të çështjeve ekonomike dhe përfaqësues të bizneseve në Kosovë konsiderohet e dhënë ambicioze dhe vështirë e arritshme. Në projekt buxhetin e vitit 2014 të aprovuar nga Qeveria e Kosovës është parashikuar se rritja ekonomike për tri vitet e ardhshme do të jetë më e larta në rajon dhe atë mbi 4.6 për qind...(Burimi: telegrafi.com)

07.11.2013...Komuniteti i biznesit që aderon pranë Dhomës Amerikane të Tregtisë ka kërkuar dje nga Drejtoria e Tatimeve që të rritet transparenca e kontrolleve tatimore dhe mos ketë selektim të bizneseve në rimbursimin e TVSH-së. Kryetarja e Komitetit të Taksave dhe Ligjeve pranë kësaj Dhome, Ardiana Shehi, prezantoi një paketë përmbledhëse të problemeve të çështjeve tatimore, si dhe disa sugjerime të tyre për ndryshimet në legjislacionin tatimor. ...(Burimi: standard.al)

07.11.2013...Për periudhën janar-shtator, sistemi mbyll llogaritë me 1.3 miliardë lekë humbje. Sistemi bankar shqiptar mbylli tremujorin e parë me humbje në më shumë se një dekadë në periudhën korrik-shtator të këtij viti, si pasojë e procesit të pastrimit të bilanceve nga kreditë e këqija dhe mbulimit të humbjeve nga këto kredi me kapital themeltar...(Burimi: gazeta-shqip.com)

06.11.2013...OPINION. Resmie BALLAZHI. Bordet shkatërruese. Qeveria nuk ka ndërmarrë masa në emërimin e profesionistëve në bordet publike. Shumica e ndërmarrjeve publike operojnë me humbje dhe një nga shkaktarët e kësaj perfomance jo të mirë është edhe emërimi i anëtarëve joprofesional dhe politikë, ka përfunduar Demi...(Burimi: zeri.info)

05.11.2013...OPINION. Ani THOMAI. Teknika te zhvillimit te evazionit fiskal nderkombetar. Procesi i harmonizimit fiskal ne Ballkan do te perbeje nje faktor te rendesishem progresi per vendet e Ballkanit, qe neser do te behen anetare te Bashkimit Europian...(Burimi: tiranaobserver.al)

05.11.2013...Korrupsioni, krimi i organizuar, çmimi i lartë i kredive, pamundësia për të pasur qasje në financa, dhe klima e papërshtatshme janë disa nga faktorët të cilët po i çojnë bizneset drejt falimentimit, vlerësojnë njohës të ekonomisë. Sipas statistikave në Agjencinë për Regjistrimin e Biznesit, deri në fund të korrikut janë shuar 770 biznese, kurse gjatë periudhës se njëjtë të vitit të kaluar numri i bizneseve të shuara ka qenë 587, ndërkaq nuk jepen arsyet e shuarjes së këtyre bizneseve, duke thënë se me ligj nuk është paraparë arsyetimi për mbylljen e biznesit...(Burimi: kosova-sot.info)

05.11.2013...Agjencia e Statistikave të Kosovës (ASK) ka publikuar Statistikat e Tregtisë së Jashtme për muajin shtator 2013. Të dhënat nga Tregtia e Jashtme në Kosovë tregojnë për një deficit tregtar më të ulët për muajin shtator 2013, prej 185,5 milionë euro, krahasuar me deficitin prej 234,9 milionë euro me periudhën e njëjtë të vitit 2012...(Burimi: telegrafi.com)

05.11.2013...Edhe pse ka pak ditë që Ministria e Financave ka nisur hartimin e projekt-buxhetit 2014, krahas prioriteteve të tij po diskutohen edhe risqet e këtij buxheti. Sipas të dhënave kofidenciale nga ky dikaster, mësohet se "pikat kritike" të tij do të jenë situata e sektorit elektroenergjitik, arbitrazhi me CEZ, detyrimet ndaj ish të përndjekurve politikë dhe vendimet gjyqësore të Strasburgut për pronat...(Burimi: scan-tv.com)

05.11.2013...Administrata Tatimore ka arritur të mbledhë rreth 1.2 miliardë lekë më shumë sesa plani gjatë muajit Tetor 2013. Kjo është një kthesë e kësaj administrate, pasi që nga fillimi i këtij viti, mosrealizimi i të ardhurave nga tatimet ka thelluar deficitin në buxhetin e shtetit...(Burimi: scan-tv.com)

05.11.2013...Operimi me dy bilance i bizneseve, një praktikë që njihet tashmë, nuk do të jetë më aq i lehtë, të paktën për ato biznese që do të duan të kreditohen. Qeveria ka në plan që të nxjerrë një rregull, i cili do të fusë në linjë bashkëpunimi bankat me Tatimet për të evituar kreditimin e atyre bizneseve që mashtrojnë...(Burimi: panorama.com.al)

05.11.2013...OPINION. Arben MALAJ. Pagesat për biznesin, jo vetëm me borxh të ri. Rritja e shpejtë dhe e lartë e borxhit publik mund të vështirësojë objektivat e detyrueshme për të mbështetur më qartë, më mirë dhe me një përgjegjësi e këndvështrim afatgjatë rritjen ekonomike dhe stabilitetin e financave publike...(Burimi: panorama.com.al)

04.11.2013...Sektorët ku janë konstatuar më shumë dëme janë ai i doganave me 182 milion lekë dëme të ardhura si detyrime doganore të papaguara. Ndërsa palët politike po debatojnë në lidhje me situatën reale të arkës së shtetit dhe për mënyrën sesi janë shpenzuar fondet gjatë fushatës elektorale të zgjedhjeve parlamentare, Kontrolli i Lartë i Shtetit, si institucioni suprem për auditimin e financave publike ka publikuar raportin 6 mujor të punës, që përfshin edhe periudhën për të cilën palët janë në debat publik me argumente dhe kundërargumente...(Burimi: scan-tv.com)

04.11.2013...Qeveria e Kosovës nuk e pret asnjë të hyrë nga privatizimi i 75 për qind të aksioneve të PTK-së në buxhetin e vitit 2014. Në buxhetin për vitin 2014, të miratuar javën e kaluar nga Qeveria e Kosovës, nuk janë planifikuar të hyra nga shitja e PTK-së, edhe pse kjo ndërmarrje është në proces të privatizimit...(Burimi: kohaditore.com)

03.11.2013...Evazioni fiskal në tatime i zbuluar brenda një muaji arrin në 8 milionë dollarë. Ndërkohë që skema e mashtrimit me TVSh-në dyshohet të jetë shtrirë edhe në drejtori të tjera përveç asaj të Tiranës...(Burimi: shekulli.com.al)

03.11.2013...Sipërmarrësit shqiptarë duken optimistë për ecurinë e biznesit nën drejtimin e qeverisë së re. Revista Monitor intervistoi drejtues të organizatave kryesore të biznesit vend, për të njohur pritshmëritë dhe opinionin e tyre për qeverinë e re. Sipërmarrësit nuk i paragjykojnë emërimet e reja të qeverisë Rama në krye të Tatimeve dhe Doganave, pasi për ta më e rëndësishme është ndershmëria e tyre dhe trajtimi i barabartë i bizneseve dhe jo përvoja...(Burimi: monitor.al)

03.11.2013...Ne dyshojmë se skema është akoma dhe më e gjerë. Administrata tatimore javës tjetër, kur të raportojë për shifrat dhe për arritje do të raportojë edhe për evazionin e gjetur, sepse nuk është vetëm Tirana dhe nuk është vetëm skema e TVSH-së, por janë disa skema të tjera që ne, për dy javë, kemi arritur të konstatojmë, tha Shehaj dje, në një takim me studentët e Fakultetit Ekonomik...(Burimi: gazeta-shqip.com)

03.11.2013...Kur shtrohet çështja se sa progresiv duhet të jetë tatimi mbi të ardhurat, përgjigjja varet nga çështje të rëndomta si ajo se si u përgjigjen tatimpaguesit përqindjeve të larta tatimore, si dhe nga çështje të thella siç janë roli i saktë i qeverisë dhe si duhet ta vlerësojë shoqëria shqiptare një lek në duart e një familje me të ardhura të ulëta kundrejt një lek në duart e një familje me të ardhura të mëdha...(Burimi: monitor.al)

02.11.2013...Administrata doganore realizoi planin e të ardhurave për muajin tetor 105%, duke arkëtuar 13.244.199. Këtë muaj janë arkëtuar 2.8 miliardë lekë (rreth 28 milionë USD) më shumë se muaji shtator i këtij viti. Lajmi i mirë është se nga janari realizimi i muajit tetor 2013 është gjithashtu 875 milionë lekë ( ose rreth 8.7 milionë USD) me i lartë se tetori 2012...(Burimi: panorama.com.al)

02.11.2013...Dogana e Kosovës dhe Administrata Tatimore e Kosovës (ATK) gjatë periudhës janar-tetor të këtij viti kanë arritur ti mbledhin rreth 946 milionë euro. Të dy institucionet që e mbushin arkën e shtetit i kanë kaluar parashikimet e mbledhjes së të hyrave. Zëdhënësi i Doganës, Adriatik Stavileci ka bërë me dije se të hyrat doganore për periudhën janar-tetor gjatë këtij viti janë 684.3 milionë euro, apo 2 për qind më të larta në krahasim me të njëjtën periudhë të vjetme...(Burimi: kohaditore.com)

02.11.2013...INTERVISTA. Sybi HIDA. Qeveria ka të gjitha mekanizmatmazhorancë të kualifikuar për ti realizuar premtimet e saj, por duhet së pari të analizojë nëse këto premtime i përballon ekonomia apo jo. Unë do ti sugjeroja qeverisë se duhet të dallojë qartë politikën e taksave me politikën sociale. Secila nga këto politika ka objektiva të ndryshëm dhe bashkimi i tyre në një politikë të vetme do të cenonte ndjeshëm arritjen e objektivave...(Burimi: monitor.al)

01.11.2013...Sipas të dhënave të fundit të Bankës Popullore, deri në shtator, qytetarët kanë hyrë në borxhe bankare për 1,47 miliardë eurosh. Prej këtyre parave, pjesa më e madhe janë kredi të denarit. Sipas këtyre të dhënave, qytetarët hyjnë në borxhe më shumë për kreditë konsumatore (604 milionë euro), pastaj këtu janë kartat kreditore me borxh total deri në shtator me vlerë 200 milionë euro. Saldot negative të llogaritjeve bankare të personave fizikë bashkë me shtator janë 87 milionë euro...(Burimi: zhurnal.mk)

TETOR

31.10.2013...OPINION. Bardhi SEJDARASI. Kur flet në emër të biznesit! Analistë mediatikë, por edhe politikanë të rinj kanë filluar këto ditë të flasin në emër të biznesit, por sidomos për mungesën e përshëndetjes që biznesi duhet ti bëjë politikës së qeverisë së re. Çfarë kanë thënë dhe çfarë kanë lënë pa thënë...(Burimi: revistajava.al)

31.10.2013...Çdo banori të Republikës së Shqipërisë i takon një borxh prej 3.1 milionë lekësh të vjetra aktualisht. Në total, gjatë 9 muajve ky borxh është rritur me 5.3 për qind, për të arritur në nivelin e 872 miliardë lekëve ose 6.23 miliardë euro. Borxhi publik i Shqipërisë ka arritur në 6.23 miliardë euro ose 872 miliardë lekë...(Burimi: kohaditore.com)

31.10.2013...Qeveria e Kosovës ka miratuar Projektligjin për buxhetin e Kosovës për vitin 2014. Ministri i Financave ka thënë se buxheti i Kosovës do të jetë 1 miliardë e 590 milionë euro, transmeton KTV. Kryeministri i Kosovës ka thënë se me këtë planifikim do të ketë ngritje pagash për të gjitha kategoritë...(Burimi: kohaditore.com)

31.10.2013...Borxhi publik pothuajse ka ngrirë në tremujorin e tretë të vitit, si përpjekje e qeverisë së mëparshme për të kufizuar pasojat e shpenzimeve tejet të larta të gjashtëmujorit të parë. Të dhënat e Ministrisë së Financave tregojnë se stoku i borxhit të qeverisë në fund të Shtatorit ishte 871.85 miliardë lekë, me një rritje prej vetëm 300 milionë lekësh nga tremujori i dytë. Në terma realë, Ministria e Financave raporton një borxh sa 62% e Prodhimit të Brendshëm Bruto, por kjo është sigurisht një shifër që ka nevojë për përditësim dhe korrigjim të thellë...(Burimi: scan-tv.com)

31.10.2013...OPINION. Anastas ANGJELI. MË SHUMË LIRI EKONOMIKE, MË SHUMË KONKURRUESHMËRI. mbajtja nën kontroll e stabilitetit makroekonomik, vazhdimi i konsolidimit fiskal (kontrolli mbi deficitin buxhetor dhe borxhin publik), vazhdimi i reformave strukturore me riprioritizim të ekonomisë, mbështetja me politika të reja ekonomike e fiskale që garantojnë një zhvillim të qëndrueshëm të shoqëruar me punësim, mbeten faktorë kyçë në zbatim të prioritetit të rëndësishëm në plotësimin e standardeve të zhvillimit ekonomik të vendit...(Burimi: gazeta-shqip.com)

31.10.2013...Sistemi bankar në Maqedoni ka depozita të përgjithshëm prej 4.1 miliardë euro. Në krahasim me vitin 2012, kursimet e qytetarëve shënojnë rritje prej 4%, kurse ato të kompanive rënie për 1%. Sipas të dhënave më të reja të Shoqatës së bankave të Odës Ekonomike, depozitat e qytetarëve kapin vlerën prej 2.9 miliardë euro. Nga muaji janar deri në muajin shtator të këtij viti kursimet e tyre janë rritur për 147 milionë euro, ose për 4% më shumë se në vitin e kaluar. Kursimet e përgjithshme të qytetarëve në fund të vitit 2009 kanë qenë 2.02 miliardë euro, kurse në muajin e fundit të këtij viti kanë arritur në vlerën prej 2.85 miliardë euro...(Burimi: zhurnal.mk)

30.10.2013...Buxheti për vitin 2013 u realizua siç premtuam se do të realizohet. Saktë dhe me kohë paguhen obligimet ndaj ekonomisë, qytetarëve dhe ndaj të gjithëve që duhet të marrin mjete nga Buxheti, theksoi pasdite para deputetëve zëvendëskryeministri dhe ministri i Financave, Zoran Stavreski...(Burimi: zhurnal.mk)

30.10.2013...Instituti Legatum, i cili publikon indeksin vjetor të zhvillimit Legatum Prosperity Index që merr në konsideratë 142 vende në botë, e pozicionon Maqedoninë në vendin e 79-të. Nga vendet e rajonit më të përparuara janë Serbia pozita 76, Mali i Zi (71), Greqia (54), Kroacia (53), Bulgaria (49), ndërkaq pas Maqedonisë renditet Shqipëria në vendin 83 dhe Bosnja e Hercegovina në pozitën 97. Kosova nuk është përfshirë në këtë hulumtim...(Burimi: zhurnal.mk)

30.10.2013...Këshilli Mbikëqyrës i Bankës së Shqipërisë, pasi u njoh me zhvillimet në vend, vendosi të mbajë të pandryshuar normën bazë në 3.5%. Sipas guvernatorit Ardian Fullani, presionet infalcioniste janë dhe do të vazhdojnë të ulëta, çka do të bëjnë që politika monetare të vazhdojë të jetë stimuluese dhe për periudhën në vijim, duke bërë të mundur ruajtjen e inflacionit në periudhë afatmesme...(Burimi: monitor.al)

30.10.2013...OPINION. Adrian CIVICI. Si ta lexojmë raportin Doing Business 2014? Konkluzioni i raportit është se ekonomitë më të mira nuk janë ato ku rregullat janë minimale, por ato ku pushtetet publike kanë arritur të krijojnë një sistem rregullator që lehtëson funksionimin e tregut dhe mbron interesat kryesore publike, pa e kufizuar me rregulla të kota sektorin privat, një sistem rregullator që buron dhe administrohet nga institucione solide...(Burimi: panorama.com.al)

30.10.2013...Guvernatori Fullani jep alarmin SOS, nuk ka investime. rritja ekonomike me vetëm 1.1% në tremujorin e dytë dhe e tillë pritet të jetë dhe në tremujorin e tretë ka ardhur pasi investimet dhe konsumi vazhdojnë të jenë të ulta...(Burimi: gazeta-shqip.com)

29.10.2013...OPINION. Kastriot ISLAMI. Vendi drejt recesionitqeveria me miratimin e aktit normativ ka shumë pak hapësirë për të shmangur skenarin e krizës. Për rrjedhojë, urgjentisht duhet që ekonomia dhe financat të vihen nën monitorimin e FMN-së, që nesër të mos jetë vonë. Nëse konceptimi i buxhetit 2014 dhe zbatimi i tij që në fazën fillestare nuk vendoset nën monitorimin e FMN-së, ai veçse do të përshpejtonte ardhjen dhe thellimin e krizës...(Burimi: panorama.com.al)

29.10.2013...Doganat shqiptare do të kalojnë në menaxhimin e Crown Agents, një agjenci e specializuar në konsulenca të ndryshme, mes të tjerash edhe për financat publike me qendër në Britani. Me një vendim të veçantë, i cili mori dje miratimin e Këshillit të Ministrave, Crown Agents do të ketë një kontratë me qeverinë për dhënien e asistencës në shërbimin doganor...(Burimi: panorama.com.al)

29.10.2013...Banka Botërore publikoi sot raportin vjetor Doing Business 2014, një vëzhgim mbi lehtësirat e të bërit biznes në 189 vende të botës. Krahasuar me vitin e kaluar kur Shqipëria renditej e 85-ta në klasifikim, këtë herë ajo ka humbur 5 pozicione, duke u renditur në vend të 90-të.Raporti merr në shqyrtim 10 tregues të cilët lidhen me kompleksitetin dhe kostot e proceseve rregulatore si dhe me kuadrin ligjor dhe institucional me të cilin ndeshet një aktivitet biznesi...(Burimi: kohaditore.com)

29.10.2013...Balkan Factors Albania tërhiqet nga tregu i faktoringut. Tregu i factoring-ut në Shqipëri vlerësohet të ketë arritur tashmë në 9 milionë euro, kur në vitin 2011 ishin në nivelet e 3-4 milionë euro, sipas tëdhënave nga aktorët e tregut. Ky shërbim financiar mund të ofrohet nga bankat, por edhe nga institucione të tjera financiare dhe nënkupton blerjen e llogarive të arkëtueshme të një kompanie dhe administrimin e ndjekjen e tyre...(Burimi: monitor.al)

29.10.2013...Sllovenia, e cila është në recesion nga viti 2011, duhet urgjentisht ta rikapitalizojë sektorin bankar, ndërsa ekonomia e saj me siguri do të rritet mjaft ngadalë, paralajmëroi Fondi Monetar Ndërkombëtar në fund të misionit në këtë vend, i cili ka zgjatur dhjetë ditë...(Burimi: zhurnal.mk)

28.10.2013...Një mekanizëm i padukshëm ka vënë në lëvizje një skemë të detajuar përfitimi të paligjshëm nga rimbursimi i TVSH-së përmes riaktivizimit të kompanive të fjetura me emra kinezë, që kishin qenë aktive dikur rreth viteve 1995. Nga rimbursimet e prapambetura deri te përfitimi përmes faturave fiktive. Gjithçka e ka zanafillën që në vitet e para 90, kur firma të shumta kineze u dyndën në Shqipëri për të shitur produktet e lira, që i importonin nga shteti mëmë...(Burimi: monitor.al)

28.10.2013...Administrata fiskale nuk po arrin të realizojë të ardhurat, duke regjistruar një ecuri negative gjatë 9-mujorit të këtij viti, çka ka rritur deficitin buxhetor. Spiralja e pandalshme negative apo tkurrja më e fortë, është ajo e taksës bazë të konsumit, Tatimit mbi Vlerën e Shtuar. Sipas shifrave paraprake nga Ministria e Financave, në 9 muajt e këtij viti të ardhurat nga TVSH-ja janë shumë nën nivelin e parashikuar, duke paralajmëruar rënie të mëtejshme të konsumit...(Burimi: scan-tv.com)

28.10.2013...OPINION. Erindi GOLEMI. Interesi bankar në politikat legjislative. Kreditë e këqija është një term i mbarënjohur në Shqipërinë e lodhur ekonomikisht të viteve të fundit. Një term që nënkupton alarm të përgjithshëm dhe që bankat po e përçojnë me një zë gjithmonë në rritje për të shpjeguar pamundësinë e debitorëve për të shlyer në kohën dhe në sasinë e duhur këstet e kredive të lëvruara prej tyre...(Burimi: revistajava.al)

27.10.2013...INTERVISTA. Prof.Dr. Arben MALAJ. Ky nivel borxhi nuk është i shëndetshëm për ekonominë tonë. Nëse realizimi i premtimeve për heqje, përjashtim dhe ulje taksash do të mbetet prioriteti edhe në kohë i qeverisë edhe në kushtet e një situate të përkeqësuar të financave publike, druhem se ato do të kenë efekte jopozitive mbi rritjen ekonomike, mbi uljen e papunësisë dhe varfërisë. Qeveria duhet të fokusohet te reformat që nxisin rritjen ekonomike dhe te politikat dhe masat që rrisin të ardhurat, reduktojnë shpenzimet he keqpërdorimet buxhetore dhe që së bashku i bëjnë më të lehta kostot sociale të paketave antikrizë...(Burimi: monitor.al)

27.10.2013...INTERVISTA. Dr.Selami XHEPA. Rritja e borxhit, e vetmja varkë shpëtimi për parandalimin e recesionit. Pavarësisht se rotacioni politik e bën të lehtë për qeverinë që të mund të transferojë faturën e mosrealizimeve, përgjegjshmëria ndaj fateve të ekonomisë kombëtare kërkon që analiza e të ardhurave të munguara të jetë shumë transparente, e hollësishme dhe e mirargumentuar. Nga ana tjetër, reduktimi i shpenzimeve është një manovër financiare e detyruar nga nevoja për të ruajtur deficitin në nivele të përballueshme dhe jo krejtësisht kërcënuese...(Burimi: monitor.al)

27.10.2013...Përdorimi i bankave islamike, i të ashtuquajturave banka me pjesëmarrje, po bëhet gjithnjë e më i preferuar në Turqi. Statistika e shoqatës turke të bankave me pjesëmarrje(TKBB) tregon: që prej vitit 2006, sektori i bankave islamike në Turqi është rritur me 25 deri 30 përqind në vit. Në fillim të këtij viti ishin rreth 800 filiale me gjithsej katër banka islamike. Aktualisht numri i tyre ka arritur në 900. Ndër bankat me pjesëmarrje janë "Bank Asya", "Türkiye Finans", "Kuveyt Türk" dhe "Albaraka Türk". Tri prej katër bankave janë të rajonit të Gjirit Persik...(Burimi: zeri.info)

27.10.2013...Rreth 20 biznese të mëdha kanë falimentuar në gjashtë muajt e parë të këtij viti. Drejtoria e Tatimpaguesve të Mëdhenj i është drejtuar Gjykatës së Tiranës me 20 kërkesa për shpalljen e falimentit për bizneset që nuk kanë shlyer detyrimet ndaj shtetit. Sipas ligjit në fuqi, autoritetet tatimore brenda 30 ditëve nga konstatimi i paaftësisë paguese të debitorit, në këtë rast të një biznesi të madh, janë të detyruara të paraqesin në gjykatë kërkesën për hapjen e procedurës së falimentimit...(Burimi: shekulli.com.al)

27.10.2013...Rritja e borxhit ndodh çdo vit, por rregulli i artë është që rritja e borxhit të jetë më e vogël e rritja ekonomike. Tani kemi një disproporcion të thellë, pasi kemi një rritje të borxhit publik me dy herë. Strategjia që po ndjek qeveria Rama për daljen nga situata aktuale jo e mirë e arkës së shtetit duket se është përqendruar e gjitha në marrjen e huave të reja, më çdo kusht. ..(Burimi: standard.al)

26.10.2013...Pothuajse në çdo vend anëtar të BE-së janë shitur tashmë më shumë biçikleta të reja sesa makina. Në vitin 2012 për herë të parë në histori janë shitur në Spanjë më shumë biçikleta se makina. Belgjika dhe Luksemburgu janë të vetmet vende nga 27 shtetet e BE-së që ka shitur më shumë makina se biçikleta...(Burimi: kohaditore.com)

26.10.2013...Të ardhurat kanë vijuar të bien edhe në fund të shtatorit, duke e thelluar më shumë gropën e mosrealizimit. Treguesit fiskalë të Ministrisë së Financave për 9-mujorin reflektojnë një mosrealizim në masën 230 milionë dollarë. Krahasuar me planin fillestar të të ardhurave doganore dhe tatimore, ka një diferencë me gati 12.4 për qind...(Burimi: panorama.com.al)

25.10.2013...Të gjitha makineritë apo kompjuterat e lojrave të fatit do të pajisen me një pullë sigurie, çka do të thotë një inventarizim i këtyre pajisjeve, por edhe treg i kontrolluar. Drejtorja e Përgjithshme e Tatimeve, Briseida Shehaj, gjatë një takimi informal me gazetarët e Ekonomisë, u shpreh, se më datë 28 tetor do të nisë një fushatë regjistrimi dhe inventarizimi i gjithë këtyre pajisjeve, të cilat do të pajisen më një pullë sigurie...(Burimi: scan-tv.com)

25.10.2013...Sipas prof. Adrian Civici, lëvizjet e fundit të qeverisë për ndryshimet në buxhet (ulja e shpenzimeve me 16 miliardë lekë, në kushtet kur mosrealizimi i të ardhurave deri në fund të vitit pritet të jetë rreth 40 miliardë lekë dhe rritja e kufirit të borxhit me rreth 22-24 miliardë lekë) janë vendime e lëvizje që në gjuhën e lojës së shahut cilësohen si me detyrim e përcaktim...(Burimi: standard.al)

25.10.2013...Vetëm në shtator, periudhë kur u ndërruan zyrtarisht pushtetet, të ardhurat në buxhet ishin 24.5 miliardë lekë, duke qenë 6.5% më pak se e njëjta periudhë e vitit të kaluar dhe rezultati më i dobët që nga shtatori i vitit 2008...(Burimi: monitor.al)

25.10.2013...Takimi i parë i Këshillit Kombëtar Ekonomik, i cili zgjati për 3 orë e gjysmë, duke u mbyllur në 21:30, ka vendosur përballë pretendimet e biznesit dhe qeverisë për shlyerjen e borxhit për punët e papaguara...(Burimi: panorama.com.al)

24.10.2013...Rreth 1700 shërbyes civilë që punojnë në 38 administrata komunale janë të tepërt, raporton KTV. Prishtina është komuna e cila prin me numrin më të lartë të të punësuarve në administratë më shumë se sa që është e nevojshme, duke u pasuar nga komuna e Prizrenit, Ferizajti dhe komuna të tjera...(Burimi: kohaditore.com)

24.10.2013...Mashtrimi me TVSH-në, ish-kupola e tatimeve nën hetim. Dëmi përllogaritet deri në 515 milionë lekë, kompanitë fantazmë operacione ekonomike nga Kina.Pezullohen nga detyra dhe kallëzohen për ndjekje penale në Prokurorinë e Tiranes 8 ish-drejtues dhe inspektorë tatimorë në Drejtorinë Rajonale Tatimore Tiranë. Ismail Muça, ish Drejtori Rajonal Tatimor i Tiranës dhe Afërdita Hysi ish Drejtoresha e Kontrollit Tatimor në Drejtorinë Rajonale Tatimore Tiranë janë dy prej drejtuesve që akuzohen për veprën penale të vjedhjes së kryer duke shpërdorur detyrën...(Burimi: shekulli.com.al)

23.10.2013...Auditimi i borxhit të fshehtë dhe dalja me një shifër konkrete sesa është ai, pritet që të bëhet publik para datës 30 nëntor, ose të paktën ky është limiti final. Në varësi të kësaj shifre varet edhe buxheti 2014, por Ministria e Financave po ecën paralel me punën për këtë plan...(Burimi: panorama.com.al)

23.10.2013...Afro 54 mijë shqiptarë humbën vendin e punës gjatë vitit 2012 në krahasim me vitin 2011, ndërsa mijëra të tjerë humbën bizneset ku qenë të vetëpunësuar e dhjetëra mijëra kaluan në kategorinë e të punësuarve pranë familjeve, pa pagesë. Këto janë të dhënat e llogaritura nga Instituti i Statistikave bazuar në vrojtimin pranë familjeve për tregun e punës...(Burimi: gazeta-shqip.com)

23.10.2013...INTERVISTA. Xhentil DEMIRAJ. Ndryshimi i taksave pamundur për momentin; borxhi i rrezikshëm nëse nuk adresohet. Pra, në esencë, ekonomia e vendit duhet të bëhet më produktive dhe më konkurruese, duke zhvilluar me shpejtësi dhe efikasitet avantazhet e saj konkurruese. Siç e vini re, të gjtiha masat mësipërme kanë të bëjnë me rritjen e qëndrueshme të ekonomisë, dhe jo menaxhimin e borxhit në vetvete. Sigurisht që ka gjëra që duhen bërë më mirë dhe me menaxhimin e borxhit, por tek e fundit niveli i qëndrueshmërisë së borxhit publik varen principalisht nga ekonomia e vendit...(Burimi: monitor.al)

22.10.2013...Shqipëria mund ti japë fund monopolit rus të transportit të gazit. Kështu analizon për Hyriet Daily News, drejtor i projektit transCaspian Borut Grgic, duke theksuar se nuk është në interesin e askujt që mungesat e energjisë në rajon të mbushen vetëm nga Rusia, e cila ka tashmë nën kontroll tregun e gazit natyror në Serbi...(Burimi: standard.al)

22.10.2013...Qeveria nuk ka përgjigje se pse bizneset e kanë të vështirësuar qasjen në financa, ndërsa përfaqësues të odave ekonomike dhe ekspertë të fushës kritikojnë mungesën e vizionit shtetëror Në Raportin e Progresit për Kosovën, të publikuar ditë më parë, një ndër pengesave kryesore për zhvillim të ndërmarrjeve konsiderohet të jetë edhe qasja në financa...(Burimi: kosova-sot.info)

22.10.2013...Perceptimi është një indikator i rëndësishëm në identifikimin e ndonjë dukurie në vend, thonë sociologë kosovarë. Sipas tyre, perceptimet publike kanë një rol shumë të rëndësishëm në hulumtimet e ndryshme vendore dhe ndërkombëtare, sepse ato krijohen për mes përvojave personale. Edhe perceptimet në raportin e fundit të publikuar nga Gallup se rreth 90 për qind e kosovare besojnë se në qeveri ka korrupsion, janë reale, sepse qytetarët reflektojnë atë që ndjejnë dhe përjetojnë, thotë sociologu Shemsi Reçica...(Burimi: telegrafi.com)

22.10.2013...Qeveria e Maqedonisë në procedurë të përshpejtuar do të marrë 783 milionë dollarë për ndërtimin e dy autostradave në vend. Këto projekte infrastrukturore janë projektet kapitale të parapara në projekt buxhetin për 2014. Parlamenti i Maqedonisë me procedurë të përshpejtuar pritet të miratojë vendimin për garancitë shtetërore për marrjen e kësaj huaje nga banka kineze Eksim Bank, transmeton ina njoftimin...(Burimi: kohaditore.com)

22.10.2013...Fondi Monetar Ndërkombëtar vlerëson se kriza botërore gjatë këtyre 5 viteve të fundit, i ka kushtuar ekonomisë shqiptare rreth 2.5 miliardë dollarë prodhim te munguar. Në raportin e fundit rajonal për Evropën, ekspertët e fondit kanë përllogaritur se si është ngadalësuar rritja e prodhimit në të gjitha ekonomitë evropiane, krahasuar me vitet para krizës...(Burimi: shekulli.com.al)

22.10.2013...Kalimi i rrugëve dhe hekurudhave te privati mbetet sfida më e madhe për Shqipërinë, sa i përket transportit. Të paktën kështu gjykon Bordi i Drejtorëve i Bankës Europiane për Rindërtim dhe Zhvillim në strategjinë e transportit për vendet ku operon Banka. Më 16 tetor ishte edhe miratimi i dokumentit që jep një situatë të përgjithshme mbi sektorin e transportit dhe sfidat që hasin një sërë vendesh...(Burimi: panorama.com.al)

22.10.2013...Financimi i investimeve me prioritet të lartë dhe mbështetje direkte për buxhetin janë dy aktivitetet me të cilat Banka Botërore synon të ndihmojë Shqipërinë në nxitjen e ekonomisë. Jepen detajet e para për huanë për mbështetje buxhetore...(Burimi: monitor.al)

22.10.2013...Zbardhja e borxheve që shteti i ka bizneseve që kanë realizuar punë publike në llogari të saj pritet të bëhet gati në datë 30 nentor. Këtë e bëri të ditur ministri i Financave Shkëlqim Cani gjatë një conference për shtyp ku sqaroi ecurinë e procesit të audimit të ministrive, tha se buxheti 2014 do të jetë i varur ndaj borxheve që janë grumbulluar nga biznesi...(Burimi: monitor.al)

22.10.2013...Tatimi mbi Vlerën e Shtuar është mbledhur në masën 70.1 miliard lekë gjatë periudhës janar-gusht 2013, gati 10 miliard më pak se sa pritej dhe 8.2 përqind më pak në terma vjetorë, sipas burimeve nga financat. Ky është tatimi që ka kontribuar më shumë në ecurinë jo pozitive të të ardhurave buxhetore gjatë këtij viti, duke qënë se nga 16 miliard lekë të munguara kundrejt buxhetit fillestar 2013, rreth 10 miliard lekë vijnë nga mosrealizimi i të ardhurave nga TVSH...(Burimi: monitor.al)

21.10.2013...Zbulohen detyrimet që shteti shqiptar u ka firmave private apo institucioneve shtetërore. Shifra totale e borxhit, e përllogaritur deri më tani, është 55.1 miliardë lekë, ose 500 milionë euro. Kjo shumë është paraqitur në Komisionin Parlamentar të Ekonomisë së bashku me nismën e qeverisë për rishikimin e shifrave të buxhetit të shtetit për vitin 2013...(Burimi: gazeta-shqip.com)

21.10.2013...OPINION. Florion MIMA. Rilindja e financave, sa afër e paskemi pasur! 2012 ka qenë vërtet një vit i vështirë, të ardhurat nuk performuan sipas pritshmërisë dhe qeveria e maxhorancës së djeshme dhe opozitës së sotme ndërmori operacionin e dhimbshëm, por sipas nesh të vetmin e disponueshëm: shkurtoi shpenzimet në të njëjtën masë, rreth 20 miliardë lekë, sa çishte edhe mosrealizimi në të ardhura...(Burimi: panorama.com.al)

20.10.2013...Partia më e madhe opozitare në Maqedoni, Unioni Social Demokrat ka propozuar katër masa të reja, të cilat do të jenë pjesë e programit të tyre. Këto masa përfshijnë futjen e taksës progresive. Taksimi progresiv i propozuar nga Unioni Social - Demokrat parashikon taksa më të larta, për të gjithë ata persona me të ardhura më të larta...(Burimi: scan-tv.com)

20.10.2013...INTERVISTA. Sherefedin Shehu/ deputet i Partisë Demokratike. Rishikimi i buxhetit hap një gropë më të madhe dhe nuk adreson problemet. Unë jam partizan i rritjes së borxhit publik, por me një kusht që kjo rritje të bëhet vetëm për mbylljen e projekteve të infrastrukturës dhe për asnjë qëllim tjetër. Madje do të ishte shumë pozitiv krijimi i një fondi të infrastrukturës, i cili mund të financohej me borxhin publik dhe buxheti i shtetit do të financonte vetëm për kthimin e këtij borxhi...(Burimi: monitor.al)

20.10.2013...INTERVISTA. Prof. dr. Anastas Angjeli/ deputet i Partisë Socialiste. Ndryshimet në buxhetin e këtij viti, të pashmangshme. e rëndësishme për momentin është vendosja e kontrollit të plotë mbi shpenzimet dhe të ardhurat dhe monitorimi nga afër i rritjes së borxhit. Në fillim të vitit 2014, kur ekonomia të shkojë më shumë se 2.5%, atëherë krijohen hapësirat për të programuar politikat e reduktimit të borxhit për ta risjellë atë nga viti në vit drejt kufijve që nuk riskojnë zhvillimin ekonomik....(Burimi: monitor.al)

20.10.2013...Sektori i patundshmërisë vlerësohet të ketë qenë më atraktivi për investitorët e huaj gjatë këtij viti, por sektori që ka gjeneruar vende të reja të punës është sektori i ndërtimtarisë. Sipas të dhënave zyrtare, thuhet se investimet e huaja në Kosovë në gjashtë mujorin e parë të këtij viti, kanë arritur vlerën e 143.4 milionë eurove. Ndërkaq, nga të gjitha këto investime, janë punësuar 834 punëtorë, 221 nga ta janë punësuar në sektorin e ndërtimtarisë, 155 në sektorin financiar, 140 në tregti, 138 në aktivitete shërbyese dhe të tjetër në sektorë të ndryshëm...(Burimi: zeri.info)

20.10.2013...Ministria e Financave dhe Fondi Ndërkombëtar Monetar duken të vendosur për të rritur moshën e pensionit. Dy vite për burrat dhe tri vite për gratë, ky është niveli i ri që pritet të miratojë qeveria për të moshuarit.Nga viti i ardhshëm gratë do të dalin në pension në moshën 63 vjeç dhe burrat në 67 vjeç...(Burimi: standard.al)

20.10.2013...Fondi Monetar Ndërkombëtar përmes një analize ka vlerësuar se vendet e Evropës Qendrore, Lindore dhe Juglindore, ku bën pjesë edhe Kosova, mund të preken nga një krizë e re financiare ekonomike. Ekspertët thonë se rekomandimet e FMN-së duhen marrë seriozisht, dhe se institucionet duhet të tregohen të kujdesshme që të krijojnë klimë të përshtatshme për tërheqjen e investimeve të huaja...(Burimi: kosova-sot.info)

19.10.2013...Në Kosovë operojnë 14 institucione mikrofinanciare, me mbi 110 degë. Këto institucione janë organizata që ofrojnë kredi të vogla për individët ose bizneset familjare me të ardhura të ulëta. Ndërkaq, disa nga to, japin gati të gjitha llojet e kredive që ofrojnë edhe bankat komerciale. Ekspertë për çështje ekonomike, i konsiderojnë stabile këto institucione, por normat e kredisë, sipas tyre, janë jashtëzakonisht të larta...(Burimi: telegrafi.com)

18.10.2013... Investimet e huaja direkte në Kosovë kanë rënë në nivelin e tyre më të ulët qysh nga viti 2005. Në Raportin e fundit të Progresit për Kosovën thuhet se kjo rënie nuk ka ardhur si pasojë e krizës ekonomike evropiane, siç arsyetohen zyrtarët e Qeverisë së vendit, por ka të bëjë kryesisht me sistemin e dobët ligjor në këtë vend...(Burimi: kohaditore.com)

18.10.2013...Ministri i Financave Shkëlqim Cani ka raportuar në Komisionin e Ekonomisë lidhur me aktin normativ Për disa ndryshime dhe shtesa ne ligjin nr.119/2012 Për buxhetin e vitit 2013, ku ka shpjeguar ndryshimet që janë bërë dhe shifrat e reja të buxhetit.Cani në Komisionin e Ekonomisë: Rritja ekonomike 1.2%, borxhi do shkojë 73% e PBB-së...(Burimi: monitor.al)

17.10.2013...Dërgesat e mërgimtarëve kosovarë janë edhe më tej faktor shumë i rëndësishëm për ekonominë e vendit. Rreth 25 për qind e familjeve në Kosovë marrin të hyra të rregullta nga diaspora. Por këto dërgesa nuk do të jenë të qëndrueshme në vazhdimësi. Kështu u tha në një prezantim të zyrtarëve të Programit për Zhvillim të Kombeve të Bashkuara, në prezantimin e njërit nga kapitujt e raportit të tetë për Zhvillim Njerëzor në Kosovë 2014...(Burimi: kohaditore.com)

17.10.2013...Arka bosh e shtetit, FMN ofron borxh me kushte. FMN edhe pse në parim është pro dhënies së këtij borxhi, pritet ti vendosë disa kushte qeverisë shqiptare, kryesisht për reformën në sistemin fiskal, si dhe kufizimin e shpenzimeve buxhetore...(Burimi: scan-tv.com)

17.10.2013...Progres raporti 2013: Tatimet, përparim të kufizuar. Ka patur përparim të kufizuar në fushën e tatimeve. Lufta ndaj korrupsionit dhe evazionit tatimor nevojitet të forcohet, por edhe pse disa masa janë marrë këto çështje mbeten një shqetësim. Përpjekje të mëtejshme nevojitet të bëhen në përafrimin në të njëjtën linjë me acquis communautarie, hetimin tatimor, duke përfshirë shkëmbimin e informacionit me vendet e BE-së, rimbursimet e TVSH-së dhe sistemin informatik. Përgjithsësisht, pregatitjet kanë avancuar në mënyrë të moderuar...(Burimi: monitor.al)

17.10.2013...Në buxhetin e rishikuar është e pashmangshme një rritje e huamarrjes totale neto të brendshme me rreth 24.8 miliard Lekë mbi programimin fillestar, ndërkohë që ajo e huaj neto pritet të reduktohet me rreth 2.2 miliard. I shprehur si raport ndaj PBB, deficiti fiskal për vitin 2013 pritet të jetë rreth 6.2% e PBB, nga 4.3% i programuar në ligjin fillestar të buxhetit, duke përfshirë edhe përdorimin e të hyrave neto nga privatizimet prej rreth 0.9% të PBB...(Burimi: monitor.al)

16.10.2013...autoritetet po nxjerrin në pah përmasat e vërteta të saj. Shifrat janë tronditëse. Pas operacionit masiv për mbylljen e subjekteve të jashtëligjshme, Ministria e Brendshme, Drejtoria e Tatimeve dhe njësia që mbikëqyr lojrat e fatit vlerësojnë se mbi dy të tretat e industrisë së kumarit në Shqipëri kanë qenë në të zezë, jashtë ombrellës ligjore...(Burimi: gazeta-shqip.com)

16.10.2013...Një situatë paradoksale mbizotëron tashmë prej dy vitesh në sektorin e turizmit në vendin tonë. Statistikat tregojnë që, kur shqiptarët dalin jashtë vendit, shpenzojnë më shumë para se çshpenzonin më parë, ndërsa për turistët që vijnë në Shqipëri dukuria është në kah të kundërt. 6-mujori I 2013, shpenzuam jashtë 10% më shumë, të huajt sollën 7.5% më pak. Dukuria e krizës globale në sektorin shqiptar të turizmit është mjaft paradoksale; rezulton që të huajt të jenë bërë më kurnacë, ndërkohë që shqiptarët kur shkojnë jashtë vendit harxhojnë më shumë se më parë...(Burimi: standard.al)

16.10.2013...Ministria e Financave nis punë për hartimin e pakës së re fiskale e cila duhet të përfundojë para hartimit të buxhetit të vitit 2014. Sipas Ministrisë së Financave, politika fiskale do të prodhojë më shumë qëndrueshmëri financiare...(Burimi: shekulli.com.al)

16.10.2013...Bizneset në Kosovë rrezikojnë të futen në krizë edhe më tepër në mungesë të financimit. Ndërmarrjet në vend kanë humbur besimin e Bankave për kreditimi pavarësisht rritjes së kërkesës për kredi. E gjithë kjo shihet në rezultatet e një ankete për Klimën e Biznesit në Kosovë të përpiluar nga OEK, ku theksohet se ngadalësimi i aktiviteteve të ndërmarrjeve tregtare gjatë tremujorit të dytë të vitit 2013 është reflektuar edhe përmes ngadalësimit të importit në këtë periudhë, shkruan Tribuna...(Burimi: telegrafi.com)

15.10.2013...Rritja ekonomike në Kosovë vitin e ardhshëm pritet të jetë 4.2 për qind. Kështu paralajmëron Fondi Monetar Ndërkombëtar, përmes një raporti të publikuar ditë më parë. Ndërkaq sipas Kornizës afatmesme të shpenzimeve 2013-2015 rritja reale ekonomike përgjatë kësaj periudhe parashihet të jetë rreth 5 për qind apo më e lartë, nëse realizohen projektet e mëdha, Rruga 6, Brezovica dhe Termocentrali Kosova e Re.

14.10.2013...Në kuadër të projektit, Ministria e Ekonomisë ka paraparë ndarjen e shpërblimeve në të holla - vauçerë për 3 plane më të mira të biznesit: shpërblimi i parë në vlerë prej 333.000 denarë, shpërblimi i dytë në vlerë prej 230.000 denarë dhe shpërblimi i tretë në vlerë prek 140.000 denarë. Ministri Saraqini ndau vlauçerët me vlerë Dane Todorovski për biznes planin e plasuar në vendin e parë MEO - Rrjeti i mbeturianve elektronike, Adelina Selimi për bines planin e dytë me radhë Warlander dhe Blerand Ramadani për biznes planin e plasuar në vendin e tretë In Safe Eco Energy...(Burimi: zhurnal.mk)

14.10.2013...OPINION. Bardh SEJDARASI. Koha për të mos humbur kohë. Qasja e qeverisë së re ndaj biznesit dhe sfida e përfaqësimit: kush është kush? dhe kush bën çfarë?. Historia e errët e përfaqësimit të partnerëve socialë në dy dekadat e fundit. Punëdhënësit dhe punëmarrësit dhe nevoja për një fokus të ri të rolit të tyre në raport me qeverisjen...(Burimi: revistajava.al)

14.10.2013...Sipas të dhënave të Ministrisë së Financave, në relacionin e projektbuxhetit të rishikuar 2013, të ardhurat nga tatimet dhe doganat për vitin 2013 parashikohet të arrijnë nivelin e 220.1 miliard lekë, me një rënie vjetore 5.4 përqind. Krahasuar me buxhetin fillestar të viti 2013, ky parashikim i të ardhurave nga tatimet e doganat konsiston në një reduktim prej rreth 35.1 miliard lekë. Ky reduktim vjen si nga ulja e disa taksave, ashtu dhe mujorit të parë të këtij viti, me efekt në katër muajt e mbetur të vitit 2013 dhe konkretisht...(Burimi: monitor.al)

14.10.2013...Banka Europiane e Investimeve (BEI), Banka Botërore (BB) dhe Banka Europiane për Rindërtim dhe Zhvillim (BERZH) kanë njoftuar gjatë takimit vjetor të Fondit Monetare Ndërkombëtar dhe Bankës Botërore, se ata janë në rrugën e duhur për të plotësuar objektivat për investimet për nxitjen e rritjes ekonomike në Europën Juglindore dhe Qendrore...(Burimi: monitor.al)

13.10.2013...Mesatarisht në vit, sipas të dhënave zyrtare të Ministrisë së Tregtisë dhe Industrisë, shuhen mbi 1 000 biznese. Kryeshefi ekzekutiv në Agjencinë për Regjistrimin e Bizneseve, Gazmend Mejzini, në një përgjigje të dërguar nëpërmjet postës elektronike, ka bërë të ditur për Radion Evropa e Lirë se në Kosovë janë të regjistruara 126 mijë biznese, derisa vetëm gjatë këtij viti si të shuara figurojnë 1 151 sosh.Sa i përket arsyeve të shuarjes, Mejzini përmend se ato janë të ndryshme...(Burimi: kohaditore.com)

13.10.2013...Kredia për ekonominë po njeh rënie të shpejtë në muajt e fundit dhe shifrat më të fundit zyrtare, të muajit gusht, konfirmojnë ritmet më të shpejta rënëse të dekadës. Sipas të dhënave nga Banka e Shqipërisë kredia për ekonominë zbriti me 1.3% me bazë vjetore. Pothuajse asnjë sektor nuk ka arritur të rrisë stokun e huasë muajt e fundit, sipas të dhënave më të detajuara që janë bërë publike nga Banka e Shqipërisë, duke nënkuptuar që bankat janë përqendruar në mbledhjen e kredive të dhëna tashmë dhe i kanë kushtuar shumë pak vëmendje financimit të ekonomisë...(Burimi: monitor.al)

12.10.2013...Qeveria do të marrë edhe një tjetër borxh nga biznesi, bankat dhe fondet vendase, në vlerë prej 63 milionë eurosh. Të martën e javës së ardhshme, janë caktuar për tu zhvilluar dy ankande për bonot e thesarit dhe një për fletobligacionet...(Burimi: zhurnal.mk)

12.10.2013...Zëvendëskryetari i Qeverisë së Republikës së Maqedonisë, Zoran Stavreski pas takimeve të djeshme në Fondin Monetar Ndërkombëtar dhe në Bankën Botërore deklaroi se gjendja me reformat në Maqedoni është vlerësuar pozitivisht, si më e volitshme nga vendet në rajon, ndërsa pritet edhe përmirësim i gjendjeve në vendet e BE-së që do të pasqyrohet pozitivisht edhe në Maqedoni...(Burimi: zhurnal.mk)

12.10.2013...Rritja ekonomike vitin tjetër pritet të jetë më e ulët se ajo e këtij viti, dhe kjo nëse i referohemi Bankës së Shqipërisë. Në raportin e stabilitetit financiar për pjesën e parë të vitit, BSH, duke llogaritur ecurinë e një sërë treguesish, parashikon një vit më të vështirë për ekonominë...(Burimi: panorama.com.al)

12.10.2013...Ministri shqiptar i Financave Shkëlqim Cani tha se punonjësit e administratës së tatim-taksave dhe doganave që do të rezultojnë se kanë shkelur ligjin, do ti përgjigjen ligjit. Në një intervistë për Zërin e Amerikës zoti Cani foli komentoi dhe mbi nivelin e borxhit të qeverisë ndaj biznesit, duke thënë se shifrat që zotërohen janë vetëm të përafërta dhe se për të dhëna të sakta do të përdoret ndihma e një kompanie ndërkombëtare...(Burimi: monitor.al)

12.10.2013...Në progres-raportin e Komisionit Evropian për Shqipërinë, një pjesë të rëndësishme zë pasqyrimi i situatës ekonomike, e cila njeh dobësi megjithë ruajtjen e stabilitetit ekonomik. Kërkohet riekuilibrim në planifikimin buxhetor, që cilësohet i dobët dhe me parashikime optimiste të të ardhurave. Sipas raportit, ngadalësimi i rritjes ekonomike, rënia e ndjeshme e remitancave, kufizimet financiare, besimi i ulët tek konsumatorët dhe kapaciteti i varfër prodhues frenuan konsumin privat dhe shpenzimet në investime...(Burimi: monitor.al)

11.10.2013...Hiç më pak se 16 milionë euro i kanë fituar bankat komerciale në vend gjatë gjashtëmujorit të parë të këtij viti, ku krahasuar me periudhën e njëjtë të vitit të kaluar shihet se sivjet fitimi i bankave është rritur për 5.6 milionë euro...(Burimi: kohaditore.com)

11.10.2013...Rritja ekonomike në Kosovë vitin e ardhshëm pritet të jetë 4.2 për qind. Kështu paralajmëron Fondi Monetar Ndërkombëtar, përmes një raporti të publikuar ditë më parë. Ndërkaq sipas Kornizës afatmesme të shpenzimeve 2013-2015 rritja reale ekonomike përgjatë kësaj periudhe parashihet të jetë rreth 5 për qind apo më e lartë, nëse realizohen projektet e mëdha, Rruga 6, Brezovica dhe Kosova e re...(Burimi:

11.10.2013...OPINION. Elton METAJ. TEATRI I SHIFRAVE TË BODES. Edhe borxhi u rrit, por biznesi nuk u pagua. Ilir Zhilla e Nikolin Jaka vazhduan të flisnin dhe ndoshta të përsërisnin veten. Borxhi ndaj biznesit mbeti aty, ndërsa Ridvan Bode u largua nga zyra e ministrit të Financave, duke fotokopjuar tabelat për borxhin publik...(Burimi: gazeta-shqip.com)

11.10.2013...Qeveria Rama ka ndërhyrë në buxhetin e vitit 2013, me aktin normativ të miratuar dy ditë më parë. Ndryshimet do të rrisin shpenzimet qeveritare me 35 milionë dollarë...(Burimi: standard.al)

11.10.2013...Rritja e pagave do të përfshijë edhe punonjësit me uniformë. Kështu paga minimale në Policinë e Shtetit shkon 39000 mijë lekë për gradën nëninspektor, për gradën inspektor bëhet 42500 mijë lekë, për gradën kryeinspektor paga shkon 47500 lekë, për nënkomisar 57000 lekë, për komisar 63000 mijë lekë dhe për kryekomisar 84000 mijë lekë...(Burimi: shekulli.com.al)

11.10.2013...OPINION. Aleksandër ÇIPA. AUDITI DHE AJSBERGU I KRIZËS FINANCIARE. Shifrat e mbrojtura dhe të publikuara në kaq plotësi vetëm në intervistën postministrore të tij, nga zoti Bode dhe sidomos momentin kur ai dhe ish-zëvendësi i tij deklarohen se borxhi nga 16 miliardë, nga qeveria Rama do të thellohet në 24 miliardë, janë pjesë e një regjie që kërkon sa mjegullimin e përgjegjësisë, aq edhe shumëfishimin e ilaritetit politik...(Burimi: gazeta-shqip.com)

10.10.2013...Qeveria ka nisur të aplikojë buxhetin e ndryshuar për katër muajt e fundit të vitit 2013. Me akt normativ, i cili zëvendëson menjëherë ligjin e vjetër të buxhetit, qeveria Rama ka shkurtuar me 390 milionë dollarë planin e të ardhurave dhe me rreth 160 milionë USD planin e shpenzimeve...(Burimi: panorama.com.al)

10.10.2013...Nëpërmjet një ligji, që pret votat e deputetëve në Kuvend, Deloitte është përzgjedhur të bëjë kontrollin dhe zbardhjen e borxhit që shteti u ka firmave private vendase dhe të huaja për punë dhe shërbime të papaguara. Sipas ligjit, audituesit i është lënë kohë deri në fund të muajit nëntor për të nxjerrë raportin përfundimtar...(Burimi: panorama.com.al)

10.10.2013...OPINION. Arben MALAJ. Nuk na mjafton një rregull i vetëm fiskal. Na duhen rregulla të cilat lehtësojnë identifikimin dhe parandalimin e krizave, lehtësojnë rimëkëmbjen sa më parë të rritjes ekonomike dhe ndihmojnë qëndrueshmërinë afatgjatë të financave publike. Ne nuk duhet të kemi në fokus vetëm një grup rregulli fiskal, pasi ekspertët vlerësojnë se forcimi një kuadri më të gjerë është më i rëndësishëm...(Burimi: panorama.com.al)

10.10.2013...Potencialet e rritjes ekonomike mund të jenë më të larta se parashikimet e fundit të Fondit Monetar Ndërkombëtar. Altin Hoti, dekan i Fakultetit Ekonomik në Universitetin Luarasi, thotë se, shlyerja e shpejtë e borxheve të qeverisë ndaj bizneseve do ti jepte një impuls të fortë ekonomisë. Sipas zotit Hoti, sektorë të veçantë të ekonomisë, si energjia elektrike dhe mineralet kanë potenciale për të dhënë një kontribut më të madh në rritjen ekonomike të vendit. Fondi Monetar Ndërkombëtar konfirmoi këtë javë parashikimin për rritje ekonomike 1.7% gjatë këtij viti...(Burimi: scan-tv.com)

10.10.2013...Gushti ka sjellë një kthesë në tendencën e kostos së kredisë në lekë. Ndërsa deri në korrik interesat e huasë i kishin rezistuar politikës monetare lehtësuese të ndjekur nga Banka e Shqipërisë (e cila që nga gushti 2011 ka ulur shtatë herë normën bazë në 3.5% aktualisht), në gusht u konstatua një rënie e ndjeshme e tyre...(Burimi: standard.al)

10.10.2013...Numri i kosovarëve të cilët po humbin patundshmëritë e tyre, për shkak dështimeve për të shlyer borxhet që kanë ndaj bankave komerciale në Kosovë, po rritet dita ditës. Të sigurt që do të mund të i dalin përballë kësteve mujore ndaj bankës, kosovarët si garancion kanë futur si hipotekë, shtëpitë, tokat, dyqanet, objekte të ndryshme e gjithçka tjetër. Por, kriza financiare, të ardhurat e pasigurta të tyre, kanë sjelle kompanitë në një gjendje ku shumë shpejt mund të dështojnë, ku më pas pasuritë e tyre konfiskohen dhe hedhen në shitje nga gjykatat përmes ankandeve të ndryshme...(Burimi: zeri.info)

10.10.2013...Përmes uljes së normës bazë të interesit, Banka e Shqipërisë synon të nxisë ekonominë përmes uljes së kostos së lekut, që do të përkthehet në rënie të interesave të kredisë dhe reduktim të normave të depozitave, çka do ti bënte individët më të prirur për të shpenzuar paratë e tyre dhe jo për të kursyer. Ndërsa kjo lëvizje nuk ka arritur të nxisë shumë kredinë, (që në gusht ra 1.3% me bazë vjetore, ndërkohë që kosto e huasë në lekë nuk ka rënë dukshëm), depozituesit po përfitojnë gjithnjë e pak kthim nga kursimet e tyre...(Burimi: monitor.al)

09.10.2013...OPINION. Eduart GJOKUTAJ. ÇFARË DO TË PËRFITOJË VENDI NGA MODELI QË SJELL TONI BLER?Njësitë e kësaj natyre, në mbarë botën kanë qenë lajmëtaret e ndryshimit dhe përçueset e kultivimit të një shërbimi, që bazohet mbi mentalitetin dhe filozofinë e re të qeveribërjes. Suksesi ka qenë i lidhur me kufizimin në pak prioritete, fillimisht ato më të nevojshmet dhe që janë baza për vazhdimësinë e prioriteteve të tjera...(Burimi: gazeta-shqip.com)

09.10.2013...Fondi Shqiptaro-amerikan i sipërmarrjeve shënoi me ceremoni të veçantë në Tiranë 15 vjetorin e themelimit, si një mbështetje e rëndësishme për nismat e biznseve të reja vendase. Fondi jofitimprurës u çel në vitin 1998 me nismën e ish-presidentit Bill Clinton dhe gjatë gjithë këtyre viteve investoi në forcimin e 44 bizneseve shqiptare dhe mori pjesë në 77 investime të ndryshme me mbi 111 milionë dollarë amerikanë...(Burimi: kohaditore.com)

08.10.2013...Ministria e Financave ka bërë gati draftin e ndryshimit të buxhetit duke ulur shpenzimet dhe të ardhurat dhe sikurse deklaroi, ka rritur dhe deficitin. Drafti i ri ul të ardhurat duke i çuar ato nga 3.60 miliardë dollarë në 3.23 miliardë dollarë...(Burimi: panorama.com.al)

08.10.2013...Nis shlyerja e borxheve dhe detyrimeve që krijoi qeveria Berisha ndaj shtresave sociale, individëve dhe biznesit. Të parët janë të varfrit që marrin ndihmë ekonomike. Kështu, Thesari i Shtetit nis të paguajë detyrimet e prapambetura sipas radhës që ka përcaktuar Ministria e Financave. Fillimisht do të shlyhen pagesat e prapambetura të papunësisë, ndihmës sociale, faturat e prapambetura për ilaçe, energji dhe sigurime shoqërore për punonjësit e administratës...(Burimi: monitor.al)

07.10.2013...Ministri i Ekonomisë Valon Saraçini, në kuadër të projektit Hapur me biznesin, sot realizoi një takim me përfaqësuesit e Odës për Shërbime dhe Odës për Tregti pranë Lidhjes së Odave Ekonomike të Maqedonisë...(Burimi: zhurnal.mk)

07.10.2013...OPINION. Fatos ÇOÇOLI. A po rilindin financat? Vetëm borxhi tatimor ishte 78 miliardë lekë të rinj në gusht 2013, ose rreth 600 milionë euro. Borxhet ndaj shtetit, ai tatimor dhe ai doganor, të grumbulluar mal nga papërgjegjësi menaxhimi (për të cilat ia vlen të ndalemi në shkrime të tjera, me shpresën që gabimet-faje të mos përsëriten më), duhet të fillohet të mblidhen një orë e më parë...(Burimi: panorama.com.al)

07.10.2013...Kreditimi për bizneset ka shënuar tkurrje të vazhdueshme gjatë tetë muajve të këtij viti, duke rënë me 10 miliardë lekë (stoku i huasë), apo 2.5% në fund të gushtit, në raport me dhjetorin 2012, për të arritur në 391 miliardë lekë. Ndërkohë, statistikat e fundit të publikuara nga Banka e Shqipërisë hedhin dritë se cilët janë ato sektorë të biznesit, që janë përballur me një frenim të huasë, apo ku ritmi i kthimit apo fshirjes së kredisë është më i lartë se financimet e reja...(Burimi: monitor.al)

06.10.2013...Normat e larta të interesit për kredi në sistemin bankar, sipas njohësve të çështjeve ekonomike, vlerësohet të kenë ngadalësuar rritjen e Bruto Produktit Vendor në Kosovë. Sipas disa organizatave joqeveritare që merren me këtë çështje, normat e kredive sillen nga 9 deri në 24 për qind, varësisht nga banka dhe lloji i kredisë...(Burimi: zeri.info)

06.10.2013...Sipas të dhënave të fundit të Agjencisë së Statistikave të Kosovës, paga neto te shumica e punonjësve kosovarë është 300 deri 400 euro në muaj. Por, se sa është reale kjo vlerë dhe sa është e mjaftueshme për punonjësit dhe familjet e tyre, përfaqësues të punëtorëve dhe bizneseve, japin vlerësime të ndryshme. Po, sipas këtij raporti, numri i të punësuarave në nivel vendi arrin mbi 300 mijë persona, ndërkaq shkalla e papunësisë në 30.9 për qind...(Burimi: kosova-sot.info)

06.10.2013...Emergjenca për likuiditete do të detyrojë qeverinë shqiptare të dalë në tregun ndërkombëtar për të financuar deficitin. Në kushtet kur arka e shtetit është borxh, ku mungojnë 210 miliardë lekë për shkak të mosrealizimit të të ardhurave, Ministria e Financave do të marrë një borxh prej rreth 24 miliardë lekës, ose 20 milionë euro...(Burimi: shekulli.com.al)

06.10.2013...Fullani: Kriza, bankat çuan jashtë burimet e brendshme të financimit. Vitin e kaluar, banka më e madhe me origjinë nga BE-ja që operon tek ne, vendosi të kontribuojë në arritjen e niveleve të kërkuara të kapitalit nga grupi duke reduktuar ekspozimin ndaj letrave me vlerë të qeverisë shqiptare në një masë prej thuajse 3% të PBB-së brenda një periudhe shumë të shkurtër...(Burimi: monitor.al)

06.10.2013...Rikthehet historia e ligjit të gjobave, por tashmë në një tjetër kontekst. Bizneset nuk duan të paguajnë detyrimin para apelimit në tatime, por në gjykatë. Situata me gjobat, vendimet dhe sugjerimet për rishikimin e ligjit. Ligji i procedurave tatimore, miratuar rreth 4 vjet më parë, shkaktoi jo pak debate për të ashtuquajturin neni i gjobave, sipas të cilit biznesi duhet të paguante 15% të gjobës para se të ankimonte. Në atë kohë, bizneset lobuan fort për ta hequr si nen, deri sa u desh ndërhyrja nga Gjykata Kushtetuese, duke e ndryshuar...(Burimi: monitor.al)

06.10.2013...Konfindustria vlereson frymën e bashkpunimit dhe marrjen përsipër të detyrimeve financiare të shtetit ndaj biznesit të shprehur në mënyrë të përsëritur drejtperdrejt nga Kryeministri Z. Edi Rama. Sipas një deklarate për shtyp, Konfindustria do të kërkojë zyrtarisht nga ekzekutivi shqiptar, që të zbatojë plotësisht në mënyrë të njëjtë sikurse i kërkohet biznesit në detyrimet financiare të ndërsjellta...(Burimi: monitor.al)

06.10.2013...Shqipëria nuk ka më hapësirë për të ulur taksa, dhe në kushtet kur të ardhurat kanë ardhur në rënie, Fondi Monetar Ndërkombëtar ka rekomanduar tri masa të shpejta që duhet të vihen në zbatim për vitin e ardhshëm...(Burimi: panorama.com.al)

05.10.2013...Kontrolli i Shtetit u është bashkuar këshillave të vjetra të Bankës Botërore dhe parashikimeve të qeverisë së re për një ndryshim radikal të skemës së pensioneve. Raporti i fundit i KLSH parashikon që skema aktuale është shumë deficitare dhe kërkon rishikimin e saj për uljen e shpenzimeve vjetore që kalojnë 1.4% të GDP...(Burimi: panorama.com.al)

04.10.2013...Agjencia e Statistikave të Kosovës (ASK), ka bërë të ditur se eksporti mbulon importin vetëm 10.2 për qind. Eksporti në muajin gusht 2013 kishte vlerën 23,2 milionë euro, ndërsa importi 228,1 milionë euro. Kjo tregon një rritje prej (11.1 për qind) për eksport, si dhe një rënie prej (-4.9 për qind) për import, krahasuar me periudhën e njëjtë të vitit 2012...(Burimi: telegrafi.com)

04.10.2013...Ritmet e rritjes së ekonomisë janë ngadalësuar ndjeshëm në tremujorin dytë, njoftoi INSTAT. Prodhimi i Brenshëm Bruto në tremujorin e dytë të vitit 2013 u rrit me 1.1 përqind kundrejt tremujorit të dytë të vitit 2012, ndërsa krahasuar me tremujorin e parë të vitit 2013 u rrit me 1 përqind. Në tremujorin e parë, rritja me bazë vjetore ishte 1.7%...(Burimi: monitor.al)

04.10.2013...Ministri i Financave, z.Shkëlqim Cani në konferencën Dialog, Përgjegjësi, Partneritete ka cilësuar biznesin si një partner të rëndësishëm, nga ku bazohet krijimi i të ardhurave. Ministri theksoi që në fillim të fjalës situatën e vështirë të financave të vendit, por sipas tij, e përballueshme në rast se do të punohet në mënyrë transparente, me ndershmëri dhe realiste, me ndihmën e partneritetit privat, ndërkombëtar dhe institucioneve financiare...(Burimi: monitor.al)

04.10.2013...Gjatë takimit Dialog, pergjegjesi, partneritet, organizuar nga Ministria e Zhvillimit Ekonomik, Tregtisë dhe Sipërmarrjes me biznese të rëndësishme në vend, kryefjala ka qenë kriza ekonomiek që po kalon vendi dhe mënyrat se si mund të dilet prej saj. Të gjithë drejtuesit e rinj të qeverisë, Ahmetaj i MInistrisë së Ekonomisë, Cani i Financave dhe Haxhinasto i Transporteve kanë pohuara se situata është e vështirë...(Burimi: monitor.al)

03.10.2013...Biznesi nuk është i interesuar të marrë fajde, është i interesuar të ketë kredi. Duke mos marrë kredi me kushte optimale, siç ka sot në botë, nuk i afrohet dyerve të bankave. Përballon me sforco të jashtëzakonshme problemet që ka, mungesën e likuiditetit, duke u kthyer në klering, dhe nuk shkon në dyert e bankave, sepse bankat kanë kredi të tilla që për 5-10 vjet e groposin një ndërmarrje private...(Burimi: telegrafi.com)

03.10.2013...Nënshkrimi i Marrëveshjes për shmangien e tatimit të dyfishtë dhe parandalimin e evazionit fiskal lidhur me tatimet mbi të ardhurat dhe mbi kapitalet ndërmjet Republikës së Kosovës dhe shtetit mik - Republikës së Hungarisë, për Kosovën është një moment i rëndësishëm dhe bëhet në vazhdën e bashkëpunimit shumë të mirë në mes të dy shteteve tona jo vetëm në planin ekonomik por edhe në segmentet tjera, ka thënë sot ministri i Financave Besim Beqaj...(Burimi: kohaditore.com)

03.10.2013...INTERVISTE. Ermelinda MEKSI. Në nisje të betejës buxhetore të qeverisë së re, si dhe pas rekomandimeve të Fondit Monetar Ndërkombëtar mbi financat publike, ish-ministrja e Ekonomisë, eksperte e financave dhe anëtare e Këshillit Mbikëqyrës të Bankës së Shqipërisë, prof. dr. Ermelinda Meksi u përgjigjet disa pyetjeve mbi ekonominë e aktuale dhe të ardhshme shqiptare...(Burimi: gazeta-shqip.com)

03.10.2013...Maqedonia është në vendin 10 vendeve më të qëlluara për të filluar biznes sipas raportit më të ri të Korporatës ndërkombëtare financiare dhe Bankës Botërore, publikoi CNN në pjesën "Going global". Maqedonia është në pozitën e pestë si rezultat i procedurave të thjeshtuara të ndërmarra në pesë vitet e kaluara për hapjen e një kompanie, kushtin e zvogëluar për kapitalin e nevojshëm minimal gjatë hapjes së kompanisë, procedura të zvogëluara administrative dhe kohën e nevojshme për aplikim dhe vendosjen e sistemit elektronik për dorëzimin e dokumenteve...(Burimi: zhurnal.mk)

03.10.2013...Depozitat bankare janë rritur në muajin Gusht pas tre muajsh radhazi në rënie. Sipas të dhënave zyrtare të Bankës së Shqipërisë, totali i depozitave të sistemit bankar në fund të Gushtit ishte afro 948 miliardë lekë, 13 miliardë lekë më shumë, krahasuar me Korrikun...(Burimi: shekulli.com.al)

03.10.2013...Strukturat e Specializuara të Drejtorisë së Përgjithshme të Doganës njoftojnë se me datë 02.10.2013, në Degën e Doganës Lezhë, zbuluan hedhjen për konsum në mënyrë të paligjshme nga kompania ADA Petrol të 4400 ton karburant gasoil. Me hedhjen në treg në mënyrë të paligjshme të kësaj sasie karburanti është shmangur detyrimi doganor në shumën 388.920.165 leke, një dëm i jashtëzakonshëm për buxhetin e shtetit, sipas Doganave...(Burimi: monitor.al)

03.10.2013...Rishikimi i buxhetit, shpenzimet do ulen me 16 mld lekë, nga të cilat 6 mld kapitale. Pritet që të ardhurat në buxhet deri në fund të vitit të jenë 40 miliardë lekë më pak se parashikimi...(Burimi: monitor.al)

02.10.2013...Ministria e Financave ka nisur punën për të zgjidhur çështjen e borxheve të prapambetura që buxheti ka ndaj biznesit. Përmes një njoftimi për shtyp, ministria bën të ditur se të gjitha bizneset që pretendojnë pagesa të pashlyera nga buxheti mund të vetëdeklarojnë përmes një formulari të posaçëm që gjendet në faqen e saj online për shumat e pretenduara...(Burimi: gazeta-shqip.com)

02.10.2013...Deloitte dhe Crown Agent janë dy kompanitë që janë përzgjedhur paraprakisht për të asistuar qeverinë në auditimin e detyrimeve që shteti u ka kompanive, si dhe për shërbimin e asistencës në fushën e doganave dhe tatimeve. Lajmi u bë i ditur nga financat, të cilat pritet të përzgjedhin brenda pak ditësh me prokurim të drejtpërdrejtë, një nga këto dy kompani, ose dhe të dyja, me detyra të veçanta...(Burimi: monitor.al)

02.10.2013...Ministri i financave ka prezantuar sot drejtueset e reja të tatimeve e doganave, dy prej institucioneve kyç, nga ecuria e të cilave do të varen dhe shumë plane të qeverisë për një sërë premtimesh lidhur me reformën e taksave, që u morën në fushatën elektorale...(Burimi: monitor.al)

01.10.2013...Shpenzimet e jetesës, muajin e kaluar, kanë qenë më të mëdha për 0,2 për qind në raport me gushtin e vitit 2013, kumtoi Enti Shtetëror i Statistikës. Rritja është rezultat i indekseve më të lartë të pijeve alkoolike për 1,2 për qind, peshku për 0,8 për qind, përpunimet e qumështit për 0,7 për qind, përpunimet e pemëve për 0,3, pemët e thata dhe mishi i freskët për 0,2 për qind...(Burimi: kohaditore.com)

SHTATOR

30.09.2013...Sipas statistikave të Bankës së Shqipërisë, stoku i depozitave në fund të muajit gusht arriti në 948 miliardë lekë, duke shënuar një rritje prej 13 miliardë lekësh, apo 1.4%, në raport me korrikun e po këtij viti (rreth 90% e rritjes erdhi nga kursimet në valutë). Megjithatë, nga të dhënat historike rezulton se, në vlerë absolute, kjo është shtesa mujore më e ulët e dekadës së fundit (shih grafikun). Shtesa më e lartë është konstatuar në gusht 2009, atëhere kur dhe prurjet vjetore të emigrantëve arritën kulmin...(Burimi: monitor.al)

30.09.2013...Banka Qendrore e Kosovës (BQK), ka publikuar statistikat e sektorit të jashtëm, ku deficiti i llogarisë rrjedhëse në ketë pjesë shënoi vlerën 147.6 milionë euro. Krahasuar me periudhën e njëjtë të vitit paraprak deficiti ka qenë më i lartë për 5.8 milionë euro. Kontribuesi kryesor i deficitit të llogaris rrjedhësembetet kategoria e mallrave(bilanci tregtarë në mallra) që në gjysmën e parë të vitit 2013 arriti vlerën 923.7 milionë eurodhe kishte një nivel të njëjtë me atë të vitit. Në anën tjetër, kontribuesit kryesorë në zbutjen e deficitit të llogarisë rrjedhëse janë transferët rrjedhëse (563.3 milionë euro), shërbimet (137.9 milionë euro) dhe të ardhurat (74.9 milionë euro)...(Burimi: telegrafi.com)

30.09.2013...Borxhi i jashtëm bruto i Kosovës, i cili përfshinë borxhin privat dhe borxhin publik, sipas Bankës Qendrore të Kosovës (BQK), në fund të qershorit 2013 arriti vlerën 1.5 miliard euro, 9 për qind më i lartë se sa në periudhën e njëjtë të vitit paraprak. Borxhi publik ka një pjesëmarrje të ulët në gjithsej borxhin e jashtëm bruto, (394.8 milionë euro apo 26 për qind e borxhit të jashtëm bruto...(Burimi: telegrafi.com)

30.09.2013...Agjencia e Statistikave të Kosovës ka njoftuar se shifra zyrtare e papunësisë në vendin tonë është 30.9 për qind. Sipas statistikave, 28.1 për qind papunësia është te meshkujt, ndërsa 40 për qind te femrat. Sipas rezultateve të anketës së fuqisë punëtore bërë në vitin 2012 nga Agjencia e Statistikave të Kosovës, paga mujore neto, mesatare është rreth 300 deri në 400 euro...(Burimi: kosova-sot.info)

30.09.2013...Konfindustria, dukë marrë shkak nga deklaratat e përbashkëta të misionit të FMN me përfaqesues të ekzekutivit për problematiken e ekuilibrave makroekonomike në vend, i kerkon qeverisë shqiptare të jetë e kujdesshme dhe të shmangë ndryshime të thella në politikat fiskale të deritashme...(Burimi: monitor.al)

30.09.2013...Marrëveshja për Tregti të Lirë (MTL) me Turqinë, të cilën ditë më parë e nënshkroi ministrja, Mimoza Kusari-Lila, dhe ministri i Ekonomisë i Turqisë, Zafer Caglan, do ta dëmtojë buxhetin e Kosovës hiç më pak se 20 milionë euro në vit...(Burimi: zeri.info)

29.09.2013...Rritja ekonomike në kuartalin e dytë të këtij viti ka bërë më optimist edhe guvernatorin e Bankës Popullore të Maqedonisë, Dimitar Bogov. Në intervistën e përjavshme për Radion Evropa e Lirë, kreu i BPM-së ka thënë se të dhënat për rritjen e Bruto Prodhimit Vendor janë inkurajuese për të dhe për institucionin që drejton...(Burimi: zhurnal.mk)

28.09.2013...Drejtori i FMN-së, Ilahi: Shohim ekonomi të dobët, rritja ekonomike 1,7%. Detyrimet e akumuluara të verifikohen dhe listohen. Dobësi në kërkesën e brendshme, në kreditim të ngadalshëm, në bilancin e bizneseve, që kanë ndikuar në klimën ekonomike. Nëse fillohet me politika dhe reforma mendojmë se vitin e ardhshëm rritja të jetë 2,3-2,5%...(Burimi: shekulli.com.al)

28.09.2013...E vetmja zgjidhje që na la kjo qeveri është thyerja e kufirit të deficitit të borxhit publik, meqë paratë janë harxhuar ndjeshëm në 8 muajt e parë të vitit. Nevojiten jo më pak se 24 miliardë lekë borxh shtesë në 2013-n, ndaj borxhi publik i pritshëm nuk do të jetë 64% sa çishte zotimi i qeverisë së mëparshme, por diçka mbi 67%, deklaroi Cani...(Burimi: gazeta-shqip.com)

28.09.2013...Cani konfirmon mashtrimin për borxhin publik, Bode dhe Berisha përgjegjësi penale për mashtrim me shifrat zyrtare...(Burimi: sot.com.al)

28.09.2013...Maqedonia dhe Serbia projektojnë kanalin përballë fuqizimit ekonomik të shqiptarëve. Një projekt infrastrukturor i përmasave shumë të mëdha është në studim e sipër në kancelaritë e Beogradit dhe Shkupit. Kanali ujor do të rivalizonte në trafikun e mallrave pjesën e banuar me shqiptarë, duke i dhënë shtysë zhvillimit të Maqedonisë Lindore dhe Serbisë që nuk ka dalje në det...(Burimi: standard.al)

28.09.2013...Konsumatorët shqiptarë i provuan për vite me radhë pasojat e një tregu monopol apo duopol në fushën e telefonisë celulare, përmes çmimeve të larta dhe shërbimeve të kufizuara. Por dy vitet e fundit është rishfaqur rreziku i pozicionit dominues në treg. Hetimi i autoritetit të Konkurrencës dhe si shkelet konkurrenca në treg...(Burimi: monitor.al)

28.09.2013...Ish-ministri demokrat i Financave, Ridvan Bode deklaroi se Fondi Monetar Ndërkombëtar dhe Qeveria shqiptare janë përfshirë në një kompromis të heshtur, për të transmetuar në publik situatën e një krize, sipas tij jo reale. Një ditë më parë Fondi Monetar dhe Ministria e Financave deklaruan se borxhi publik i vendit ka arritur në mbi 70 për qind e Prodhimit Kombëtar, për shkak të ecurisë së dobët të të ardhurave dhe krijimit të detyrimeve të fshehta të Qeverisë...(Burimi: gazeta-shqip.com)

28.09.2013...Fullani: Para nga Kina si garanci për bankat, mos shkurtoni shpenzimet. Sistemi bankar shqiptar ka krijuar gjithë infrastrukturën e nevojshme mbrojtëse si garanci për të ardhmen, dhe kjo bazohet në kredi dhe marrëveshje mbështetëse me vende të tjera...(Burimi: panorama.com.al)

28.09.2013...Ligji për investime të huaja, i cili ka pësuar ndryshime nga Ligji i vitit 2006, është miratuar të enjten në një seancë parlamentare. Sipas Rexhepit, ky ligj iu krijon mundësi diasporës kosovare që të kenë siguri më të madhe të investimeve në Kosovë si dhe është ulur përqindja e kapitalit të huaj gjë që iu jep mundësi të ndërtimit të partneritetit të bizneseve vendore me ato të huaja...(Burimi: kohaditore.com)

28.09.2013...Në Maqedoni po bëhet gjithnjë e më vështirë të gjesh punë. Mbi 50% e të rinjve në Maqedoni janë pa punë, ndërkohë që mbi 22 mijë qytetarë me arsim të lartë janë të rregjistruar në Entin për punësim. Drejtori i Agjencisë për punësim Vllatko Popovski thotë se numri më i madh i të rinjëve të papunë, që janë të evidentuar në Agjencinë për punësim janë të diplomuar sipas sistemit të Bolonjës...(Burimi: zhurnal.mk)

27.09.2013...Kosova nënshkruan marrëveshjen për tregti të lirë me Turqinë. Në historinë e Kosovës, kjo është marrëveshja e parë e tregtisë së lirë e negociuar nga institucionet e Kosovës...(Burimi: kosova-sot.info)

27.09.2013...Frenimi i konsumit dhe kriza e likuiditeteve po bëjnë që bizneset të mos arrijnë të gjenerojnë fitimete duhura, duke e reflektuar këtë dhe në mosarritjen e pagave të punonjësve të tyre. Konstatimi është bërë nga guvernatori i Bankës së Shqipërisë, Ardian Fullani, në daljen e tij të fundit para medieve, ku njoftoi për mbajtjen e normës bazë në nivel të pandryshuar, prej 3.5%...(Burimi: monitor.al)

27.09.2013...Gratë, biznesi dhe ligji studimi më i fundit i Bankës Botërore në shkallë globale, propozon heqjen e pengesa për barazinë gjinore. Në Shqipëri gratë dhe vajzat zënë mbi 56 për qind të popullatës, ose mbi 1,5 milionë banorë...(Burimi: standard.al)

27.09.2013...të ardhurat janë 7.2 për qind më pak se sa plani 2013 dhe 3.8 për qind më pak se sa vitin e kaluar. Të ardhurat këtë vit pritet të jenë 23.7 për qind, kjo është performance më e keqe me përjashtim të vitit 1997. Ne kemi nevojë për 24 miliardë lekë borxh shtesë. Deficiti do të arrijë në 6 për qind të PBB-së nga 3.5 që qe planifikuar...(Burimi: gaztea-shqip.com)

26.09.2013...Kosova parajsë për falsifikuesit e parave. Trendi i falsifikimi të parave të vendin tonë kohëve të fundit ka marrë përmasa shqetësuese. Ekspertët e sigurisë vlerësojnë se kjo dukuri sjell dëme të mëdha, prandaj sipas tyre, duhet të luftohet me të gjitha mjetet. Sipas statistikave të Policisë së Kosovës, gjatë vitit 2012 dhe pjesës së parë të vitit 2013, janë identifikuar 465 raste të falsifikimit të parave...(Burimi: telegrafi.com)

26.09.2013...Fullani: Rritja ekonomike, nga shpenzimet e qeverisë. Fondi Monetar Ndërkombëtar, në vazhdën e vizitave që po zhvillon në vendin tonë, ka pasur dje takim edhe me biznesin dhe bankat, ku ka trajtuar edhe problemet kyçe që shqetësojnë palët. Në takimin me biznesin, Fondi ka kërkuar nga këta të fundit parashtrimin e një platforme lidhur me problemet e situatës aktuale dhe asaj se çfarë mund të mendohet si zgjidhje, pra çfarë do ta ndihmonte më shumë biznesin të dilte nga kriza...(Burimi: panorama.com.al)

26.09.2013...INTERVISTA/ Flet zyra qendore e TAP në Zvicër. Janë rreth 200 ekspertë që projekti Trans Adriatic Pipeline do të angazhojë për të mbledhur të gjithë informacionin e nevojshëm mbi tokat (njëkohësisht edhe pronarët) nga ku do të kalojë gjurma në tri shtetet, Greqi, Shqipëri dhe Itali. Ky informacion do të krijojë një bazë të detajuar të dhënash kadastrale. Në termat teknikë njihet si procesi LEA, mbi të cilin TAP do të bazojë përfitimin e të drejtave të aksesit mbi tokën për korridorin e ndërtimit ku do të shtrihet tubacioni dhe për atë ku do të vendosen instalimet, si stacionet e ndryshme etj...(Burimi: monitor.al)

26.09.2013...Qeveria ka zyrtarizuar anulimet e para të koncesioneve, të dhëna në periudhën e tranzicionit politik. Top Channel ka mësuar se ministri i Energjetikës Damian Gjinkuri, përmes një urdhri ka vendosur të anulojë 6 leje koncesionare për ndërtimin e 7 hidrocentraleve të dhëna nga Qeveria paraardhëse e demokratëve në minutat e fundit nga 22 gushti në 9 shtator...(Burimi: gazeta-shqip.com)

26.09.2013...Dështimi i skemës së pensioneve është rikthyer në vëmendjen e qeverisë nga përfaqësuesit e Fondit Monetar Ndërkombëtar dhe përfaqësuesit e Bankës Botërore. Ekspertët ndërkombëtarë kanë dy rekomandime për skemën e pensioneve në Shqipëri, e cila është drejt falimentimit. Rritja e moshës së daljes në pension ose rritja e masës së kontributit...(Burimi: monitor.al)

26.09.2013...OPINION. Leonard BUDURI. PUBLIKU DHE EVAZIONI FISKAL. Një nga mënyrat më efektive të aplikuara për të përmirësuar treguesit fiskalë është rimbursimi i pjesshëm i TVSH-së në bazë familjare. Në disa vende aplikohet me sukses rimbursimi i plotë ose i pjesshëm i TVSH-së, duke reduktuar ndjeshëm evazionin fiskal dhe duke rritur konsumin në tregun e brendshëm. Prioritet mund të jetë rimbursimi i TVSH-së me një nivel më të lartë për familjet me të ardhura më të ulëta, duke qenë lehtësisht i matshëm konsumi i tyre...(Burimi: gazeta-shqip.com)

25.09.2013...OPINION. Arben MALAJ. Risqet që gërryejnë mirëqeverisjen...pas zgjedhjeve çdo qeveri duhet të angazhohet që në fillim në një partneritet sa më serioz me qeveritë e vendeve të tjera dhe institucionet ndërkombëtare, duke e merituar mbështetjen për sfidat e vendit të saj në bazë të rezultateve konkrete në luftën kundër krimit, korrupsionit, klientelizmit, papunësisë dhe varfërisë...(Burimi: panorama.com.al)

25.09.2013...OPINION. Bardhi SEJDARASI. Në kërkim të shifrave dhe numrave. Nuk janë shifrat që mungonin për katër vitet e ardhshme të qeverisjes, ato që e bënin programin politik të maxhorancës së re të kritikueshëm nga ish-ët. Ajo që mungon ende është inventari i parasë, dokumentimi i borxheve dhe rezultatet reale të të hyrave fiskale...(Burimi: revistajava.al)

25.09.2013...Në kulmin e krizës së kredive, që ka vënë në vështirësi sipërmarrësit për financime, shoqatat e biznesit i kërkojnë qeverisë që të hapë tregun e kapitalit dhe të vërë në punë bursën e Tiranës. Nevoja në rritje e biznesit shqiptar për të gjetur rrugë të reja financimi të ndryshme nga kreditë bankare të kushtueshme, të çon natyrshëm në krijimin e lëndës së parë për aktivizimin e tregut të kapitaleve...(Burimi: gazeta-shqip.com)

24.09.2013...OPINION. Programi fiskal i qeverisë, teori apo praktikë? Si mund të realizohen premtimet që janë bërë në fushatë për rritje masive të punësimit, prekje të sistemit të taksave dhe shkrirje të administratave, rishikime të koncesioneve të dhëna nga shteti, pa shkaktuar tërmet në ekonominë e brishtë shqiptare?...(Burimi: standard.al)

24.09.2013...Qeveria Rama, në javën e dytë të punës së saj, pritet të godasë dhe tronditë dy segmentet më të korruptuara të pushtetit të Sali Berishës. Bëhet fjalë për tatimet dhe doganat, të lakuara aq shumë për evazion fiskal, kontrabandë, ryshfet dhe forma të tjera korrupsioni...(Burimi:sot.com.al)

23.09.2013...Situata në destinacionet turistike egjiptiane mbetet e qetë, njoftoi drejtoresha e Shoqatës së Operatorëve Turistikë të Rusisë, Maja Llomidze. Ajo ndodhet në Egjipt, së bashku me anëtarët e ekipit të inspektimit, të cilët po vlerësojnë situatën në zonat turistike të vendit, duke filluar nga 19 shtatori...(Burimi:kohaditore.com)

23.09.2013...Duhet që të angazhohen në drejtim të të qenit formal si në transaksione dhe raportet financiare, të qenit taksapagues të rregullt, dhe të ofrojnë biznes-plane të arsyeshme, do të krijonte hapësirë për ulje të mëtejme të normave të interesit, ka thënë në një intervistë për gazetën Zëri, guvernatori Hamza...(Burimi: zeri.info)

22.09.2013...Sa realiste, transparente dhe frytdhënëse është reforma e panjohur më parë e Kryeministrit të ri Edi Rama për kontroll-revizionin e firmave që operojnë në vend nga joshqiptarët? Lajmi se 1.000 kompani të klasifikuara si biznese të mëdha apo të quajtura ndryshe VIP do të kontrollohen nga një firmë audituese e huaj ka ndezur debat në mjedisin e biznesit...(Burimi: standard.al)

22.09.2013...Biznesi, ekspertët dhe shoqatat: Si e shohim programin e qeverisë. Flasin: Eduart GJOKUTAJ, Gjergji GJIKA, Nikolin JAKA, Agim BINAJ, BiznesAlbania, Artan DULAKU, Ismail BEKA. Sipas analizës, por edhe të studimeve ndërkombëtare, Shqipëria përllogarit një nivel informaliteti që arrin deri në 50 për qind. Kush fiton më tepër, për shkak të pozicionit komod dhe monopol, të krijuar sidomos enkas nga shteti, si lejet apo licencat, nuk shoh asgjë të keqe për të vendosur norma të reja sipas shkallëve....(Burimi: monitor.al)

21.09.2013...Kompanitë kosovare të sigurimeve vazhdojnë të përfitojnë shuma më mëdha parash nga shitja e policave të sigurimit në kufi. Vetëm brenda tetë muajve të fundit këto kompani, sipas Bankës Qendrore të Kosovës, kanë shitur rreth 335 mijë polica me vlerë 13 milionë euro...(Burimi: kohaditore.com)

20.09.2013...Një çështje e rëndësishme, të cilën e preku edhe Kryeministri, është ajo e borxhit të padokumentuar që duhet të dokumentohet. Të dhënat ti jepen sektorit privat dhe pasi të bëhet pjesë e borxhit kombëtar, që në fakt i tillë është, duhet të merret vendimi se si niveli i këtij borxhi duhet të ulet...(Burimi: gazeta-shqip.com)

20.09.2013...Me kalimin e ditëve nga marrja e pushtetit, po kristalizohet edhe plani për auditin ndërkombëtar të financave të vendit nga shoqëritë prestigjioze. Tashmë, për Kryeministrin Edi Rama nuk do të jenë vetëm asetet publike që do të verifikohen, por edhe vetë kompanitë e mëdha, të cilat zënë një peshë të madhe në vjeljen e të ardhurave në buxhet...(Burimi: gazeta-shqip.com)

20.09.2013...OPINION. Eduart GJOKUTAJ. TAKSAT DHE NDIKIMI MBI INVESTIMET DHE BIZNESIN. Lidhja midis taksave dhe rritjes ekonomike vijon të mbetet si një çështje kryesore në politikën e ditës. Ky shkrim, duke pasur në vëmendje prezantimet e shoqatave të prodhuesve dhe ekspertëve të sektorit ekonomik dhe fiskal, synon që diskutimi të bëhet në aspektin teknik për ti dhënë përgjigje pyetjes se sa ndikon shkalla tatimore për fitimin e aktiviteteve (të mesme dhe të mëdha) dhe të ardhurat e punonjësve?...(Burimi: gazeta-shqip.com)

19.09.2013...Do të ngritën çmimet e duhanit nga një dhjetori e pastaj nga janari sërish do të ketë ngritje tjetër. Kështu pas vendimit që ka marr Qeveria e Kosovës për ngritje të tatimit akcizës. Kosova përveç Shqipërisë, andaj ka hapësira të mjaftueshme që të ngritën akciza në këtë produkt nga 27 euro në 30 euro gjatë 2013-ës ndërsa nga 30 në 32 euro gjatë vitit 2014 për njësi konvencionale...(Burimi: telegrafi.com)

19.09.2013...Agjencia e Statistikave të Kosovës (ASK) ka publikuar Bruto Produktin Vendor (BPV) nga viti 2004 deri në vitin 2012, me qasjen e shpenzimeve me çmime aktuale dhe konstante. Sipas këtij agjencioni, BPV-ja në Kosovë është rritur nga vlera 4 miliardë e 772.8 milionë euro në vitin 2011 në vlerën 4 miliardë e 916.4 milionë euro 2012...(Burimi: kosova-sot.info)

19.09.2013...Hapet në Tiranë seminari për bashkëpunimin ekonomik rajonal në Ballkan; si ti përgjigjesh krizës ekonomike me tregjet e hapura. Mundësitë për tregje të hapura dhe integrimin e tyre sipas modelit Beneluks në Ballkan do të diskutohen sot në Tiranë në seminarin Tregjet e hapura për Beneluksin e Ballkanit, të organizuar nga Qendra Austriake për Ekonominë, Instituti i Liberalëve Shqiptarë dhe AGREEI...(Burimi: standard.al)

19.09.2013...Deficiti buxhetor në fund të 8 mujorit arriti në 53 miliardë lekë, sipas të dhënave të Ministrisë së Financave, duke qenë më shumë sesa dyfishi i të njëjtës periudhë të vitit të kaluar, duke iu afruar kufirit të rishikuar të buxhetit vjetor (të rishikuar me të ardhurat e privatizimeve), që parashikohet në 61 miliardë lekë, ndërkohë që parashikimi fillestar kishte qenë 49 miliardë lekë...(Burimi: monitor.al)

19.09.2013...Rënia e të ardhurave u theksua në muajt e fushatës elektorale, por me humbjen e zgjedhjeve, qeveria e drejtuar nga demokratët e thelloi më tepër gropën në arkën e shtetit, ku pas qershorit, u pa se në korrik dhe tashmë në gusht, gjendja paraqitet dramatike...(Burimi: gazeta-shqip.com)

18.09.2013...Bllokada ne dogana. Maqedonia fitoi 20 mije dhe humbi rreth 7 milione euro. Humbjet llogariten te jene afer 1 milione euro ne dite...(Burimi: gazetaexpress.com)

18.09.2013...OPINION. Shenoll MUHARREMI. Për një bashkëpunim fuqizues mes Kosovës dhe Shqipërisë. Shqipëria dhe Kosova kanë probleme të përbashkëta, si papunësia, zhvillimi i ultë dhe bilance të thella negative tregtare. Por, ato gjithashtu kanë përparësitë e veta të cilat me një mobilizim dhe bashkëpunim të strukturuar, në adresimin e defekteve dhe përdorimin e resurseve të përbashkëta me përparësi krahasuese, do të shërbenin për punësim, rritje të qëndrueshme ekonomike dhe sidomos përmirësim të konkurrencës së dy ekonomive...(Burimi: telegrafi.com)

18.09.2013...Ngritja e vazhdueshme e çmimeve për shërbime bankare në disa raste është bërë e papërballueshme për qytetarët e Kosovës. Banka më e madhe komerciale në vend Pro Credit Bank ka ngritur tej mase çmimin për shërbime të vogla bankare. Deri para pak kohësh për një pagesë banka të ndalte vetëm 0,50 euro, e ndërkaq tash e tutje ajo është 1.50 euro, por për disa lloj të tjera të pagesave shkon deri në 2 euro. Po ashtu, edhe banka tjetër Raifaissen ka ngritur tarifën nga 0.50 centë në 1.50...(Burimi: zeri.info)

18.09.2013...Pensionet në vitin 2014 do të rriten për 5 për qind, paralajmëroi sot kryeministri Gruevski para përfaqësuesve të komunitetit të biznesit. Përveç rritjes së pensioneve, Gruevski paralajmëroi që nga marsi i vitit të ardhshëm Qeveria do të bëjë rritjen e mjeteve për ndihmë sociale...(Burimi: zhurnal.mk)

18.09.2013...Nje treg ballkanik sipas modelit Benelux diskutohet nesër ne Tiranë. Mundësitë për tregje të hapura dhe integrimin e tyre sipas modelit Benelux në Ballkan do të diskutohen nesër në Tiranë në seminarin "Tregjet e hapura për Benelux-un e Ballkanit", të organizuar nga Qendra Austriake për Ekonominë, Instituti i Liberalëve Shqiptarë dhe AGREEI (Grupi i Veprimit për Integrimin Ekonomik dhe Europian)...(Burimi: zhurnal.mk)

18.09.2013...INTERVISTE. Helmut HOFFMANN/ Ambasadori i ri i Gjermanisë në Tiranë. Shqipëria është shumë afër integrimit të sigurt në Komunitetin Europian. Ne jemi shumë aktiv në lidhje me këtë proces. Projektet që financon Gjermania në Shqipëri. Kapërcimi i ngërçit për linjën e interkojeksionit Shqipëri-Kosovë...(Burimi: shekulli.com.al)

18.09.2013...Selami Xhepa, ish-këshilltari i Kryeministrit në vitet 2005-2009, tani dekan në Institutin Kanadez të Teknologjisë, sqaron në një intervistë për Top Channel se çfarë pasojash ka për ekonominë, anulimi masiv i koncesioneve të dhëna nga qeveria e mëparshme...(Burimi: gazeta-shqip.com)

17.09.2013...Ministri i Financave, Besim Beqaj ka thënë se Qeveria e Kosovës i ka përmbushur me sukses të gjitha kriteret e parapara me marrëveshjen me Fondin Monetar Ndërkombëtar. Për sa i përket Buxhetit 2014, ne kemi diskutuar në detale për procesin dhe përmbajtjen e Buxhetit në pika të përgjithësuara. Tani që kemi Rregullën fiskale në fuqi, jemi dakorduar që deficiti i përgjithshëm për vitin 2014 të jetë 2% i GDP-së, tha i Ministri i Financave...(Burimi: zeri.info)

17.09.2013...Drejtori i përgjithshëm i Tatimeve, Gazmir Spahija, ka dorëzuar pranë ministrit të ri të Financave, Shkëlqim Cani dorëheqjen e tij nga detyra. Ndërkohë që kanë nisur konsultimet për zgjedhjen e kreut të ri të kësaj administrate, që duket se do të drejtojë njëkohësisht dhe doganat...(Burimi: monitor.al)

17.09.2013...Banka e Shqipërisë në një udhëzim të publikuar në Fletoren e fundit Zyrtare për matjen e rrezikut nga pastrami I parave dhe financimi I terrorizimit. Qëllimi i këtij udhëzuesi është të ndihmojë subjektet e rregullores Për parandalimin e pastrimit të parave dhe financimit të terrorizmit (në vijim referuar si PPP/LFT), në administrimin e rrezikut të pastrimit të parave dhe financimit të terrorizmit. Udhëzimi përcakton të gjitha rastet se kur sjelljet e subjekteve, organizatave jo fitimprurës, transaksionet, apo individët mund të jenë subjekt...(Burimi: monitor.al)

17.09.2013...Ndërsa remitancat që emigrantët sjellin nga vendet ku jetojnë e punojnë drejt të afërmve në Shqipëri shënuan nivelin më të ulët të dekadës në gjashtë muajt e parë të 2013-ës, për të dytin vit radhazi po vihet re tashmë një prirje e re: janë familjet shqiptare ato që po ndihmojnë të afërmit e tyre jashtë vendit...(Burimi: standard.al)

17.09.2013...Ministria e Financave, me ardhjen e ministrit të ri, Shkëlqim Cani, i është rikthyer punës, pas mbledhjes së parë të zhvilluar dje paradite. Problemi kryesor i ministrisë është identifikimi i detyrimeve të prapambetura, të cilat mendohet se janë rreth 400 milionë dollarë, plus 200 milionë që vlerësohen vonesat nga mosrimbursimi në kohë i Tatimit të Vlerës së Shtuar (TVSH)...(Burimi: gazeta-shqip.com)

17.09.2013...OPINION. Adrian CIVICI dhe Ibrahim REXHEPI. Për një ekonomi të përbashkët mes Shqipërisë dhe Kosovës. Shkëmbimet tregtare vuajnë nga një deficit tregtar strukturor shumë i lartë, me eksporte anemike kryesisht në lëndë të para me vlerë të shtuar të ulët dhe importe që mbulojnë deri dhe produktet bazë. Bilanci i pagesave ekuilibrohet nga remitancat dhe kohët e fundit në Shqipëri nga borxhmarrja. Investimet e huaja janë në rënie si në Shqipëri, edhe në Kosovë...(Burimi: panorama.coma.al)

16.09.2013...Dëmi ekonomik që i është shkaktuar buxhetit të shtetit nga administrimi dhe përdorimi i fondeve publike nga pushteti vendor, i evidentuar nga KLSH në raportin e vitit 2012, është i konsiderueshëm. Në total, 36 bashki dhe 18 komuna kanë shkaktuar një dëm rreth 401 milionë lekë...(Burimi: standard.al)

16.09.2013...Qeveria e Maqedonisë ka miratuar Projektligjin për ndryshimin dhe plotësimin e Ligjit të Tregtisë, i cili rregullon kushtet dhe mënyrën e tregtisë në tregjet e brendshme dhe të jashtme, masat për kufizimin dhe performancën e tregtisë dhe masat mbrojtëse...(Burimi: zhurnal.mk)

16.09.2013...TAP-i: Një gazsjellës për të ardhmen energjetike të Europës. Parashikohet ndërtimi i një zinxhiri gazsjellësish 4000 km të gjatë për eksportin e gazit në Europë (hera e parë). Parashikohet, sipas projektit të TAP, që kosto totale e këtyre projekteve do të jetë mbi 40 miliardë dollarë amerikanë. Plani është që të prodhohen 16 miliardë metra kub gaz në vit më shumë dhe deri në 100 000 fuçi kondensati në ditë. 6 miliardë m kub gaz në vit do ti shiten Turqisë, pjesa e mbetur, 10 miliardë, do ti vihet në dispozicion Europës...(Burimi: gazeta-shqip.com)

15.09.2013...OPINION. Eduart GJOKUTAJ. Buxheti!? Varet nga parashikimi dhe administrimi fiskal. Nga zhvillimi ipolitikave fiskale ka pjesë të ardhurash që buxheti i humbet. Këto efekte me vlerë zbritëse llogariten si të ardhura, që buxheti nuk do ti përfshijë në të ardhmen. Por, nga ana tjetërpolitikat fiskale me lehtësira për investimet, kur llogariten duke konsideruar instrumentet emirëadministrimit (si pjesë të strategjisë vizionare të zhvillimit ekonomik) i japin mundësibuxhetit të fitojë pjesë të tjera edhe më të mëdha të ardhurash në të ardhmen, si dhe përperiudha afatgjata duke ndikuar në forcimin dhe konsolidimin fiskal...(Burimi: monitor.al)

15.09.2013...Vjet në Kosovë kanë kërkuar punë 260 mijë veta, 120 mijë të rinj. Ndërsa, nga Ministria e Arsimit bëhet e ditur se 59 shkolla profesionale janë në funksion, me çfarë po synohet të zhvillohet cilësia profesionale për uljen e papunësisë në Kosovë dhe se plan-programi korrespondon me nevojat e tregut të punës...(Burimi: telegrafi.com)

15.09.2013...Më shumë se 200 milionë euro është borxhi që kompanitë kosovare kanë ndaj Administratës Tatimore të Kosovës, thonë zyrtarë të këtij institucioni, edhe pse kjo administratë është fokusuar në shumë aktivitete me qëllim që të sigurojë një nivel të lartë të përmbushjes tatimore...(Burimi: telegrafi.com)

14.09.2013...Bruto prodhimi vendor në kuartalin e dytë të vitit shënon rritje prej 3,9 për qind, shpalli enti shtetëror për statistikë. Sipas të dhënave të publikuara në tremujorin e dytë të vitit 2013 është shënuar rritje në më shumë sektore...(Burimi: zhurnal.mk)

14.09.2013...Qytetaret e Kosovës nuk janë të varfër ashtu siç duken. Ata duket se kanë para të bollshme nëpër duar. Këtë fakt e vërtetojnë të dhënat e Bankës Qendrore të Kosovës, ku shihet se depozitat kanë shënuar rritje muajve të fundit. Deri në muajin korrik të këtij viti qytetarët e Kosovës kanë deponuar nëpër banka 2 miliardë e 144 milionë euro. Kurse në muajin qershor depozitat ishin 2 miliardë e 76 milionë euro. Nga kjo del se brenda një muaji janë rritur depozitat përreth 68 milionë euro...(Burimi: telegrafi.com)

14.09.2013...Detyrimet e papaguara ndaj biznesit, plus borxhi publik, e vendosin qeverinë Rama në një situatë aspak komode, por sikurse është shprehur Shkëlqim Cani, në kohën e fushatës, skema e pagesave është projektuar, por se do tu bëhet e qartë të gjithëve, se shlyerja do të bëhet sipas radhës dhe mundësive. Fundja, auditi ndërkombëtar, këtë qëllim ka, të identifikojë saktë detyrimet e shtetit ndaj privatit, borxhin e fshehur...(Burimi: gazeta-shqip.com)

14.09.2013...Marrëdhëniet ekonomike ndërmjet Kosovës dhe Shqipërisë mbeten simbolike apo karakterizohen vetëm nga shkëmbimet tregtare, eksport - import, edhe pse vullneti politik nuk mungon për formimin e një tregu të përbashkët. Ekspertë për çështje ekonomike konsiderojnë që Kosova dhe Shqipëria duhet që të kenë një treg unik, me rregullativa të përafruara në të gjitha aspektet e legjislacionit që mbulon fushën ekonomike, me qëllim që bashkëpunimi të intensifikohet...(Burimi: kohaditore.com)

14.09.2013...ANALIZE. Erjona SULJOTI dhe Sofika NOTE. Kreditimi i sektorit privat: Analizë e zhvillimeve në vend dhe rajon. Zhvillimet në kreditimin në Shqipëri duket se janë në një linjë me zhvillimet në vendet e rajonit. Kërkesa e ulët për kredi është reflektim i ecurisë së dobët ekonomike në këto vende. Ndërkohë, oferta për kredi vijon të jetë e shtrënguar prej dy faktorëve kryesorë: nevoja për të financuar aktivitetin ndërmjetësues nga burime të brendshme të financimit (depozita) dhe rritja e rrezikut të kredisë (niveli i lartë i huave me probleme)...(Burimi: monitor.al)

14.09.2013...Administrata tatimore dëshmon një paaftësi totale në mbledhjen e taksave, duke i shkaktuar buxhetit të shtetit një dëm të konsiderueshëm financiar, kurse rrjedhimisht qytetarët përfitojnë më pak mundësi për mirëqenie. Nuk janë pak, por 2 miliardë lekë, mungesa në arkën e shtetit për shkak të mosadministrimit si duhet nga administrata tatimore...(Burimi: gazeta-shqip.com)

13.09.2013...Dëmet e biznesmenëve, nga vendosja e barrierës në kufirin e Maqedonisë dhe Kosovës, janë evidente si për palën e Maqedonisë po ashtu dhe për Kosovën. 'Më shumë këto dëme i pësojnë kompanitë', vlerësojnë nga Lidhja e Odës Ekonomike të Maqedonisë (LOE)...(Burimi: kohaditore.com)

13.09.2013...Të varfrit janë shtuar, madje jo vetëm në fshat, por edhe në qytet. Konfirmimi vjen nga anketa e INSTAT-it, realizuar te 6671 familje, në bashkëpunim me Bankën Botërore. Të dhënat paraprake të Anketës së Matjes së Nivelit u publikuan dje dhe u referohen vitit 2012, përmes matjeve të zhvilluara në muajt shtator-tetor të atij viti...(Burimi: gazeta-shqip.com)

13.09.2013...Shqipëria dhe Republika Popullore e Kinës do të kryejnë për tre vjet transaksionin SWAP, që ofron një kanal, mes të cilit, bankat qendrore do të kenë akses në monedhat vendase, me qëllim, nxitjen e tregtisë dypalëshe dhe investimeve direkte për zhvillimin ekonomik, njoftoi zyra e shtypit pranë Bankës së Shqipërisë...(Burimi: standard.al)

13.09.2013...Biznesi pritet të çlirohet nga ngarkesa fiskale, arbitrariteti tatimor dhe të gjenerojë para, nga kthimi i borxhit që qeveria e i ka. Këtë pritshmëri ka biznesi, pasi ka dëgjuar programin ekonomik nga Kryeministri Rama. Kryetari i Dhomës së Tregtisë, Nikon Jaka e cilëson program të realizueshëm, atë të prezantuar nga Rama. Ai thotë po ashtu se borxhi prej afro 200 milionë euro ndaj kompanive, mund të kthehet me paratë e buxhetit...(Burimi: sot.com.al)

12.09.2013...Edhe pse dje hyri në fuqi ligji për strukturën e re të doganave, shumica qeverisëse në ka një tjetër projekt për sistemin e tatimeve dhe doganave. Në programin qeverisës të katër viteve të ardhshme është parashikuar që struktura e tatimeve dhe doganave të bashkohen...(Burimi: shekulli.com.al)

11.09.2013...Rrushi cilësor i këtij viti i ka bërë verëtarët kosovarë që të presin një përmbyllje të suksesshme të sezonit të prodhimit të verës. Kjo do të ndikoj në vazhdimin e trendit pozitiv të eksportit por edhe të zëvendësimit të importit të verës. Hapja e shumë kapanoneve të verës në Rahovec ka eliminuar problemin e vitit 2010. Vetëm gjatë vitit të kaluar, verëtarët kosovarë kanë arritur të prodhojnë mbi 5 milionë litra verë.

11.09.2013...TAP-i, Korridori i Jugut, dhe siguria energjitike në Europë. Në Uashington u zhvillua një diskutim mbi gazsjellësin e njohur si Korridori i Jugut. Ky projekt, i cili përfshin gazsjellësin TAP, parashikon transportin e gazit natyror të Detit Kaspik nga Azerbajxhani për në Europë duke kaluar përmes Turqisë, Greqisë, Shqipërisë dhe Italisë...(Burimi: kohaditore.com)

11.09.2013...OPINION. Bardhi SEJDARASI. Rrëpira 17 shkallëshe e indeksit të konkurrueshmërisë globale...Asnjë qeveri, në 20 vitet e fundit, nuk i ka degaduar kaq rëndë 12 elementët thelbësorë të zhvillimit të një vendi. Nga vendi i 78-të, Shqipëria zbret në vendin e 95, në 148 shtete të raportuara...(Burimi: revistajava.al)

11.09.2013...Ulen të ardhurat, emigrantët më pak para se në vitin 2004. Sollën në Shqipëri vetëm 228 milionë euro në 6 muaj. Referuar shifrave zyrtare të bëra publike vit pas viti, shumica e emigrantëve jetojnë dhe punojnë në vende fqinje si Greqia dhe Italia, dy vende në krizë. Arsyeja e parë e rënies së dërgesave lidhet me papunësinë në këto vende, që ka prekur së pari emigrantët...(Burimi: panorama.com.al)

10.09.2013...Programi i Qeverisë Rama, 2013-2017. Në një material prej 80 faqesh, qeveria e re ka publikuar programin që do të shërbejë si bazë për qeverisjen e katër viteve 2013-2107. Ai është i mbështetur në 5 shtylla kryesore: 1.Integrimi në Bashkimin Europian; 2. Shqipëria evropiane në rajon dhe në botë; 3. Shteti i të drejtës dhe demokratizimi i qeverisë; 4. Zhvillimi ekonomik...(Burimi: monitor.al) -shërbimet publike

10.09.2013...ANALIZE. Eduart GJOKUTAJ. Pabarazia ekonomike: Është rritur apo do të rritet më tej? Pabarazia ekonomike në vend ka shënuar rritje të madhe. Pesha e të ardhurave ka një rëndim mbi të pasurit e rinj. Pesha e taksave mbi ta nuk ka qenë sipas peshës së të ardhurave, me qëllim që të mund të balanconte sadopak peshoren midis shtresave. Pabarazia e vendosur ka ndryshuar status quo-në për qindra mijë punonjës. Polarizimi ekonomik ka ndikuar duke varfëruar më shumë të varfrit dhe duke pasuruar më shumë të pasurit. Por, si do i vejë halli pabarazisë ekonomike? Një rrugë e gjatë me ulje dhe ngritje...(Burimi: gazeta-shqip.com)

10.09.2013...Qeeveria e Kosoves ka marre vendim per heqjen e TVSH per produktet primare qe prodhojne fermeret ne Kosove. Nga ky lehtesim do te fitojne 20 mije fermere. Norma e sheshte qe nga sot do te jete zero perqind. Ndersa ne vendet e rajonit ajo eshte nga 4 dhe 6 perqind...(Burimi: gazetaexpress.com)

10.09.2013...Edhe sivjet ashtu si edhe vitin e kaluar pritet të ketë rritje të sipërfaqeve me të mbjella vjeshtore. Por, bujqit ankohen për impute të shtrenjta edhe këtë vit, pavarësisht se çmimi mbetet pothuajse i njëjtë me vitin e kaluar. Kohëve të fundit edhe çmimi i naftës ka shënuar rritje për 2 centë. Jo rrallëherë në prag të mbjelljeve vjeshtore, apo edhe pranverore, bujqit në Kosovë përballen me rritje çmimesh. Si pasojë e kësaj vështirësohet dukshëm edhe puna e tyre, sidomos në fushatën e mbjelljeve...(Burimi: telegrafi.com)

10.09.2013...Qeveria e re, e kryesuar nga socialistët ka paraqitur një progam ambicioz, si heqja e taksave për biznesin e vogël, reduktimin e një sërë taksash të tjera, vendosjen e tatimit të përshkallëzuar, si dhe hapjen e 300 mijë vendeve pune, të gjitha këto në një kohë kur buxheti është në gjendje të vështirë dhe ekonomia po rritet me ritmet më të ulëta të dekadës, me më pak se 2%...(Burimi: monitor.al)

10.09.2013...Monitor publikon një përmbledhje të disa pikave kyçe të programit ekonomik të Partisë Socialiste lidhur me punësimin, politikat e taksave, turizmin, energjinë, mbështetjen e sipërmarrjes dhe zhvillimin rural, që pritet të jenë baza e zhvillimit të vendit në katër vitet e ardhshme...(Burimi: monitor.al)

10.09.2013...Çmimet me pakicë të benzinës, prej sonte në mesnatë, do të rriten për 1,5 denarë, ndërsa dizeli për 2,5 denarë për litër. Sipas vendimit të Komisioni Rregullator për Energjetikë, çmimi i ri i Eurosuper BS-95 do të arrijë 83,50 denarë, e Eurosuperit BS-98 do të arrijë 85 denarë, ndërsa i Eurodiselit 73 denarë...(Burimi: zhurnal.mk)

10.09.2013...OPINION. Gjon NDREJA. Auditimi i brendshem- Nje hap perpara, dy hapa mbrapa. aktualisht, është hapur një diskutim i rëndësishëm në Europë rreth rolit dhe pozicionit të Komiteteve të Auditimit të Brendshëm në sektorin publik ku dominon pikëpamja se këto komitete, me një numër të reduktuar njerëzish, duhet të asistojnë dhe mbështesin njësitë e auditimit të brendshëm në subjektet publike, në pikëpamje të rritjes së pavarësisë dhe të profesionalizmit të tyre...(Burimi: gazeta-shqip.com)

09.09.2013...Bizneset vendase, mes vështirësive të rënies së kërkesës e problemeve me likuiditetin, mund të marrin disi frymë lirisht, pasi në pjesën e parë të vitit nuk po përballen me rritje të kostove të prodhimit, në raport me një vit më pare, ndërkohë që në raport me tremujorin e parë, rritja është fare e lehtë për disa industri...(Burimi: monitor.al)

09.09.2013...Ankandet e bonove vijojnë normalisht pavarësisht apeleve për kujdes nga ekspertët e financave, për shkak të shqetësimit të rritjes së borxhit. Mësohet së fundmi se Banka e Shqipërisë ka njoftuar se do të nxjerrë në shitje të martën (nesër) për llogari të Ministrisë së Financave letra me vlerë më afat maturimi 12 dhe 6-mujor. Vlera e borxhit që do të merret te bankat llogaritet në rreth 100 milionë dollarë...(Burimi: gazeta-shqip.com)

08.09.2013...Edhe pse shifrat e vizitorëve që kanë ardhur në Shqipëri gjatë viteve të fundit janë në rritje, të ardhurat nga industria e turizmit nuk kanë ndjekur të njëjtin trend, kjo tregon se kemi të bëjmë më shumë me shqiptarë (emigrantë, ose shqiptarë me nënshtetësi tjetër etj.) që shpenzimet për turizmin i përfshijnë te remitancat që sjellin...(Burimi: monitor.al)

07.09.2013...Ministri në ikje i Financave ka firmosur një urdhër ku parashikohen disa ndryshme në ligjin për taksat kombëtare. Ndryshimet ligjore që hyjnë në fuqi sot, prekin procedurën për pagesën e rentës. Në urdhër parashikohet se në rastin kur zotëruesi i lejes së shfrytëzimit eksporton mineralin që ai ka nxjerrë nga nëntoka apo nënproduktin e prodhuar nga ky mineral, ai paguan taksën e rentës minerare në çastin e bërjes së deklaratës doganore...(Burimi: shekulli.com.al)

07.09.2013...Edhe në Shqipëri, sot janë të pakët ata që blejnë CD me muzikë, madje aq shumë është rrënuar ky biznes, saqë sot në Tiranë gjen vetëm dy pika shitjeje, nga qindra që ishin. Shitjet kanë rënë në nivele rekord, aq sa janë për të ardhur keq. Përfaqësuesi i agjencisë Albanian Music Industri (AMI) Romeo Koçi, thotë se gjendja e këtij tregu është vërtet mjerane, shitjet e CD-ve kanë rënë me më shumë se 50%...(Burimi: monitor.al)

06.09.2013...Politikëbërësit e Bankës Qendrore Evropiane (ECB) vendosën dje në mesditë në Frankfurt që të mbajnë normën bazë në një nivel të ulët historik prej 0.5%. Në kushtet kur marrja e një kredie është bërë gjithnjë e më vështirë, bizneset po mbështeten te tregu informal për të marrë hua dhe për të shlyer detyrimet e tyre. Fenomeni është pranuar së fundmi dhe nga Banka e Shqipërisë, në raportin e saj të standardeve të kreditimit për tremujorin e dytë të këtij viti...(Burimi: standard.al)

06.09.2013...Numri i qytetarëve që po arrijnë ta gjejnë një vend pune në sektorin publik në vend, edhe më tej vazhdon të jetë shumë i vogël, në raport me kërkesat që ka vendi. Për gjashtë muaj, përmes ndërmjetësimit të Ministrisë së Punës dhe Mirëqenies Sociale (MPMS) në Institucionet Publike në vend kanë arritur të hyjnë në punë vetëm 356 qytetarë. Ndërkaq, në sektorin privat, gjatë gjysmës së parë të këtij viti janë punësuar 1730 punëtore...(Burimi: zeri.info)

06.09.2013...Këmbimi i përgjithshëm i Maqedonisë me jashtë në shtatë muajt e parë të vitit arrin 6.182.009.000 dollarë amerikanë, ndërsa më shumë ose 49,6 për qind është tregtuar me Gjermaninë, Greqinë, Britaninë e Madhe, Serbinë dhe Italinë. Sipas të dhënave të publikuara në Entin shtetëror të statistikës, eksporti i mallrave është 2.407.356.000 dollarë, ndërsa importi 3.774.653...(Burimi: zhurnal.mk)

05.09.2013...INSTAT: Ekonomia është e orientuar te shërbimet. Sipas të dhënave më të fundit të plota të publikuara nga Instituti zyrtar i Statistikave, në vitin 2011, shërbimet sollën 52.4% të vlerës së shtuar në ekonomi. Ky është kontributi më i lartë që nga viti 2002...(Burimi: gazetametropol.com)

05.09.2013...Ndërsa bankat pothuajse e kanë ndërprerë kredidhënien në valutë dhe janë përqendruar te ajo në lekë, bizneset vijojnë të përballen me kredi të shtrenjta në monedhën vendase. Politika lehtësuese monetare e Bankës së Shqipërisë nuk po arrin të ndikojë në uljen e kostos së huave në monedhën vendase. Në të kundërt, interesi i kredive është rritur...(Burimi: standard.al)

05.09.2013...Hyn në fuqi rregullorja e re për garantimin e parave të depozituara në banka. Urdhri mban firmën e Guvernatorit të Bankës së Shqipërisë, Ardian Fullani dhe detyron bankat e nivelit të dytë të mbajnë të ngrirë 12 % të kapitalit për të garantuar depozitat e qytetarëve...(Burimi: shekulli.com.al)

05.09.2013...Kosova vazhdon të ketë një disbalanc të thellë tregtar. Eksporti vazhdon ta mbulojë importin vetëm me 11.8 për qind. Të dhënat nga Tregtia e Jashtme në Kosovë tregojnë për një deficit tregtar më të ulët për muajin korrik 2013, prej 202,5 milionë euro, krahasuar me deficitin prej 208,5 milionë euro me periudhën e njëjtë të vitit 2012...(Burimi: kosova-sot.info)

05.09.2013...Maqedonia është e 73-ta në listën e konkurrencës në raportin e fundit të Forumit botëror ekonomik, duke u ngjitur për shtatë vende nga viti i kaluar, kur ishte e renditur në pozicionin e 80-të. Nga vendet e rajonit, Bullgarisë është në vendin e 57-të, Sllovenia në të 62-in, Mali i Zi në të 67-in, Kroacia në të 75-in, BeH në vendin e 87-të, Greqia në të 91-in, Shqipëria në vendin e 95-të dhe Serbia në pozitën e 101-të...(Burimi: zhurnal.mk)

04.09.2013...Pavarësisht se sektori i prodhimtarisë është gjenerues kryesor i zhvillimit ekonomik të një vendi, në Kosovë politikat ekonomike favorizojnë më shumë bizneset tregtare se sa prodhuesit vendor, vlerësojnë përfaqësues të bizneseve...(Burimi: kohaditore.com)

04.09.2013...Qeveria e Republikës së Maqedonisë dhe Agjencisë për rrugë deri nga fundi i vitit përgatisin rikonstruktim, revitalizim, e deri diku edhe zgjerim të gjashtë rrugëve të reja rajonale në gjatësi prej rreth 100 kilometrave, ku do të investohen 780 milionë denarë, respektivisht 12,6 milionë euro...(Burimi: zhurnal.mk)

03.09.2013...Kreditimi i ekonomisë pësoi një tkurrje në fortë në muajin Korrik dhe për herë të parë pas më shumë se një dekade shënoi rënie me bazë vjetore. Sipas statistikave të Bankës së Shqipërisë, në fund të Korrikut, portofoli i kredisë së sistemit bankar ra pothuajse me 10 miliardë lekë krahasuar me Qershorin. Ndërsa krahasuar me 12 muaj më parë, kredia për ekonominë ra me 0.9%, duke prekur rënien edhe në vlera emërore...(Burimi: scan-tv.com)

03.09.2013...Administrata Tatimore e Kosoves është duke zhvilluar procesin e instalimit të pajisjeve speciale drejtpërdrejt në pompat e karburanteve, që pamundësojnë shitjen e radhës, nëse nuk lëshohet kuponi fiskal. Kjo bëhet me qëllim të zvogëlimit të evazionit fiskal. Drejtori i ATK-së, thotë se sfidë mbetet monitorimi i përdorimit të këtyre pajisjeve...(Burimi: kohaditore.com)

03.09.2013...Qeveria ka shfrytëzuar të gjitha mundësitë e huamarrjes në tregun e brendshëm. Të dhënat e fundit fiskale nga Ministria e Financave tregojnë se niveli i huamarrjes arriti për 7-mujorin në vlerën 24,7 miliardë lekë, nga 22 miliardë lekë që ishte planifikuar për këtë periudhë...(Burimi: shekulli.com.al)

03.09.2013...Në janar nuk do të ketë më lëshime, por vetëm zbatim të ligjit, duke nisur me pagesat e taksave dhe tërheqjen e kuponit tatimor nga kasat fiskale...(Burimi: monitor.al)

03.09.2013...Kosova ka pasuri të mjaftueshme që mund të sigurojnë zhvillim të përgjithshëm ekonomik, por këto potenciale mbesin të pashfrytëzuara, thonë ekspertë të kësaj fushe. Sipas tyre, resurset minerale, metalike, industria e tekstilit dhe sektori i bujqësisë, konsiderohen si sektorë mjaft tërheqës, si për investitorë vendorë, po ashtu edhe për ata ndërkombëtarë....(Burimi: zhurnal.mk)

02.09.2013...OPINION. Artan SANTO. Kopjo dhe perfeksiono. Për rrjedhojë edhe borxhi i sotëm nuk do të jete handikap i papërballueshëm për brezat por një detyrim normal e korrekt për tu shlyer. Por tavolina e punës për qartësimin dhe përcaktimin e politikave makroekonomike, është alternativë e vetme përballë vetëm tavolinës së fjalës...(Burimi: panorama.com.al)

02.09.2013...OPINION. Azgan HAKLAJ. Metamorfoza "agro - politike" e sanxhakbeut Ridvan Bode. Kështu ky i besuar i PD-se per të udhëhequr financat shqiptare i cili pozonte mediatikisht duke imituar e perifrazuar emperikisht arkitektët e ekonomisë botërore si: David Rikardon, Kejnesin, Hajekun apo Milton Fridman, u shndërrua në një sanxhakbej arrogant që nuk interesohej për ekonominë shqipëtare e për fatin e demokratëve, por për të ardhurat vetjake, të cilat gojët e liga thonë se i ka me qindra milionë euro...(Burimi: zhurnal.mk)

02.09.2013...OPINION. Gladiola BENDAJ. Porti i Durrësit: Një histori gjymtimi nën hijen e koncesioneve. Po të kthejmë kokën pas, secili nga ne do të kujtonte kollaj se në tetë vjet qeverisje nuk u ndërtua asnjë plan i mirëfilltë për zhvillimin e bregdetit. E megjithatë qeveria Berisha, në ikje e sipër, ka ndezur një putifer koncesionesh, që bëjnë pazar me pasuritë publike. Terminali i Trageteve, kontrolli fizik, Terminali i Kontejnerëve, Porti i Jahteve, shitje shërbimesh e makinerish... Në Portin e Durrësit dhunimi i aseteve publike snjeh më kufi...(Burimi: revistajava.al)

01.09.2013...Mima, BB, ekspertët e financave: Politikat e Berishës shpëtuan vendin nga recesioni, jo taksës progresive. Nuk ka më hapësirë për ulje të taksave, Rama do të vendosë regjim mbytës ndaj biznesit në vend dhe do të pengojë investitorët e huaj që të vërshojnë në Shqipëri; taksa e sheshtë shpëtoi vendin...(Burimi: standard.al)

01.09.2013...Kriza ekonomike po nxjerr jashtë loje kompanitë ndërmjetëse që shërbenin si hallkë lidhëse e bizneseve të mëdha prodhuese apo importuese me tregun e pakicës. Tashmë kompanitë e mëdha i janë sulur vetë tregut të pakicës, duke shitur direkt te subjektet e vogla në përpjekje për të ruajtur fitimet...(Burimi: monitor.al)

01.09.2013...Global Asia Investment, njëra prej kompanive më të mëdha të shteteve aziatike, ka mbi një vit që ka ateruar në Kosovë, me qëllim të prurjes së investitorëve japonezë. E fokusuar fillimisht në shitblerjen e tokave, përmes aksionarëve të ndryshëm nga kompani aziatike, brenda një viti, kjo kompani ka arritur të sjellë në Kosovë rreth 200 aksionarë japonezë...(Burimi: telegrafi.com)

GUSHT

31.08.2013...Kosova radhitet ndër vendet e fundit në rajon sa i përket investimeve të huaja të drejtpërdrejta. Sipas të dhënave të raportit të fundit të Konferencës për Zhvillim të Kombeve të Bashkuara (UNCTAD), Kosova gjatë vitit të kaluar ishte ranguar vetëm para Maqedonisë dhe Sllovenisë. Ndërkohë zyrtarët thonë se trendi i investimeve ka filluar të shënojë rritje këtë vit...(Burimi: telegrafi.com)

31.08.2013...Ka dy fusha që u duhet kushtuar rëndësi nga qeveria e re, e para është sektori i energjisë, i cili është në probleme të thella prej kohësh. Nëse ky sektor nuk do të menaxhohet siç duhet, mund të shkohet në një situatë që do të ishte shumë fatkeqe për qytetarët deri në kufizime energjie. Fusha tjetër është sektori financiar. Bankat në Shqipëri janë të mirëkapitalizuara dhe kanë fonde rezervë të mjaftueshme, për të mos u prekur nga kriza të shpejta...(Burimi: gazeta-shqip.com)

31.08.2013...Për të pasur një panoramë edhe më të qartë mbi hotelet dhe shërbimin turistik që ne i ofrojmë turistëve që zgjedhin të vijnë në Shqipëri, Monitor bëri një kërkim edhe në një nga sitet më të njohura për komentet mbi hotelet, tripadvisor.com. Ajo që vihet nga turistët e huaj është, së pari, një zhgënjim i tyre me yjet që reklamojnë hotelet, që ligjërisht nuk janë të bazuara mbi asnjë standard...(Burimi: monitor.al)

31.08.2013...Ajo që bie në sy këtë sezon veror është braktisja e qytetit të Durrësit nga turistët, çka ka çuar në një numër shumë të ulët rezervimesh gjatë këtij viti. Rënie të ndjeshme në këtë zonë kanë regjistruar turistët kosovarë rezulton nga një pyetësor me drejtues të disa hoteleve kryesore në bregdetin shqiptar, që ka realizuar Revista Monitor...(Burimi: monitor.al)

30.08.2013...Kompanitë dhe fondet shtetërore në Slloveni i kanë ndërmarrë hapat e parë drejt privatizimit të operatorit kryesor të telekomit në këtë shtet. Përmes një deklarate, fondi investues shtetëror SOD ka thënë se fondet dhe kompanitë që së bashku përbëjnë 75 % të aksioneve të kompanisë së Telekomit, janë duke e kërkuar një këshilltar që do e mbikëqyrte shitjen...(Burimi: kohaditore.com)

30.08.2013...Në 6 muajt e parë të këtij viti, kanë hyrë 114.45 milionë dollarë investime të drejtpërdrejta të huaja, ndërsa fitimi i pashpërndarë i riinvestuar është 18,87 milionë dollarë. Sipas të dhënave të publikuara të Bankës Popullore të Maqedonisë, pjesa më e madhe e investimeve janë nga Austria, Belgjika, Britania e Madhe dhe Australia, në prodhimtari, ndërtimtari, transport dhe deponim, financim dhe aktivitete të sigurimit...(Burimi: zhurnal.mk)

30.08.2013...Rritja më e lartë është parashikuar për mjekët, të cilët mbulojnë zonat qendrore paga e të cilëve, nga 55.335 lekë, bëhet 57.335 lekë. Për mjekët, të cilët mbulojnë zonat kodrinore, paga rritet nga 65.335 lekë, në 67.335 lekë. Ndërsa, mjekët e zonave malore, paga e të cilëve ishte 83.335 lekë, tashmë do të përfitojnë 84.335 lekë...(Burimi: scan-tv.com)

30.08.2013...Qeveria tejkalon limitin e borxhit, 8.7 miliardë $. Shifrat e 6-mujorit. Borxhi i jashtëm arrin në 3.7 miliardë USD, shtohet me 140 milionë dollarë në 6 muaj...(Burimi: panorama.com.al)

30.08.2013...Bode i përgjigjet FMN: Pres 30 miliardë lekë humbje në buxhet. Borxhi publik parashikohet të arrijë deri në fund të këtij viti në nivelin e 64 për qind në raport me Prodhimin e Brendshëm Bruto, nga rreth 63 për qind, të vendosur si kufi ligjor nga qeveria...(Burimi: gazeta-shqip.com)

30.08.2013...Në Kosovë janë duke u zhvilluar debate të shumta rreth përcaktimit të pagës minimale për vitin 2014. Derisa përfaqësues të punëtorëve kërkojnë që paga minimale të jetë rreth 65 për qind e pagës mesatare aktuale, çka do të nënkuptojë rritjen e pagës minimale, punëdhënësit thonë se rritja e pagës minimale mund të rriste punësimin joformal. Paga mesatare në sektorin publik në Kosovë, për vitin 2011 sipas të dhënave të Agjencisë së Statistikave të Kosovës ishte 368 euro, ndërsa në vitin 2012 ishte 372 euro...(Burimi: kosova-sot.info)

30.08.2013...Rreth 60 milionë euro apo 10 për qind të fondit të privatizimit do të depozitohen në bankat komerciale në Kosovë. Kështu ka vendosur Bordi i Drejtorëve të Agjencisë Kosovare të Privatizimit në mbledhjen e fundit. Ekspertë të ekonomisë këtë e vlerësojnë si hap pozitiv, ndonëse të vonuar, dhe rekomandojnë që edhe pjesa tjetër e fondit të investohet në Kosovë, në sektorë të ndryshëm ekonomikë...(Burimi: kohaditore.com)

30.08.2013... Importi i veturave të vjetra vazhdon të jetë mjaft i lartë. Të dhënat e Doganave të Kosovës tregojnë se niveli i importit të veturave të vjetra vazhdon të mbajë ritmin e njëjtë, transmeton KTV . Vitin e kaluar Buxheti i vendi ka përfituar mbi 41 milionë euro për më shumë se 20 mijë vetura të vjetra, kurse për 1175 vetura të reja janë arritur të mblidhen të hyra që arrijnë në mbi 4.6 milionë euro...(Burimi: kohaditore.com)

30.08.2013...Enti Shtetëror për Statistikë njoftoi sot se numri i punëtorëve në industri në korrik është rritur për 0,7 për qind në krahasim me periudhën e njëjtë vitin e kaluar. Të dhënat tregojnë se rritje të numrit të punëtorëve ka në sektorin e Minierës dhe nxjerrjen e gurit për 8,4 për qind dhe në Furnizimin me energji elektrike, gaz, avull dhe kondicionerë për 3,1 për qind në industrinë e përpunimit për 0,1 për qind...(Burimi: zhurnal.mk)

30.08.2013...Administrata e qeverisë Berisha ka abuzuar me fondet e buxhetit të shtetit në masën 2. 68 % të prodhimit të Brendshëm Bruto në vitet 2008-2012. Shuma e abuzimeve është e barasvlershme me buxhetit që merr shëndetësia në një vit. Janë rreth 32 miliardë lekë të vjedhura nga paratë e taksapaguesve...(Burimi: shekulli.com.al)

30.08.2013...Borxhi publik i Maqedonisë deri më 31 korrik shënon rënie dhe sipas të dhënave të publikuara nga ana e Ministrisë së financave është 33.6% nga Bruto Prodhimi Vendor. Në krahasim me të dhënat e kuartalit të dytë kur ishte 34.2%, zvogëlimi llogaritet për 0.6%...(Burimi: zhurnal.mk)

29.08.2013...Dhënia e disa shërbimeve tatimore për t'u manaxhuar nga sipërmarrës privatë do të jenë më efektive për këtë administratë. Ish-drejtori i Përgjithshëm i Tatimeve, Artur Papajani, u shpreh për TV SCAN se, disa shërbime të administratës tatimore mund tu jepen me koncesion kompanive private të huaja, por jo funksionet bazë siç janë kontrolli dhe vlerësimi...(Burimi: scan-tv.com)

29.08.2013...Ministria e Financave ka detajuar me kërkesë të Fondit Monetar Ndërkombëtare nismat e fundit të politikave fiskale të ndërmarrë nga qeveria deri tani, si lehtësimi i barrës së taksave për njerëzit me të ardhura të ulëta, përjashtimet fiskale, përfshirë dhe kostot fiskale të lidhura me to. Në total, efekti negativ në buxhet i këtyre nismave vlerësohet të arrijë rreth 11 miliardë lekë...(Burimi: monitor.al)

28.08.2013...Në ditët e fundit të saj, qeveria shqiptare ka marrë borxh në tregun vendas në shumën 10. 9 miliardë lekë përmes bonove të thesarit. Ankandi është zhvilluar sot nga Banka e Shqipërisë dhe interesi i bonove të thesarit preku minimumin historik. Bonot me maturim 12-mujor u emetuan me një normë mesatare të ponderuar interesi 4.58%, vlerë...(Burimi: shekulli.com.al)

28.08.2013...Proteston biznesi i tre vendeve ndaj barrierave doganore të Kosovës. Përfaqësues të kompanive të ndryshme kërkuan krijimin e një organi të vetëm doganor, heqjen e tarifës prej 40 euro për qëndrimin në terminalin e ndërtuar nga pala kosovare, terminal që menaxhohet nga një kompani private, fatura unike nga të dyja palët si dhe dhënien fund të luftës tregtare e cila po dëmton biznesin e të tria vendeve...(Burimi: standard.al)

28.08.2013...OPINION. Ardian HACKAJ. Pesë skenarë për të ulur borxhin publik shqiptar. Këta skenarë nuk janë shterues. Të pestë kanë të përbashkët etapën e parë: identifikimin e saktë dhe sa më të shpejtë të shumës dhe karakteristikave të borxhit publik shqiptar...(Burimi: panorama.com.al)

28.08.2013...Fullani: Ekonomia nuk po mbështet rritjen e punësimit. Duke parë nga e ardhmja, Banka e Shqipërisë gjykon se burimet e rritjes ekonomike mbeten të dobëta dhe të pasigurta...(Burimi: monitor.al)

27.08.2013...Konfindustria denoncon raste të konkurrencës së ulët, madje të oligopolit nga bankat e nivelit të dytë, që e kanë shndërruar Shqipërinë në një zonë laboratorike, me pëlqimin e Ardian Fullanit...(Burimi: standard.al)

27.08.2013...Volumet e Tregtisë së Jashtme janë rritur gjatë muajit Korrik si në eksporte, ashtu edhe në importe. Sipas të dhënave të publikuara sot nga INSTAT, eksportet u rritën me 23.9%, ndërsa importet u rritën 1.2% me bazë vjetore...(Burimi: sot.com.al)

27.08.2013...Kryeministri i ardhshëm Edi Rama, tha se sfida e qeverisë së re, do të jetë vendosja e kontrollit mbi territorin dhe transformimi i politikave urbane në politika zhvillimi, pasi instrumentet e qeverisë së shkuar nuk prodhojmë më kohezion social dhe punësim...(Burimi: monitor.al)

27.08.2013...Banka e Shqipërisë: Po ulet çmimi i banesave, 10.7% më lirë se vjet. Ia vlen më shumë ta blesh apo të jetosh me qira në një apartament. Sipas bankës, ky raport këtë vit po ndryshon. Zhvillimet më të fundit në tregun e banesave tregojnë se çmimet e shitjes kanë filluar të bien, krahasuar me marrjen me qira të tyre, sipas analizës së raportit të indeksit të çmimit ndaj qirasë...(Burimi: panorama.com.al)

27.08.2013...OPINION. Arben MALAJ. Suficiti i korrikut, deficit i fshehur dhe borxh i rritur. shtë vështirë që mosrealizimet nga të ardhurat, të cilat do të thellohen, të mbyllen nga kursimet në zëra të ndryshëm të shpenzimeve të buxhetit. Në këtë situatë, rritja e deficitit dhe borxhit mbetet një opsion i detyrueshëm, ndoshta mbetet zgjidhja më pak e keqe krahasuar me çdo zgjidhje tjetër...(Burimi: panorama.com.al)

27.08.2013...Në kuadër të fushatës së Drejtorisë doganore për promovimin e lehtësimeve doganore dhe procedurat më të thjeshtësuara dodanore, e cila zgjatë tashmë dy muaj dhe realizohet nëpër qytetet më të mëdha të shtetit, sot punëtori me këtë temë u mbajt në Shkup...(Burimi: zhurnal.mk)

27.08.2013...Prodhimi industrial në korrik të këtij viti shënon rritje prej 3,9 për qind lidhur me korrikun e vitit të kaluar, publikoi Enti Shtetëror i Statistikës...(Burimi: zhurnal.mk)

26.08.2013...Ministria e Financave i ka kthyer përgjigje FMN-së në kuadër të projektit të vlerësimit të financave, i cili do të ndodhë në muajt tetor-nëntor. Në kushtet kur qeveria është në detyrë, shumë përgjigje kanë mbetur pezull, duke ia lënë në dorë ministrit të ri, Shkëlqim Cani. Duke nisur nga deficiti buxhetor, ulja e borxhit, shpenzimet, etj., për qeverinë aktuale nuk bën më sens që të tregojë se çfarë duhet të bëjë, ndërsa mësohet se sipas parashikimeve, nisur nga treguesit e 7-mujorit, vendit do ti mungojnë 30 miliardë lekë...(Burimi: monitor.al)

26.08.2013...Qeveria socialiste do të trashëgojë një borxh të akumuluar prej faturave të papaguara ndaj firmave ndërtuese, në vlerën e rreth 400 milionë dollarë. Shifra i referohet vitit 2012, ku sipas një raporti hetimi të ushtruar nga Kontrolli i Lartë i Shtetit (KLSH), në Ministri të Financave, për zbatimin e buxhetit të shtetit, nga ku evidentohet fakti, se pjesa dërrmuese e detyrimeve të papaguara ndaj subjekteve private i takojnë Ministrisë së Transporteve dhe Punëve Publike...(Burimi: gazeta-shqip.com)

26.08.2013...Serbia dhe Maqedonia krijojnë favorizime tatimore për bizneset. Njohës të çështjeve ekonomike thonë se Maqedonia dhe Serbia, përpos favorizimeve të ndryshme tatimore për periudhën deri në 10 vjet, ofrojnë edhe grante apo subvencionime të investimeve për të gjithë investitorët, deri në një shumë të caktuar të investimit. Sipas tyre, këto shtete ofrojnë edhe subvencionime për rritjen e numrit të të punësuarve, me shifra që arrijnë deri në 10 000 euro për punë të krijuar. Në Kosovë askush nuk mendon për këto lehtësira...(Burimi: kosova-sot.info)

26.08.2013...Opozita Maqedonase dhe ekspertët e ekonomisë theksojnë se Maqedonisë i duhet sa më parë rishikimi i buxhetit, ngase Qeveria tashmë ka shpenzuar 78 për qind të minusit për tërë vitin. Deficiti buxhetor vetëm për gjysmën e parë të vitit ka tejkaluar 225 milionë euro, kurse për tërë vitin 2013 është planifikuar deficit prej 288 milionë eurosh...(Burimi: zhurnal.mk)

25.08.2013...Vështirësitë në të hyrat e doganave nuk janë vetëm teknike, ka thënë Bajram Rexha, drejtor i operimit të hyrave në Doganën e Kosovës, pasi ato përcillen nga infrastruktura e dobët në pikë-kalimet kufitare, dhe numri jo i mjaftueshëm i oficerëve doganorë, në sigurinë e qarkullimit në pikën kufitare në Bërnjak, dhe nga digjitalizimi në të gjitha pikat. Sipas Rexhës, kontrolli në shtrirjen e tërë territorit mungon ende...(Burimi: gazetaexpress.com)

25.08.2013...Borxhi alarmant i Greqisë, 321 miliardë euro. Në alarm ndodhet Athina zyrtare pas publikimit të shifrave të borxhit të saj, që tashme arrin në 321 miliardë euro. Niveli i borxhit te shtetit grek ka arritur kështu ne 180% te PBB, duke shkaktuar kokëçarje jo vetëm tek qeveria Samaras, por dhe tek specialistët e kreditorëve të Greqisë...(Burimi: kohaditore.com)

25.08.2013...Të vërtetat që ministri Bode nuk i tha. Është e vërtetë se investimet janë më të larta se huamarrja, por ministria lë jashtë llogarive paratë e privatizimeve. Nëse përfshihen dhe ato, buxheti del me deficit korrent. Pra, qeveria nuk po i financon më investimet me të ardhurat e veta nga taksat, por po përdor paratë e privatizimeve, të cilat nuk i përkasin një brezi të vetëm, por edhe atyre që do të vijnë më pas. Për këtë arsye, për vite me radhë, FMN-ja u ka imponuar qeverive shqiptare një rregull, i cili i çonte automatikisht gjysmat e të ardhurave nga privatizimet për shlyerje borxhi, për të mos lënë barrë për brezat e rinj...(Burimi: gazeta-shqip.com)

25.08.2013...Sezoni turistik i këtij viti po shënon shifra negative në raport me një vit më parë. Të dhënat më të fundit nga Drejtoria e Kufirit të Policisë së Shtetit për periudhën qershor 15 gusht të këtij viti, konfirmojnë rënien e hyrjeve të shtesave vendas dhe të huaj në pikat tona kufitare. Në total, gjatë këtij sezoni, kanë udhëtuar drejt Shqipërisë 1.7 milionë individë, me një rënie prej 8.6% në raport me një vit më parë...(Burimi: monitor.al)

24.08.2013...Të vërtetat e buxhetit; shifrat rrëzojnë Boden, borxhi u rrit nga zgjedhjet. Aktualisht buxheti nuk është me suficit, por me deficit të thellë primar, i cili shkon deri në 24 miliardë lekë ose mbi 2 për qind e Prodhimit Kombëtar. Dhe ky është një nga treguesit me të rëndësishëm të financave të një shteti, pasi tregon se çfarë është duke ndodhur me borxhin publik...(Burimi: gazeta-shqip.com)

24.08.2013...Fullani: Berisha shpërdoroi për fushatë 50 % të fondeve për investime, borxhi 63.3%. Gjatë shpjegimit të të dhënave të raportit, Fullani nënvizon faktin se ecuria e treguesve fiskalë në gjashtë muajt e parë të vitit ka reflektuar një politikë fiskale ekspansioniste, të manifestuar në rritjen e shpenzimeve buxhetore dhe të deficitit fiskal...Burimi: sot.com.al)

24.08.2013...Sistemi bankar në vend është i brishtë, ndërkaq mundësitë për uljen e normave të interesit ekzistojnë, thotë Flamur Keqa, udhëheqës i Institutit për Banka dhe Financa. Shqetësim tjetër për të është mos kërkesa nga autoritetet kompetente kosovare për kthimin e kursimeve devizore në bankat e ish-Jugosllavisë që në atë kohë kanë vepruar në Kosovë...(Burimi: telegrafi.com)

24.08.2013...Ngritja dhe rënia e Rezart Taçit. Përpos këtyre të dhënave, dilema më e madhe është te shitja e aksioneve të ARMO-s, për 35 milionë euro tek azerët. Burime të pakonfirmuara thonë se ARMO iu shit azerëve për 150 milionë euro, por me zbritjen e borxheve, mbeten cash vetëm 30 milionë euro...(Burimi: monitor.al)

24.08.2013...Bizneset presin të paguhen me fonde buxhetore për shërbimet e kryera në vite. Ato inkurajohen kur dëgjojnë për menaxhim të mirë të defiçitit buxhetor dhe punë të mirë të administratës fiskale. Por kjo nënkupton shlyerjen e faturave të prapambetura dhe jo bllokimin e Thesarit...(Burimi: standard.al)

23.08.2013...Bode: Nuk është realizuar plani i të ardhurave. Për 7 muaj, ka mosrealizim 11.5 mld Lekë në të ardhura. Duhen adresuar vetëm 9 miliardë Lekë mosrealizim ndaj të ardhurat janë realizuar në total me 94.1% të planit...(Burimi: shekulli.com.al)

23.08.2013...Christoph Kapp, shef ekzekutiv i kompanisë NEK Umwelttechnik AG nga Zvicra në një intervistë ekskluzive për Radio Kosovën, njofton për investimet që kjo kompani planifikon ti bëjë në ngritjen e tri parqeve për prodhimin e energjisë së pastër me turbinat e erës në Zatriq, Budakvë dhe Qyqavicë. Ai thotë se projekti do të realizohet brenda tre vitesh dhe do të kushtojë nga 210 deri në 240 milionë euro, që është investimi më i madh i huaj deri më tani në Kosovë...(Burimi: kohaditore.com)

23.08.2013...KOMENT. Ermelinda MEKSI. Të vërtetat mbi ekonominë dhe Xhorxh Oruell. A duhet pritur të flasë dhe ta zgjidhë problemin FMN-ja, të rekomandojë shkurtim shpenzimesh, rritje taksash, deficit të ulët buxhetor për vitin 2014?! Prandaj është koha të flitet qartë mbi ekonominë, duke inkurajuar mendimin e lirë dhe profesional ekonomik, me synim për gjetjen e zgjidhjeve më optimale larg eklektizmit...(Burimi: gazeta-shqip.com)

23.08.2013...Ashtu si me pagat dhe pensionet që u vonuan rreth 8 ditë, duke u shkaktuar jo pak stres rreth 600 mijë familjeve, sërish Thesari shkakton probleme, kësaj here për bërjen publike të të dhënave rreth treguesve fiskalë të muajit korrik. Kur po mbyllet muaji gusht, Ministria e Financave dorëzohet duke pranuar se nuk është në gjendje të nxjerrë të dhënat e muajit korrik dhe të shtatëmujorit, sa u takon shpenzimeve dhe deficitit, kurse mbi ecurinë e të ardhurave, kanë arritur të kenë një panoramë, edhe pse paraprake...(Burimi: gazeta-shqip.com)

23.08.2013...Hapet zonë e lirë industriale në Shtip. ZZHTI "Shtip" ndodhet në veriperëndim të qytetit, në hyrjen nga drejtimi i Shkupit, menjëherë afër zonës industriale të Shtipit. Ka lidhshmëri rrugore me Shkupin dhe Koçanën përmes rrugës magjistrale M5, ndërsa do të lidhet edhe me kargo aeroportin e planifikuar në Shtip përmes rrugës magjistrale M6...(Burimi: zhurnal.mk)

23.08.2013...Prodhimet e qumështit mund të mbulojnë tregun kosovar. Aktualisht, në Kosovë importohen 60 për qind të produkteve të qumështit nga vendet e rajonit dhe të Evropës, ndërsa vetëm 40 për qind e tregut mbulohet nga prodhimi i vendor...(Burimi: kosova-sot.info)

22.08.2013...Raiffeisen ka ndërprerë për dy vjet kredidhënien. Publikohen të dhënat e detajuara nga Shoqata e Bankave. BKT mban rekordin për financimin e qeverisë përmes blerjes së letrave me vlerë; Raiffeisen ul ndjeshëm portofolin e kredisë, ngrin Credinsi...(Burimi: standard.al)

22.08.2013...BSH: Kreu i Bundesbank në Tiranë, diskutoi për ruajtjen e stablitetit financiar të vendit. Në takimin me anëtarët e Këshillit Mbikëqyrës dhe drejtuesit e departamenteve të Bankës së Shqipërisë, z. Weidmann diskutoi rreth zhvillimeve më të fundit në vend, në rajon dhe në Eurozonë...(Burimi: monitor.al)

22.08.2013...Viti 2012, një ndër vitet më të vështira që nga fillimi i krizës, detyroi qeverinë që mbështetjen e sektorëve të ekonomisë ta bëjë me më pak para cash dhe më shumë me falje taksash...(Burimi: panorama.com.al)

22.08.2013...Papunësia në Kosovë është një nga problemet më të mëdha të shoqërisë sonë, kështu ka thënë zëvendës ministri i Punës dhe Mirëqenies Sociale, Berat Luzha, pas prezantimit të një hulumtimi të bërë nga Kolegji Universum, Barometri i punësimit, ku është thënë se aftësitë sikur komunikimi, puna ekipore dhe njohurit teknologji informative, janë ato të cilat vlerësohen dhe kërkohen më së shumti në tregun e punës për vitin 2013...(Burimi: gazetaexpress.com)

21.08.2013...Nafta, metalet dhe mineralet, bumi i eksportit shqiptar. Sipas statistikave zyrtare, në total, eksportet shqiptare u rritën me 8% me bazë vjetore në 2012-n, duke arritur në 213 miliardë lekë ose 1.52 miliardë euro, një shifër kjo e paimagjinueshme deri pak kohë më parë...(Burimi: standard.al)

21.08.2013...Raporti i UNCTAD, Shqipëria ndër vendet me më shumë investime të huaja. në vend të parë për nga investimet e huaja është Kroacia me 1,25 miliardë dollarë, më pas vjen Shqipëri me 957 milionë dollarë, ndërsa pasojnë Bosnja dhe Hercegovina me 633 milionë dollarë, Mali i Zi me 609 milionë dollarë, Serbia me 352 milionë dollarë, Kosova me 298 milionë dollarë, Sllovenia me 145 milionë dhe Maqedonia me 135 milionë dollarë...(Burimi: monitor.al)

21.08.2013...Kriza, bie shkalla e punësimit, shkak ndërtimi. Norma e papuësisë në vend, në bazë të anketimeve është 14.5%, gati dy pikë përqindje më e lartë se shkalla zyrtare e papunësisë. Gjatë tremujorit të parë 2013 në Shqipëri 63.2 përqind e popullsisë në moshë pune ishte aktive në tregun e punës, pra e punësuar ose në kërkim aktiv të një pune...(Burimi: monitor.al)

21.08.2013...Shqipëria arrin të bëhet vendi i parë në rajon që kualifikon administratën e vet për të marrë përsipër prokurimet e fondeve të BE në përputhje me standardet e KE...(Burimi: monitor.al)

21.08.2013...Bankat i refuzojnë milionat e Trustit. Shkaku i pozitave monopoliste, që bankat mbajnë në treg, ka bërë që edhe pse kamatat në kredi janë të larta, bankat kanë interesim të kufizuar (jo të madh) për depozita, pra edhe për ato depozita nga Trusti Pensional i Kosovës...(Burimi: kosova-sot.info)

21.08.2013...Ballkani humbet miliarda nga krimi e korrupsioni. Sipas studimit të mëparshëm nga institucioni studiues ndërkombëtar Ndershmëria Financiare Botërore (NFB), elementët kriminalë e taksat e papaguara shteruan Ballkanin me më shumë se 83.5 miliardë euro midis 2001-shit e 2010-të dhe kontribuan ndaj terrorizmit e shqetësimeve të sigurisë...(Burimi: kohaditore.com)

21.08.2013...Kroaci, në pension në 67 vite jetë ose 41 vite stazh pune. Vitin e ardhshëm në pension të plotë mund të shkojnë punëtorët të cilët veç më kanë 41 vite stazh pune, ndërsa nuk kanë moshë të mjaftueshme për pensionim...(Burimi: zhurnal.mk)

21.08.2013...Sektori energjetik në Shqipëri paraqet dy probleme: i pari lidhet me korrupsionin e lartë dhe i dyti me ecjen në kahun e kundërt të standardeve që kërkon BE për tu bërë pjesë e saj. Raporti i Institutit të Monitorimit të Financimeve për Europën Qendrore dhe Juglindore trajton këto dhe probleme të tjera evidente...(Burimi: panorama.com.al)

21.08.2013...Taksa doganore për lëndën e parë, infrastruktura, energjia, normat e larta të interesit për kredi, edhe më tutje mbesin probleme të pazgjidhura të prodhuesve vendorë në Kosovë. Institucionet e Kosovës, lëre që nuk janë marrë me problemet e tyre, por në disa raste ata vetëm po vazhdojnë ti rëndojnë ata...(Burimi: telegrafi.com)

21.08.2013...Ideja e Pacollit për ringjalljen e Trepçës. Modelet e prezantuara nga zv/kryeministri Behgjet Pacolli për ristrukturimin e gjigantit metalurgjik Trepça, po duket se kanë mbetur të vetmet për t'u marrë parasysh nga Qeveria e Kosovës. Ata që ishin prezentë në diskutimet e para një muaji për këtë çështje, nuk i kanë deponuar me shkrim propozimet e tyre...(Burimi: telegrafi.com)

20.08.2013...Eksportuesit më të mëdhenj: kryesojnë Bankers, Kurum, Beralb. Në total, eksportet shqiptare u rritën me 8% me bazë vjetore në 2012-n, duke arritur në 213 miliardë lekë. Bankers është kthyer në eksportuesin më të madh në vend, me xhiron e tij, që ishte e barabartë me 24% të totalit të eksporteve vitin e kaluar...(Burimi: monitor.al)

20.08.2013...Bankat: Kreditë e këqija në qershor, 24.2%. Edhe pse sipas të dhënave të Shoqatës së Bankave kreditë e këqija mbeten 24.2 për qind, ato në një masë të konsiderueshme mbeten të mbuluara nga provigjonet. Po kështu, vetëm Baka e Shqipërisë në disa raste ka theksuar se impakti i kredive të këqija do të ishte akoma më i ulët nëse ato nga totali i tyre zhvishen nga koleterali me të cilin janë mbuluar...(Burimi: panorama.com.al)

20.08.2013...As muaji korrik nuk ka mundur ti japë frymëmarrje arkës së shtetit. Është periudha më e nxehtë e vitit, me bum turistësh, me aktivitete që gjallërohen, etj., por me sa duket, administrata tatimore dhe doganat kanë shkuar me pushime të parakohshme, duke lënë evazionin dhe informalitetin të lulëzojnë në çdo cep të vendit...(Burimi: gazeta-shqip.com)

20.08.2013...Kosova gjatë gjysmës së parë të këtij viti ka importuar një sasi prej 1,573 tonë të duhanit, dhe ka mbledhur nga taksa e akcizës të hyra në vlerë 42.485.757 euro. Kështu ka bërë të ditur zëdhënësi i Doganës së Kosovës, Adriatik Stavileci. Ai ka shpjeguar se në muajin janar në Kosovë janë importuar rreth 203 tonë duhan dhe taksa e akcizës ka qenë rreth 5 milionë euro...(Burimi: telegrafi.com)

20.08.2013...Zyra e Kryeministrit të Kosovës shpenzoi këtë vit, deri në korrik, rreth gjysmë milioni euro për udhëtimet e delegacioneve në bisedimet me Serbinë. Por, qeveria ende nuk ka treguar shpenzimet e plota dhe detajet e tyre për takime me delegacionet serbe për afër dy vjet e gjysmë që kur kanë filluar bisedimet. Në muajin korrik për këto qëllime ajo ndau edhe një fond të ri prej 700 mijë eurosh...(Burimi: kohaditore.com)

19.08.2013...INTERVISTE. Milva EKONOMI. Koha për strategji në mbështetje të rritjes ekonomike. Mendoj që ka ardhur koha për një strategji realiste, që do të mbështesë rritjen ekonomike dhe do të vendosë në baza të shëndosha regjimin fiskal ne vend. Ky borxh i lartë publik, i brendshëm dhe i jashtëm, doemos kërkon një sistemim për të mos u bërë faktor pengues në thithjen e investimeve të huaja. Rivendosja e një regjimi fiskal të programuar së bashku me FMN dhe monitorimi i vazhdueshëm i tij janë faktorë të rëndësishëm për nxitjen e reformave, që kanë në qendër rritjen e prodhimit...(Burimi: shekulli.com.al)

19.08.2013...Autoritetet kompetente duhet ta ndryshojnë konceptin për tërheqjen e investimeve ndërkombëtare, konsiderojnë ekspertë për çështje ekonomike. Sipas tyre, ekzekutivi duhet të krijojë ambient, i cili u siguron fitime investuesve potencialë, sepse qasja e krijimit të mjedisit të përshtatshëm për ta, nuk ka sjellë rezultate...(Burimi: telegrafi.com)

19.08.2013...Britanikët harxhojnë nga 173.645 euro për një fëmijë deri në 18 vjeç. Shpenzimet për kujdesien e një fëmije deri në moshën 18 vjeçare në Britani të Madhe për një vit janë rritur për katër për qind dhe arrijnë 148.105 funta (173.645 euro), bëri të ditur organizata për ndihmë të fëmijëve "Child poverty action group"...(Burimi: zhurnal.mk)

18.08.2013...Paraja në qarkullim, sa është dhe si lëviz. Kush janë monedhat dhe kartëmonedhat që përdoren më shumë nga shqiptarët? Kur ka qenë periudha në të cilën ka qarkulluar më shumë apo më pak para në treg? Open Data Albania ka kryer një hulumtim lidhur me paranë e emetuar, kartëmonedha dhe monedha, që përdoren si mjet shkëmbimi në Republikën e Shqipris...(Burimi: standard.al)

18.08.2013...Bizneset i blejnë shtrenjtë paratë në banka. Përderisa në Kosovë normat e interesit sillen prej 9 deri në 25 për qind, në Republikën e Maqedonisë ato sillen nga 4.98 deri në 13 për qind...(Burimi: telegrafi.com)

18.08.2013...Karburantet që shiten në vendin tonë janë me cilësi më të ultë se ato që shiten në rajon. Njëkohësisht në këtë fushë bëhen keqpërdorime të shumta edhe sa i përket sasisë , thonë qytetarët. Njëri thotë se për këtë arsye, shpenzimet në Kosovë janë më të mëdha, krahasuar me vendet e rajonit...(Burimi: gazetaexpress.com)

17.08.2013...Të dhënat e fundit, të publikuara nga Banka e Shqipërisë bëjnë të ditur se në maj të këtij viti, kohë që përkon me kulmin e fushatës zgjedhore është konstatuar një rritje e ndjeshme e parasë jashtë koorporatave depozituese, që është zgjeruar me rreth 4%, çka nënkupton se rreth 6 miliardë lekë apo 44 milionë euro janë hedhur në qarkullim vetëm në një muaj...(Burimi: shekulli.com.al)

17.08.2013...Analize. JOSEPH E. STIGLITZ/ Nobelisti i ekonomisë. MËSIMET E GABUARA NGA FALIMENTIMI I DETROITIT. I famshëm për agresivitetin e luftës së tij kundër pabarazisë ekonomike në SHBA analizon falimentimin e Detroitit si rrjedhojë e kësaj pabarazie...(Burimi: gazetaexpress.com)

17.08.2013...Copëzohet Albpetroli, jepen 6.3 milionë tonë naftë me koncesion. Copëzimi i Albpetrolit është pritur negativisht nga ana qeverisë në ardhje, por reagimin e ka bërë deputeti i PS, Erjon Braçe, i cili në profilin e tij në Facebook vlerëson se ky është abuzimi i radhës i qeverisë në ikje. Sipas tij, pjesa që i është dhënë Feniks Petroleum kap vlerën një miliard dollarë...(Burimi: panorama.com.al)

17.08.2013...Viber i shkakton miliona euro humbje PTK-së. Është ndërmarrja më fitimprurëse në vend. Por tani, Postë-Telekomit të Kosovës nuk po i shkon asgjë mirë, si në aspektin e privatizimit ashtu edhe në realizimin e planit biznesor. PTK-së tashmë i ka dalë një problem i ri që po i kushton me humbje të fitimeve...(Burimi: telegrafi.com)

17.08.2013...Konfindustria: Rritet interesi për investime të huaja në Shqipëri. Prodhuesit dhe industrialistët i kërkojnë qeverisë së re që të hartojë një strategji ekonomike dhe fiskale për të tërhequr investimet e huaja...(Burimi: kohaditore.com)

17.08.2013...Ka një platformë për veprim të përbashkët të bursave në rajon drejt asaj që shumë ekspertë e shohin si alternativë zgjidhjeje të funksionimit të një burse të vetme në rajon. Bursa e Stambollit është e interesuar ta blejë Bursën e Tiranës?!...(Burimi: monitor.al)

17.08.2013...Kur ekonomia mbërthehet nga kriza, zgjidhja më e mirë për çdo sipërmarrës është të jetë i zgjuar, të investojë aty ku duhet duke garantuar rritje edhe në një periudhë të vështirë. Alban Zusi, i cili ka një përvojë mbi 15-vjeçare në menaxhimin e bizneseve është i kënaqur për zgjedhjet që ka bërë pikërisht gjatë krizës. Ai zgjodhi të investojë në vitet kur bizneset e tjera bënin të kundërtën, kursenin. Sot drejton kompaninë INCA, e cila përpunon dhe eksporton të brendshme mishi, një biznes specifik që është shumë pak i përhapur në vend...(Burimi: monitor.al)

16.08.2013...Ministrja e Tregtisë dhe Industrisë (MTI), Mimoza Kusari-Lila, në një prononcim për Telegrafin ka deklaruar se problemet e ditëve të fundit në mes Kosovës dhe Shqipërisë, të cilat kanë rezultuar me bllokimin e eksportit të produkteve kosovare drejt Shqipërisë dhe anasjelltas, janë më tepër të natyrës teknike...(Burimi: telegrafi.com)

16.08.2013...Këshilli i Ministrave ka kaluar në mbledhjen e sotme një vendim për miratimin e marrëveshjeve hidrokarbure, ndërmjet Albpetrol, sh.a.-së, kompanisë, privatizimi i të cilës dështoi në fund të vitit të kaluar dhe PHOENIX Petroleum, sh.a.-së për zhvillimin dhe prodhimin e hidrokarbureve në disa vendburime të naftës...(Burimi: monitor.al)

16.08.2013...OPINION. Nezir ALDEDA. Një shënim mbi debatin: Detyrime vs Borxh...Në kushtet kur si çdo lloj risku, edhe ky nuk mund të eliminohet, çështja është si mund të minimizohet, nga ana tjetër të matet e të rritet përgjegjshmëria e agjencive publike dhe organeve/këshillave që mbikëqyrin duke bërë axhustimet e nevojshme në kohë. Menaxhimi i angazhimeve, me pak fjalë, është proces i cili duhet të bëhet pjesë e detyrueshme e agjencive publike dhe që kërkon bashkëpunimin, pranimin dhe vullnetin e të gjithëve...(Burimi: panorama.com.al)

16.08.2013...Në kulmin e sezonit turistik, administrata tatimore u bën edhe një herë thirrje operatorëve privatë të këtij sektori që të jenë në rregull me pagesën e taksave. Mësohet se Drejtoria e Tatimeve është duke vazhduar takimet e saj me subjektet turistike, në zona të ndryshme, si në Sarandë, Vlorë, Shëngjin, Divjakë, Pogradec, Velipojë, Gjirokastër dhe zona të tjera...(Burimi: gazeta-shqip.com)

16.08.2013...Fasonet, si po përballohet kriza. Sipas të dhënave nga INSTAT-i, sipërmarrësit që punojnë me fason (material porositësi) në vend zënë rreth 32% të të gjithë të punësuarve në industri, ndërkohë që pesha që fasoni ka në totalin e industrisë përsa i përket xhiros është vetëm 9%. Sipas statistikave zyrtare, numri i të punësuarve në të dy kategoritë nuk i kalon 30 mijë, megjithatë vlerësohet që ky segment, direkt dhe indirekt, punëson më shumë se dyfishin e vlerës së deklaruar zyrtarisht...(Burimi: standard.al)

16.08.2013...Dogana e Kosovës vendosë procedura të reja të mbikëqyrjes së importit të mallrave për të gjitha bizneset, duke kërkuar garanci bankare në vlerën 100 për qind të mallit. Sipas zyrtarëve të Doganës kjo vjen pasi teknikisht është bërë e pamundur mbikëqyrja e procesit të hyrje daljeve të mallit nga depot doganore, në mënyrën siç ka qenë deri më tani. Ndaj këtyre procedurave me ndikim ekonomik janë ankuar bizneset e importit të mallrave në Shqipëri dhe Kosovë...(Burimi: telegrafi.com)

16.08.2013...Fundi i recesionit në zonën e euros do të ndikojë në përmirësimin e gjendjes ekonomike edhe në Kosovë, por jo në masë të madhe, konsiderojnë ekspertë për çështje ekonomike. Sipas tyre, rritja e ekonomike në 17 vendet e shteteve të Bashkimit Evropian,mund të ndikojë në rritjen e investimeve të huaja dhe dërgesave nga emigrantët që jetojnë në këto shtete...(Burimi: kosova-sot.info)

15.08.2013...Në komunën e thellë të Lekbibajt në rrethin e Tropojës ,këto ditë nisin punimet për ndërtimin e 9 hidrocentraleve të vegjël nga një kompani izraelite me një investim prej 110 milionë euro...(Burimi: shekulli.com.al)

15.08.2013...Belle Air Europe rrit flotën për tiu përgjigjur nevojave të pasagjerëve. Numri i pasagjerëve të transportuar nga fillimi i aktivitetit deri në fund të muajit Korrik 2013 nga kompania Belle Air Europe është mbi 600,000 pasagjerë, duke konkurruar suksesshëm operimin kaotik të charter-ave të disa prej agjensioneve turistike në këtë treg, me çmime më ekonomike dhe me më shumë fluturime në ditë, me avionë të gjeneratës më të fundit Airbus A319 e A320...(Burimi: kohaditore.com)

15.08.2013...Periudha përpara zgjedhore shoqërohet gjithnjë me shtim të shpenzimeve dhe parasë në qarkullim. Të dhënat e fundit, të publikuara nga banka e Shqipërisë bëjnë të ditur se në maj të këtij viti, kohë që përkon me kulmin e fushatës zgjedhore, është konstatuar një rritje e ndjeshme e parasë jashtë korporatave depozituese, që është zgjeruar me rreth 4%, çka nënkupton se rreth 6 miliardë lekë...(Burimi: monitor.al)

15.08.2013...Fitimi i sistemit bankar arriti në 1.5 miliardë lekë për tremujorin, duke shënuar një rënie prej 36% në raport me të njëjtën periudhë të vitit të kaluar. Problematike në tremujorin e dytë të vitit është bërë rritja e huasë së humbur...(Burimi: monitor.al)

14.08.2013...Ndonëse është një vit krize dhe me shpenzime të kufizuara konsumatore, numri i kartave bankare si një ndër instrumentet kryesore të pagesave nga individët janë rritur edhe në gjysmën e parë të këtij viti. Sipas të dhënave të Bankës së Shqipërisë, numri i kartave bankare në fund të Qershor arriti në 792 mijë, me një rritje prej 3% që nga fundi i vitit të kaluar...(Burimi: scan-tv.com)

14.08.2013...Konkurrenca: Transaksioni i ARMO-s i pavlefshëm, nuk u njoftua përqendrimi. Shitja e mbi 80% të aksioneve të kompanisë së rafinerisë së naftës ARMO tek Heaney Assets Coorporation, transaksion i realizuar në Qendrën Kombëtare të Regjistrimit (QKR) në datën 8 gusht, rrezikon që të shpallet e pavlefshme, për shkak se në bazë të ligjit për konkurrencën duhet të ishte bërë paraprakisht njoftimi i përqendrimit të këtij transaksioni, bëhet e ditur nga burime pranë këtij institucioni...(Burimi: monitor.al)

14.08.2013...Ashpërsohet gara e distributorëve, teksa ndiejnë tkurrjen e konsumit. Kompanitë e distribucionit, të përqendruara në segmentin FMCG (mallrat që lëvizin shpejt nga raftet) janë ato që e kanë ndier më shumë tkurrjen e konsumit gjatë 2012-s, duke mos regjistruar në përgjithësi rritje, apo duke u zgjeruar minimalisht, sipas të dhënave të xhiros që janë bërë publike nga tatimet...(Burimi: monitor.al)

14.08.2013...Sipas raportit të Bankës Qendrore të Kosovës (BQK), të hyrat e drejtpërdrejta të parave në Kosovë nga mërgimtarët tanë, vetëm për tremujorin e parë të këtij viti janë 127 milionë euro. Në këtë kohë krize financiare kontributi i diasporës vlerësohet si jetik për vendin tonë thonë analistët të ekonomisë...(Burimi: telegrafi.com)

14.08.2013...Bizneset, letër Bodes dhe Mimës: Rriten kostot prej 1 gushtit, maunet me 1 mln euro, pezull. Kjo sjellje jokorrekte e institucioneve doganore të Kosovës karshi bizneseve shqiptare bëhet me të vetmin qëllim për ti realizuar përfitim dikujt duke përdorur institucionin e shtetin...(Burimi: gazeta-shqip.com)

13.08.2013...Rritja ekonomike europiane stimulon edhe ekonomine e vendit tone. Me 68.2% të tregtisë që kryhet me vendet e Bashkimit Europian, gati 80% të kapitalit të bankave që vjen nga Eurozona dhe pjesën më të madhe të investimeve të huaja direkte që origjinohen nga vendet e BE-së, ecuria e ekonomisë shqiptare është tepër e varur nga çfarë ndodh në Eurozonë...(Burimi: monitor.al)

13.08.2013...Nafta është një nga tregjet më të mëdha në vend, që qarkullon mbi 100 miliardë lekë në vit (llogaritur në bazë të xhiros së kompanive kryesore), apo gati 10% të Prodhimit të Brendshëm Bruto. Dukuria tipike e dy viteve të fundit (2011-2012) ka qenë konsolidimi i disa sipërmarrjeve, konkretisht të atyre që investuan me depozita në Porto Romano (Kastrati + Kaspetrol, Taçi Oil, Europetrol Durrës Albania dhe së fundmi Bolv Oil), dhe rënia e kompanive të tjera të vogla...(Burimi: monitor.al)

13.08.2013...Tatimi mbi të ardhurat, çfarë përjashtohet nga taksimi 10%. Nevoja për të caktuar saktë përjashtimet, vjen në një kohë kur janë një sërë procesesh në vijim si dëmshpërblim i disa kategorive, shpronësime për interes publik. Një ndryshim që kërkonte pasqyrim në udhëzimin e ri, është edhe ai i nismës që ndërmori qeveria për të hequr detyrimin e tatimit mbi të ardhurat për pagat deri në 30 mijë lekë të vjetër. Saktësimi më i mirë i kësaj bëhet edhe në një kohë kur për të dytin vit është plotësuar edhe formulari i deklarimit të të ardhurave personale për individët. Por cilat janë në fakt të ardhurat që përjashtohen nga detyrimi i pagesës së tatimit 10 për qind?...(Burimi: panorama.com.al)

13.08.2013...Kosova synon gazin e Azerbajxhanit. Përfituese nga projekti me investim rreth 40 miliardë dollarë, i cili ka të bëjë me transportimin e gazit nga Azerbajxhani për në Evropë, përveç Shqipërisë mund të jetë edhe Kosova...(Burimi: kohaditore.com)

13.08.2013...Greqia thotë se recesioni i saj i thellë u zbut nga prilli në qershor, por ekonomia e vendit është tkurrur me më shumë se 20 për qind gjatë pesë vjetëve të fundit. Athina tha sot se ekonomia e saj u ul 4.6 për qind në tremujorin e dytë, pasi pësoi një ulje prej 5.6 përqindësh në muajt e parë të vitit...(Burimi: telegrafi.com)

13.08.2013...Financat rishikojnë amnistinë fiskale, përfitojnë edhe bilancet e vitit 2012! Përtej planit dhe parashikimeve, qeveria nuk ka shtyrë thjesht afatin e zbatimit, deri më 31 dhjetor 2013, por edhe kushtet, pra përfituesit. Më parë ishte deklaruar se amnistia thjesht shtyhej në kohë, por mbeteshin të njëjtat rregulla. Kjo bëhej për ti dhënë një tjetër shans atyre që për arsye të ndryshme nuk aplikuan në periudhën kur nisi zbatimin, qershor 2010 mars 2011...(Burimi: gazeta-shqip.com)

12.08.2013...Çdo herë e më i vogël po është numri i ndërmarrjeve të reja. Për vetëm tre muaj dallimi është mbi 19%. Gjatë tremujorit të dytë të vitit 2013 gjithsej janë regjistruar 2504 ndërmarrje, ndërsa në tremujorin paraprak kanë qenë 3101 sosh...(Burimi: gazetaexpress.com)

12.08.2013...Sektori energjetik përbën thembrën e Akilit për Shqipërinë, sepse sa herë ka lëkundje ky sektor, aq herë shkundet dhe buxheti. Prandaj, Banka Botërore në programin e saj për aktivitetin në vendin tonë, në fund të bilancit 6-mujor vlerëson se fokusi tek energjetika duhet të jetë reformimi i sektorit. Kjo duhet të ecë sidomos në drejtim të përmirësimit të furnizimit me energji. ..(Burimi: panorama.com.al)

12.08.2013...Zëvendëskryeministri i parë i Kosovës, Behgjet Pacolli, nuk ka hequr dorë nga ideja për krijimin e një tregu të përbashkët në mes të Kosovës dhe Shqipërisë. Në një intervistë për Epoka e Re, ai ka thënë se shumë shpejtë këtë ide do ta prezantojë edhe para kabinetit qeveritar, në mënyrë që të fillojë implementimi i këtij projekti...(Burimi: telegrafi.com)

12.08.2013...Veriu i Kosovës i ka të gjitha elementet e nevojshëm për të qenë i pavarur ekonomikisht nga Qeveria e Kosovës. Njohësit e ekonomisë, po shqetësohen se në bisedimet Kosovës Serbi, nëse kësaj pjese të vendit i mbeten si njësi të pavarura gjiganti metalurgjik Trepça, Ujmani, Energjetika, Telekomunikacioni dhe Fondi për Veriun, atëherë veriu do të behët një shtet në vete...(Burimi: telegrafi.com)

11.08.2013...OPINION. Kseniya LVOVSKY/ Përfaqësuesja e Zyrës së Bankës Botërore në Tiranë. Duhet vepruar perpara se te filloje stuhia. Megjithatë, rreziku më i madh vjen nga ajo që duket si një situatë e përsosur në një ditë me diell si ajo e udhëtimit tonë, kur liqeni është i mbushur plot me ujë dhe asnjë shenjë stuhie në horizont...(Burimi: gazeta-shqip.com)

11.08.2013...OPINION. Mitro ÇELA. Divorci i çmimit me taksën. Pa taksa tretet ligji i vlerës. Harrohet konkurrenca dhe çmimet lënë pa gjumë miletin. Le të urojmë se kemi një parullë socialiste për të fituar vota, dhe jo një projektligj fiskal për në Parlament...(Burimi: panorama.com.al)

11.08.2013...Kosova, me një rendiment mesatar prej 4,362 kilogramë për hektarë, sivjet ka prodhuar 364 mijë ton grurë. Fushata e korrje-shirjeve të grurit tashmë ka përfunduar në tërë vendin, duke arritur të korrën gjithsej 83,450 hektarë me grurë. Këto të dhëna, sipas zyrtarëve të Ministrisë së Bujqësisë, janë të dhëna të 34 komisioneve komunale, që i kanë raportuar në komisionin qendror për monitorimin e fushatës së korrje-shirjeve, i cili së shpejti pritet të përgatis dhe publikojë edhe raportin përfundimtar për fushatën e sivjetme të korrje-shirjeve të drithërave të bardha...(Burimi: gazetaexpress.com)

11.08.2013...Në Kosovë kamatat për kredi ndër më lartat në botë. Kreditë vazhdojnë të jenë malli më i shtrenjtë në Kosovë, theksojnë ekspertë për çështje ekonomike, sipas të cilëve normat e interesit për kredi, nuk kanë arritur të ulen, pavarësisht faktit se në tregun financiar ka hyrje të reja të bankave komerciale...(Burimi: kohaditore.com)

10.08.2013...Rriten të ardhurat e shtetit nga koncesionet e naftës. Shfrytëzimi i burimeve të naftës duke filluar nga viti 2015, pritet të rrisë të ardhurat e arkës së shtetit me rreth 50%...Burimi: sot.com.al)

10.08.2013...Kriza dhe ndërtimi pa kriter kanë ulur ndjeshëm shitjet dhe çmimet në disa zona bregdetare të vendit. Zona më e dëmtuar është Durrësi, ku çmimet përllogariten të kenë rënë deri në 50% në raport me fillimin e parakrizës. Agjentët këshillojnë se për këdo që kërkon një shtëpi të dytë, ky është momenti ideal për të kapur ofertat...(Burimi: monitor.al)

10.08.2013...OPINION. Arben MALAJ. Detyrimet e prapambetura duhen paguar...Destinacioni i detyrueshëm dhe i kontrolluar i pagesave të prapambetura nga buxheti duhet të jenë shlyerja e detyrimeve ndaj punonjësve, ndaj kredive të këqija dhe i detyrimeve ndaj buxhetit. Kështu, efekti pozitiv në ekonomi rritet. I gjithë procesi duhet të rregullohet me një akt ligjor dhe duhet të jetë plotësisht transparent...(Burimi: panorama.com.al)

09.08.2013...Ministria e Financave harroi udhëzimin për legalizimin dhe faljen fiskale. Rrezikohet të hidhet poshtë nga qeveria e re, ndërkohë që biznesi dhe qytetarë të shumtë e prisnin si ujët e pakët këtë masë të ndërmarrë nga mazhoranca e djathtë këtë vit, me afat të zgjatur deri në fund të dhjetorit 2013...(Burimi: standard.al)

09.08.201 3...Zyrtare, Taçi heq dorë nga ARMO. Shkak, borxhet!? A është Heaney Assets Corporation përfaqësuese e interesave të azerëve? Edhe kjo nuk është ende e qartë, sepse kompania nuk rezulton në asnjë kërkim, nuk ka një profil të sajin në internet dhe nuk dihet se ku është e regjistruar...(Burimi: gazeta-shqip.com)

09.08.2013...Askush spaguan tatim për qiratë. Qiramarrësit e ndërtesave dhe lokaleve po i shkaktojnë humbje të mëdha buxhetit të Kosovës. Pronarë banesash dhe lokalesh, të cilat i lëshojë me qira, pothuajse nuk paguajnë fare tatimin prej 10 për qind, raporton KTv...(Burimi: kohaditore.com)

08.08.2013...Me një investim me vlerë 17 milionë euro Operatori i Transmetimit të Energjisë do të ketë tashmë një sistem të ri të kontrolli. Ky projekt i rëndësishme u realizua nga kompania Italiane ABB. Nëpërmjet këtij projektit modernizohen 14 nënstacionet e OST, në 6 HEC-et që janë në pronësi të KESH dhe 25 nënstacionet e Shpërndarjes...(Burimi: standard.al)

08.08.2013...Në vendin tonë operojnë nëntë fabrika, të ngritura për të ricikluar mbetjet urbane dhe industriale, me leje të qeverisë shqiptare, për synim mbrojtjen e mjedisit. Problemi qëndron te fakti se fabrikat kanë kapacitete të mëdha dhe nuk u mjafton lënda që marrin nga tregu vendas, ndaj, për të justifikuar investimin dhe për të punuar me ritëm të plotë, u duhet të importojnë mbetje nga jashtë...(Burimi: gazeta-shqip.com)

08.08.2013...Një vend pune në bujqësi prej 10 deri në 15 mijë euro. Njëri nga agrobizneset vendore, i cili deri më tash ka arritur të punësojë 35 veta, është edhe qumështorja Eurolona, e cila përmes investimeve të saj dhe granteve që ka marrë nga Komisioni Evropian dhe USAID-i, ka arritur të zgjerojë kapacitetet prodhuese dhe përpunuese...(Burimi: telegrafi.com)

08.08.2013...OPINION. Artur GALANXHI/ Ekspert rural. A është e mundur rritja e të ardhurave nga sektori i Bujqësisë? Rruga e zgjidhjes duhet të shikohet në disa drejtime kryesore, si rritjen e cilësisë dhe eficiencës së investimeve dhe mbështetjes shtetërore, rritjen e sasisë së thithjes së fondeve të BE (Projekti IPARD-like), rritjen e thithjeve të fondeve kredi të buta dhe grante nga Banka Botërore, IFAD, etj. Në rrugën e rritjes së thithjes së fondeve të mësipërme është e domosdoshme një konceptim i ri dhe përdorimi me kriter i mbështetjes, sipas standarteve Europiane...(Burimi: gazetadita.al)

07.08.2013...Autoritetet doganore të Kosovës brenda gjashtë muajve kanë evidentuar 205 raste të kontrabandës me mallra të ndryshme. Vlera e mallit që është ndaluar nga zyrtarët doganorë arrin vlerën prej gjysmë milion euro...(Burimi: kosova-sot.info)

07.08.2013...Gati 80 mijë punonjës në administratën publike të Kosovës. Ata mesatarisht marrin nga 374 euro në muaj për punët që si kryejnë, ose që kryhen nga një përqindje e vogël e tyre. Në rrethanat kur aktualisht në listën e punëkërkuesve janë të regjistruar 265 mijë e 531 mijë persona, kurse lista e atyre që marrin ndihma sociale(tash janë 132 mijë e 626 persona) vazhdon të rritet, punësimi në administratën publike mund të shihet si një zgjidhje...(Burimi: kohaditore.com)

07.08.2013...VEZHGIM. Lorina MIXHA. Shumë kosto, pak punë, shtretër të pashfrytëzuar. Buxheti i qeverisë paguan nga viti në vit kosto më të lartë për spitalet e rretheve, ata që njihen si spitale rajonalë dhe jo për ata bashkiakë. Edhe pse një pjesë e mirë e popullsisë jeton në qytete, përsëri në dhjetëra spitale në vend nuk janë bërë ndryshime për vite me radhë, duke sjellë konsum dhe shpenzime të panevojshme për të paguar administrata ineficiente...(Burimi: gazeta-shqip.com)

07.08.2013...Në dy vjet, ulja 7 herë e normës bazë reflektoi më tepër te bonot, kredia mbetet e shtrenjtë. Në kushtet kur kredia për privatin rritet me 1-2 për qind, nga 50 për qind, në periudhën e parakrizës, vendimet e Bankës së Shqipërisë për të reduktuar kostot e financimit priten me mjaft interes...(Burimi: gazeta-shqip.com)

07.08.2013...Firmat të papërgatitura për ndryshimet ligjore. Nuk zhdoganohen ilaçet. Bode: Ndaloni importin e ilaçeve pa pullën e koncesionarit. Shkresa parandalon importet që nga data 6 gusht, pra nga dje, dhe ka krijuar një situatë kaosi tek importuesit, e cila shumë shpejt pritet të përcillet edhe në treg...(Burimi: panorama.com.al)

06.08.2013...Inflacioni në muajin Korrik pësoi një ulje të ndjeshme në 1.6%, nga 2.3% që ishte në Qershor. Sipas të dhënave të INSTAT, inflacioni ra në nivelin më të ulët prej më shumë se një viti. Indeksi i çmimeve të konsumit pësoi rënie edhe me bazë mujore. Çmimet në Korrik ishin 0.8% më të ulëta krahasuar me Qershorin...(Burimi: scan-tv.com)

06.08.2013...OPINION. Afrim KRASNIQI. Kontrast: Politikanët, pushime familjare me taksat tona. Tek ne shumica e politikanëve flasin për turizmin vendas por vetë pushojnë jashtë vendit, flasin për spitalet tona por vetë kurohen jashtë vendit, flasin për shkollat tona por vetë dërgojnë fëmijët jashtë s